السودان وسيداو: الرد على الإرهاب الديني الإسلامي في السودان..!!

حي الله ول أبَّا كبر ، ياخي بس خفنا الكوع يحمى بينكم و الحبيب منتصر
فبدل نجخِّم نعاين قلنا نخت ليكم جنبنات نظام (Shock Absorbing ) و كدي.
ثم لأنو المادة قانونية تبدو عسيرة الهضم بطبيعة حالها بنحاول كل شوية نكسر حدة
الحدية و بما إني زول(سعية) تحضرني منها نوادر بس أفضى لي. فبمناسبة عراقي
الداجاوي النضيف. معاي كم قفشة بكوجنن ليك في واحدة عشان زمنك و كدي. .

#عمنا دا شغال لياس(زبالة) و الناس ماشين لفاتحة و داير يمش لكن طبعن
مفلس و سروالو مقدود . قام استلف سروال من واحدن مرطب و شب داير يركب
سمفجتو انكطعت ؛ نزل يربطا بي دلقون الجماعة فاتوه. يلا صنقر مدبرسوشو ينعل
قفاه بعد شوية جابو خبرلوريهم انقلب كتل منهم زولنا قام ينطط و يبوس في البرطوش
و يزجي لها آيات الشُّكر. بعداك الناس الجيين يعزو فيهم بلوري تاني قام مروحتو
انكسرت السواق اتصرف قاللهم يا جماعة قربنا لكن العندو تكة لباس يدينا ياها
نربط بيها المروحة نتدرج بيها لامن نصل واحد تكتو ع اجباه اتبرع بها ليهم
برطوها مشوبا شوية مع طلعت أول ترعة انكطعت قامو اتسلفو تكة زول
مثنى فثلاث و رُباع وهاكذا لامن كملو التكك وصلو مكان العزاأم فكو
واحد قاللهم هسي نحن ننزل شايلين الفاتحة ولا ماسكين لباساتنا.