Post: #1
Title: تخيّل لو كان مدني عبّاس نام بالشيك!!
Author: محمد البشرى الخضر
Date: 10-24-2019, 10:45 AM
10:45 AM October, 24 2019 سودانيز اون لاين
محمد البشرى الخضر-العين-الإمارات
مكتبتى
رابط مختصر
الليلة كان كيتة "ضرات" قحت و الثورة المضادة و اللايف بويز ما تدّيك الدرب
وكان دبجت القصائد و الخطب العصماء عن فساد و انتهازية وزراء الإنتقالية و ضعف حمدوك و المطالبة باعفاء فيصل محمد صالح!
أمّا الببغاءات كان هرونا هري بالنقيق و ترديد الهراء
الحمد لله أضانا بردت
شكرا مدني
|
Post: #2
Title: Re: تخيّل لو كان مدني عبّاس نام بالشيك!!
Author: محمد البشرى الخضر
Date: 10-24-2019, 10:50 AM
Parent: #1
دولارات كنانة آبعرفهن لكن عندي احساس كبير أنو شيك سكر النيل الأبيض دا كان شرك ابن ستين في سبعين, من لحظة انطبع و اتوقّع تلقاه اتصور و ملا الواطة و كل "ضرة" محتفظة بي نسختها منتظرين اشعار البنك بالسحب أو تحويل المبلغ عشان يبدوا العزف
|
Post: #3
Title: Re: تخيّل لو كان مدني عبّاس نام بالشيك!!
Author: محمد البشرى الخضر
Date: 10-24-2019, 10:50 AM
Parent: #1
ما عارف تاريخ اجتماعات النيل الابيض متين لكن الشيخ بتاريخ 19 اكتوبر, اجتماعات كنانة كانن بين 20 و 22 و شكله القروش اتسلمن حاضر في نهاية الاجتماعات لكن مدني الحريف كتب خطابه للمالية في نفس التاريخ
|
Post: #4
Title: Re: تخيّل لو كان مدني عبّاس نام بالشيك!!
Author: اسماعيل عبد الله محمد
Date: 10-24-2019, 10:54 AM
Parent: #3
لا يســـــــــــــــــــــــــــــــــــــتطيع,,
تحية سلام وعدالة يا أبا حتوت,,
|
Post: #5
Title: Re: تخيّل لو كان مدني عبّاس نام بالشيك!!
Author: Gafar Bashir
Date: 10-24-2019, 11:03 AM
Parent: #3
يا باشمهندس ياخي كلامك صاح فيما يخص ( المكايدات والغمز واللمز والسوشيال ميديا )
لكن ياخي هل ده المنتظرنو من حكومة الثورة
الان كم مضي من الحكومة
كل النحنا طلعنا بيهو ( مدني رفض شيك بي 18 الف دولار وصوره للعالم كلو )
ياخ اصلا هل ده مطلوب
هل ده هدف
هل دي القضية العظمي الموجودة في وزارة الصناعة عشانها جات الثورة
وين ياخ الاف التراخيص البتطلع من الوزارة ... شنو اتعمل فيها وشنو حصل عليها
وين العقود مع الشركات الاجنبية الاتنهبت .والشغالة لسة.. شنو حصل فيها
وين الاتشالو للصالح العام ... واعادة من كان منهم علي قيد الحية ولا الاتشالو بسبب المشاركة في الثورة
وين قضايا الاختلاسات والفساد المالي وملفاتها ومحاكمها ...
وين قضايا الذهب وجبال عامر
سؤال للصناعة والتجارة ... كيف الجيش عمل مسلخ لحوم ... وكيف اتشكلت شركة حمديتي للحوم اللي مشي باركها
ياخي في مليون سؤال عايز اجابة
يجاوب لينا علي شيئ مافي زول سأل منو
ياخ ما مديننا فرصة زاتو الواحد يدعمهم فيها
واحد مطلع مستند رسمي شوفيني والتانية خايضة ليها في قضية وتبادل اتهامات مع عبدالحي وواحد تالت داخل في مشكلة المريسة حلال ولا حرام وتالت قاعد في وزارة ما قادر يعمل فيها حاجة
وكل القضايا ماشة تاخد طابع شخصي اكثر من ثوري
وكلها ما بتهمنا الان
والبهمنا لحد الان ما سمعنا عنو حاجة
فساد
استرداد اموال
محاكمة مجرمين
رد حقوق ومظالم
ياخي لحد الان ما عرفنا مفقودين القيادة العامة حصل عليهم شنو
|
Post: #6
Title: Re: تخيّل لو كان مدني عبّاس نام بالشيك!!
Author: عمر سعيد علي
Date: 10-24-2019, 01:56 PM
Parent: #5
يا ود البشرى قلبك ابيض . . اها طلعو الراجل بتاع شو . .
يعني كده ووب وكده ووبين . .
|
|