|
|
|
 Re: تخيّل لو كان مدني عبّاس نام بالشيك!! (Re: محمد البشرى الخضر)
|
يا باشمهندس ياخي كلامك صاح فيما يخص ( المكايدات والغمز واللمز والسوشيال ميديا )
لكن ياخي هل ده المنتظرنو من حكومة الثورة
الان كم مضي من الحكومة
كل النحنا طلعنا بيهو ( مدني رفض شيك بي 18 الف دولار وصوره للعالم كلو )
ياخ اصلا هل ده مطلوب
هل ده هدف
هل دي القضية العظمي الموجودة في وزارة الصناعة عشانها جات الثورة
وين ياخ الاف التراخيص البتطلع من الوزارة ... شنو اتعمل فيها وشنو حصل عليها
وين العقود مع الشركات الاجنبية الاتنهبت .والشغالة لسة.. شنو حصل فيها
وين الاتشالو للصالح العام ... واعادة من كان منهم علي قيد الحية ولا الاتشالو بسبب المشاركة في الثورة
وين قضايا الاختلاسات والفساد المالي وملفاتها ومحاكمها ...
وين قضايا الذهب وجبال عامر
سؤال للصناعة والتجارة ... كيف الجيش عمل مسلخ لحوم ... وكيف اتشكلت شركة حمديتي للحوم اللي مشي باركها
ياخي في مليون سؤال عايز اجابة
يجاوب لينا علي شيئ مافي زول سأل منو
ياخ ما مديننا فرصة زاتو الواحد يدعمهم فيها
واحد مطلع مستند رسمي شوفيني والتانية خايضة ليها في قضية وتبادل اتهامات مع عبدالحي وواحد تالت داخل في مشكلة المريسة حلال ولا حرام وتالت قاعد في وزارة ما قادر يعمل فيها حاجة
وكل القضايا ماشة تاخد طابع شخصي اكثر من ثوري
وكلها ما بتهمنا الان
والبهمنا لحد الان ما سمعنا عنو حاجة
فساد
استرداد اموال
محاكمة مجرمين
رد حقوق ومظالم
ياخي لحد الان ما عرفنا مفقودين القيادة العامة حصل عليهم شنو
| |
  
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
محمد البشرى الخضر
اسماعيل عبد الله محمد
عمر سعيد علي
فيس بوك
تويتر
انستقرام
يوتيوب
بنتيريست