|
Re: صورتك الخايف عليها: لمحة انطفت من علاقاتن� (Re: محمد عبد الله الحسين)
|
كانت هناك (مجادلات) ومساجلات بين الشاعرين حسن الزبير و د.احمد فرح شادول بسبب قصيدة حسن الزبير (ان شاءالله القيامة تقوم) ودي ليها قصة كما رواها الراحل حسن الزبير : كان جالس في مكتبه وفجأة دخل عليه احد زملاءه وهو في حالة ارتباك شديد لدرجة انه ماقادر يتكلم .. حسن الزبير ساله مالك ؟ خير !!! في شنو ؟ زميله: ياخي انا عايز اخطب (فلانة) وعايزك تتوسط لي حسن: دقيقة ...دقيقة ، انتوا في الاول متفقين؟ ومتفاهمين على كل حاجة ؟ زميله : ايوة متفقين ومتفاهمين حسن: خلاص باذن الله انا حاكلمها بى رغبتك وبى طلبك دا . وفعلاً في نفس اليوم حسن الزبير كلمها وهي قالت.. فلانة: والله يا استاذ حسن كدي اديني فرصة لى بكرة اشاور اهلي وارد عليك لانو انت عارف المواضيع دي.... حسن: (مقاطعاً) جدا خدي وقتك واديني ردك.
يوم بكرة حسن : اها فكرتي كويس واديتي اهلك خبر ؟ وان شاءالله كلهم موافقين؟ فلانة: (بتردد) ودون ان تنظر في وجه محدثها: والله بصراحة كدة انا فكرت كويس ومن امبارح ما نومتا وبصراحة الزول دا انا ما دايراهو ما بنفع معاي. حسن: (مخلوعا) طبعا دي حياتك انتي واختيارك انتي .. لكن الزول دا عشان ما تحصل ليهو مصيبة انا حاقول ليهو اهلها رسلوا خبر للبلد عشان يشاوروا ابن عمها (الكان خاطبها) ورفض والامور اتعقدت. فلانة: والله طالما الزول دا جاك انت وطلب منك انت .. اتصرف وشوف الطريقة المناسبة عشان تبلغه. - بعد ربع ساعة – دخل زميله وهو اشد ارتباكا وتوترا من الامس وهو يفرك يديه ويرفعهما عاليا ويخفضهما ويلف حول نفسه زميله: اها الحصل شنو ؟ كلمتها؟ وافقت ؟ خلاص ؟؟؟ وقالت شنو .. ردها شنو ؟ وقالت ليك متين ؟ .... حسن: كدي اقعد اقعد روق المنقة.. تشرب شاي ولا بارد ؟ انا في رايي بارد احسن زميله :منقة شنو انا ما بشرب شاي ولا منقة .. وريني قالت شنو وابتدأ يحكحك في رقبته. حسن: امبارح اهلها رسلوا لى ابن عمها الكان خاطب ..... زميله: (وهو يقفز (مقاطعاً) ابن عمها ياتو .. ودا دخلوا شنو ؟ والجابوا شنو ؟ وكان خطبها متين ؟؟؟ ووو حسن : بامانة وصراحة ابن عمها دا يبدوا انه متمسك بيها وانت عارف الــ ... زميله : ضرب الطربيزة بقوة وشتت الورق حق حسن الزبير وهاج (يعني ما حتتزوجني؟؟) حسن: نعم زميله: ضرب الطربيزة مرة تانية ولكن بقوة اشد وقال في حسرة والم شديدين (ان شاءالله القيامة تقوم) والناس تتلخبط كدة و(شبك اصابعه العشرة) ودا مايفرز دا من دا. حسن الزبير التقط جملة (ان شاءالقيامة تقوم) وعمل منها قصيدة مداعبة وهظار لطيف لزميله وكانت سبب في المجادعات والمساجلات بينه وبين احمد شادول يتبع -
|
|
|
|
|
|
|
العنوان |
الكاتب |
Date |
صورتك الخايف عليها: لمحة انطوت من علاقاتنا العاطفية | محمد عبد الله الحسين | 10-10-19, 06:08 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 06:14 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 06:17 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 06:29 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 06:51 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 07:41 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 08:42 AM |
Re: صورتك الخايف عليها: لمحة انطفت من علاقاتن� | ياسر السر | 10-10-19, 09:44 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 10:30 AM |
Re: صورتك الخايف عليها: لمحة انطفت من علاقاتن� | محمد على طه الملك | 10-10-19, 10:35 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-10-19, 07:15 PM |
Re: صورتك الخايف عليها: لمحة انطفت من علاقاتن� | Ahmed Yassin | 10-10-19, 11:18 PM |
Re: صورتك الخايف عليها: لمحة انطفت من علاقاتن� | Ahmed Yassin | 10-11-19, 05:22 AM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-11-19, 06:02 PM |
Re: صورتك الخايف عليها: لمحة انطفت من علاقاتن� | Ahmed Yassin | 10-12-19, 02:48 PM |
Re: صورتك الخايف عليها: لمحة انطفت من علاقاتن� | Ahmed Yassin | 10-12-19, 02:54 PM |
Re: صورتك الخايف عليها: لمحة انطفت من علاقاتن� | Ahmed Yassin | 10-12-19, 03:01 PM |
Re: صورتك الخايف عليها: لمحة انطفت من علاقاتن� | Ahmed Yassin | 10-12-19, 03:01 PM |
Re: صورتك الخايف عليها: لمحة انطفت من علاقاتن� | محمد عبد الله الحسين | 10-12-19, 06:49 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|