|
Re: π منطق اللغة .. و لغة المنطق £ (Re: دفع الله ود الأصيل)
|
سمح هاك النختم ليك الوصلة دي بواحدة و بمش و بجيك: @ الجنا باشري تراهو باقي جناين ويحيد أمو . ترا عايشين بالكفاف.. أها لهمة الكسرة دي يوم بي بصارة ، دُقَّة ملحة و شطيطة يَتِفًّو فوقكــأ بصلة مكادة و يظرطوها يبلعوها بالغسب متل الشي الكعب. و كان لامن غيروا خلااااس علا بي ملاح لوبة و لا أم جنون الويكة بس و القرون و لا ويكاب(Wake-Up) لأنو بِنَعَّس. حيلتم بسمعزاية تقرتن فرد و احدة بحلبوها لي طنوب اللبينة، و دحيش نعير يركبوبو لي (طاحونة الأنيـن). و عندهم حبيبات فتريتة زي اردبين مدفونات في مطمورة في صفاق البيت.
# فيوم أمو مرقت ليها لي ناس بكا . فال جنادا انتهز فرصةغيابا و غفَّّلا ليك قام يتشوبر قلع المطمورة مشى جلب العيشباعو في سوق تمبول. فا جات أمو سعلتو . قال داير يحفرليهم مُسْتُراح (لزوم طلع و فوقو زي الناس) قال يرتاحوساااه من المزازاة بي شدر العَشَر و بُتُّق اللعوت.
# أها قامت أمو لامن جات راجعة لقتو خارب سوبا.فسعلتو قام وراها بالحاصل؛ و هي لسانا سنين قامت زعلت شدشد و قالتلو:" هي و نان يا الخزين الدُخريعشا البايتات ، و مقنعالكاشفا ت ويا البدرج العاطلات، تحين أدبخانتك البدور تحفرا دي تاني بتملاها بي شنو ، و كتين بعت مونتنا و قَمَّحْتنا عدَّمتنا بُتَّابة العيش؟!!
|
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|