اثناء ثورتنا المجيدة لاحظت الثوار يقلعوا طوب الترتوار (الرصيف)عشان يعملوا ترس ! السؤال ليش الرصيف ده اساسا ما يكون صبة ؟ بدلا من الطوب وارهاق الطوب و وزنة الطوب، يعنى تجى شاحنة الأسمنت وهى تتقلب و تكب الصبه و تتخارج ، نفرين يساووها و انتهى الامر. هل التكلفة وراء نظرية الطوب؟
09-15-2019, 05:42 PM
عمر سعيد علي
عمر سعيد علي
تاريخ التسجيل: 08-20-2015
مجموع المشاركات: 885
غلط و غير قانونى. هذا إهدار للمال العام. و صدقنى يا النصرى انا عندى سنين اتمنى القى حجر للتيمم عند الحاجة.. لا يمكن أمد يدى الى الاف الحجارة اللامعة النظيفة التى تزين الميادين وو اجهات البنوك و المؤسسات. لأن هذه الحجارة، رغم أنها فى (السهلة).. إلا ان المؤسسة المعنية دفعت قروش للشاحنات لإحضارها من الوديان و الجبال، ووضعوها فى الخارج لتكون منظرا مريحا للناظر و ليس سبيل للمارة. إن شاء الله أتمكن الذهاب للخلا فى جبال بنسلفانيا اجيب منها.. هذه حقيقة و ليست مبالغة.. تنظر الى الله و لا تنظر الى سهولة الحصول على الأشياء.
تحياتى
09-15-2019, 05:47 PM
Asim Ali
Asim Ali
تاريخ التسجيل: 01-25-2017
مجموع المشاركات: 13493
سلام عليكم اخ النصرى غايتو يمكن البحصل لحكمه ما .فشوارع الزلط واطاراتها من ارصفه منتهكه بالحفر المستمر .الشارع تلقاهو جديد يحفرو ناس الاتصالات لتمديد الكوابل(لغايه قريب كانت بشكل مزعج لدرجه الناس يتندروا فيهم انهم لهمقرابه بالفئران) وناس المويه يحفرو حفره كبيره عشان ماسور ضاربه وهكذا ... اعتثد اول شىء عمليه سلامه الشوارع اسفلت ورصيف مابتتحقق الا لو كان فى اعاده تخطيط وعمل مجارى ثابته لتمديدات (الخدمات عموما) والتصريف حتى يمكن اجراء اى صيانه من دون حاجه لحفر تحياتى
اهلا ابريش من ضمن ال obsession الذى اعيش الايام دى متابعة عمليات ال landscaping.. لمن القى عمال شغالين landscaping اجد نفسى متسمر احاول افهم كيف يتقنون هذه العملية الجمالية ؛ اتمنى فى السودان و بعد الثورة المجيدة تزدهر اعمال ال landscaping و تظهر شركات تطبق احدث التكنولوجيات.
اهلا عاصم ان شآء الله زمن الفوضى انتهى ؛ تانى مافى اى عمل او مشروع حكومى يتم بدون دراسات علمية كاملة... الله يلعن الإنقاذ جابت الفاقد التربوي و ادتهم صلاحيات يعوسوا و يصوتوا فى البلد.
واحدة من المعدات المحيرانى و اتمنى تصل السودان ماكينة توصل المواسير تحت الارض دون تحفر الارض ...يعنى لو عاوز توصل كيبل يقطع شارع الزلط ، هذه الماكينة تقوم بالمهمة دون تخريب الزلط... حاجة عجيبة جدا ؛ كلما أراها شغالة فى الشارع بقيف و اتفرج ....
فى حاجة مهمة جدا ؛ شركات التامين لازم تنشط فى الفترة الجاية لأن كل خطأ لازم تحصل محاسبة و بالتالى غرامات و تسويات ..يعنى لو سيارتك وقعت فى حفرة فى شارع الزلط ترفع قضية ضد البلدية مطالب بتعويض نتيحة لخطأ و اهمال من الحهات المعنية
حاجة تانية تشغلنى هذه الايام، قبل سنوات بدات بمشاهدة مسلسل كوميدى امريكى اسمه The Big bang theory و يحكى عن علماء فيزياء شباب لديهم مشاكل اجتماعية . احد أبطال المسلسل دكتور فى الفيزياء الكمية Quantum Physics وهى حاجة لم اسمع بيها من قبل .
لن انسى ابدا فى إمتحان الشهادة السودانية احرزت 18من 100فى الفيزياء..كانت ولازالت عقدة مستعصية ... المهم بعد مشاهدة المسلسل ظهر عندى فضول بالفيزياء الكمية. لشقاوتى ؛ عرض الفيسبوك مرة فيديو قصير يشرح هذه النظرية ..شاهدت الفيديو كامل و من ديك و عيك ..الفيسبوك شبكنى ليك فيديوهات تتعلق بهذا النوع المعقد من الفيزياء.. دلوقت و بعد مشاهدة عشرات الفيديوهات بديت افهم شوية خالص عنها ...و كيف ان هذه الموجات تتحرك بعشوائية أشبه بالفوضى ..و ان الكون كله يعمل وفق هذه النظرية حاجة فعلا fascinating
ما كنت متخيل انى يوم من الأيام افكر فى حاجة زى دى !!!!
09-18-2019, 04:55 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 28093
مدينة الخرطوم بكاملها يجب نقلها من مقرها الحالي .. وتأسيس عاصمة سودانية حديثة .. وترك الخرطوم لتكون عاصمة أقتصادية .. حصل في عدة دول .. في جوارنا .. تشاد نقلت العاصمة من أبشي إلي مدينة أنجمينا ... نيجريا نقلت العاصمة من لاقوس إلي أبوجا .. الولايات المتحدة نقلت العاصمة من بنسلفينيا إلي واشنطن . دي سي.
مدينة الخرطوم ليس لها بنية تحتية حديثة .. يعنى لو كان هناك تصريف ما كان تغرق كل سنة .. كما أن مياه الصرف الصحي تختلط بالمياه الجوفية .. مما يسبب كثير من الأمراض ..
قبل سنوات الدكتور بشرى الفاضل عمل بوست هنا عن ضرورة نقل العاصمة من الخرطوم.
مافى مدينة حديثة فى العالم كله مافيها مصارف صحية ، الخرطوم من المستحيل تصميم مصارف صحية الا تهدها كلها و تبنيها من جديد ؛ اذن من الافضل تركها فى حالها و بناء مدينة جديدة فى مكان جديد
سلامات التصري في كندا في مدينتك عاملين شنو لتغطية الرصيف؟ ما اظن صبة بالطريقة القلتها دي يمكن بلوكات او بلاط شكلها مختلف عن الانترلوك لكن قطعا ليس صبة قطعة واحدة كدي شوف و ادينا خبر
اهلا ود البشرى... عملية تشييد الرصيف دى شاهدتها زى مليون مرة والله مرات يتخايل لى انى بقيت خبير فيها ... اول حاجة ..الرصيف عند التقاطع بين شارعين بكون دائرى او curve ... اول حاجة تجى الكراكه تكسر الرصيف القديم ويحملوه فى شاحنات الى مناطق معينة لإعادة إنتاجه.
بعد كده يجوى شباب يشتغلوا شغل خشب وهو فى نظرى نوع من السحر عديل .. مثلا الرصيف عرضه متر و طوله مئة متر ... الرصيف نفسه عبارة عن حفرة يغطوها بانواع معينة من الرمال او الحصحاص و تكون متساوية فى الارتفاع ..الخشب يكون حاجز الرصيف من الجهتين و عند التقاطع مع الشارع الاخر الخشب يكون بانحناء .. المهم ..الظاهر فشلت فى وصف المشهد... تجى عربية الخرصانة و تبدا تكب الخرصانة فى الحفرة (الرصيف)
ياخ دى عملية مستحيلة..غلبنى و الله أوصف الفلم ده رغم انى شاهدته مليون مرة
Quote: مدينة الخرطوم بكاملها يجب نقلها من مقرها الحالي .. وتأسيس عاصمة سودانية حديثة .. وترك الخرطوم لتكون عاصمة أقتصادية .. حصل في عدة دول .. في جوارنا .. تشاد نقلت العاصمة من أبشي إلي مدينة أنجمينا ... نيجريا نقلت العاصمة من لاقوس إلي أبوجا .. الولايات المتحدة نقلت العاصمة من بنسلفينيا إلي واشنطن . دي سي.
مدينة الخرطوم ليس لها بنية تحتية حديثة .. يعنى لو كان هناك تصريف ما كان تغرق كل سنة .. كما أن مياه الصرف الصحي تختلط بالمياه الجوفية .. مما يسبب كثير من الأمراض ..
دي مش عاصمة دي قرية كبيرة .. خرابة كمان
بريمة
يعني يعملوا عاصمة سياسية جديدة للناس السياسين يتضرعوا ساكت
ويخلوا ناس العاصمة التجارية وهم 90 في المية من سكان الخرطوم في خبوبهم؟
09-18-2019, 08:32 AM
Asim Ali
Asim Ali
تاريخ التسجيل: 01-25-2017
مجموع المشاركات: 13493
السلام عليكم قصه نقل العاصمه شىء غير عملى ولايعالج الامر الاهم هو العقليه حتستمر فى الذهاب والاقامه حتى فىى العاصمه الجديده. القضيه قضيه تنميه متوازنه. وعشان ماتعيد تحطيط العاصمه (السياسيه) بشكل عصرى نركز على تنميه المدن الاخرى على اساس العواصم النوعيه حسب نشاط كل ولايه/اقليم بالتالى مافى حاجه اسمها مركز كل ولايه هى مركز نوعى السودان.من عاصمه /عواصم زراعيه الى ثقافيهوفنيه الى صناعيه (حتى الصناعه ممكن تكون كذا عاصمه عاصمه صناعات ثقيله وعاصمه صناعت مرتبطه بانواع من الصناعات الخفيفه ) الى عاصمه سياجيه......الخ لما تركز انك تشجع وتسهل لاصحاب الانشطه النوعيه اقامه انشطتهم على الاساس وتطوير الخدمات من تعليم وصحه ...الخ . تلقائيا حتلقى العاصمه السياسيه اصبحت طارده لكل واصبحت السودان كلو مناطق جذب وفرص مهنيه تعيد توزيع وتشكيل الخارطه السكانيه من دون احساس ب(التهميش). الخلاصه بدل تضييع القروش لتاسيس عاصمه للسياسيين اصرفو القروش على التنميه لكل السودانوالسياسييين انشاء الله تتقلص العاصمه ليهم تبقى فى حدود الاولى الزمان مافى مشكله.. فى امريكا جيترويت ولوس انجلس وميامى ونيويورك و..... واخيرا واشنطن وشوف كل واحده ونشاطها
09-18-2019, 11:43 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
لا يا نصري الدرايف واي و الرصيف ليسوا نفس الفكرة في الاول لازم يتصمم بطريقة تتحمل الاحمال المتوقعة عليه من سيارات و ربما شاحنات إن اضطر الوضع عكس الرصيف البتصممه دايما على مشاة وفي اسوأ الاحوال دراجات هوائية اعتقد المسالة ليها علاقة بالجدوى الاقتصادية و التكلفة ما ممكن تصب خرصانة مترها المكعب بالشي الفلاني لمقابلة حمل مشاة عادي يتحمله البلوك و البلاط و الانترلوك بسهولة
يا ود البشرى واضح انى فشلت فى وصف الحاصل بطريقة سليمة .. اوكى ؛
الرصيف طبعا اعلى من الظلط بحوالى ستة بوصات ...يعنى الخشب الذى يحاوط الرصيف طوله سته بوصات....ارضية الرصيف اعتقد تتكون من عدة طبقات ...واحدة حصحاص رنصف بوصة ووفوقه حصحاص نصف بوصة واظن فى الاخر (قبل الصبة) يكبوا رملة ..بعد كده تجى ال roller و تمشى فيهو عدة مرات .اخر خطوة تجى عربية الصبة (الخرصانة) و تغطى اخر 2 بوصة الصور توضح الفكرة احسن ....
Quote: واحدة من المعدات المحيرانى و اتمنى تصل السودان ماكينة توصل المواسير تحت الارض دون تحفر الارض ...يعنى لو عاوز توصل كيبل يقطع شارع الزلط ، هذه الماكينة تقوم بالمهمة دون تخريب الزلط... حاجة عجيبة جدا ؛ كلما أراها شغالة فى الشارع بقيف و اتفرج ....
مكنات الحفر الأفقي دي موجودة. وبتذكر قبل سنوات تم استخدامها لتوصيل كيبل سوداتل تحت شارع د. سلمى في امدرمان بدون حفر الشارع وكنت موجوداً أثناء عملها.
09-20-2019, 11:54 AM
Amira Hussien
Amira Hussien
تاريخ التسجيل: 11-26-2016
مجموع المشاركات: 1730
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة