Post: #1
Title: أُرشح الكنداكة آمنة مختار لوزارة البنية التحتية والنقل
Author: أبوبكر عباس
Date: 09-06-2019, 01:09 AM
01:09 AM September, 05 2019 سودانيز اون لاين
أبوبكر عباس-الإمارات
مكتبتى
رابط مختصر
وهي غنيّة عن التعريف
علم في رأسه نار
أتمنى أن تقع أعين قحت وحمدوك على هذا البوست
|
Post: #2
Title: Re: أُرشح الكنداكة آمنة مختار لوزارة البنية ا
Author: أبوبكر عباس
Date: 09-06-2019, 01:13 AM
Parent: #1
أرجو من الصديق هاشم إرسال رابط البوست لخاله السيادي حسن شيخ إدريس
* صورة لبلال الطاهر
|
Post: #3
Title: Re: أُرشح الكنداكة آمنة مختار لوزارة البنية ا
Author: أبوبكر عباس
Date: 09-06-2019, 01:15 AM
Parent: #2
كلنا في المجد والآمال شرق
|
Post: #4
Title: Re: أُرشح الكنداكة آمنة مختار لوزارة البنية ا
Author: أبوبكر عباس
Date: 09-06-2019, 01:44 AM
Parent: #3
أرجو من مشاهير الفيسبوك أمثال أمين نوتة (عشرة ألف متابع) ودينا خالد (حداشر ألف متابع) دعم حملة ترشيح الكنداكة آمنة بالفيس.
شعار الحملة:
كلنا في المجد والآمال شرق
|
Post: #5
Title: Re: أُرشح الكنداكة آمنة مختار لوزارة البنية ا
Author: امتثال عبدالله
Date: 09-06-2019, 05:12 AM
Parent: #4
وانا اثني الاقتراح،،،فالاستاذة امنة مختار مواقفها كانت صلبة ضد نظام اللصوص والحرامية
وهي جديرة ان تتولى المسؤولية في هذه الفترة ...
|
Post: #6
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-06-2019, 05:18 AM
Parent: #1
وما هي مؤهلات المواطنة دي في مجال البنية التحتية والنقل ؟!
|
Post: #7
Title: Re: أُرشح الكنداكة آمنة مختار لوزارة البنية ا
Author: Mahjob Abdalla
Date: 09-06-2019, 05:54 AM
Parent: #6
| Quote: وما هي مؤهلات المواطنة دي في مجال البنية التحتية والنقل ؟! |
مؤهلات لوضع خطط و توفير الميزانية اللازمة لتنفيدها و متابعة عمليات التنفيذ خطوة بخطوة حتي لا تنتهز الكدايس السمينة الفرصة لنهب الميزانية.
يعني مثلا تقولي عايزة طرق مرور سريعة بقدرة اربع ممرات (2 لكل اتجاه) من الخرطوم في الاربع اتجاهات. تعملي دراسة الجدوى و تمشي وزارة المالية و تقيفي للسيد البدوى انو ما في شيك يتمضي قبل شيكاتك.
تشيلي شيكاتك و خيمتك و معاها انفينيتي مكندش عشان تسكني في الهاى وي و تتابعي التنفيذ.
المهندس المسئول يسلمك المشروع مكتمل و تمشي تودى التقرير لمجلس الوزراء و بعد نهاية التقرير توروري للسيد البدوى و تقولي ليهو: بكرة جاييك بمشاريع جديدة, خليك واقف قنا.
|
Post: #8
Title: Re: أُرشح الكنداكة آمنة مختار لوزارة البنية ا
Author: بلال الطاهر
Date: 09-06-2019, 06:31 AM
Parent: #7
كنا دايرين ليك وزارة سيادية, بس عشان نشوف آخرة حمدوك شنو
برضو أثني وزيادة كمان
|
Post: #9
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-06-2019, 07:39 AM
Parent: #1
Quote: مؤهلات لوضع خطط و توفير الميزانية اللازمة لتنفيدها و متابعة عمليات التنفيذ خطوة بخطوة حتي لا تنتهز الكدايس السمينة الفرصة لنهب الميزانية.
يعني مثلا تقولي عايزة طرق مرور سريعة بقدرة اربع ممرات (2 لكل اتجاه) من الخرطوم في الاربع اتجاهات. تعملي دراسة الجدوى و تمشي وزارة المالية و تقيفي للسيد البدوى انو ما في شيك يتمضي قبل شيكاتك.
تشيلي شيكاتك و خيمتك و معاها انفينيتي مكندش عشان تسكني في الهاى وي و تتابعي التنفيذ.
المهندس المسئول يسلمك المشروع مكتمل و تمشي تودى التقرير لمجلس الوزراء و بعد نهاية التقرير توروري للسيد البدوى و تقولي ليهو: بكرة جاييك بمشاريع جديدة, خليك واقف قنا. |
يا محجوب ياخي طيب ما تمسكها إنت.. تعال نصبها ليك ونولع ليك بخور جاولي بدل لستك هههه
رؤيتك واااضحة ماشاء الله..
طبعا محيراني الحيرة في مرشح من الشرق دي..
كدا أوحوا للرأي العام كأنه الشرق يخلو من الكفاءات..ودي جريمة في حق الشرق بحد ذاتها.. شخصيا سأحرص على أن لا ننسى ولا نغفر !!
طبعا زمااان ناس قحت طلبوا من قيادات الشرق (الحقيقيين) يرسلوا ليهم قوائم مرشحين..
أها القوائم دي فيها نساء وشباب مناضلين وكفاءات تسوي وي وي وي..
كرفسوها ودوها وين ؟!!
غايتو أنا متأكدة إنه حمدوك ما شافها..
تشكروا أبكر وامتثال ومحجوب وبلال على العشم.
غايتو أنا لو كنت برضى بالتعيين كان أخير لي السيادي.. أهو مجلس عواطلية أقعد أواصل تظبيط مشاريعي الأدبية والبحثية والسياسية..
والشاي والجبنة وكل الرفاهيات تجيني لغاية عندي..
وكمان ممكن أحنك ليكم حميدتي.. بما إني بفهم ثقافته ولغوته وكدا..😂😁
نحن قوم لا توسط عندنا
لنا الصدر دون العالمين أو القبر
|
Post: #10
Title: Re: أُرشح الكنداكة آمنة مختار لوزارة البنية ا
Author: Yasir Elsharif
Date: 09-06-2019, 08:00 AM
Parent: #9
سلامات يا أبو بكر
أثني اقتراحك بشدة
والتحية للأخت آمنة وأفتكر أنها مؤهلة تماما لوزارة البنى التحتية والنقل.
|
Post: #11
Title: Re: أُرشح الكنداكة آمنة مختار لوزارة البنية ا
Author: أبوبكر عباس
Date: 09-06-2019, 08:50 AM
Parent: #10
سلام لآمنة، محجوب، امتثال وياسر،
السياسة يا آمنة هي فن الممكن، ما معقول التطرف في المواقف دا؟!
قالوا الشيوعيون وقعت بيهم طيارة في جزيرة نائية، طلعوا من الطيارة وبعد اتنفضوا من الطين وفطروهم، سألوا ناس الجزيرة:
الحاكمكم منو؟
ناس الجزيرة قالوا ليهم: ما عندنا حكومة عايشين ساكت
رد الشيوعيين: برضو نحنا معارضة
|
Post: #12
Title: Re: أُرشح الكنداكة آمنة مختار لوزارة البنية ا
Author: محمد على طه الملك
Date: 09-06-2019, 09:52 AM
Parent: #11
أثني
بعدين يا أمونة الوزير ما ضروري يكون متخصص في المجال ..
وبما أنها وزارة إنشاءات عايزين زول من الهامش لأنها الأكثر حاجة للبنيات التحتية ..
المسائل الفنية والهندسية والتنفيذية والاشرافية دي بقوموا بيها مهندسي الوزارة والشركات المنفذة..
فقط يكون عندك تيم استشاري هندسي إداري قانوني نجيض .
|
Post: #13
Title: Re: أُرشح الكنداكة آمنة مختار لوزارة البنية ا
Author: Abdullah Idrees
Date: 09-06-2019, 01:23 PM
Parent: #12
امنة تصلح لاي منصب يحتاج لصرامة وعدم مجاملة
كل شركات الطرق الاشتغلت في فترة الانقاذ دي "مكانا السجن"
لو كان بعينو ناس زيها مافي طريق بشيلو السيل ولا كبري تقرقرو الفيران
والمقاول لمن يكون متأكد من الحساب بنفذ اي مشروع زي ما قال الكتاب
احيانا القدرات الادارية او القيادية بتكون اهم من القدرات الفنية
|
Post: #14
Title: Re: أُرشح الكنداكة آمنة مختار لوزارة البنية ا
Author: احمد حمودى
Date: 09-06-2019, 01:29 PM
Parent: #13
اثنى الكنداكة وبقوة امونة انتهى
|
Post: #15
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-07-2019, 06:01 AM
Parent: #1
سودانا ون
طرح رئيس الوزراء رؤيته و وجهة نظره حيال اختيار فريقه من الكفاءات الوطنيه بحيث يشمل التشكيل الأبعاد المناطقيه والجيليه والنوعيه من قوي الثوره
وبالرغم من أن للطرح مايبرره الا ان ماننتظره منه هو سياساته وسياسات وزرائه التي يجب أن تخدم أهداف الثوره ومنها
1_تفكيك النظام السابق
2_ارساء دعائم النظام الديمقراطي المنسود
3_ارساء السلام العادل الشامل
ولذا ليس ذا اهميه ان يتم التشكيل وفقا لما طرح رئيس مجلس الوزراء ..
ولكن من باب التخصيص نرى ان وزارة البني التحتيه وهي الوزاره التي يتوجب عليها الاطلاع بالنقل والطرق.. لابد من تخصصها لكفاءة من ولاية البحر الأحمر وهذا الرأي لايأتي من فراغ فالمعروف ان كل مؤسسات هذه الوزاره مركزها ولاية البحر الأحمر او ان أعمالها تبداء من ولايه البحر الأحمر فولايه البحر بها
1.موانئ هيئة الموانئ البحريه..
2. شركة الخطوط البحريه السودانيه
3. يبداء من عندها النقل البري بالشاحنات والسكه الحديد.. ويعتبر طريق بورتسودان الخرطوم البري او الحديد أطول الخطوط وأهمها في حركة الصادر والوارد التي تؤثر على الإنتاج القومي
نعتقد ان ترشيح التجمع الشعبي و اختيار رئيس الوزراء للباشمهندس هاشم طاهر شيخ طه للوزارة المعنيه قد صادف من هو اهلا للإطلاع بالمسئوليات الجسام في هذه الوزارة والتي لابد من البدء فيها بالتالي
1. اعادة النظر في إداراتها و هياكلها الوظيفيه والراتبيه
2. مراجعة وتعديل قوانينها ولوائحها الماليه والاجرائيه.
3. مراجعة التعديلات التي أجراها النظام البائد على إجراءات العمل في هذه المؤسسات مما مكن له القيام بتصفية بعضها واضعاف أخرى وتدمير كافة البنيات التحتيه لهذه المؤسسات
اننا في البحر الأحمر وتحالف التجمع الشعبي نضع نصب أعيننا أهداف الثورة وفي دعمنا للباشمهندس هاشم طاهر ندرك ان حجم المسئوليات في الفتره الانتقاليه يتطلب تظافر الجهود الجماعيه لإنقاذ بلادنا مما لحق بها من تخريب
|
Post: #16
Title: Re: أُرشح الكنداكة آمنة مختار لوزارة البنية ا
Author: علي دفع الله
Date: 09-07-2019, 07:22 AM
Parent: #15
المستنييير والله ليك وحشة
طبعا اول من قالوا كفاءات اتذكرتك ورب المجرات
طق طق لاقيت مولانا التاج وساطع وبولاد وعم صديق
حتى بالامارة كانت مريم الصادق قاعدة ابيت اتكلم قدامها ما عارف لي شنو
المهم بعد مشت طوالي كلمتهم بيك ونجرت ليك CV عالطاير وقلت ليهم الراجل
دا خبير بعران وبعرف الباشندي من العنافي
ورجل جميل ولسع شباب بس عيبو عندو علاقة بي شيوخ الخليج
المهم اظنهم ما عبروك
لكن لسع مكانك شاغر لو ما جبتك وكيل وزارة او مدير عام مسالخ السودان ما برتاح
يلا سمعنا صوتك رقمك راح مني
00249912856775
-------
اثني ترشيح الراكزة بت مختار
والله بتشبه التوزير
|
Post: #17
Title: Re: أُرشح الكنداكة آمنة مختار لوزارة البنية ا
Author: Salah Zubeir
Date: 09-07-2019, 07:50 AM
Parent: #16
| Quote: لو ما جبتك وكيل وزارة او مدير |
تاني قمنا للتمكين ...
لجنة الانترفيو تناقش معاهو ال CV وتفتشو مهنيا
وقبل كدا امتحان تحريري ... امكن خطو كعب ...
البلد دي تاني ما فيها توصية لي طالبي الوظائف
من الرفيق (شيخي) فلان ولا علان عشان يركب
مدير ولا وكيل ... مع العلم التام بتأهيل المستنير
واستحقاقه لأي وظيفة في الحكومة ...
لو عايز تخدم المستنير شوف ليهو ١٠٠ فدان جهة
الدالي والمزموم خليهو يعلمكم تقنية المزارع
الحديثة ...
صاحبي علي رقم الأنواء كيفنك ...
|
Post: #18
Title: Re: أُرشح الكنداكة آمنة مختار لوزارة البنية ا
Author: أبوبكر عباس
Date: 09-07-2019, 08:39 AM
Parent: #17
والله زمان يا علي أبلمبة، بقيت تخت تلفونك في العام؟!!
أنا بعد جلّ مني منصب رئيس الوزراء بقيت زاهد في الحكومة،
أنا ببلاد العم سام والتلفونات من هنا بالدولار،
بعد أرجع بلاد العالم الثالث، بتصل عليك يا مناضل
|
Post: #19
Title: Re: أُرشح الكنداكة آمنة مختار لوزارة البنية ا
Author: Mohamed Adam
Date: 09-07-2019, 08:57 AM
Parent: #17
العود احمد يا دكتور..
اثني ترشيحها.
الأستاذة آمنة مختار الواحد يحترمها والله لإنها إنسانة راسها مليان علم وزي
مايقولوا راسها حلة وسوق.
بس تعمل ستين حساب من صاحبتها, المشاترة, عشان ما تقوم تعمل ليها Interferance في شغلها!!
|
Post: #20
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-09-2019, 00:11 AM
Parent: #1
اذا كانت فعلا حكومة كفاءات فاعتقد انه في شرق السودان لا يوجد شخص كفاءة وصاحب تاريخ نضالي مشهود له من الجميع اكثر من السيد النائب حامد ادريس سليمان لوزارة البنى التحتية .
صارع بمقدراته العلمية والادارية ليصبح مديرا لمشروع حصاد المياه ولاية الخرطوم خلال عامين فقط ودورات علمية خارج السودان وداخله واكتسب خبرة كبيرة في عمل المؤسسات التنفيذية والتشريعية في واشنطون واربعه ولايات امريكية اخرى بدعوة من السفارة الامريكية ، وبمقدراته السياسية وقبوله لدي المجتمع خاض لوحده صراعات في المجلس التشريعي وساهم مع المجتمع في مبادرات كثيرة .
حامد يعتبر اول سكرتير لمركزية طلاب مؤتمر البجا وامين اعلامي لجبهة الشرق وقيادي ضمن تيار التواصل ساهم بدور كبير على تشجيع اهالي شرق السودان للإنضمام لثورة ديسمبر المجيدة .
فقد كان حامد ابرز المرشحين والافر حظا لتمثيل شرق السودان في مجلس السيادة الا ان زهده عن المناصب ونصائح المقربين منه ادت لأنسحابه حسب ما يشاع .
حامد ادريس اكثر شخصية وفاقية ويتفق عليها كل مجتمع شرق السودان .
كتب منيب سلمان
#حامد_ادريس_سليمان_خير_من_يمثل_الشرق
منير تيتة
|
Post: #21
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-09-2019, 00:23 AM
Parent: #1
الزملاء الأعزاء /
د. ياسر
مولانا الملك
عبد الله إدريس
أحمد حمودي
علي دفع الله
محمد آدم
تشكروا على العشم.
وترشيحكم براه قلادة حول عنقي.
بس شخصيا من النوع البؤمن (جدددا) بالتخصص.
يعني زي ما إحتجيت إنه مدني غير ملائم لوزارة التجارة والصناعة.. فبالتأكيد وزارة هندسية زي دي غير ملائمة
بالنسبة ل(تخصصاتي )...فاهم يعني شنو (تخصصاتي)... يا الإسمك منو كدا الزبير...😂
|
Post: #22
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-09-2019, 00:28 AM
Parent: #1
Quote: البلد دي تاني ما فيها توصية لي طالبي الوظائف
من الرفيق (شيخي) فلان ولا علان عشان يركب
مدير ولا وكيل .. |
منو القال ليك.. خلاص قمنا لتزوير التاريخ ؟!
بسم الله لسه ما بقينا اليابان وللا ألمانيا ..
الرعيل الأول بتاع بيتي وبيتك وشيخي وإمامك وشلتي وشلتك وقبيلتي وقبيلتك ومنظمتي ومنظمتك لسه ما إنقرض..
|
Post: #23
Title: Re: أُرشح الكنداكة آمنة مختار لوزارة البنية ا
Author: Haytham Ghaly
Date: 09-09-2019, 05:32 AM
Parent: #22
اثني بشدة
يا امونة ياخ تخصص شنو ومؤهلات شنو
كل المؤهلات المطلوبة الان انك تكوني ما كوزة وانتي حاشاك
تصدقي قبل فترة طقش اضاني دي كلام انو حمدوك بفتش لي كفاءة من الشرق عشان التمثيل الجغرافي وكدة
قلت في سري انتو حمدوك دا عميان وللا شنو!!!؟؟؟
|
Post: #24
Title: Re: أُرشح الكنداكة آمنة مختار لوزارة البنية ا
Author: Salah Zubeir
Date: 09-09-2019, 06:44 AM
Parent: #23
| Quote: فاهم يعني شنو (تخصصاتي)... يا الإسمك منو كدا الزبير...😂 |
شكلك تخصصاتك زي صاحبتك ... مالو ... برضو بتنفعي ...
منو كدا دي شنو ... غالبك تقولي صلاح !! ...
عايزه تعملي لي فيها واو ضكر ... انا بحاسب بالكلمة ...
باصسي البي هناك بعتذر بشده عليهو وارحكاكي ...
|
Post: #25
Title: Re: أُرشح الكنداكة آمنة مختار لوزارة البنية ا
Author: Salah Zubeir
Date: 09-09-2019, 06:49 AM
Parent: #24
| Quote: خلاص قمنا لتزوير التاريخ ؟! |
تاريخ شنو يا وهم ... الناس ديل حلفو القسم أمس ...
|
Post: #26
Title: Re: أُرشح الكنداكة آمنة مختار لوزارة البنية ا
Author: بدر الدين الأمير
Date: 09-09-2019, 07:04 PM
Parent: #25
| Quote: اذا كانت فعلا حكومة كفاءات فاعتقد انه في شرق السودان لا يوجد شخص كفاءة وصاحب تاريخ نضالي مشهود له من الجميع اكثر من السيد النائب حامد ادريس سليمان لوزارة البنى التحتية . |
آمنة مختار
تاملى ياصديقتى :
وزير الداخلية من الجزيرة
وزيرة التعليم العالى من الجزيرة
وزير الاعلام من الجزيرة
وزير الطاقة والتعدين من الجزيرة
وزيرة الشباب والرياضة من الجزيرة
وزير التربية والتعليم من الجزيرة
تنهدات : ياود عباس خلاص الوزارات كملت (باباح)
نحن نجتهد فى ترشيح امنة مختار والي للبحر الاحمر
|
Post: #27
Title: Re: أُرشح الكنداكة آمنة مختار لوزارة البنية ا
Author: عبدالعظيم عثمان
Date: 09-09-2019, 07:40 PM
Parent: #26
ليتهم فعلوا
آمنة مختار زولة دغرية وحتعبر عن الثورة صحي صحي
لكنهم لن يفعلوا ، الموضوع فيه كمية فوضى بشأن التوازنات
من الصعب حسمه بالطريقة التي تعمل بها لجنة الترشيحات
في الحرية والتغيير.. عشان كدا خليهم يخلصوا ويكملوا الحكومة
باي صيغة او طريقة،
يحلنا الحل بلة من الامام
الجاي أصعب حسم تشكيل حكومات الولايات هو التحدي الأكبر
وإذا استمروا بس طريقتهم دي تبقي مصيبة وحلت على أهل الولايات
|
Post: #28
Title: Re: أُرشح الكنداكة آمنة مختار لوزارة البنية ا
Author: هاشم الحسن
Date: 09-10-2019, 06:15 AM
Parent: #27
آمونة لو ترضى..
وبالله شوف، لا وزارة بيئة مستقلة ولا آثار..
لكن الحكومات ما وزارات بس..
====
| Quote: قلت في سري انتو حمدوك دا عميان وللا شنو!!!؟؟؟ |
عميانة لجان الترشيحات يا هيثم..
وهذا العمى، باعتبار كل الظروف الموضوعية المعروفة، عمى مفهوم، نرجو أن يكون غشاوة مؤقتة
وتزول بزوال عبء التفاوض والاستعجال لتشكيل الحكومة.. يشمو شوية نفس يعني!
لكن شوف كلام عبد العظيم الفوق دا.. كله صاح..
====
تعرف يا عبد العظيم، بخصوص الولايات؛
هناك يرقد لهم دابي الكيزان بسموم الفتن والتفشيل. الله يستر!!
أمس كتبت عن الموضوع دا في الفيسبوك..
الحل.. حتى حين حل دستوري وانتخابات.. هو:
حكام الولايات من غير أبنائها.. لا وزارات ولا وزراء.. ولا هيلمانات.
مدراء عاميين لكل ما كان وزارة، ومدراء لكل مصلحة ومؤسسة فيها،
وكفى الله السودانيين شر القتال.
وكمان قد تعود للخدمة المدنية بعض شخصيتها..
غير كدا وبهذا التخبط الشايفو.. ياها المصائب، مش مصيبة واحدة..
|
Post: #29
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-16-2019, 01:52 AM
Parent: #1
الأعزاء :
هيثم غالي
ود الأمير
عبد العظيم
هاشم الحسن
تشكرون على العشم.
في الحقيقة تسنم أي وزارة أو منصب في العهد الإنتقالي.. ليس من أولوياتي حاليا.
إنتو بس أدعو لي للتوفيق في مشاريعي الخاصة 🌹
|
Post: #30
Title: Re: أُرشح الكنداكة آمنة مختار لوزارة البنية ا
Author: MOHAMMED ELSHEIKH
Date: 09-16-2019, 06:22 AM
Parent: #29
| Quote: ا كانت فعلا حكومة كفاءات فاعتقد انه في شرق السودان لا يوجد شخص كفاءة وصاحب تاريخ نضالي مشهود له من الجميع اكثر من السيد النائب حامد ادريس سليمان لوزارة البنى التحتية . |
يا امونة نحن عاوزنك انت دي
لو وزارة في هذا العهد ليست من اولوياتك
نحن نراها من اولوياتنا نحن .....
وكلنا خدام الثورة
أبو بكر ليك وحشة بسيطة كدى
|
Post: #31
Title: Re: أُرشح الكنداكة آمنة مختار لوزارة البنية ا
Author: AMNA MUKHTAR
Date: 09-17-2019, 09:09 AM
Parent: #1
Quote: يا امونة نحن عاوزنك انت دي
لو وزارة في هذا العهد ليست من اولوياتك
نحن نراها من اولوياتنا نحن .....
وكلنا خدام الثورة
|
ههههه
العزيز محمد الشيخ وباقي الإخوة الأعزاء..
اليشوف ثقتكم دي يقول شاوروكم.. وللا بشاورونا أصلا 😂
|
|