|
|
|
 Re: أُرشح الكنداكة آمنة مختار لوزارة البنية ا (Re: AMNA MUKHTAR)
|
| Quote: وما هي مؤهلات المواطنة دي في مجال البنية التحتية والنقل ؟! |
مؤهلات لوضع خطط و توفير الميزانية اللازمة لتنفيدها و متابعة عمليات التنفيذ خطوة بخطوة حتي لا تنتهز الكدايس السمينة الفرصة لنهب الميزانية.
يعني مثلا تقولي عايزة طرق مرور سريعة بقدرة اربع ممرات (2 لكل اتجاه) من الخرطوم في الاربع اتجاهات. تعملي دراسة الجدوى و تمشي وزارة المالية و تقيفي للسيد البدوى انو ما في شيك يتمضي قبل شيكاتك.
تشيلي شيكاتك و خيمتك و معاها انفينيتي مكندش عشان تسكني في الهاى وي و تتابعي التنفيذ.
المهندس المسئول يسلمك المشروع مكتمل و تمشي تودى التقرير لمجلس الوزراء و بعد نهاية التقرير توروري للسيد البدوى و تقولي ليهو: بكرة جاييك بمشاريع جديدة, خليك واقف قنا.
| |
 
|
|
|
|
|
|
|
 Re: أُرشح الكنداكة آمنة مختار لوزارة البنية ا (Re: أبوبكر عباس)
|
Quote: مؤهلات لوضع خطط و توفير الميزانية اللازمة لتنفيدها و متابعة عمليات التنفيذ خطوة بخطوة حتي لا تنتهز الكدايس السمينة الفرصة لنهب الميزانية.
يعني مثلا تقولي عايزة طرق مرور سريعة بقدرة اربع ممرات (2 لكل اتجاه) من الخرطوم في الاربع اتجاهات. تعملي دراسة الجدوى و تمشي وزارة المالية و تقيفي للسيد البدوى انو ما في شيك يتمضي قبل شيكاتك.
تشيلي شيكاتك و خيمتك و معاها انفينيتي مكندش عشان تسكني في الهاى وي و تتابعي التنفيذ.
المهندس المسئول يسلمك المشروع مكتمل و تمشي تودى التقرير لمجلس الوزراء و بعد نهاية التقرير توروري للسيد البدوى و تقولي ليهو: بكرة جاييك بمشاريع جديدة, خليك واقف قنا. |
يا محجوب ياخي طيب ما تمسكها إنت.. تعال نصبها ليك ونولع ليك بخور جاولي بدل لستك هههه
رؤيتك واااضحة ماشاء الله..
طبعا محيراني الحيرة في مرشح من الشرق دي..
كدا أوحوا للرأي العام كأنه الشرق يخلو من الكفاءات..ودي جريمة في حق الشرق بحد ذاتها.. شخصيا سأحرص على أن لا ننسى ولا نغفر !!
طبعا زمااان ناس قحت طلبوا من قيادات الشرق (الحقيقيين) يرسلوا ليهم قوائم مرشحين..
أها القوائم دي فيها نساء وشباب مناضلين وكفاءات تسوي وي وي وي..
كرفسوها ودوها وين ؟!!
غايتو أنا متأكدة إنه حمدوك ما شافها..
تشكروا أبكر وامتثال ومحجوب وبلال على العشم.
غايتو أنا لو كنت برضى بالتعيين كان أخير لي السيادي.. أهو مجلس عواطلية أقعد أواصل تظبيط مشاريعي الأدبية والبحثية والسياسية..
والشاي والجبنة وكل الرفاهيات تجيني لغاية عندي..
وكمان ممكن أحنك ليكم حميدتي.. بما إني بفهم ثقافته ولغوته وكدا..😂😁
نحن قوم لا توسط عندنا
لنا الصدر دون العالمين أو القبر
| |
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: Yasir Elsharif)
|
سلام لآمنة، محجوب، امتثال وياسر،
السياسة يا آمنة هي فن الممكن، ما معقول التطرف في المواقف دا؟!
قالوا الشيوعيون وقعت بيهم طيارة في جزيرة نائية، طلعوا من الطيارة وبعد اتنفضوا من الطين وفطروهم، سألوا ناس الجزيرة:
الحاكمكم منو؟
ناس الجزيرة قالوا ليهم: ما عندنا حكومة عايشين ساكت
رد الشيوعيين: برضو نحنا معارضة
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: أبوبكر عباس)
|
أثني
بعدين يا أمونة الوزير ما ضروري يكون متخصص في المجال ..
وبما أنها وزارة إنشاءات عايزين زول من الهامش لأنها الأكثر حاجة للبنيات التحتية ..
المسائل الفنية والهندسية والتنفيذية والاشرافية دي بقوموا بيها مهندسي الوزارة والشركات المنفذة..
فقط يكون عندك تيم استشاري هندسي إداري قانوني نجيض .
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: محمد على طه الملك)
|
امنة تصلح لاي منصب يحتاج لصرامة وعدم مجاملة
كل شركات الطرق الاشتغلت في فترة الانقاذ دي "مكانا السجن"
لو كان بعينو ناس زيها مافي طريق بشيلو السيل ولا كبري تقرقرو الفيران
والمقاول لمن يكون متأكد من الحساب بنفذ اي مشروع زي ما قال الكتاب
احيانا القدرات الادارية او القيادية بتكون اهم من القدرات الفنية
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: أبوبكر عباس)
|
سودانا ون
طرح رئيس الوزراء رؤيته و وجهة نظره حيال اختيار فريقه من الكفاءات الوطنيه بحيث يشمل التشكيل الأبعاد المناطقيه والجيليه والنوعيه من قوي الثوره
وبالرغم من أن للطرح مايبرره الا ان ماننتظره منه هو سياساته وسياسات وزرائه التي يجب أن تخدم أهداف الثوره ومنها
1_تفكيك النظام السابق
2_ارساء دعائم النظام الديمقراطي المنسود
3_ارساء السلام العادل الشامل
ولذا ليس ذا اهميه ان يتم التشكيل وفقا لما طرح رئيس مجلس الوزراء ..
ولكن من باب التخصيص نرى ان وزارة البني التحتيه وهي الوزاره التي يتوجب عليها الاطلاع بالنقل والطرق.. لابد من تخصصها لكفاءة من ولاية البحر الأحمر وهذا الرأي لايأتي من فراغ فالمعروف ان كل مؤسسات هذه الوزاره مركزها ولاية البحر الأحمر او ان أعمالها تبداء من ولايه البحر الأحمر فولايه البحر بها
1.موانئ هيئة الموانئ البحريه..
2. شركة الخطوط البحريه السودانيه
3. يبداء من عندها النقل البري بالشاحنات والسكه الحديد.. ويعتبر طريق بورتسودان الخرطوم البري او الحديد أطول الخطوط وأهمها في حركة الصادر والوارد التي تؤثر على الإنتاج القومي
نعتقد ان ترشيح التجمع الشعبي و اختيار رئيس الوزراء للباشمهندس هاشم طاهر شيخ طه للوزارة المعنيه قد صادف من هو اهلا للإطلاع بالمسئوليات الجسام في هذه الوزارة والتي لابد من البدء فيها بالتالي
1. اعادة النظر في إداراتها و هياكلها الوظيفيه والراتبيه
2. مراجعة وتعديل قوانينها ولوائحها الماليه والاجرائيه.
3. مراجعة التعديلات التي أجراها النظام البائد على إجراءات العمل في هذه المؤسسات مما مكن له القيام بتصفية بعضها واضعاف أخرى وتدمير كافة البنيات التحتيه لهذه المؤسسات
اننا في البحر الأحمر وتحالف التجمع الشعبي نضع نصب أعيننا أهداف الثورة وفي دعمنا للباشمهندس هاشم طاهر ندرك ان حجم المسئوليات في الفتره الانتقاليه يتطلب تظافر الجهود الجماعيه لإنقاذ بلادنا مما لحق بها من تخريب
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: AMNA MUKHTAR)
|
المستنييير والله ليك وحشة
طبعا اول من قالوا كفاءات اتذكرتك ورب المجرات
طق طق لاقيت مولانا التاج وساطع وبولاد وعم صديق
حتى بالامارة كانت مريم الصادق قاعدة ابيت اتكلم قدامها ما عارف لي شنو
المهم بعد مشت طوالي كلمتهم بيك ونجرت ليك CV عالطاير وقلت ليهم الراجل
دا خبير بعران وبعرف الباشندي من العنافي
ورجل جميل ولسع شباب بس عيبو عندو علاقة بي شيوخ الخليج
المهم اظنهم ما عبروك
لكن لسع مكانك شاغر لو ما جبتك وكيل وزارة او مدير عام مسالخ السودان ما برتاح
يلا سمعنا صوتك رقمك راح مني
00249912856775
-------
اثني ترشيح الراكزة بت مختار
والله بتشبه التوزير
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: علي دفع الله)
|
| Quote: لو ما جبتك وكيل وزارة او مدير |
تاني قمنا للتمكين ...
لجنة الانترفيو تناقش معاهو ال CV وتفتشو مهنيا
وقبل كدا امتحان تحريري ... امكن خطو كعب ...
البلد دي تاني ما فيها توصية لي طالبي الوظائف
من الرفيق (شيخي) فلان ولا علان عشان يركب
مدير ولا وكيل ... مع العلم التام بتأهيل المستنير
واستحقاقه لأي وظيفة في الحكومة ...
لو عايز تخدم المستنير شوف ليهو ١٠٠ فدان جهة
الدالي والمزموم خليهو يعلمكم تقنية المزارع
الحديثة ...
صاحبي علي رقم الأنواء كيفنك ...
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: أبوبكر عباس)
|
اذا كانت فعلا حكومة كفاءات فاعتقد انه في شرق السودان لا يوجد شخص كفاءة وصاحب تاريخ نضالي مشهود له من الجميع اكثر من السيد النائب حامد ادريس سليمان لوزارة البنى التحتية .
صارع بمقدراته العلمية والادارية ليصبح مديرا لمشروع حصاد المياه ولاية الخرطوم خلال عامين فقط ودورات علمية خارج السودان وداخله واكتسب خبرة كبيرة في عمل المؤسسات التنفيذية والتشريعية في واشنطون واربعه ولايات امريكية اخرى بدعوة من السفارة الامريكية ، وبمقدراته السياسية وقبوله لدي المجتمع خاض لوحده صراعات في المجلس التشريعي وساهم مع المجتمع في مبادرات كثيرة .
حامد يعتبر اول سكرتير لمركزية طلاب مؤتمر البجا وامين اعلامي لجبهة الشرق وقيادي ضمن تيار التواصل ساهم بدور كبير على تشجيع اهالي شرق السودان للإنضمام لثورة ديسمبر المجيدة .
فقد كان حامد ابرز المرشحين والافر حظا لتمثيل شرق السودان في مجلس السيادة الا ان زهده عن المناصب ونصائح المقربين منه ادت لأنسحابه حسب ما يشاع .
حامد ادريس اكثر شخصية وفاقية ويتفق عليها كل مجتمع شرق السودان .
كتب منيب سلمان
#حامد_ادريس_سليمان_خير_من_يمثل_الشرق
منير تيتة
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: أبوبكر عباس)
|
الزملاء الأعزاء /
د. ياسر
مولانا الملك
عبد الله إدريس
أحمد حمودي
علي دفع الله
محمد آدم
تشكروا على العشم.
وترشيحكم براه قلادة حول عنقي.
بس شخصيا من النوع البؤمن (جدددا) بالتخصص.
يعني زي ما إحتجيت إنه مدني غير ملائم لوزارة التجارة والصناعة.. فبالتأكيد وزارة هندسية زي دي غير ملائمة
بالنسبة ل(تخصصاتي )...فاهم يعني شنو (تخصصاتي)... يا الإسمك منو كدا الزبير...😂
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: أبوبكر عباس)
|
Quote: البلد دي تاني ما فيها توصية لي طالبي الوظائف
من الرفيق (شيخي) فلان ولا علان عشان يركب
مدير ولا وكيل .. |
منو القال ليك.. خلاص قمنا لتزوير التاريخ ؟!
بسم الله لسه ما بقينا اليابان وللا ألمانيا ..
الرعيل الأول بتاع بيتي وبيتك وشيخي وإمامك وشلتي وشلتك وقبيلتي وقبيلتك ومنظمتي ومنظمتك لسه ما إنقرض..
| |
|
|
|
|
|
|
|
|
 Re: أُرشح الكنداكة آمنة مختار لوزارة البنية ا (Re: Haytham Ghaly)
|
| Quote: فاهم يعني شنو (تخصصاتي)... يا الإسمك منو كدا الزبير...😂 |
شكلك تخصصاتك زي صاحبتك ... مالو ... برضو بتنفعي ...
منو كدا دي شنو ... غالبك تقولي صلاح !! ...
عايزه تعملي لي فيها واو ضكر ... انا بحاسب بالكلمة ...
باصسي البي هناك بعتذر بشده عليهو وارحكاكي ...
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: Salah Zubeir)
|
| Quote: اذا كانت فعلا حكومة كفاءات فاعتقد انه في شرق السودان لا يوجد شخص كفاءة وصاحب تاريخ نضالي مشهود له من الجميع اكثر من السيد النائب حامد ادريس سليمان لوزارة البنى التحتية . |
آمنة مختار
تاملى ياصديقتى :
وزير الداخلية من الجزيرة
وزيرة التعليم العالى من الجزيرة
وزير الاعلام من الجزيرة
وزير الطاقة والتعدين من الجزيرة
وزيرة الشباب والرياضة من الجزيرة
وزير التربية والتعليم من الجزيرة
تنهدات : ياود عباس خلاص الوزارات كملت (باباح)
نحن نجتهد فى ترشيح امنة مختار والي للبحر الاحمر
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: بدر الدين الأمير)
|
ليتهم فعلوا
آمنة مختار زولة دغرية وحتعبر عن الثورة صحي صحي
لكنهم لن يفعلوا ، الموضوع فيه كمية فوضى بشأن التوازنات
من الصعب حسمه بالطريقة التي تعمل بها لجنة الترشيحات
في الحرية والتغيير.. عشان كدا خليهم يخلصوا ويكملوا الحكومة
باي صيغة او طريقة،
يحلنا الحل بلة من الامام
الجاي أصعب حسم تشكيل حكومات الولايات هو التحدي الأكبر
وإذا استمروا بس طريقتهم دي تبقي مصيبة وحلت على أهل الولايات
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: عبدالعظيم عثمان)
|
آمونة لو ترضى..
وبالله شوف، لا وزارة بيئة مستقلة ولا آثار..
لكن الحكومات ما وزارات بس..
====
| Quote: قلت في سري انتو حمدوك دا عميان وللا شنو!!!؟؟؟ |
عميانة لجان الترشيحات يا هيثم..
وهذا العمى، باعتبار كل الظروف الموضوعية المعروفة، عمى مفهوم، نرجو أن يكون غشاوة مؤقتة
وتزول بزوال عبء التفاوض والاستعجال لتشكيل الحكومة.. يشمو شوية نفس يعني!
لكن شوف كلام عبد العظيم الفوق دا.. كله صاح..
====
تعرف يا عبد العظيم، بخصوص الولايات؛
هناك يرقد لهم دابي الكيزان بسموم الفتن والتفشيل. الله يستر!!
أمس كتبت عن الموضوع دا في الفيسبوك..
الحل.. حتى حين حل دستوري وانتخابات.. هو:
حكام الولايات من غير أبنائها.. لا وزارات ولا وزراء.. ولا هيلمانات.
مدراء عاميين لكل ما كان وزارة، ومدراء لكل مصلحة ومؤسسة فيها،
وكفى الله السودانيين شر القتال.
وكمان قد تعود للخدمة المدنية بعض شخصيتها..
غير كدا وبهذا التخبط الشايفو.. ياها المصائب، مش مصيبة واحدة..
| |
|
|
|
|
|
|
|
|
|
Re: أُرشح الكنداكة آمنة مختار لوزارة البنية ا (Re: AMNA MUKHTAR)
|
| Quote: ا كانت فعلا حكومة كفاءات فاعتقد انه في شرق السودان لا يوجد شخص كفاءة وصاحب تاريخ نضالي مشهود له من الجميع اكثر من السيد النائب حامد ادريس سليمان لوزارة البنى التحتية . |
يا امونة نحن عاوزنك انت دي
لو وزارة في هذا العهد ليست من اولوياتك
نحن نراها من اولوياتنا نحن .....
وكلنا خدام الثورة
أبو بكر ليك وحشة بسيطة كدى
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
أبوبكر عباس
Mahjob Abdalla
بلال الطاهر
Yasir Elsharif
محمد على طه الملك
Abdullah Idrees
احمد حمودى
علي دفع الله
Salah Zubeir
Mohamed Adam
بدر الدين الأمير
عبدالعظيم عثمان
هاشم الحسن
MOHAMMED ELSHEIKH
فيس بوك
تويتر
انستقرام
يوتيوب
بنتيريست