فوائـد التبول على الحوائط والأقدام ..

05:39 AM August, 25 2019

سودانيز اون لاين
HAIDER ALZAIN-
مكتبتى
رابط مختصر

الخبيرة الموسيقية والغنائية مادونا قالت انها معتادة على البول على اقدامها الرشيقة عشان تكافح الفطريات والبكتيريا الممكن تجيها من ممارستها للرياضة ..



دا بالاضافة لفوائد طبية وبيئية أخرى جمة كثيرة لا مجال لتفصيلها هنا ..

تحياتي

سلامات
ربك مرق مادونا من الدشمان الحصل
للسوداني . حسب الكلام المنشور . الراجل لو ما المسدس كان حقو راح .

عثماان موسى سلام يا حبيب..

سمعت بقصة المسدس المعمرنو لليوم الأسود ؟!

الاخ السوداني مسدسو لليوم داك

خلي بالك المسدس دي المرة التانية والا التالتة يظهر في الصورة ويطلع بندق في بحر ..

المهم الناس ما تستهتر بالبول ولربما بولة واحدة اذهبت بلاء عظيم وكفت شراً كبيرا

حيدر فوائد البول عرفناها ، اها التغوط مافي خبر عنه ؟

حبيبنا عبداللطيف

فائدة عدم التغوط حجبت عننا صورة حاجة تانية كان حا تتصور غير صورة العيــن :)


ـــــــــــ

سلام يا حيدر

قلت ليهم "لا تزرموه"

احر شيء حصل في الحادثة المعنية هو الزَرَم
مسألة الدقة دي حاجة ثانوية وقضية إنصرافية ساي
الموضوع الأساسي هو الزَرَم لما في ذلك من تعدي على حقوق الإنسان البولية.

السودان انجب شخصيات تحفة لا تكل ولا تمل الكذب والوضاعة الثالوث الخطير الزول دا والسخفي الثاني ملاسي والخالة تراجي

حكى لي صديق من نواحي سنار ان اهلنا الانصار بنو جامع في طرف الحلة، بعد فترة لاحظو ان بعض المزنوقين يتبلون في حائط المسجد . جابو غفير مسكوه عكاز لمنع التبول . وذات مغرب شاهد الغفير شخصا يهم بالتبول .. شال عكازو ومشى يمنعو .. اكتشف ان المتبول ابن احد الامراء ، فخاطبه بصوت مكسور :
بول بول يا امير ...

السلامات والتحايا خالد العبيد حمدلله سلامة ومبروك خلاص البلد من بشة .
الحلانا كمان يحلنا من البول والبوالين ويكتر المباول :)

Quote: حكى لي صديق من نواحي سنار ان اهلنا الانصار بنو جامع في طرف الحلة، بعد فترة لاحظو ان بعض المزنوقين يتبلون في حائط المسجد . جابو غفير مسكوه عكاز لمنع التبول . وذات مغرب شاهد الغفير شخصا يهم بالتبول .. شال عكازو ومشى يمنعو .. اكتشف ان المتبول ابن احد الامراء ، فخاطبه بصوت مكسور : بول بول يا امير ..

هههههههههههههههههه

اللخو دا هسه قايل الشفاتة ديل حايقولوا ليهو بول بول يا خبير :)

خسارة الطبنجة ..

الدسيس سلامات .. منور المنبر تحت ظل المدنياااااااو ،،،

وربنا يعتق المنبر كمان من عسكرية ابصلعة .. قبيل رديت عليك بمكنة الفيس بوك :)

Quote: السودان انجب شخصيات تحفة لا تكل ولا تمل الكذب والوضاعة الثالوث الخطير الزول دا والسخفي الثاني ملاسي والخالة تراجي

بعترض على الشكل الموضوعي للستة دي ،،
مهما كان لايصح تخت ملاسي مع البوال وطراجي في درجة واحدة.. المقام مقام بول وملاسي يرقى لدرجة الهندي والتومة والبلال :)

الزول كلما يقرب يصل المكان
الامن للتبول ، بتزيد الزنقة ...
ومابقدر يغير اتجاه تفكيروا لفترة طويلة
النتيجة الحتمية البول في الكرعين
وحدس ماحدس

يا عبداللطيف .. من كلام الامام ابوحنيفة انه دخل دار عبدالله الصادق وهو منتظرو يأذنو ليهو و شكلو اتزنق فجاء شافع بجنبو فساله :
أين يضع الغريب الغائط في بلدكم هذا؟
قال: يتوارى خلف الجدار، ويتوقى أعين الجار، وشطوط الأنهار، ومسقط الثمار، ولا يستقبل القبلة ولا يستدبرها، فحينئذ يضع حيث شاء،
قال فاعجبني ما سمعت منه..

وعليكم السلام حبيبنا حافظ ..

والله نعم النصيحة التي نصحتهم اياها .. الناس بتنظر للموضوع نظرة خاطئة
لكن لو تجردت بثورية ووعي كان بتشوف القصة كما راها نزار قباني افعال بهائم وتجد لخبيرها العذر ..


وَقَفتُ في الطابورِ،

كانَ الناسُ يأكلونَ اللُّبَّ.. والتُرْمُسَ..

كانوا يطرحونَ البولَ مثل الماشيَهْ

من عهد فِرْعَونٍ.. إلى أيّامنا

هناكَ دوماً حاكمٌ بأمرِه

وأمّةٌ تبولُ فوق نَفْسِها كالماشيَهْ..



# لا لزرم بوال #

يبدو أن عبارة ممنوع البول ياحمار لم تعد كافية نبارك الحلول الجديدة

قيل: العين لا تعلو على الحاجب
أقول: بول وتعال..... نوريك

الصحافي دا قبل كدا أنا حضرت ليهو (دقــة) وكنت من .... الحجازين ...

كان بيشتم ناس كدا في المنبر ولاقوه في دلجــة سوبا بالليل وكنا راجعين من مناسبة

الوقت داك ما كان عنده (مـســدس) وكنا نحنا الدرقــة ومرقناه بكرامة البليلـة

الوداه شنو (يبـــول) في حيطـة الناس ؟؟؟؟

تعرف خلي بالك عزيزي القاريء أثار الدقــة دي حتبقى أساس مناسب لي (كيــس) لجوء سياسي (بولــي)

ويقول ليك نحنا البوالين الحايطييين مضطهدين في دولة المدنيــة

المهم في الموضوع :

المسـدس دا مرخــص ولا حــق كتايــب ظــل ؟؟؟؟

نشوفك في التحقيقات يا ولدنـا

أحمد الشايقي

كان احسن يفك زنقتو تحت لستك عربيتو على الاقل ماكان فى زول بسالو . عربيتو وحر فيها

Quote: خلي بالك المسدس دي المرة التانية والا التالتة يظهر في الصورة ويطلع بندق في بحر

يا حيدر ياخي احسنوا الظن بأخيكم
فقد حدثني من كان قريباً من الحدث أنه لولا أن المسدس كان مبلولاً، كان الموردة شافت شعاع.

المطلوب أن تقوم الشرطة بواجبها بتجريد إبراهيم بقال من السلاح الناري وذلك لعدة أسباب
- الزول دا يفتقر للمسؤلية وضبط النفس - ويتعامل مع السلاح بعقلية طفولية ونزق صبياني إستعراضي-
واضح إنو شخص مهزوز ومضطرب - وممكن جدا أن يقوم وبالخطأ بقتل آخر أو قتل نفسه- ولمصلحة بقال نفسه - يجب تجريده من السلاح - لأنه وفي أكثر من حالة - كان ضرب وركل الرجل كان نتيجة إشتفزازه لخصمه بإشهار السلاح
- فمسدس بقال لايسمن ولايغني من جوع , مسدس جابوه فزعة بقي وجعة ! يعني كان ممكن تنتهي الشكلة بالشتائم والنبذ لولا السلاح الناري اللعين !

- يمكن أن يُسمح له بمطوة صغيرة أو "سكينة" بصل لزوم الدفاع عن النفس!

- يمكن أن يُسمح له بمطوة صغيرة أو "سكينة" بصل لزوم الدفاع عن النفس!
مايمسك لسانو وانتهي الموضوع ، شغل السلايق عايز قلب

مسدس الراجل طاع زي
تيس أهلنا « الحلبة» و الباقي
طبعن معلوم للجميع بالتواتر.

يروى ان تيتو الرئيس اليوغسلافي في زيارته للسودان في سنة ١٩٥٩ في عهد عبود
وفي عشاء رسمي ساله عبود:
اي شئ لفت نظرك في السودان؟
فكانت اجابته محرجة للرئيس عبود عندما قال:
لاحظت ان الناس تتبول في الشوارع وبصورة ملفته
وعندما رد الرئيس عبود الزيارة وسافر ليوغسلافيا والاتحاد السوفيتي
كان عبود حريصا على تدقيق النظر عله يجد احداً يتبول في الشارع.
فإذا بعينه تقع على
خواجة يتبول على الحائط
ابتسم عبود فرحا وهو في موكب رسمي يجوب شوارع العاصمة اليوغسلافية
ولفت نطر تيتو للرجل المتبول
وامر تيتو بالقاء الغبض عليه
ووجد انه دبلوماسي سوداني شكلو زي الخواجة ( توفي لرحمة مولاه قبل سنوات في مصر وقد شغل منصب سفير ووزير للخارجية في عهد الانقاذ)

علي الكنزي ..
كيف اخبارك ... القصة دي سمعتها كم مرة والله افتكرتها نكتة ..
تشكر يا حبيب
وتحية للعزيز حيدر


تش

غايتو ياها دي المواضيع اللي بتشبهك يا الطريفي ....(فوائـد التبول على الحوائط والأقدام ..)

الاخ خالد العبيد
لك مني الود
اوعا تكون صدقتا ؟
دي قصة خيالية المقصود منها أن التبول على الحائط عند السودانيين عادة ملازمة
حتى ولو كانوا في بلاد الغرب.
بالمناسبة انا شفتا من اهل الغرب من يتبول على قارعة الطريق وفي الحدائق العامة
رغم توفر المراحيض
والطريف حكو عن نفس الدبلوماسي ونفس الزيارة
فكان هو احد الاعضاء المرافقين للوفد
ويقال أن الرئيس عبود تضايق من ملازمته ظانا انه خواجا
فالرجل عليه رحمة الله كان شديد بياض الجسد

فقال عبود للسفير:
تعال انت الخواجة دا متابعنا محل ما ماشين مالو؟ داير مننا شنو؟

الاخ علي الكنزي

انا صدقت القصة .. بس ماتكون متشكك في قصة الخبيـر البوال

السلام عليكم يا مولانا

Quote: الصحافي دا قبل كدا أنا حضرت ليهو (دقــة) وكنت من .... الحجازين ... كان بيشتم ناس كدا في المنبر ولاقوه في دلجــة سوبا بالليل وكنا راجعين من مناسبة الوقت داك ما كان عنده (مـســدس) وكنا نحنا الدرقــة ومرقناه بكرامة البليلـة الوداه شنو (يبـــول) في حيطـة الناس ؟؟؟؟ تعرف خلي بالك عزيزي القاريء أثار الدقــة دي حتبقى أساس مناسب لي (كيــس) لجوء سياسي (بولــي) ويقول ليك نحنا البوالين الحايطييين مضطهدين في دولة المدنيــة المهم في الموضوع : المسـدس دا مرخــص ولا حــق كتايــب ظــل ؟؟؟؟ نشوفك في التحقيقات يا ولدنـا أحمد الشايقي

زمن ماعندو مسدس دا أكيد قبل ما يفسخ جلدو ويغير لونو .. زمن كان ناس الامن يسكوهو في كافيهات النت هههههههههههه

أول ليلة في شهر العسل قال ليها وهو يكتل في عويناتو انتي خجلانه ولا شنو يا عروسة قالت ليه انت وهم كدي النبول وأجيك

الأخ حيدر الزين وضيوفه
لكم التحايا الطيبات

قوم إذا استنبح الأضياف كلبهم
قالوا لأمهم بولي على النار
فتمسك البول بخلاً أن تجود به
وما تبول لهم إلا بمقدار

عوض الجاز أقفل البلف! عوض الجاز أفتح البلف!

وللموضوع بقية فالشعر ملئ بالبول ....