|
|
|
 Re: فوائـد التبول على الحوائط والأقدام .. (Re: Osman Musa)
|
عثماان موسى سلام يا حبيب..
سمعت بقصة المسدس المعمرنو لليوم الأسود ؟!
الاخ السوداني مسدسو لليوم داك 
خلي بالك المسدس دي المرة التانية والا التالتة يظهر في الصورة ويطلع بندق في بحر ..
المهم الناس ما تستهتر بالبول ولربما بولة واحدة اذهبت بلاء عظيم وكفت شراً كبيرا
| |
 
|
|
|
|
|
|
|
|
Re: فوائـد التبول على الحوائط والأقدام .. (Re: عباس الدسيس)
|
حكى لي صديق من نواحي سنار ان اهلنا الانصار بنو جامع في طرف الحلة، بعد فترة لاحظو ان بعض المزنوقين يتبلون في حائط المسجد . جابو غفير مسكوه عكاز لمنع التبول . وذات مغرب شاهد الغفير شخصا يهم بالتبول .. شال عكازو ومشى يمنعو .. اكتشف ان المتبول ابن احد الامراء ، فخاطبه بصوت مكسور :
بول بول يا امير ...
| |
|
|
|
|
|
|
|
 Re: فوائـد التبول على الحوائط والأقدام .. (Re: خالد العبيد)
|
السلامات والتحايا خالد العبيد حمدلله سلامة ومبروك خلاص البلد من بشة .
الحلانا كمان يحلنا من البول والبوالين ويكتر المباول :)
| Quote: حكى لي صديق من نواحي سنار ان اهلنا الانصار بنو جامع في طرف الحلة، بعد فترة لاحظو ان بعض المزنوقين يتبلون في حائط المسجد . جابو غفير مسكوه عكاز لمنع التبول . وذات مغرب شاهد الغفير شخصا يهم بالتبول .. شال عكازو ومشى يمنعو .. اكتشف ان المتبول ابن احد الامراء ، فخاطبه بصوت مكسور : بول بول يا امير .. |
هههههههههههههههههه
اللخو دا هسه قايل الشفاتة ديل حايقولوا ليهو بول بول يا خبير :)
خسارة الطبنجة ..
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: عباس الدسيس)
|
الدسيس سلامات .. منور المنبر تحت ظل المدنياااااااو ،،،
وربنا يعتق المنبر كمان من عسكرية ابصلعة .. قبيل رديت عليك بمكنة الفيس بوك :)
| Quote: السودان انجب شخصيات تحفة لا تكل ولا تمل الكذب والوضاعة الثالوث الخطير الزول دا والسخفي الثاني ملاسي والخالة تراجي |
بعترض على الشكل الموضوعي للستة دي ،،
مهما كان لايصح تخت ملاسي مع البوال وطراجي في درجة واحدة.. المقام مقام بول وملاسي يرقى لدرجة الهندي والتومة والبلال :)
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: عبداللطيف حسن علي)
|
يا عبداللطيف .. من كلام الامام ابوحنيفة انه دخل دار عبدالله الصادق وهو منتظرو يأذنو ليهو و شكلو اتزنق فجاء شافع بجنبو فساله :
أين يضع الغريب الغائط في بلدكم هذا؟
قال: يتوارى خلف الجدار، ويتوقى أعين الجار، وشطوط الأنهار، ومسقط الثمار، ولا يستقبل القبلة ولا يستدبرها، فحينئذ يضع حيث شاء،
قال فاعجبني ما سمعت منه..
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: Hafiz Bashir)
|
وعليكم السلام حبيبنا حافظ ..
والله نعم النصيحة التي نصحتهم اياها .. الناس بتنظر للموضوع نظرة خاطئة
لكن لو تجردت بثورية ووعي كان بتشوف القصة كما راها نزار قباني افعال بهائم وتجد لخبيرها العذر ..
وَقَفتُ في الطابورِ،
كانَ الناسُ يأكلونَ اللُّبَّ.. والتُرْمُسَ..
كانوا يطرحونَ البولَ مثل الماشيَهْ
من عهد فِرْعَونٍ.. إلى أيّامنا
هناكَ دوماً حاكمٌ بأمرِه
وأمّةٌ تبولُ فوق نَفْسِها كالماشيَهْ..
# لا لزرم بوال #
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: Hassan Makkawi)
|
الصحافي دا قبل كدا أنا حضرت ليهو (دقــة) وكنت من .... الحجازين ...
كان بيشتم ناس كدا في المنبر ولاقوه في دلجــة سوبا بالليل وكنا راجعين من مناسبة
الوقت داك ما كان عنده (مـســدس) وكنا نحنا الدرقــة ومرقناه بكرامة البليلـة
الوداه شنو (يبـــول) في حيطـة الناس ؟؟؟؟
تعرف خلي بالك عزيزي القاريء أثار الدقــة دي حتبقى أساس مناسب لي (كيــس) لجوء سياسي (بولــي)
ويقول ليك نحنا البوالين الحايطييين مضطهدين في دولة المدنيــة
المهم في الموضوع :
المسـدس دا مرخــص ولا حــق كتايــب ظــل ؟؟؟؟
نشوفك في التحقيقات يا ولدنـا
أحمد الشايقي
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: دفع الله ود الأصيل)
|
يروى ان تيتو الرئيس اليوغسلافي في زيارته للسودان في سنة ١٩٥٩ في عهد عبود
وفي عشاء رسمي ساله عبود:
اي شئ لفت نظرك في السودان؟
فكانت اجابته محرجة للرئيس عبود عندما قال:
لاحظت ان الناس تتبول في الشوارع وبصورة ملفته
وعندما رد الرئيس عبود الزيارة وسافر ليوغسلافيا والاتحاد السوفيتي
كان عبود حريصا على تدقيق النظر عله يجد احداً يتبول في الشارع.
فإذا بعينه تقع على
خواجة يتبول على الحائط
ابتسم عبود فرحا وهو في موكب رسمي يجوب شوارع العاصمة اليوغسلافية
ولفت نطر تيتو للرجل المتبول
وامر تيتو بالقاء الغبض عليه
ووجد انه دبلوماسي سوداني شكلو زي الخواجة ( توفي لرحمة مولاه قبل سنوات في مصر وقد شغل منصب سفير ووزير للخارجية في عهد الانقاذ)
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: ABUHUSSEIN)
|
الاخ خالد العبيد
لك مني الود
اوعا تكون صدقتا ؟
دي قصة خيالية المقصود منها أن التبول على الحائط عند السودانيين عادة ملازمة
حتى ولو كانوا في بلاد الغرب.
بالمناسبة انا شفتا من اهل الغرب من يتبول على قارعة الطريق وفي الحدائق العامة
رغم توفر المراحيض
والطريف حكو عن نفس الدبلوماسي ونفس الزيارة
فكان هو احد الاعضاء المرافقين للوفد
ويقال أن الرئيس عبود تضايق من ملازمته ظانا انه خواجا
فالرجل عليه رحمة الله كان شديد بياض الجسد
فقال عبود للسفير:
تعال انت الخواجة دا متابعنا محل ما ماشين مالو؟ داير مننا شنو؟
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: HAIDER ALZAIN)
|
السلام عليكم يا مولانا
Quote:
الصحافي دا قبل كدا أنا حضرت ليهو (دقــة) وكنت من .... الحجازين ...
كان بيشتم ناس كدا في المنبر ولاقوه في دلجــة سوبا بالليل وكنا راجعين من مناسبة
الوقت داك ما كان عنده (مـســدس) وكنا نحنا الدرقــة ومرقناه بكرامة البليلـة
الوداه شنو (يبـــول) في حيطـة الناس ؟؟؟؟
تعرف خلي بالك عزيزي القاريء أثار الدقــة دي حتبقى أساس مناسب لي (كيــس) لجوء سياسي (بولــي)
ويقول ليك نحنا البوالين الحايطييين مضطهدين في دولة المدنيــة
المهم في الموضوع :
المسـدس دا مرخــص ولا حــق كتايــب ظــل ؟؟؟؟
نشوفك في التحقيقات يا ولدنـا
أحمد الشايقي |
زمن ماعندو مسدس دا أكيد قبل ما يفسخ جلدو ويغير لونو .. زمن كان ناس الامن يسكوهو في كافيهات النت هههههههههههه
| |
|
|
|
|
|
|
|
|
|
Re: فوائـد التبول على الحوائط والأقدام .. (Re: muntasir)
|
الأخ حيدر الزين وضيوفه
لكم التحايا الطيبات
قوم إذا استنبح الأضياف كلبهم
قالوا لأمهم بولي على النار
فتمسك البول بخلاً أن تجود به
وما تبول لهم إلا بمقدار
عوض الجاز أقفل البلف! عوض الجاز أفتح البلف!
وللموضوع بقية فالشعر ملئ بالبول ....
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
HAIDER ALZAIN
Osman Musa
عبداللطيف حسن علي
Hafiz Bashir
عباس الدسيس
خالد العبيد
Hassan Makkawi
أحمد الشايقي
Asim Ali
كمال عباس
دفع الله ود الأصيل
Ali Alkanzi
ABUHUSSEIN
بابكر قدور
فيس بوك
تويتر
انستقرام
يوتيوب
بنتيريست