طلب اطلاق سراح البشير بكفاله

Quote: Haifa Alzain Conversation Starter · August 24 at 6:47 PM يابنات عشمانه فيكم تنشروا قضيه معتقلي اللاماب وعايزنها تصل كل الناس القصه كالآتي : حصلت في منطقه اللاماب ناصر يوم فض الاعتصام بالمساء جو اتنين من قوات الدعم السريع لشباب اللاماب وطلبوا منهم يفكوا المتاريس والشباب رفضوا فقام واحد من قوات الدعم بتوجيه سلاحه علي الشباب وبالفعل تم إطلاق رصاص حي واتصدي واحد من الشباب ليهو وحصل اشتباك بين الشاب وبتاع الدعم علشان انو مايضرب رصاص علي الشباب والأولاد الصغار وفي لحظه اشباكهم بتاع الدعم السريع التاني أطلق الرصاص علي الشاب وانصاب فعلا في رجلو في القدم والفخذ وللان عاملين ليهو 3 عمليات يلا الحاجه الحصلت بعد كدا انو الشباب والأولاد الكانوا موجودين في الحدث كلهم بقوا بفلعوا بالحجر علي قوات الدعم واحد مات والتاني كان متاذي شديد بس بقي كويس يلا من بعد كدا تم القبض علي مجموع عشرة من الشباب ومن ضمنهم ثلاثه قصر من ثانيه العيد مقبوضين ومفتوح فيهم بلاغات كميه واهمها القتل العمد ليهم قريب 3 شهور مقبوضين وعندهم بكرة اول جلسه محكمه الشباب ديل عملوا كدا علشان ثورتهم والقتل الحصل ماكان متعمد بل كان نتيجه استفزاز وفي نفس اليوم تم قتل اخو ليهم وقدام عينهم بطلق مباشرة في راس واتصابوا كتار معليش بنات حكيت ليكم الحاصل وامكن شويه الكلام مامرتب بس عايزين وقفتكم معانا ونجيب حق المعتقلين ديل #الحرية لمعتقلي اللاماب