|
Re: نحن ولا انتو!!! (Re: Gafar Bashir)
|
وعليكم السلام اخي جعفر بشير
Quote: مافي مقارنة ابدا بين ما حدث في غرب السودان وشماله خلال التلاتين عام الماضية |
يا عزيزي انا لا اتحدث عن فقط الثلاثين عام الماضية انا اتحدث عن مظلمة تاريخية ليها اكثر من نصف قرن وكان الظلم واي ظلم من ذووي القربي....
انا اتحدث عن وطن صار اثرا بعد ان كان عين....اتحدث عن الشعب السوداني بكل جهاته واقاليمه الذي لم يأبه للهذه الكارثة والجريمة النكراء وكأن وادي حلفا لم تكن جزء من ارض الوطن... اتحدث عن تهجير قسري لمنطقة مغايرة تماما للمنطقة التي كنا بها....اتحدث عن مناخ مختلف تماما عن ما عهدناه وصار اضحوكة عندما نتوجس خيفة من الامطار والاعاصير التي لم نعهدها.... اتحدث عن تشتيتنا في قري متباعدة كل واحدة عن الاخري مسافة ما بين 5 الي 8 كلم وليس بينها وبين بعضها طرق معبدة. اتحدث عن عدم توفر المستشفيات و المعينات الطبية وامصال العقارب والثعابين والتي تكثر في تلك المناطق....اتحدث عن معاناة النساء اللائي تتعرض حياتهن للخطر عند الولادة للاسباب السابقة....اتحدث عن تربة طينية لوكة لا تستطيع فيها اي دابة المشي سواء كان انسان او حيوان او سيارة في وقت الخريف حتي تصبح البيوت ناهيك عن القري جزرا معزولة عن بعضها ...تخيل النظر وانت لديك مريض يحتاج اسعافا او امرأة في حالة ولادة....اتحدث عن انعدام الامان ونحن في منطقة غريبة عنا .... اتحدث عن شرب مياه من ترعة يستحمي فيها الرعاة ويحمون حيواناتهم وملابسهم فيها ...نفس هذه المياه ترفع في صهاريج لنشربها ونستخدمها نحن في القري دون اصافة اي معقمات او مواد مطهرة.....وغيره وغيره والسؤال: لأجل من بعيت وادي حلفا؟ وهل يعقل ان ندفع وطننا ثمنا لمشروع تنموي يخص دولة جارة؟ أي جور وظلم هذا!!!؟ وما كان موقف السودانيين....التجاهل واللا مبالاة التامة !!!
Quote: عايزين نغالط التاريخ كمان |
يا سيدي ما عايزين نغالط التاريخ .....عايزين العدالة والانصاف....
وعليكم السلام اخي محجوب عبدالله
اولا يا سيدي المسألة نسبية....نحن كلنا كنا 50 الف نسمة....الترحيل القسري كان اثره شديدا وبالذات علي الناس الكبار في السن والنساء الحمل .... هؤلاء كان الضغط النفسي عليهم كبيرا لدرجة تلقي الواحد فيهم يحرد الاكل والشراب وفجأة يمرض ويموت وفقدنا اعدادا كبيرة من هؤلاء في فترة وجيزة جدا ... الشيء الاخر ان اي امرأة كانت حامل في زمن الهجرة اسقطت جنينها.....بالمناسبة تهجير وادي حلفا كان ماسأة بمعني الكلمة ولكن لم تجد حظها من التوثيق وتسليط الضوء... بالنسبة للنوبة المصرية كمان كان الموت كثيرا جدا... Very High Mortality Rate المهم ما في زول اشتغل بالناس ديل...لا منظمات محلية ولا اقليمية ولا دولية....
وعليكم السلام اخي النذير حجازي
ما نالنا من التهميش والضحك علينا لم ينله غيرنا..نحن اصبحنا مادة للسخرية والضحك لأننا نتحدث بغيرها ولا نعرف العربية ولأننا نخاف من الاعاصير والامطار التي لم نعتاد عليها... يا جماعة ما انتو عارفين كل حاجة!!!!
وعليكم السلام حبيبتي امتثال.. بالمناسبة انا متابعة كتاباتك وهي بتعجبني جدا...واصلي يا ستي بنفس الحماس والجدية...
Quote: بعد قريت كلامك ده عرفت يا دوب انتو مظلومين ظلم الحسن والحسين |
دا كلامنا يا امتثال ....جريمة وادي حلفا لم تسلط عليها الاضواء ولم تنل حظها من التوثيق والسودانيين اصلا ما اشتغلوا بيها.... يا عزيزتي وادي حلفا غمرت بالجور وبمياه البحيرة وارضها تحمل علي سطحها وفي جوفها من الكنوز والآثار النوبية ما تنؤ بحمله الجبال... دعت اليونسكو في ذلك الزمان لحملة لإنقاذ آثار النوبة وعليه اشتركت 22 بعثة دولية من معظم جامعات العالم في ترحيل وانقاذ هذا التراث الانساني... هل تصدقي يقال ان ما تمكنت هذه البعثات من انقاذه يعادل فقط عشرة في المائة والباقي كلو بلعته المياه في جوفها....اتخيلي السودان خسر قدر شنو ولا شنو!!!
|
|
|
|
|
|
|
العنوان |
الكاتب |
Date |
نحن ولا انتو يا الغرابة وباقي البقولو مهمشين!!! | Farida Mahgoub | 08-17-19, 11:41 PM |
Re: نحن ولا انتو!!! | Farida Mahgoub | 08-17-19, 11:43 PM |
Re: نحن ولا انتو!!! | Gafar Bashir | 08-17-19, 11:43 PM |
Re: نحن ولا انتو!!! | Farida Mahgoub | 08-17-19, 11:44 PM |
Re: نحن ولا انتو!!! | Farida Mahgoub | 08-17-19, 11:47 PM |
Re: نحن ولا انتو!!! | Farida Mahgoub | 08-17-19, 11:49 PM |
Re: نحن ولا انتو!!! | Farida Mahgoub | 08-17-19, 11:54 PM |
Re: نحن ولا انتو!!! | Farida Mahgoub | 08-17-19, 11:57 PM |
Re: نحن ولا انتو!!! | Farida Mahgoub | 08-18-19, 00:01 AM |
Re: نحن ولا انتو!!! | Farida Mahgoub | 08-18-19, 00:03 AM |
Re: نحن ولا انتو!!! | Farida Mahgoub | 08-18-19, 00:10 AM |
Re: نحن ولا انتو!!! | Gafar Bashir | 08-18-19, 00:06 AM |
Re: نحن ولا انتو!!! | Mahjob Abdalla | 08-18-19, 00:33 AM |
Re: نحن ولا انتو!!! | النذير حجازي | 08-18-19, 01:26 AM |
Re: نحن ولا انتو!!! | امتثال عبدالله | 08-18-19, 02:11 AM |
Re: نحن ولا انتو!!! | muntasir | 08-18-19, 04:16 AM |
Re: نحن ولا انتو!!! | Farida Mahgoub | 08-19-19, 01:15 PM |
Re: نحن ولا انتو!!! | adil amin | 08-18-19, 04:36 AM |
Re: نحن ولا انتو!!! | adil amin | 08-18-19, 04:42 AM |
Re: نحن ولا انتو!!! | نعمات عماد | 08-18-19, 07:27 AM |
Re: نحن ولا انتو!!! | Kabar | 08-18-19, 08:01 AM |
Re: نحن ولا انتو!!! | Ashraf Tatay | 10-19-19, 10:30 AM |
Re: نحن ولا انتو!!! | Yasir Elsharif | 08-18-19, 08:02 AM |
Re: نحن ولا انتو يا الغرابة وباقي البقولو مهم� | Khalid Abbas | 08-18-19, 08:36 AM |
Re: نحن ولا انتو يا الغرابة وباقي البقولو مهم� | Kabar | 08-18-19, 09:15 AM |
Re: نحن ولا انتو يا الغرابة وباقي البقولو مهم� | Khalid Abbas | 08-18-19, 09:39 AM |
Re: نحن ولا انتو يا الغرابة وباقي البقولو مهم� | حامد بدري | 08-18-19, 09:40 AM |
Re: نحن ولا انتو يا الغرابة وباقي البقولو مهم� | Abdullah Idrees | 08-18-19, 11:37 AM |
Re: نحن ولا انتو يا الغرابة وباقي البقولو مهم� | نعمات عماد | 08-18-19, 12:29 PM |
Re: نحن ولا انتو يا الغرابة وباقي البقولو مهم� | Biraima M Adam | 08-18-19, 01:00 PM |
Re: نحن ولا انتو يا الغرابة وباقي البقولو مهم� | كمال عباس | 08-18-19, 01:14 PM |
Re: نحن ولا انتو يا الغرابة وباقي البقولو مهم� | علي عبدالوهاب عثمان | 08-18-19, 01:22 PM |
Re: نحن ولا انتو يا الغرابة وباقي البقولو مهم� | النذير حجازي | 08-18-19, 03:01 PM |
Re: نحن ولا انتو يا الغرابة وباقي البقولو مهم� | صباح حسين طه | 08-18-19, 03:19 PM |
Re: نحن ولا انتو يا الغرابة وباقي البقولو مهم� | Khalid Elsayed | 08-18-19, 03:20 PM |
Re: نحن ولا انتو يا الغرابة وباقي البقولو مهم� | Idris Logma | 08-18-19, 11:46 PM |
Re: نحن ولا انتو يا الغرابة وباقي البقولو مهم� | AMNA MUKHTAR | 08-19-19, 10:16 AM |
Re: نحن ولا انتو يا الغرابة وباقي البقولو مهم� | عبداللطيف حسن علي | 08-19-19, 10:44 AM |
Re: نحن ولا انتو يا الغرابة وباقي البقولو مهم� | Farida Mahgoub | 08-19-19, 11:54 AM |
Re: نحن ولا انتو يا الغرابة وباقي البقولو مهم� | adil amin | 08-19-19, 12:07 PM |
Re: نحن ولا انتو يا الغرابة وباقي البقولو مهم� | Mahjob Abdalla | 08-19-19, 12:31 PM |
Re: نحن ولا انتو يا الغرابة وباقي البقولو مهم� | Mahjob Abdalla | 08-19-19, 01:29 PM |
Re: نحن ولا انتو يا الغرابة وباقي البقولو مهم� | Farida Mahgoub | 08-21-19, 00:26 AM |
Re: نحن ولا انتو يا الغرابة وباقي البقولو مهم� | ترهاقا | 08-21-19, 01:00 AM |
Re: نحن ولا انتو يا الغرابة وباقي البقولو مهم� | محمد بدرالدين | 08-21-19, 09:37 AM |
Re: نحن ولا انتو يا الغرابة وباقي البقولو مهم� | بلال الطاهر | 08-21-19, 11:30 AM |
Re: نحن ولا انتو يا الغرابة وباقي البقولو مهم� | فيصل محمد خليل | 08-21-19, 12:41 PM |
Re: نحن ولا انتو يا الغرابة وباقي البقولو مهم� | علي عبدالوهاب عثمان | 08-21-19, 01:54 PM |
Re: نحن ولا انتو يا الغرابة وباقي البقولو مهم� | طاهر بدر | 09-12-19, 12:48 PM |
Re: نحن ولا انتو يا الغرابة وباقي البقولو مهم� | aosman | 09-12-19, 05:29 PM |
Re: نحن ولا انتو يا الغرابة وباقي البقولو مهم� | محمد بدرالدين | 10-19-19, 01:42 PM |
Re: نحن ولا انتو يا الغرابة وباقي البقولو مهم� | Ali Alkanzi | 10-19-19, 02:28 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|