الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
Re: شاهدت عجبا في السودان!!! (Re: امتثال عبدالله)
|
سأحدثكم عن اول ملاحظة في اول ساعات وصولي عن رأي من تحدثت معهم عن قوى التغيير والحرية وتجمع المهنيين ، وعن المجلس العسكري وعن حميدتي...ولكن سوف أبدا عن الأطفال في سن ٧ سنوات وسن ٨ سنوات...وكيف تغير فهمهم وماذا يقولون ...واول كلام سمعته بعد السلام من أهل البيت سؤالهم ،:: سمعتي بحكاية داليا ...قلت ليهم لا ..سمعت بالثورة والثوار وسمعت حميدتي وبرهان....وتحدثنا....ومنتظرة رأي الشارع ...ونبض الشارع على حسب طلب النصر ي....
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
اول ملاحظة ان الاطفال الصغار اصبحوا يتكلمون في السياسة وفي مستقبل السودان الديمقراطي وكانهم يفهمون دهاليز السياسة بل وكانهم دارسون للعلوم السياسية ، وقال لي احد الصغار وعمره لا يزيد عن ال ٧ سنوات انهم لا يريدون حكما عسكريا بعد اليوم وان الديمقراطية يجب ان تسود في وطننا السودان كبقية الدول المتحضرة والمتقدمة ، وسالته ماهي اكبر عقبة تواجه التقدم وتحقيق الديمقراطية والرخاء في السودان ،،فاذهلني جوابه ، وعرفت ان الثورة السودانية قد اثرت تاثيرا ايجابيا كبيرا في المجتمع السوداني وتيقنت انه لا عودة ابدا للوراء فان الجيل القادم سيكون اكبر سند وداعم للاستمرار في بلد ديمقراطي حر وان كبت الحريات والدكتاتوريات ستنتهي للابد في السودان .. ترى ماذا قال هذا الطفل الصغير ردا على السؤال !!
| |
|
|
|
|
|
|
Re: شاهدت عجبا في السودان!!! (Re: صباح حسين طه)
|
حمدلله امتثال .. دايرين نعرف الوجه الآخر للمجتمع السودانى. ركزى على هموم الناس و طريقة تتفكيرهم . اتكلمى مع بتاع البقالة و سواق الامجاد و عمال اليومية ، ستات الشاى و العطالى مع الاغلبية الصامتة اذا صحت التسمية
حاولى تعكسى الجانب غير الظاهر لينا فى الغربة.
فى اخر زيارة لى رفضت الذهاب لعفراء مول رغم الضغوطات الشديدة من شباب البيت و مشيت دار السلام غرب امدرمان بحثا عن الحقيقة وليس الزيف
| |
|
|
|
|
|
|
Re: شاهدت عجبا في السودان!!! (Re: النصرى أمين)
|
Quote: دار السلام غرب امدرمان بحثا عن الحقيقة وليس الزيف |
يااا النصري خليها بجاي يااخ.. كان مشت الحتتات ديك ولاقوها اربعة تاتشرات جنجويد واحد فيهم حدر ليها ساااكت ح تفكر تتسلح ول تشيل ليها طبنجة أصلها متحيلة هههههههه.. حمدلله علي السلامة يا أمتثال..
| |
|
|
|
|
|
|
Re: شاهدت عجبا في السودان!!! (Re: ياسر السر)
|
صبوحة لازم تشتاقي السودان...بالسودان في طريقه إلى رخاء وازدهار بعد خلوه من اللصوص والحرامية ... لكن اول خبر سئ سمعته عند وصولي أن البرهان و حميدتي قررا نقل البشير وعصابته من اللصوص والحرامية من سجن كوبر إلى مزرعة خاصة بها كل سبل الراحة والاستجمام على اعتبار أنه لم يتم إدانتهم من قبل المحكمة ...ونسيا انهم كانوا يسجنون الناس دون ذنب ، وكل ذنبهم انهم كانوا يطالبون بحقهم في العيش الكريم وحرية التعبير.... وتواصل لحين ميسرة ....
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
مرحبتين حبابك و اليوم السعيد الليلة جابك
الواعية الراقية امتثال ، الخرطوم نورت وأشرقت
نتمنى تزورينا و تشرفينا ، برسل ليك التلفون في الماسنجر.
ح اتابع البوست لمعرفة الأخبار أول بأول. .خاصة مكان (مزرعة الحيوانات ) الكيزان .
| |
|
|
|
|
|
|
Re: شاهدت عجبا في السودان!!! (Re: Kostawi)
|
كوستاوي شكرا على هذه اللقطات الرائعة والنادرة عن عبقرية وذكاء أطفال السودان ، أطفال ما بعد الثورة ... ..والطفل الذي سألته، وعمره حوالي ٨ سنوات فقط ، عن رأيه في الثورة والعقبات التي تقف أمام تقدم ورخاء السودان ، قال :ثورة السودان أعظم ثورة بأعظم شعب، ، ، وأنا بتمنى السودان يكون زي الدول الاوربية في الديمقراطية والحرية والازدهار والرخاء، وقال عمره الدكتاتورية ما بتقدم بلد ...ولكن الشئ الوحيد الممكن يعوق تقدم السودان هو قوات الدعم السريع لأنها قوات متفلتة ولا ينظمها قانون وهم متوحشين لا يعرفون القانون ...ولذا يجب إدراك هذا الأمر.....وقلت ليه انت بتعرف قوات الدعم السريع دي جات من وين !؟ فقال طبعا دي قوات نظمها البشير عشان يحموهو ...ولكن الله قلبهم عليه ...وهي مليشيات تابعة لنظام البشير ... فقلت في نفسي، ،سبحان الله ، والحمد لله أطفال السودان اصبحوا واعين جدا ....ولا شك أن الجيل القادم ، جيل المستقبل سوف يبني سودان الديمقراطية والعزة والكرامة والازدهار ،،،
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
Quote: عليقك اوسكار ..أوسكار..خمس نجوم ... |
الأوسكار يستحقه الطفل الواعي الذي أجاب على سؤالك الكبير
و تستحقه البنات الشاطرات. في مداخلة كوستاوي و هو كمان
يستاهل أوسكار لأختيار الفيديوهات دي .
بدون مبالغة ، عجبًوني أطفال في بص مدرسة شكلهم سنة أولى
كانت في. تاتشرات كتيرة مرتكزة في احد الشوارع. الرئيسة
كلما البص يمر قدام. تاتشر ، الأطفال. يهتفوا بأعلى صوت : مدنياااااااو
| |
|
|
|
|
|
|
Re: شاهدت عجبا في السودان!!! (Re: نعمات عماد)
|
Quote: وصلت الخرطوم ...وسمعت وشاهدت عجبا... |
حمدا لله على سلامة الوصول وشوفة الاهل ننتظر منك تقريرا لكي يعكس كل الجوانب المشرقة التي لم نشهدها قبلك فالألم والدم ودموع الثكالى وأرواح الشباب المتطايرة وقبضة الجنجويد في الخرطوم لم تترك لنا مجالا للأمل بسودان مشرق عشية زيارتنا يوم فض الاعتصام.
| |
|
|
|
|
|
|
Re: شاهدت عجبا في السودان!!! (Re: عمر التاج)
|
أنا اتوقع مستقبل مشرق لاطفال السودان خاصة في الجوانب الوطنية رغم افتقادها كمادة تدرس بالمدارس - اطفال اليوم ليس كاطفال الامس – أتصلت بأبني وعمره عشرة سنوات في ليلة المليونية 30 يونيو واول مارفع السماعة قال لي (يا ابوي بكرة المليونية) سالته وماذا سوف تفعل قال لي (ماشين لفة جنوب في شمبات) ومنها بتبدا التظاهرات – سالتو (ولو فكو فيكم بنبان) قال لي انا بقيت بمشي (عكس الريح البمبان مابصلني) – وطبعا استشفيت من كلامو دة انو حتى (التكنيك) ومواجهة الحالات الزي دى اتطورت والناس بقت عارفة تتصرف كيف – سالتو وحا تتحركو لوين قال لي مع الناس اي مكان امشوا نحن وراهم- قلت ليه وحاتلبس شنو قال لي (كدارة كورة فيها كدايس) سالتو وليه الكدايس دي بالذات قال لي (الكدايس بتساعدك في الجري ومابتخليك تقع) طبعا بصراحة انا آمنت فورا ان الجيل القادم سوف يكون اعظم جيل والدليل على كدة نحن اتفجأنا بالشباب الكنا فاكرنهم ناس (البنطلون الناصل) طلعوا احسن مننا واوعى مننا بالف سنة ضوئية – وسالتو وبعدين بترجع كيف لو مشيتو مكان بعيد قال لي نحن بنتحرك من داخل الاحياء في شكل جماعات مابنفترق وبنرجع سوااا. وقال لي لما نجي راجعين بنجي شايلين معانا علب البنبان الفاضية – وسالتو عاوزين بيها شنو – قال لي بنبيعها لناس الخرد عشان الالمونيا غالية . طبعا دة جزء من الحوار عشان اوريكم عبقرية اطفال السودان صدقا لكلام الاخت إمتثال.
نأمل من الاخت إمتثال نقل صور وأراء - والجلوس مع شرايح مختلفة ومتباينة حتى تنقل الحقيقة بحذافيرها و يا أمتثال ماتنسي (ستات الشاي) وعمال المدن وكلات المواني والغبش التعاني حشاشة القصوب لقاطة القطن والفرن السخن والشغلاتو نار والجو كيف سخن ديل اهم ناس يا أختي.
ختاما اتمنى لك اقامة طيبة وسعيدة وحمدا لله على السلامة.
| |
|
|
|
|
|
|
Re: شاهدت عجبا في السودان!!! (Re: Maher AlMahi)
|
كل من تحدثت اليه من ركاب البص المتوجه من الخرطوم إلى كوستى أجمعوا على شئ واحد ، وهو انهم فرحون جدا جدا من زوال نظام اللصوص والحرامية، وأكدوا أن أي نظام في الدنيا أفضل من نظام اللصوص والحرامية ،وسنأتي للتفاصيل ....والحوار...
| |
|
|
|
|
|
|
Re: شاهدت عجبا في السودان!!! (Re: Amira Hussien)
|
قبل ان ارد على تعليقاتكم وقبل تفاصيل الحوار مع بعض ركاب البص ، سانقل لكم تحليل منطقي جدا سمعته من استاذ جامعي واظنه ضليع في السياسة عما يدور في الساحة الان ، وفيما اذا كان هناك احباط عام لدى الناس عن مستقبل الثورة السودانية ، وموقف حميدتي ، زعيم الدعم السريع ، وفيما اذا كانت قوات الدعم السريع مخترقة من قبل كتائب الظل وامن البشير ، ولماذا تم القبض على بعض كبار الضباط وبعض المدنيين ،،،،فتابعونا ،،ونعتذر اذا تاخرنا فان النت في الريف ليس كما هو في العاصمة ..الخرطوم،،،...وايه رايكم في واحد اقترح نقل العاصمة الى واحد من المدن الاربعة، مدني، كوستي،بورتسودان ،الابيض،،
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
Quote: .الخرطوم،،،...وايه رايكم في واحد اقترح نقل العاصمة الى واحد من المدن الاربعة، مدني، كوستي،بورتسودان ،الابيض،، |
السودان يحتاج ان العاصمة دورية بالتبادل ..يعني كل مرة مدينة وذلك اسلم حل لتطوير المدن وكذلك تقوية الاواصر بين كل ارجاء السودان
| |
|
|
|
|
|
|
Re: شاهدت عجبا في السودان!!! (Re: Mohd Ibrahim)
|
أكد الأستاذ الجامعي في حديثه أنه وعلى الرغم من الأجواء الملغمة المحيطة بالحوار بين المجلس العسكري وبين قوى الحرية والتغيير والتجمع إلا أنه لا يشعر أبدا بالإحباط واليأس، وأنه متفاءل جدا ان الحكومة المدنية الانتقالية ستكون لها المقدرة في تنظيف الجو السياسي من آثار النظام البائد، ، وأكد كذلك أن قوات الدعم السريع مخترقة لان نظام البشير بدا في الشهور القليلة التي سبقت سقوطه في تجنيد العديد من كوادر ه داخل قوات الدعم السريع وخاصة في مجال الرتب العالية ورتب ضباط الصف من اجل استخدام العنف لتفريق أي مظاهرة ...ولكن حميدتي، زعيم قوات الدعم السريع والذي عينه البشير خلفا لموسى هلال غير موقفه تماما بعد سقوط البشير واصلح عدوا لنظام البشير ، ولكن للاسف لم يستطع السيطرة على تصرفات ضباطه لأنه ليس ضليعا في العسكرية وانه اكتسب هذه الرتبة الرفيعة جربندية ساكت بصمات ولائه...وقال إن قراره بالانضمام لصف الثوار يحسب له ، ،،وأضاف أن استفزازات بعض ضباط الجيش له جعله يهدد المجلس العسكري ان هذه الأمور السلبية تجاهه لها توابعها ...والبرهان وقف معه وكذلك وقف معه الكباشي ... ونتابع حديثه ...لحين مسرة ،،، وبالمناسبة اكتشفت ان اهلنا الغبش في الريف بيعرفوا سياسة احسن مننا بكثير ....
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
Quote: السودان يحتاج ان العاصمة دورية بالتبادل ..يعني كل مرة مدينة وذلك اسلم حل لتطوير المدن وكذلك تقوية الاواصر بين كل ارجاء السودان |
سلامات يا باشمهندس زماااان في عهد النميري ، وطبعاً إمتثال ما حضرت الزمن داك ، كان الإحتفال بالاستقلال و مايو و كم مناسبة كده كل سنة في مدينة في عام 76 كان الاحتفال بالاستقلال في كادوقلي الله يطراها و أهلها بالخير بجانب فعاليات الاحتفال تم سفلتة للشوارع، إنارة بعض الأحياء و الشوارع و الميادين،إنشاء استاد كادوقلي، مصنع النسيج و كم حاجة كده تم عملها . ----------------------------- حمد الله على سلامة الوصول امتثال و أجازة سعيدة ، ومعليش للتخريمة
| |
|
|
|
|
|
|
Re: شاهدت عجبا في السودان!!! (Re: kamal omer)
|
أكد الأستاذ الجامعي أنه متاكد ان حميدتي لم يكن في نيته أبدا استخدام السلاح لفض اعتصام منطقة كولومبيا وأمر جنوده ان يستخدموا فقط السوط، ولكن كتائب الظل والتي دسها نظام البشير داخل قوات الدعم السريع استخدموا السلاح وقتلوا من قتلوا وأهانوا الثوار ، وغضب حميدتي واشتد في الكلام مع شقيقه وهو ضابط في الدعم السريع ولكنه لم يستطع أن يفعل شيئا...فقط حاول التخلص من هذه الكتائب، ،،وهو يريد أن يحسن صورته امام الشعب ولكن جرائمه في دارفور تقف عقبة في طريقه ..وجنوده الان يوزعون الهدايا والمال والطعام في شوارع الخرطوم لكسب ود الشعب، ،ولا اظنه سوف ينجح لان معظم الناس تعتقد أنه هو المسؤول عن دم الشهداء...وهذه الحقائق سوف لن تظهر الا بعد تشكيل الحكومة المدنية وهي السلطة التنفيذية لإنشاء المحاكم وإجراء التحقيقات اللازمة وتقديم المتهمين الحقيقيين للمحاكمة.... ولكن ماهو راي الناس الغبش...راي أهل الريف والقرى !!!
| |
|
|
|
|
|
|
Re: شاهدت عجبا في السودان!!! (Re: Hamid Elsawi)
|
وأضاف المزارع المثقف أن قوى الحرية والتغيير والتجمع لم يوظفا الزخم الذي صاحب ثورة الشعب بالصورة الصحيحة لاكتساب تأييد الشعب السوداني في كل بقاع ارض الوطن وعدم التركيز فقط في العاصمة وكان يجب أن يكون لهم ممثلين نشطين في كافة المدن الكبيرة والقرى الهامة من اجل شرح اهداف الثورة التي تسعى لإرساء الحرية والديمقراطية وتحقيق التنمية والرخاء والازدهار..وان تباطؤ التجمع شجع المجلس العسكري في التسويف والمماطلة ووضع الشروط، وأن الوضع كان لا بد أن بكون معكوسة أي ان التجمع هو الذي يضع الشروط...وان التجمع كذلك تمهل كثيرا في نقل السلطة للشعب وذاك بدعم من الشعب الذي كان على أهبة الاستعداد لتنفيذ كل ما بامر به التجمع...ولكن هناك قصور .... ونواصل لحين ميسرة ومسرة ...
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
ونكتب يعد ذلك عن ماذا قالوا عن مؤامرة البرهان و حميدتي لتصفية الجيش السوداني بتشجيع من دول التحالف الإمارات والسعودية بحجة أن معظم ضباط وجنود الجيش السوداني مؤدلجون وتابعين لتنظيم الإخوان المسلمين،، وعند سؤالي الم يكن البرهان و حميدتي أيضا من الذين كانوا يحمون نظام البشير وهو نظام الإخوان المسلمين فذهلت للتفسير الذي سمعته ، وإلى حين ميسرة
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
قال أحد الجالسين وهو يقاطع المزارع السياسي :هل يمكن أن تصدقوا أن البرهان و حميدتي يتآمران معا لتصفية الجيش السوداني والتخلص من كل ضابط او جندي له ولاء لنظام الإخوان المسلمين السابق، قلنا له لا نصدق لأنهما معا كانا من أنصار النظام السابق ، فقال أن البرهان زار دولة الإمارات وكذلك حميدتي ، وهناك اجتمع معهما رئيس الإمارات وقال لهما إذا أردتم مساعدة دولة الإمارات والسعودية فيجب القضاء على جيوب الإخوان المسلمين والبدء بضباط وجنود قواتكم المسلحة والذين ولاءهم إلى تنظيم الإخوان المسلمين ، وفعلا بدأ الاثنان ومعهم بعض أعضاء المجلس العسكري في تنفيذ هذه المهمة وبدأوا في إثارة سخط الشعب على القوات المسلحة وفعلا بدأ الشعب يتذمر من تصرفات القوات المسلحة المشينة وبدأ حمبدتي في إحالة كبار الضباط للمعاش وكأنه الامر الناهي ولا يتفوه البرهان بكلمة ، ..ولكن بعض ضباط القوات المسلحة شعروا بهذا الأمر وأرادوا قلب الطاولة عليهم وتنفيذ انقلاب ، ولكنهم تراجعوا في اللحظة الأخيرة على إثر نصيحة من النافذين في تنظيم الإخوان المسلمين بحجة أن انقلاب في هذا الوقت ليس في مصلحة الإخوان المسلمين لان جل الشعب يقف الآن ضد التنظيم ويجب إرجاء الأمر إلى وقت لاحق... وعندما سالناه بعض التوضيح ...أوضح وفسر وبين ،،، وإلى حين ميسرة
| |
|
|
|
|
|
|
Re: شاهدت عجبا في السودان!!! (Re: امتثال عبدالله)
|
أمتثال سلام
قرات هذا البوست يوم إفتتحتيه منتهجة أسلوب التشويق وتأخير طرح ما رأيتيه فى السودان .. عدت أطلع إليه اليوم ولم أجد فيما طرحتية عنما أسميته القروى المثقف والأستاذ الجامعى وغيرهم .. ليس هنالك جديدا بل بعضها تخمينات ووجهات نظر تحمل الخطأ والصواب وقد تداولت مثل حميدتى هل متورط فى مجزرة 29 رمضان ..
يا ريت يكون حقاً لديك ما هو جديد وغير ملموس من بعد .. فكبيهو وربما تكون الإندهاشة فيما إندهشنا له من وعى وطنى ومواقف بطولية ما زال المغتربون يتشوقون لسماع تفاصيلها .. وليس تحليلات وتخمينات معروفة ومتداولة!
| |
|
|
|
|
|
|
Re: شاهدت عجبا في السودان!!! (Re: نادر الفضلى)
|
Quote: شاهدت عجبا في السودان!!! |
و نحن يا امتثال سمعنا عجباً عن السودان
متابعة مع تقدير بأن الزمن و الشبكة عامل معاكس بالاضافة للمشغوليات الكتيرة و اللهث البكون حاصل تنمني لك اقامة طيبة في الوطن المنكوب و وسط الاهل الأعزاء و ننتظر مواصلتك حين ميسرة. لك التحايا العطرة
| |
|
|
|
|
|
|
Re: شاهدت عجبا في السودان!!! (Re: Hamid Elsawi)
|
خالص الود والأحترام للأخت أمتثال... يبدو فعلا أن البعد الجغرافي له أثر..ربما رجعت للبلد من مكان بعيد إلا أنه ومع تقديري لأسلوبها الشيق والرصين ولكن المعلومات هذه أو جلها تم تداولها في الوسائط.. وقد يكون جزء كبير من الناس القريبين من الأحدات حتى في الدول المجاورة للوطن على دراية بتفاصيلها كما وردت... إلا أنني أقر بأن أسلوبك جميل وسهل.. وأعاد بلورة الحكايات وتخيلها...لنا ونحن على مقربة من الوطن. شكرا أختنا العزيزة وعودا حميدا..
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|