|
|
 Re: حمدوك والوسيط الأفريقي محمد حسن لبات؟؟؟ ع (Re: منتصر عبد الباسط)
|
Quote:
الأول أين اختفي أبي احمد الأثيوبي ولماذا ظهور لبات ممثلا للاتحاد الافريقي ولماذا السعي جاهدا بكل ما اوتي من قوة للحصول علي توقيعين حتي ولو علي اوراق بيضاء؟ بداية من (اخفاء) تفاصيل الوثيقة نهاية بالضغط عبر المبعوث الامريكي لتوقيع شيك علي بياض ؟ اكتشف الموقعون لاحقا انه ليس ما يريدون التوقيع عليه خصوصا من جانب قوي الحرية والتغيير
|
العزيز جعفر سلام..
في البداية طبعا الاسئلة عن الوثيقة ومنو الكتبها وليه ظهرت ما ح تقدر
تلقي إجابة وااضحة عليها لانه ببساطة في عملية (خم) ممنهج من قوي
الاعلان , وأي كلام عنهم يعتبر خيانة وشق صف!!!!,
الوثيقة الاثيوافريقية دي أكبر كضبة في الثورة دي كوووولها وما في
زول وقف فيها أو إتكلم عنها. ببساطة الوثيقة دي هي (إختطاف)
للمبادرة الاثيوبية بتاعت آبي أحمد ومبعوثه درير.
لو رجعت وراء شوية وبدأت تتابع الخيوط الكثيرة والقطع المتحركة
بعد فض الاعتصام ووقف المفاوضات ح تحك رأسك وتقول دا
حصل كيف؟!
قبل فض الاعتصام ماكانت في أي وثيقة غير الوثيقة المعروفة
بتاعة قوي الاعلان المفروض يوقع عليها مع المجلس. الوثيقة دي
كانت كالاتي (مناصفة في السيادي لكن الرئاسة مدنية , وكل الوزراء
و67% في التشريعي). حصلت المجزرة وعلقت المفاوضات من
العسكر بخطاب البرهان الاول ثم التراجع عنه بسرعه بمد اليد وفتح
الباب للتفاوض في خطاب اليوم الثاني. قوي الاعلان انتظرت
يومين وبعدها أعلنت العصيان المدني كرد فعل لقرار العسكر.
هنا جاء (الوسيط) الاثيوبي ممثلا في آبي أحمد وجلساته
مع البرهان والعسكر وكل قوي الحرية لتقريب وجهات النظر
والعودة للمفاوضات علي وثيقة قحت. هنا أتململ العسكر و ظهرت (وثيقة)
سميت بالمبادرة الاثيوبية وهي أول وثيقة تكتب بغير أقلام
وايادي قوي الاعلان أو العسكر (تدخل مغلف بدعوي التقريب).
وكانت 7+7+1 (الشخصية الهلامية) مع تثبيت حقوق قوي
الاعلان في حقهم في نسبة التشريعي(67%) وكل المجلس
الوزاري. العسكر فضلوا يحمبكو ويدوروا وطلع الكباشي ويقول قدامنا
أكثر من وثيقة للدراسة. هنا لازم ازكّر الناس بجلسة الاستماع
بتاعة الكونغرس من الكتلة بتاعت السيناتور سميث وحضرها
نشطاء سودانيين كان مفروض يشاركوا بالاسئلة لكن أعتذروا
ليهم لضيق الوقت!! , وفيها طالبت سميث عودة المبعوث الامريكي
ليجاوب علي أسئلة من المنصة والنشطاء ولحظتها كان المبعوث
في أديس ابابا في أجتماعات مع الاتحاد الافريقي!!.
هنا ومن غير أي مقدمات ظهر الاستاذ ولد لبّات بوثيقته الافريقية!.
ولانه كانت الوثيقة الاثيوبية مقدمة قاموا سحبوها ودمجوا
الوثيقتين مع بعض وأتولدت الوثيقة الاثيوأفريقية دي! شفت كيف.
ليه الوثيقة دي بالذاااات إتفرضت ولازم تتوقع بإصرار من ولد لبّات
والمبعوث الامريكي حتي قبل عرضها علي كل الاطراف - مع العلم
أنه في مفاوضات جارية في أثيوبيا - بين قحت وكيان مهم جدا
من تكويناتها شئ يدعوا للريبة ويفتح باب التكهنات وااااسع.
حسناً فعلت قوي الاعلان بإمتصاص الضغط والاستجابة وإختيار
أحلي الأمَرين والتوقيع علي الوفاق السياسي وإرضاء ولد لبّات و
أتحاده الافريقي المدفوعين بالامريكان , وإرجاء الآمَر حتي تكتمل
مفاوضات اثيوبيا وإن بدأ علي حساب وحدتها (قحة ولا صمة خشم).
الحسن ولد لبّات عشمه كان يحقق لنفسه إنجاز ولإتحاده الافريقي
نصر علي ثورة نجاحها مهدد لعروش ديكتاتوريات مكوناته.
قوي الحرية بتنسي إنها مدفوعة بثورة لن تتكرر , ونجاحها ح يغير
كثير من السياسات في المنطقة والاقليم ويكشف أقنعة زيف مختبئه
وراءها قوي نافخي كير وبائعي اسلحة ومحاربي حريات.
الشارع قدّم ليهم مراقات في كل مرة يوحلوا في وحل المفاوضات
(الاختاروها) دي وح يقدّم ليهم المزيد في الورطة القدامهم هسي.
الكلام عن قوي الاعلان بقبولهم دراسة او حتي التفكير في
اي حاجة يجيبوها ليهم يصنفك بأنك عاوز تشق الصف ووحدة الكيان
دا رغم أنهم في عضمهم معترفين وبصرحوا بعدم توافقهم الكامل!
قصة أنه الاختلاف في وسطهم صحي , لكن نقدهم واختلاف
الشارع بين النشطاء لأدائهم ومحاولة تصحيحهم هو شق صف
وقد يصل لحد إتهامك ليهم بالخيانة أو طابور خامس والف.
اسلوب ما مقبول وما مفروض يسكت عليه.
عارف مداخلتي طويلة بس قصدت سرد الخطوات كيف وصلنا هنا.
ح ارجع بالصور والبيانات والتواريخ والاهم من كدا ح أحاول
أجاوب علي سؤال البوست الاول عن ولد لبّات وفرض الوثيقة بتاعته.
|
|
 
|
|
|
|
|
| العنوان |
الكاتب |
Date |
| حمدوك والوسيط الأفريقي محمد حسن لبات؟؟؟ عشرات الاسئلة | Gafar Bashir | 07-19-19, 06:02 PM |
| Re: حمدوك والوسيط الأفريقي محمد حسن لبات؟؟؟ ع | منتصر عبد الباسط | 07-19-19, 06:43 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 07:32 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 07:40 PM |
| Re: حمدوك والوسيط الأفريقي محمد حسن لبات؟؟؟ ع | Asim Ali | 07-19-19, 08:03 PM |
| Re: حمدوك والوسيط الأفريقي محمد حسن لبات؟؟؟ ع | منتصر عبد الباسط | 07-19-19, 07:59 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 08:02 PM |
| Re: حمدوك والوسيط الأفريقي محمد حسن لبات؟؟؟ ع | Asim Ali | 07-19-19, 08:06 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 08:15 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 08:13 PM |
| Re: حمدوك والوسيط الأفريقي محمد حسن لبات؟؟؟ ع | منتصر عبد الباسط | 07-19-19, 08:13 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 08:20 PM |
| Re: حمدوك والوسيط الأفريقي محمد حسن لبات؟؟؟ ع | منتصر عبد الباسط | 07-19-19, 08:27 PM |
| Re: حمدوك والوسيط الأفريقي محمد حسن لبات؟؟؟ ع | Mutasim Idris | 07-19-19, 08:17 PM |
| Re: حمدوك والوسيط الأفريقي محمد حسن لبات؟؟؟ ع | Mutasim Idris | 07-19-19, 08:32 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 08:57 PM |
| Re: حمدوك والوسيط الأفريقي محمد حسن لبات؟؟؟ ع | منتصر عبد الباسط | 07-19-19, 08:44 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-19-19, 09:07 PM |
| Re: حمدوك والوسيط الأفريقي محمد حسن لبات؟؟؟ ع | منتصر عبد الباسط | 07-19-19, 10:01 PM |
| Re: حمدوك والوسيط الأفريقي محمد حسن لبات؟؟؟ ع | Deng | 07-19-19, 10:21 PM |
| Re: حمدوك والوسيط الأفريقي محمد حسن لبات؟؟؟ ع | Hafiz Bashir | 07-19-19, 11:11 PM |
| Re: حمدوك والوسيط الأفريقي محمد حسن لبات؟؟؟ ع | كمال عباس | 07-19-19, 11:44 PM |
| Re: حمدوك والوسيط الأفريقي محمد حسن لبات؟؟؟ ع | Hafiz Bashir | 07-20-19, 00:25 AM |
| Re: حمدوك والوسيط الأفريقي محمد حسن لبات؟؟؟ ع | Mahjob Abdalla | 07-20-19, 02:47 AM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-20-19, 08:28 AM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-20-19, 08:30 AM |
 Re: حمدوك والوسيط الأفريقي محمد حسن لبات؟؟؟ ع | محمد أبوجودة | 07-20-19, 07:38 PM |
| Re: حمدوك والوسيط الأفريقي محمد حسن لبات؟؟؟ ع | Gafar Bashir | 07-20-19, 10:25 PM |
| Re: حمدوك والوسيط الأفريقي محمد حسن لبات؟؟؟ ع | Al Sunda | 07-21-19, 06:09 AM |
|
تعليقات قراء سودانيزاونلاين دوت كم على هذا الموضوع:
at FaceBook
| |
Mutasim Idris
فيس بوك
تويتر
انستقرام
يوتيوب
بنتيريست