Post: #1
Title: عرافة من غواتيمالا تتنبا بمستقبل جميل للسودان
Author: Osman Musa
Date: 07-19-2019, 10:58 AM
Parent: #0
10:58 AM July, 19 2019 سودانيز اون لاين
Osman Musa-
مكتبتى
رابط مختصر
العرافة المشهورة من ارياف مدينة انتيقوا مسافة ساعة بالسيارة
من غواتيمالا سيتي . قالت السودان بعد 15 سنة من الان حيكون من البلدان المحببة
للسياحة والتعليم والعلاج . ياخ انشاءالله .
|
Post: #2
Title: Re: عرافة من غواتيمالا تتنبا بمستقبل جميل ل
Author: عبدالله عثمان
Date: 07-19-2019, 03:19 PM
Parent: #1
يا ود أعمها
١٥ سنة كتيرة ياخ
انحنا منتظرين "غريب" يوم في السودان قيل عنه
اقل ما فيه ما لا عين رأت ولا اذن سمعت ولا خطر على قلب بشر
سيكون علاج ولكن من التوع القيل فيهو (غير حقنة ومشرحة)
١٥ سنة كتيرة
لقد هرمتم 🙂🙂🙂😎😎
|
Post: #3
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-19-2019, 04:00 PM
Parent: #2
د. عبدالله يا ابو النسب . سلامات
ما داير ادخل ليك في هترشة التاريخ ودخول العرب بلاد الاندلس وفتح الاسبان للسنترال اميركا
ونسب وحسب بنت عمك العرافة ماريا الغوتيمالية . عشان ما تقوم تتسلبط وتعمل فيها عندك فدانين
في ساقية انتيقوا حقت حبوبة العرافة ماريا .
يازول بعد ماريا بعد ما دفستليها عشرة دولار في الرملة وحكيت ليها . الموضوع ما اخد دقيقة
بعد واحد وتلاتين شخته في الواطة .
لاحظ. 31 شختة ومسحت دي اظنها سنين الانقاذ .
وبعدها 15 شخته بين الخمسطاشر. مطبات . بعد المطبات دراهم دري الدراهم . بي لغة الاسبانيول
دينيرو. . ياخ. الدينيرو. رقد. برم طلح .
قاليك تاني عادي طلاب جامعة ديوك تجو. للتحضر في جامعة لفة الكلاكلة .
والله يا دكتور. انا. جادي. في نص الهترشة الفوق. دي. . وبالمناسبة ماريا دي هي الكشفت
المشكلة الحصلت في نزال مايك تايسون وهولفيلد. قبل اسبوع من النزال .
|
Post: #4
Title: Re: عرافة من غواتيمالا تتنبا بمستقبل جميل ل
Author: نادر الفضلى
Date: 07-19-2019, 04:32 PM
Parent: #3
سلام عثمان موسى
ما قالت محكوم بمنو .. وسكانو منو بعد 15 سنة !
لو على سكان اليوم ويحكموا أنفسهم بعد كم سنة أضرب 15 فى 10 لإحتمال تتحقق نبؤتها!
|
Post: #5
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-19-2019, 04:50 PM
Parent: #4
اخونا نادر. سلامات
انت قايل هي ادتني نفس اسالها عن منو البحكم السودان في ال 15 سنة الجايات .
زولتك دبرست بي لحظة قالت لي . انا ما بكون عايش لي داك الزمن . دبرست بي لا حدي
ما. كان داير. اقول ليها رجعي لي العشرة دولار .
لكن. يا. نادر. الزولة. جادة. في. انو. سودانا. فوق. فوق سودانا فوق .
|
Post: #6
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-19-2019, 04:54 PM
Parent: #4
اخونا نادر. سلامات
انت قايل هي ادتني نفس اسالها عن منو البحكم السودان في ال 15 سنة الجايات .
زولتك دبرست بي لحظة قالت لي . انا ما بكون عايش لي داك الزمن . دبرست بي لا حدي
ما. كان داير. اقول ليها رجعي لي العشرة دولار .
لكن. يا. نادر. الزولة. جادة. في. انو. سودانا. فوق. فوق سودانا فوق .
|
Post: #7
Title: Re: عرافة من غواتيمالا تتنبا بمستقبل جميل ل
Author: نادر الفضلى
Date: 07-19-2019, 06:05 PM
Parent: #6
اها يا عثمان دا النوع البايخ فى زول سالها عن الأجل .. كترت المحلبية .. كذب المنجمون ولو صدقوا
رينا يديك العمر المديد .. ما قلت ليك لخبتت بين 15 و 150 سنة ز. أكيد بعد 150 سنة ما حتكون شاهد عصر
|
Post: #8
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-20-2019, 06:38 AM
Parent: #7
اخي نادر سلامات
مسيرات الشعب السوداني السلمية شغلت الدنيا في امريكا والسنترال اميركا .
بنات الاسبانيول جنن بي سبب شجاعة شهيد الترس . وبقت المحبة شديدة . السنين
الجايات. حتفتح الابواب الجميلة علي السودان
|
Post: #9
Title: Re: عرافة من غواتيمالا تتنبا بمستقبل جميل ل
Author: Maher AlMahi
Date: 07-20-2019, 08:15 AM
Parent: #1
| Quote: قالت السودان بعد 15 سنة من الان حيكون من البلدان المحببة |
ههههههها أنا بس عاوز أعرف (15 سنة من الان) دي بدت بتين - أمكن أكون الكلام دة قبل نظام عبود واتطبق ايام نميري ياها دي مدة حكم نميري ال 15 سنة دي . هههههههها
|
Post: #10
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-20-2019, 10:31 AM
Parent: #9
اخونا ماهر سلامات
ملجة انتيقوا كانت زحمة بي ضاربين الرمول والكشافين وختاتات الودع .
ما عارف العادات دي مشت لي الفجج البعيدة دي كيف . الله يبارك في جدنا
طارق بن زياد .
علي كل حال يا ماهر. اخوي الفروق ما كبيرة الودع نفس الودع والشخبتات في
الرمال الممورنة. نفس الشخبتات .
طبعا ما كمان عشان دفستليها العشرة دولار اقوم اضيع زمن العرافة واحكها
معاها. وادخل. في تفاصيل الكجار الحاصل. بين المجلس العسكري والمهنيين .
لكن بتخيل ال 15 بتكون من بداية الفترة الانتقالية
|
Post: #11
Title: Re: عرافة من غواتيمالا تتنبا بمستقبل جميل ل
Author: Maher AlMahi
Date: 07-20-2019, 10:48 AM
Parent: #10
ههههها يا اخوي عثمان 10 دولارات دي مابتسوي شي كان (تغمت) ليها 100 دولار كان صادرت لينا الدهب من جبل عامر وقلبت السودان زي السعودية - انا خايف كلامها دة اطلع زي كلام عمك (بلة الغائب) لما سالوهو البشير دة حا احكم كم سنة قال والله الواحد في والستة في لكن ماعارف الرقم الاول ياتو- عشان كدة انا لاسة ما مقتنع انو البشير دة طار.
|
Post: #12
Title: Re: عرافة من غواتيمالا تتنبا بمستقبل جميل ل
Author: عزالدين عباس الفحل
Date: 07-20-2019, 11:21 AM
Parent: #11
Osman Musa
سلام قريبي عثمان .
ابدااااااع في الهترشة
يا خي ضحكتني هستريا .
حتي ارتميت الي الوراء .
15 سنة كثيرة خلاااااص .
زود البياض ح تقول .
ليك سنة واحدة بس
عاااااااطر الاشواق .
***
،،،،
Quote:
4
العرافة المشهورة من ارياف مدينة انتيقوا مسافة ساعة بالسيارة
من غواتيمالا سيتي . قالت السودان بعد 15 سنة من الان حيكون من البلدان المحببة
للسياحة والتعليم والعلاج . ياخ انشاءالله
Osman Musa
،،،،
|
عزالدين عباس الفحل
ابوظبي
|
Post: #13
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-20-2019, 01:16 PM
Parent: #12
اخونا عزو كبوشية سلامات ههههها عمتك الغواتيمالية في عز الشخبتات كانت محكرة جمبها في الرملة علبة البيرة النديانة غايتو من بعيد ماقادر اشوف نسبة الكحول في العلبة . لكن زولتك زي الطنطنت بي اسم زي حمدوك احمدوك . لو قالت اللقب حقو ( الجنزير التقيل ) كان فكيت فيها خمسين دولار. . بس. مسحت الواطة كم. مره .
المهم مشيت من زحمة ملجة الرمالة منفوخ فخر. من سمعة ثورة
الشباب الخلت العالم يتلفت جهات نهرنا الذي يطفح بالضحايا
والدما و ....
|
Post: #14
Title: Re: عرافة من غواتيمالا تتنبا بمستقبل جميل ل
Author: Mohamed Adam
Date: 07-20-2019, 03:56 PM
Parent: #13
لايحتاج لاي عرافه, او لزرقا+ يمامة عشان ماتعرف السودان في طريقوا لينقسم لدولتين او اكثر والشواهد علي ذلك قفي لمن يشيل!
االبيرة نعنشت بهذه العرافة.
|
Post: #16
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-20-2019, 04:21 PM
Parent: #14
اخونا محمد ادم سلامات
ههههها لا. لا. ياخ البيرة النديانة هي الخلت العرافة تشوف اعمق .
سلمية الثورة السودانية كشفت للعالم حاجات جميلة عن السودان .
صدقني الناس. دي. ما ماتت ساكت .
والله يا اخ. محمد. تابعنا. في الايام الفاتت شهادات اعلاميين امريكان
في قنوات مختلفة كلهم. يحكوا. عن. انهم. ما شافوا. ناس بتقابل الرصاص
بي صدور. كاشفة. في سبيل. الديمقراطية زي السودانين .
يازول. البلد. حتتصلح. انشاءالله .
|
Post: #15
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-20-2019, 04:08 PM
Parent: #11
اخونا ماهر سلام
زمان في سنين برلمتنا في المدينة الباهية مانهاتن كان الواحد فينا جد مندهش بي الشايفو قدامو
كيف ما تندهش وانت الزول المسكوك سك من بلد ضاقت فيهو المعايش واصبح
فيهو يا يعدموك في الدولارات حقتك يا تموت في حرب الجنوب .
اندهشنا حد الدهشة ما تقيف بي معارض الشارع نمره 10 الشارع الممدود وقافل في ال nyc
شارع معارض فنون الصيف . في مانهاتن .
كان في النواصي بتلاقي فيها شلل من الاسبانيول كشافين الحظوظ
والرمالة والوداعة . الصادقين والنصابين . منهم
وكلهم شغالين شغل جد . وكان الرسامين اصحاب المعارض
ما عندهم. مانع. من وجود الرمالة . و وجود الرمالة كان بشعلل
الشارع وبحببو. للمتفسحين والمتفسحات من كنداكات المدينة التفاحة .
وطبعا الامريكان
بيدفعوا. وما. بيتجلدنوا. زي. جلدنتنا. في. محاولة معرفة المستقبل .
عان جاي بجيك. لي. موضوع حمدوك الملقب بي الجنزير التقيل. عند اهلنا الكردافة .
|
Post: #17
Title: Re: عرافة من غواتيمالا تتنبا بمستقبل جميل ل
Author: Asim Ali
Date: 07-20-2019, 04:28 PM
Parent: #15
انت ماشى بعيد يتسال عن حال السودان بيتصلح متين.
كان تسالها ديك الهده وكتاكتكيتو ح يريحنا الله منهم متين بعدها السودان غمضه عين يبقى حاجه تانيه.
|
Post: #18
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-20-2019, 06:03 PM
Parent: #17
نتابع
|
Post: #19
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-21-2019, 07:46 AM
Parent: #18
الله يبارك فيك يا بنت قرية انتيقوا . القرية الحالمة المرفوعة فوق قمة سلسلة
غواتيمالا سيتي .
كيف يا بنية قدرتي تشوفي احلام شهيد الترس .
|
Post: #20
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-21-2019, 09:30 AM
Parent: #19
قنوات الدنيا كلها بقت تفرفر في الاطلس وتفتش عن السودان
وعن اسلحتو المدنية .
بس افتح التلفزيون وانت في اي بلد حتشوف صور اهلك . يهداك قصر
كورنثيا و القصر الجمهوري وقصر الفندق الكبير والقصور. الممدودة علي
النيل . من لغات التلفزيونات شي تفهمو. و شي ما تفهمو. لكن في الاخير.
الصور. وشيل نفس المذيعات الجميلات يفهمك . انو داك بلدك الممكن يتصلح .
غايتو. في الخارج شايف الاهتمام بي بلدنا. اصبح اكتر واشد .
|
Post: #21
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-21-2019, 02:59 PM
Parent: #17
حباب الاخ عصام
وخليك. قريب .
بنية غواتيمالا يا عصام فتحت ضلفات كتيرة علي السودان
والسودان حيشعلل كتير من الثورات في ساحة شرق و وسط افريقيا
والعالم العربي .
|
Post: #22
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-22-2019, 07:07 AM
Parent: #21
ياريت لو كان بعرف انقل الصور .
لو البوست شمل صور انتيقوا. والعرافة ست كان تكون الصورة اوضح
|
Post: #23
Title: Re: عرافة من غواتيمالا تتنبا بمستقبل جميل ل
Author: Osman Musa
Date: 07-22-2019, 06:15 PM
Parent: #1
الغواتيمالية شغالة في علوم التنجيم شغل بروفيشنال و هي خريجة مدرسة الرياضيات في جامعة
كولمبيا سيتي .
|
|