|
|
|
 Re: عرافة من غواتيمالا تتنبا بمستقبل جميل ل (Re: عبدالله عثمان)
|
د. عبدالله يا ابو النسب . سلامات
ما داير ادخل ليك في هترشة التاريخ ودخول العرب بلاد الاندلس وفتح الاسبان للسنترال اميركا
ونسب وحسب بنت عمك العرافة ماريا الغوتيمالية . عشان ما تقوم تتسلبط وتعمل فيها عندك فدانين
في ساقية انتيقوا حقت حبوبة العرافة ماريا .
يازول بعد ماريا بعد ما دفستليها عشرة دولار في الرملة وحكيت ليها . الموضوع ما اخد دقيقة
بعد واحد وتلاتين شخته في الواطة .
لاحظ. 31 شختة ومسحت دي اظنها سنين الانقاذ .
وبعدها 15 شخته بين الخمسطاشر. مطبات . بعد المطبات دراهم دري الدراهم . بي لغة الاسبانيول
دينيرو. . ياخ. الدينيرو. رقد. برم طلح .
قاليك تاني عادي طلاب جامعة ديوك تجو. للتحضر في جامعة لفة الكلاكلة .
والله يا دكتور. انا. جادي. في نص الهترشة الفوق. دي. . وبالمناسبة ماريا دي هي الكشفت
المشكلة الحصلت في نزال مايك تايسون وهولفيلد. قبل اسبوع من النزال .
| |
  
|
|
|
|
|
|
|
|
Re: عرافة من غواتيمالا تتنبا بمستقبل جميل ل (Re: نادر الفضلى)
|
اخونا نادر. سلامات
انت قايل هي ادتني نفس اسالها عن منو البحكم السودان في ال 15 سنة الجايات .
زولتك دبرست بي لحظة قالت لي . انا ما بكون عايش لي داك الزمن . دبرست بي لا حدي
ما. كان داير. اقول ليها رجعي لي العشرة دولار .
لكن. يا. نادر. الزولة. جادة. في. انو. سودانا. فوق. فوق سودانا فوق .
| |
|
|
|
|
|
|
|
|
|
Re: عرافة من غواتيمالا تتنبا بمستقبل جميل ل (Re: نادر الفضلى)
|
اخونا نادر. سلامات
انت قايل هي ادتني نفس اسالها عن منو البحكم السودان في ال 15 سنة الجايات .
زولتك دبرست بي لحظة قالت لي . انا ما بكون عايش لي داك الزمن . دبرست بي لا حدي
ما. كان داير. اقول ليها رجعي لي العشرة دولار .
لكن. يا. نادر. الزولة. جادة. في. انو. سودانا. فوق. فوق سودانا فوق .
| |
|
|
|
|
|
|
|
|
|
Re: عرافة من غواتيمالا تتنبا بمستقبل جميل ل (Re: Maher AlMahi)
|
اخونا ماهر سلامات
ملجة انتيقوا كانت زحمة بي ضاربين الرمول والكشافين وختاتات الودع .
ما عارف العادات دي مشت لي الفجج البعيدة دي كيف . الله يبارك في جدنا
طارق بن زياد .
علي كل حال يا ماهر. اخوي الفروق ما كبيرة الودع نفس الودع والشخبتات في
الرمال الممورنة. نفس الشخبتات .
طبعا ما كمان عشان دفستليها العشرة دولار اقوم اضيع زمن العرافة واحكها
معاها. وادخل. في تفاصيل الكجار الحاصل. بين المجلس العسكري والمهنيين .
لكن بتخيل ال 15 بتكون من بداية الفترة الانتقالية
| |
|
|
|
|
|
|
|
|
 Re: عرافة من غواتيمالا تتنبا بمستقبل جميل ل (Re: Maher AlMahi)
|
Osman Musa
سلام قريبي عثمان .
ابدااااااع في الهترشة
يا خي ضحكتني هستريا .
حتي ارتميت الي الوراء .
15 سنة كثيرة خلاااااص .
زود البياض ح تقول .
ليك سنة واحدة بس
عاااااااطر الاشواق .
***
،،،،
Quote:
4
العرافة المشهورة من ارياف مدينة انتيقوا مسافة ساعة بالسيارة
من غواتيمالا سيتي . قالت السودان بعد 15 سنة من الان حيكون من البلدان المحببة
للسياحة والتعليم والعلاج . ياخ انشاءالله
Osman Musa
،،،،
|
عزالدين عباس الفحل
ابوظبي
| |
|
|
|
|
|
|
|
|
|
Re: عرافة من غواتيمالا تتنبا بمستقبل جميل ل (Re: Mohamed Adam)
|
اخونا محمد ادم سلامات
ههههها لا. لا. ياخ البيرة النديانة هي الخلت العرافة تشوف اعمق .
سلمية الثورة السودانية كشفت للعالم حاجات جميلة عن السودان .
صدقني الناس. دي. ما ماتت ساكت .
والله يا اخ. محمد. تابعنا. في الايام الفاتت شهادات اعلاميين امريكان
في قنوات مختلفة كلهم. يحكوا. عن. انهم. ما شافوا. ناس بتقابل الرصاص
بي صدور. كاشفة. في سبيل. الديمقراطية زي السودانين .
يازول. البلد. حتتصلح. انشاءالله .
| |
|
|
|
|
|
|
|
|
|
Re: عرافة من غواتيمالا تتنبا بمستقبل جميل ل (Re: Maher AlMahi)
|
اخونا ماهر سلام
زمان في سنين برلمتنا في المدينة الباهية مانهاتن كان الواحد فينا جد مندهش بي الشايفو قدامو
كيف ما تندهش وانت الزول المسكوك سك من بلد ضاقت فيهو المعايش واصبح
فيهو يا يعدموك في الدولارات حقتك يا تموت في حرب الجنوب .
اندهشنا حد الدهشة ما تقيف بي معارض الشارع نمره 10 الشارع الممدود وقافل في ال nyc
شارع معارض فنون الصيف . في مانهاتن .
كان في النواصي بتلاقي فيها شلل من الاسبانيول كشافين الحظوظ
والرمالة والوداعة . الصادقين والنصابين . منهم
وكلهم شغالين شغل جد . وكان الرسامين اصحاب المعارض
ما عندهم. مانع. من وجود الرمالة . و وجود الرمالة كان بشعلل
الشارع وبحببو. للمتفسحين والمتفسحات من كنداكات المدينة التفاحة .
وطبعا الامريكان
بيدفعوا. وما. بيتجلدنوا. زي. جلدنتنا. في. محاولة معرفة المستقبل .
عان جاي بجيك. لي. موضوع حمدوك الملقب بي الجنزير التقيل. عند اهلنا الكردافة .
| |
|
|
|
|
|
|
|
|
|
Re: عرافة من غواتيمالا تتنبا بمستقبل جميل ل (Re: Osman Musa)
|
قنوات الدنيا كلها بقت تفرفر في الاطلس وتفتش عن السودان
وعن اسلحتو المدنية .
بس افتح التلفزيون وانت في اي بلد حتشوف صور اهلك . يهداك قصر
كورنثيا و القصر الجمهوري وقصر الفندق الكبير والقصور. الممدودة علي
النيل . من لغات التلفزيونات شي تفهمو. و شي ما تفهمو. لكن في الاخير.
الصور. وشيل نفس المذيعات الجميلات يفهمك . انو داك بلدك الممكن يتصلح .
غايتو. في الخارج شايف الاهتمام بي بلدنا. اصبح اكتر واشد .
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Osman Musa
عبدالله عثمان
نادر الفضلى
Maher AlMahi
عزالدين عباس الفحل
Mohamed Adam
Asim Ali
فيس بوك
تويتر
انستقرام
يوتيوب
بنتيريست