|
|
 Re: الشعب السوداني مابين حميدتي وحمدوك (Re: منصوري)
|
نفسي أرجع والفح الحرية شالا
والبس التوب المطرز بالعدالة
مشتهيك انا يا بلد
،،،،،،،،،
الشعب السوداني شعب عظيم ، يستاهل ان يحكمه عمالقة الناس
الاستاذ محمودمحمد طه قال ( الشعب السوداني شعب عملاق، يتقدمه أقزام )
برضو شعب حنيييين،، ولوووف،، طييييب،، متواضع،،، جسور ،، مقدام ،،، كريم،،
حاجة عجيبة ،، يجمع الأضطاد مرات
يفرح شدييييد مرات
يحزن شديييييد مرات
فى اعراسهم يفرحوا تب حد الفرح
فى احزانهم ولما يموت زول يحزنوا تب،، حتى كان الزول عجووووز وعمرو 100 سنة جد جدهم برضو يحزنوا والبنات يبكن،، ويدمسن
ميؤوس منو وكبييير ولا يرجى له إلا الموت برضو يحزنوا ويبكوا والبنات يدمسن
هل تعلم ان السودان مدنها وقراها وريفها وحضرها ،، هل تعلم إنو مافيها دار عجزة ؟
موش غريبة
حتى لو الزول ماعندو زول يمسكو بعد يكبر برضو ما بيودهو دار عجزة ، ولافي دار عجزة ذاتو
لابد أن الله سيكافئه هذا الشعب العظيم في الدنيا قبل الآخرة ، وتنبثق منه قامات كوكبية ، عالمية
هسه ثورتنا دى موش حيرت العالم وبهرت الجيران؟
حتى كتاب مصر واعلامييها تحدثوا وكتبوا
المصريين مع انهم جيرانا ويعتبرونا امتداد طبيعي لهم ، كانوا ما قاعدين يشوفوا لينا شيتا (شيتن) سمح،، بدأؤوا يتحرروا ويشوفوا سمحنا
،،،،
مغتربينا خارج الوطن تفاعلوا مع الثورة دى جنس تفاعل!
بل قادوها وطوروها،، وكتبوا ورسلوا للدوائر التي تصنع القرار وتتفاعل مع الشعوب التى تطلب الحرية والعدالة
العالم اتفتح واصبح قرية صغيره( إذا اشتكى منه عضو ، تداعى له سائر الجسد بالسهر والحمى )
المغتربين فى اغترابهم ومعظمهم نال الجواز فى البلاد التى هاجروا اليها وحياتهم مشت،، وبناتهم كبروا وولادهم كبروا
بقوا شباب صلاة النبي ،،عينى باردي
برضو يحنوا لى وطنهم بصورة منقطعة النظير ،، كانو العندهم دا والشى الفيهو هم هناك ما مالى عينهم ،، همهم على الوطن،،
الناس الكبار والحريم الكبار وزوجاتهم تراهو عرفناهم عاشوا اواسط عمرهم فى السودان
الجيل الذي نشأ من اصلابهم برضو تلقاهو منفعل انفعال شديد خلاص،، حاجة تحير ،، شفناهم فى امريكا واروبا واستراليا والسويد والنرويج شايلين المكرفونات ويهتفوا
وواقفين امام المنظمات والهيئات التى تصنع القرار
شعب عظيم والله،، لابد ان الله مكافئة بى شيتا لا انسمع ولا انشاف،،
شعب معلم الشعوب، بس عايز ينطلق من عقاله ويكسر القيد
|
|
 
|
|
|
|
|
| العنوان |
الكاتب |
Date |
| الشعب السوداني مابين حميدتي وحمدوك | منصوري | 07-07-19, 09:28 AM |
| Re: الشعب السوداني مابين حميدتي وحمدوك | علي عبدالوهاب عثمان | 07-07-19, 10:10 AM |
| Re: الشعب السوداني مابين حميدتي وحمدوك | منصوري | 07-07-19, 10:48 AM |
| Re: الشعب السوداني مابين حميدتي وحمدوك | منصوري | 07-07-19, 12:27 PM |
| Re: الشعب السوداني مابين حميدتي وحمدوك | امتثال عبدالله | 07-07-19, 12:55 PM |
| Re: الشعب السوداني مابين حميدتي وحمدوك | علي عبدالوهاب عثمان | 07-07-19, 01:13 PM |
| Re: الشعب السوداني مابين حميدتي وحمدوك | منصوري | 07-07-19, 02:39 PM |
| Re: الشعب السوداني مابين حميدتي وحمدوك | امتثال عبدالله | 07-07-19, 05:27 PM |
| Re: الشعب السوداني مابين حميدتي وحمدوك | منصوري | 07-07-19, 06:43 PM |
| Re: الشعب السوداني مابين حميدتي وحمدوك | منصوري | 07-07-19, 07:05 PM |
| Re: الشعب السوداني مابين حميدتي وحمدوك | Yasir Elsharif | 07-07-19, 07:34 PM |
| Re: الشعب السوداني مابين حميدتي وحمدوك | منصوري | 07-07-19, 08:27 PM |
| Re: الشعب السوداني مابين حميدتي وحمدوك | منصوري | 07-07-19, 09:57 PM |
| Re: الشعب السوداني مابين حميدتي وحمدوك | منصوري | 07-08-19, 08:03 AM |
| Re: الشعب السوداني مابين حميدتي وحمدوك | منصوري | 07-08-19, 12:10 PM |
| Re: الشعب السوداني مابين حميدتي وحمدوك | منصوري | 07-08-19, 09:14 PM |
| Re: الشعب السوداني مابين حميدتي وحمدوك | منصوري | 08-22-19, 05:41 PM |
|
تعليقات قراء سودانيزاونلاين دوت كم على هذا الموضوع:
at FaceBook
| |
منصوري
فيس بوك
تويتر
انستقرام
يوتيوب
بنتيريست