Post: #2
Title: Re: الدعم..السريع!!! أي شي بالمجان
Author: تماضر الطاهر
Date: 06-24-2019, 09:23 AM
Parent: #1
حافلات مواصلات وسيارات إسعاف تنتشر في شوارع الخرطوم
كتب عليها : الدعم السريع
خدمة مجانية للمواطنين
،،
ثم ماذا بعد؟؟
أقترح عليهم عمل مقابر (مقابر الدعم السريع)
يضربوك ويسعفوك ويكتلوك ويدفنوك
|
Post: #3
Title: Re: الدعم..السريع!!! أي شي بالمجان
Author: دفع الله ود الأصيل
Date: 06-24-2019, 09:36 AM
Parent: #2
بالموناسبة مصلطح ( الدعم ) دا زاتو سمعنا قالو في الخليج
ليهو معنى مغاير تماماً لما جرى به اللسان بشوارد بنت عدنان.
قالو معناه: ( الصدم)؛ يدعموك يعني يدوسوك. و بالطريقة دي يبقى
على قولت كنداكات الاعتصام: (وينو البجم جيبو ندعمو دعم).
|
Post: #4
Title: Re: الدعم..السريع!!! أي شي بالمجان
Author: Abdullah Idrees
Date: 06-24-2019, 09:39 AM
Parent: #3
قريشاتو الزي "قدح الطهور" ديل بعد شوية بكملن وبطير ليهو ..
|
Post: #5
Title: Re: الدعم..السريع!!! أي شي بالمجان
Author: تماضر الطاهر
Date: 06-24-2019, 09:41 AM
Parent: #3
مرحب وحبابك أستاذ دفع الله
المعنى يناسبهم تماماً
|
Post: #6
Title: Re: الدعم..السريع!!! أي شي بالمجان
Author: Khalid Abbas
Date: 06-24-2019, 10:05 AM
Parent: #3
Quote: ليهو معنى مغاير تماماً لما جرى به اللسان بشوارد بنت عدنان.
قالو معناه: ( الصدم)؛ يدعموك يعني يدوسوك. و بالطريقة دي يبقى |
هههههههههههههههههههههههه لكل امرء من اسمه نصيب
|
Post: #7
Title: Re: الدعم..السريع!!! أي شي بالمجان
Author: تماضر الطاهر
Date: 06-24-2019, 10:12 AM
Parent: #6
ههههه غايتو يا أستاذ عبد الله إدريس...ضحكتني وأنا لي زمن ما ضحكت
،،،
الضحاكات وشراء ذمم ضعاف النفوس والبسطاء...وخطورة الدعاية
يمسِح ويكتِح حميرتي
، سلام وتحايا
|
Post: #8
Title: Re: الدعم..السريع!!! أي شي بالمجان
Author: تماضر الطاهر
Date: 06-24-2019, 10:13 AM
Parent: #7
حباب الأخ خالد عباس
صدقت
|
Post: #9
Title: Re: الدعم..السريع!!! أي شي بالمجان
Author: ABUHUSSEIN
Date: 06-24-2019, 10:48 AM
Parent: #8
سلام أختنا تماضر و ضيوفها الكرام
حسب فهمو إنو أمرو بتمشي كدا ...
مفتكر إنو بالقروش المعاه دي ممكن يعمل أي شي و ممكن يشتري أي شي حتى ذمم الناس
شاف في ناس باعت ذممها قال خلاص كل الناس عندها الإستعداد تبيع و هو يشتري ...
تحياتي
|
Post: #11
Title: Re: الدعم..السريع!!! أي شي بالمجان
Author: تماضر الطاهر
Date: 06-24-2019, 11:09 AM
Parent: #9
دايماً حبابك أخي أبو حسين
الحمد لله الناس أغلبهم واعيين..
لكن في بقايا فلول وتانيين ما فارق معاهم شي..شعب أي حكومة..ديل منهم خوف ينساقوا وراء الهبل دا
،
وجعني المنظر شديد
|
Post: #10
Title: Re: الدعم..السريع!!! أي شي بالمجان
Author: Mahjob Abdalla
Date: 06-24-2019, 10:53 AM
Parent: #8
في يوم 27 رمضان جابو ليهم فيديو بوزع الموية (بالمجان) في الشارع اثناء الافطار و في يوم 28 رمضان وزعو ليهم الموت (بالمجان) برضو.
|
Post: #12
Title: Re: الدعم..السريع!!! أي شي بالمجان
Author: تماضر الطاهر
Date: 06-24-2019, 11:10 AM
Parent: #10
سلام وتحايا أستاذ محجوب
صدقت والله
والزول البيقبل عطاياهم..شريك في ما يرتكبون من جرائم
|
Post: #13
Title: Re: الدعم..السريع!!! أي شي بالمجان
Author: محمد محمد قاضي
Date: 06-24-2019, 11:20 AM
Parent: #1
سلام وتحية الكنداكة تماضر والضيوف
يا جماعة الشغل ده كوووولووو شغل كيزان
حميدتي ومليشياته ما عندهم القدرة حتي إطعام
أنفسهم لو لا وجود ومساندة الكيزان وقروشهم
ما بتكمل ومكرهم ما ليه آخر فما في طريقة
لينا غير الثورة و((مقاومة)) مسلحة حتي النصر
|
Post: #14
Title: Re: الدعم..السريع!!! أي شي بالمجان
Author: تماضر الطاهر
Date: 06-24-2019, 11:40 AM
Parent: #13
تحياتي أخي محمد قاضي
شوقتني أعرف عن مصادر تمويل الدعم السريع بالتفصيل
وما تعنيه بمقاومة مسلحة!!
مع عميق تقديري
|
Post: #15
Title: Re: الدعم..السريع!!! أي شي بالمجان
Author: محمد محمد قاضي
Date: 06-24-2019, 01:07 PM
Parent: #1
Quote: شوقتني أعرف عن مصادر تمويل الدعم السريع بالتفصيل
وما تعنيه بمقاومة مسلحة!! |
العالم كلوو عارف أي مكان فيه فساد وتمويل مشبوه وراه بيكون كوز
يعني يضربوا في كبار السن بدون رحمة ويغتصبوا الإخوات بالطرف
ويقتلوا الشباب وينهبوا المحلات وينتهكوا حرمة البيوت والأعراض
ونقيف نعاين ليهم ونقول سلمية؟؟؟ ما فضل إلا نقدم ليهم ورود وشربات
لازم يكون عندنا حق الرد ونقاوم علي من إعتدي بدون أن نعتدي علي أحد .
|
Post: #16
Title: Re: الدعم..السريع!!! أي شي بالمجان
Author: اخلاص عبدالرحمن المشرف
Date: 06-25-2019, 05:37 AM
Parent: #15
السلام عليكم
كيفك الحبيبة تماضر
المحيري عايزين يحاكموا البشير عشان الدولارات
وحميدتي قال عندو مليارات الدولارات اتبرع بمليار
ملايين بس يحاكموا البشير !!!!!!
القانون في اجازة
والمنطق ذاته في اجازة
|
Post: #17
Title: Re: الدعم..السريع!!! أي شي بالمجان
Author: محمد جمعه الخير
Date: 06-25-2019, 07:47 AM
Parent: #16
اسمهم الجنجويد اولآ .
وهي نفس تجربة السيسي بالكربون .
اواجه مشكلة تقنية في رفع الصور الي المنبر .
|
Post: #18
Title: Re: الدعم..السريع!!! أي شي بالمجان
Author: تماضر الطاهر
Date: 10-19-2019, 05:27 AM
Parent: #17
تحايا للجميع
وعودة للبوست..
مملكة دقلو..هو الإسم القادم للسودان؟؟؟؟
،
شغالين على كيف كيفهم
بلا مرجعية إلا لقائدهم
لا أحد يقدر على ردعهم..أو محاسبتهم.
،
والله يستر
|
Post: #19
Title: Re: الدعم..السريع!!! أي شي بالمجان
Author: Ahmed Yassin
Date: 10-19-2019, 06:01 AM
Parent: #18
تماضر وشركاها
والسكن في جبرة مجان
اولا البلد فاضية من قواتنا ( المسلخة) الساكتة على مضض من بعض الوطنيين والشجعان
وبنقول ليهم ( اليس منكم رجل رشيد) ؟
الدعم - مدعوم - ماديا وماليا وعينيا وعسكريا تسليحا وعتادا ..وكاش في شنط الحديد
ياخي لامؤاخدة البوت ( البيج) جاي من برا
الناس بتحاول تتجنب الحقيقة المرة والمؤلمة وجريمة العصر في حق العزل الابرياء
دافع الجريمة بالصورة الفظيعة والشنيعة وكل هذا الغل والكره ..والاجرام ليس بسبب
الاعتصام او كلومبيا او .او ..وحدة الوطن او تفلتات. الحقيقة الناس بتتجنبها ان
الحصل كان وراءه دافع عنصري بغيض
|
Post: #20
Title: Re: الدعم..السريع!!! أي شي بالمجان
Author: محمد عبد الله الحسين
Date: 10-19-2019, 06:28 AM
Parent: #19
الأخت تماضر صباح العافية
الآن سؤال الدعم السريع هو السؤال الماثل أمام مستقبل الديموقراطية و مستقبل البلاد و استقرارها
و ذلك بغض النظر عن أي خلفيات قبلية أو غير ذلك..
للآن كل ما يتعلق بالدعم السريع مثير للتساؤل على الأقل إن لم يكن مثيرا للشك و التخوف..
و من يقفون خلف الدعم السريع لأسباب جهوية أو قبلية فهذا الذي استعجب له..
و إلا لو كان الأمر قبلية أو جهوية لكن الكثيرون وقفوا مع البشير أو ابن عوف أو حتى مع برهان لنفس الأسباب...
و هنا أشير إلى أن د. محمد يوسف أحمد المصطفى من أكثر الناس عداء للبشير و لنظامه و تعرض للسجن و الاعتقال عدة مرات رغم
علاقة لقرابة للغاية..و لم ينظر لقرابة أو قبلية..مالكم كيف تحكمون؟
لا زلنا محتاجين لجرعات قوية من الوعي و الرؤية القومية العابرة للقبلية و المناطقية..
|
Post: #21
Title: Re: الدعم..السريع!!! أي شي بالمجان
Author: Biraima M Adam
Date: 10-19-2019, 06:53 AM
Parent: #20
| Quote: أقترح عليهم عمل مقابر (مقابر الدعم السريع) |
معقولة بس .. الما بريدك في الضلام يحمّر ليك ..
بريمة
|
Post: #22
Title: Re: الدعم..السريع!!! أي شي بالمجان
Author: adil amin
Date: 10-19-2019, 07:17 AM
Parent: #21
كويس الناس وعت وعرفت مشليات الامارات في السودان
اول حاجة نواجه الناس بالحقائق عشان نقيم عليهم حجة
1- اين عائدات الذهب من جبل عامر وقدرها 16 مليار دولار ما مشت البنك المركزي في الخرطوم اطلاقا
2- الفرق شنو بين عائلة دقلو وعائلة البشير هل هذه دولة ام عفطة عنز
3- لابسين ميري ليه وهم ما خرجين الكلية الحربية الاساسا الانجليز بالمدنياو البصنعو الطائرة الاير باص والدستور بتاع 2005 حدد القوات النظامية الثلاث وعرفا كويس الجيش والامن والشرطة ما في حاجة اسمها الدعم السريع اطلاقا
4- الفرق شنو بين جهاد الفطايس في الجنوب وجبال التوبة ودارفور والاتزاق في اليمن ودقوهم دق العيش في اليمن هنا
5- لماذا لم تطلق ثورة سلام حرية عدالة موسي هلال ولم تدين الطريقة المشينة والوضيعة التي اعتقل بيها موسي هلال خدمة لخدم المركز والنظام السابق
****
اي ثورة تكون بدون رمزنظيف حي او ميت وحامل فكري ثابت مشروع سياسي واضح ما فاضح بتتووسخ يا ناس ق ح ت بن ضهبان
الخمسة حاجات يواجه بها حميدتي في المحكمة الدستورية في الخرطوم
اكربو صلبكم في 21 اكتوبر 2019 واطلعو بي علم الاستققلال وبرنامج نغيير واضح وخلونا من شالو السيدة وخلو حرم والمحاصصة والبلد منحدرة الي هاوية
اي حاجة امريكية يمجدها بريمة تارمب الخبيث...اتاكدو ما بتنفع السودان الزول ده ما اتحرر من اصر شيخو الترابي والدفاع الشعبي والدبابين
|
Post: #23
Title: Re: الدعم..السريع!!! أي شي بالمجان
Author: Biraima M Adam
Date: 10-19-2019, 07:31 AM
Parent: #22
| Quote: هل هذه دولة ام عفطة عنز |
عادل، عندنا عمنا محسي رحمه الله .. حينما يسمع كلام لم يعجبه :: يقول "دا كلام زول في أمركه" .. يقصد أمريكا.
بريمة
|
Post: #24
Title: Re: الدعم..السريع!!! أي شي بالمجان
Author: Ali Alkanzi
Date: 10-19-2019, 09:52 AM
Parent: #23
يا استاة تماضر
لك التحية ولرواد طرحك
هل قرأت رد الاخ احمد يس والذي جاء في بعضة
Quote:
الدعم - مدعوم - ماديا وماليا وعينيا وعسكريا تسليحا وعتادا ..وكاش في شنط الحديد
ياخي لامؤاخدة البوت ( البيج) جاي من برا |
يا جماعة حميدتي جزء من الواقع السياسي واصبح نائباً لرئيس مجلس السيادة
ومليشته اكثر حضوراً من كل القوى النظامية في السودان
وهي تمثل عنصر هام في القوات السودانية الداعمة للمملكة في اليمن
وبكل اسف رئيس الوزراء الذي تم تنصيبه بدم الشهداء ذهب مرافقا للبرهان
لتأكيد الولاء والطاعة لمن استخفوا بناء واستأجروا ابنائنا بمالهم
وما نحن إلا ادوات واداة في ايديهم
من اراد أن يغضب فليغضب أولا لقبول حكومة ومجلس سيادة مختلط بين الجيش والمدنيين
ولا احد بيننا يتكلم عن قضية الشهداء الذين دفنوا كمجولي هوية
حسبي الله ونعم الوكيل
|
Post: #25
Title: Re: الدعم..السريع!!! أي شي بالمجان
Author: Asim Ali
Date: 10-19-2019, 11:00 AM
Parent: #24
سلام عليكم
الثوره لن تستعيد مسارها وتحقق اهدافها بوجود عقبات (اخطرها) حميدتى وقواته .وكل يوم يمر يتعقد المشهد بوجودو اكثر فاكثر
|
Post: #26
Title: Re: الدعم..السريع!!! أي شي بالمجان
Author: دينق عبد الله
Date: 10-19-2019, 12:23 PM
تماضر اختي و ضيوفها الكرام
تحياتي و معزتي
قريب ده تشوفيهم بوزعوا ” كريمات للبنات”
هههه
الناس ديل راح ليهم الدرب
-----------
صح النوم
لا تدار دولۃ المٶسسات بهذا الشكل العبثي
|
Post: #27
Title: Re: الدعم..السريع!!! أي شي بالمجان
Author: Asim Ali
Date: 10-19-2019, 03:13 PM
Parent: #26
هسى شفت فيديو لشباب (لجان المقاومه حسب الوارد فى الخبر ) وجمهور عاصر تلاته من الجماعه فى ضهر التاتشر بتاعهم (يقال انو فى الجيلى).
فى ناس بتعاين فى الوضع الاعوج دا وممكن تنفجر لى قدام وافضل لقياده القوات المسلحه انها تحسم الامر ويتم اعاده هيكله ودمج حقيقى فى القوات المسلجه. اضافه لايلوله مشاريع تمويل القوات دى للدوله .غير كدا قولو على ثورتكم السلام
|
Post: #28
Title: Re: الدعم..السريع!!! أي شي بالمجان
Author: علاء سيداحمد
Date: 10-19-2019, 03:37 PM
Parent: #27
هذا ما فعله ابن زايد فينا
انهاء دور القوات المسلحة وتسليح قوات الجنجويد .
هناك خطوات جدية لتلميع حميدتى وجعله رئيسا للبلاد .
لن يكون القاتل حميدتى رئيسا للسودان طالما هناك طفل سودانى يحبو على الارض .
يريدون نسخ نموذج حزب الله - نصر الله - فى السودان ( الجنجويد - حميدتى )
فليذهب ابن زايد وابن سلمان غير مأسوف عليهم الى الجحيم .
|
Post: #29
Title: Re: الدعم..السريع!!! أي شي بالمجان
Author: علاء سيداحمد
Date: 10-20-2019, 10:29 AM
Parent: #28
تحياتى استاذة تماضر
مصادر تمويل الدعم السريع وحميدتى :
- فى عهد البشير ميزانية مفتوحة من الدولة ومباشرة من البشير شخصياُ بعد ان قام البشير بتعديل دستور 2005م
ووضع قوات الدعم السريع وجهاز الامن والمخابرات كقوات نظامية ( 70% من الميزانية تذهب للامن والدفاع )
لتمويل حرب دارفور .
- تسهيلات كبيرة من البشير وامتيازات واعفاءات جمركية فى المجالات التجارية التى مارستها الدعم السريع .
- مساعدات اوربا ( سلاح + مال ) لوقف الهجرة غير الشرعية الى اوربا .
- البشير سمح لحميدتى وكبار ضباط الدعم السريع ليفعلوا فى السودان ما يشاءون ( بيعاُ وشراءا )
- التجارة فى ذهب جبل عامر ( المصدر الاساسى للثروة )
- عطايا غير منظورة مثال اعتراف البشير فى المحكمة من انه قام باعطاء عبدالرحيم دقلو اخو حميدتى
مبلغ 5 مليون دولار امريكى دعماُ للدعم السريع من المبلغ الواصل من ابن سليمان .
- مصادر اخرى .
|
Post: #30
Title: Re: الدعم..السريع!!! أي شي بالمجان
Author: علاء سيداحمد
Date: 10-20-2019, 10:37 AM
Parent: #29
سقط سهواُ التالى من الجملة التالية :
| Quote: مبلغ 5 مليون دولار امريكى دعماُ للدعم السريع من المبلغ الواصل من ابن سليمان . |
والمبالغ التى وصلت البشير من ابن سليمان وابن زايد الهدف منه انما كان لشراء موقفه والســــــــــــكــــوت
|
Post: #31
Title: Re: الدعم..السريع!!! أي شي بالمجان
Author: ترهاقا
Date: 10-20-2019, 10:56 AM
Parent: #30
شاعرتنا تماضر والضيوف الكرام
Quote: هذا ما فعله ابن زايد فينا
انهاء دور القوات المسلحة وتسليح قوات الجنجويد .
هناك خطوات جدية لتلميع حميدتى وجعله رئيسا للبلاد . |
ده بالضبط الحاصل من (ياجوج وماجوج) ابن زايد وابن سلمان ولن يرتاح
لهم بال إلا والسودان خرابة وبمساعدة عسكر الاخوان
القروش اللي بتصرف في الخرطوم من الجنجويد كلها جاية من الامارات و السعودية .
اللهم أشغلهم بأنفسهم
|
|