كتب الكاتب الفاتح جبرا المتوفرة بمعرض الدوحة
|
Re: الدعم..السريع!!! أي شي بالمجان (Re: تماضر الطاهر)
|
بالموناسبة مصلطح ( الدعم ) دا زاتو سمعنا قالو في الخليج ليهو معنى مغاير تماماً لما جرى به اللسان بشوارد بنت عدنان. قالو معناه: ( الصدم)؛ يدعموك يعني يدوسوك. و بالطريقة دي يبقى على قولت كنداكات الاعتصام: (وينو البجم جيبو ندعمو دعم).
| |
|
|
|
|
|
|
Re: الدعم..السريع!!! أي شي بالمجان (Re: تماضر الطاهر)
|
سلام أختنا تماضر و ضيوفها الكرام حسب فهمو إنو أمرو بتمشي كدا ... مفتكر إنو بالقروش المعاه دي ممكن يعمل أي شي و ممكن يشتري أي شي حتى ذمم الناس شاف في ناس باعت ذممها قال خلاص كل الناس عندها الإستعداد تبيع و هو يشتري ...
تحياتي
| |
|
|
|
|
|
|
Re: الدعم..السريع!!! أي شي بالمجان (Re: تماضر الطاهر)
|
سلام وتحية الكنداكة تماضر والضيوف يا جماعة الشغل ده كوووولووو شغل كيزان حميدتي ومليشياته ما عندهم القدرة حتي إطعام أنفسهم لو لا وجود ومساندة الكيزان وقروشهم ما بتكمل ومكرهم ما ليه آخر فما في طريقة لينا غير الثورة و((مقاومة)) مسلحة حتي النصر
| |
|
|
|
|
|
|
Re: الدعم..السريع!!! أي شي بالمجان (Re: تماضر الطاهر)
|
Quote: شوقتني أعرف عن مصادر تمويل الدعم السريع بالتفصيل وما تعنيه بمقاومة مسلحة!! |
العالم كلوو عارف أي مكان فيه فساد وتمويل مشبوه وراه بيكون كوز يعني يضربوا في كبار السن بدون رحمة ويغتصبوا الإخوات بالطرف ويقتلوا الشباب وينهبوا المحلات وينتهكوا حرمة البيوت والأعراض ونقيف نعاين ليهم ونقول سلمية؟؟؟ ما فضل إلا نقدم ليهم ورود وشربات لازم يكون عندنا حق الرد ونقاوم علي من إعتدي بدون أن نعتدي علي أحد .
| |
|
|
|
|
|
|
Re: الدعم..السريع!!! أي شي بالمجان (Re: تماضر الطاهر)
|
تماضر وشركاها والسكن في جبرة مجان اولا البلد فاضية من قواتنا ( المسلخة) الساكتة على مضض من بعض الوطنيين والشجعان وبنقول ليهم ( اليس منكم رجل رشيد) ؟ الدعم - مدعوم - ماديا وماليا وعينيا وعسكريا تسليحا وعتادا ..وكاش في شنط الحديد ياخي لامؤاخدة البوت ( البيج) جاي من برا الناس بتحاول تتجنب الحقيقة المرة والمؤلمة وجريمة العصر في حق العزل الابرياء دافع الجريمة بالصورة الفظيعة والشنيعة وكل هذا الغل والكره ..والاجرام ليس بسبب الاعتصام او كلومبيا او .او ..وحدة الوطن او تفلتات. الحقيقة الناس بتتجنبها ان الحصل كان وراءه دافع عنصري بغيض
| |
|
|
|
|
|
|
Re: الدعم..السريع!!! أي شي بالمجان (Re: Ahmed Yassin)
|
الأخت تماضر صباح العافية الآن سؤال الدعم السريع هو السؤال الماثل أمام مستقبل الديموقراطية و مستقبل البلاد و استقرارها و ذلك بغض النظر عن أي خلفيات قبلية أو غير ذلك.. للآن كل ما يتعلق بالدعم السريع مثير للتساؤل على الأقل إن لم يكن مثيرا للشك و التخوف.. و من يقفون خلف الدعم السريع لأسباب جهوية أو قبلية فهذا الذي استعجب له.. و إلا لو كان الأمر قبلية أو جهوية لكن الكثيرون وقفوا مع البشير أو ابن عوف أو حتى مع برهان لنفس الأسباب... و هنا أشير إلى أن د. محمد يوسف أحمد المصطفى من أكثر الناس عداء للبشير و لنظامه و تعرض للسجن و الاعتقال عدة مرات رغم علاقة لقرابة للغاية..و لم ينظر لقرابة أو قبلية..مالكم كيف تحكمون؟ لا زلنا محتاجين لجرعات قوية من الوعي و الرؤية القومية العابرة للقبلية و المناطقية..
| |
|
|
|
|
|
|
Re: الدعم..السريع!!! أي شي بالمجان (Re: Biraima M Adam)
|
كويس الناس وعت وعرفت مشليات الامارات في السودان اول حاجة نواجه الناس بالحقائق عشان نقيم عليهم حجة 1- اين عائدات الذهب من جبل عامر وقدرها 16 مليار دولار ما مشت البنك المركزي في الخرطوم اطلاقا 2- الفرق شنو بين عائلة دقلو وعائلة البشير هل هذه دولة ام عفطة عنز 3- لابسين ميري ليه وهم ما خرجين الكلية الحربية الاساسا الانجليز بالمدنياو البصنعو الطائرة الاير باص والدستور بتاع 2005 حدد القوات النظامية الثلاث وعرفا كويس الجيش والامن والشرطة ما في حاجة اسمها الدعم السريع اطلاقا 4- الفرق شنو بين جهاد الفطايس في الجنوب وجبال التوبة ودارفور والاتزاق في اليمن ودقوهم دق العيش في اليمن هنا 5- لماذا لم تطلق ثورة سلام حرية عدالة موسي هلال ولم تدين الطريقة المشينة والوضيعة التي اعتقل بيها موسي هلال خدمة لخدم المركز والنظام السابق **** اي ثورة تكون بدون رمزنظيف حي او ميت وحامل فكري ثابت مشروع سياسي واضح ما فاضح بتتووسخ يا ناس ق ح ت بن ضهبان الخمسة حاجات يواجه بها حميدتي في المحكمة الدستورية في الخرطوم اكربو صلبكم في 21 اكتوبر 2019 واطلعو بي علم الاستققلال وبرنامج نغيير واضح وخلونا من شالو السيدة وخلو حرم والمحاصصة والبلد منحدرة الي هاوية اي حاجة امريكية يمجدها بريمة تارمب الخبيث...اتاكدو ما بتنفع السودان الزول ده ما اتحرر من اصر شيخو الترابي والدفاع الشعبي والدبابين
| |
|
|
|
|
|
|
Re: الدعم..السريع!!! أي شي بالمجان (Re: Biraima M Adam)
|
يا استاة تماضر لك التحية ولرواد طرحك هل قرأت رد الاخ احمد يس والذي جاء في بعضة
Quote: الدعم - مدعوم - ماديا وماليا وعينيا وعسكريا تسليحا وعتادا ..وكاش في شنط الحديد ياخي لامؤاخدة البوت ( البيج) جاي من برا |
يا جماعة حميدتي جزء من الواقع السياسي واصبح نائباً لرئيس مجلس السيادة ومليشته اكثر حضوراً من كل القوى النظامية في السودان وهي تمثل عنصر هام في القوات السودانية الداعمة للمملكة في اليمن وبكل اسف رئيس الوزراء الذي تم تنصيبه بدم الشهداء ذهب مرافقا للبرهان لتأكيد الولاء والطاعة لمن استخفوا بناء واستأجروا ابنائنا بمالهم وما نحن إلا ادوات واداة في ايديهم من اراد أن يغضب فليغضب أولا لقبول حكومة ومجلس سيادة مختلط بين الجيش والمدنيين ولا احد بيننا يتكلم عن قضية الشهداء الذين دفنوا كمجولي هوية حسبي الله ونعم الوكيل
| |
|
|
|
|
|
|
Re: الدعم..السريع!!! أي شي بالمجان (Re: دينق عبد الله)
|
هسى شفت فيديو لشباب (لجان المقاومه حسب الوارد فى الخبر ) وجمهور عاصر تلاته من الجماعه فى ضهر التاتشر بتاعهم (يقال انو فى الجيلى). فى ناس بتعاين فى الوضع الاعوج دا وممكن تنفجر لى قدام وافضل لقياده القوات المسلحه انها تحسم الامر ويتم اعاده هيكله ودمج حقيقى فى القوات المسلجه. اضافه لايلوله مشاريع تمويل القوات دى للدوله .غير كدا قولو على ثورتكم السلام
| |
|
|
|
|
|
|
Re: الدعم..السريع!!! أي شي بالمجان (Re: علاء سيداحمد)
|
تحياتى استاذة تماضر
مصادر تمويل الدعم السريع وحميدتى :
- فى عهد البشير ميزانية مفتوحة من الدولة ومباشرة من البشير شخصياُ بعد ان قام البشير بتعديل دستور 2005م ووضع قوات الدعم السريع وجهاز الامن والمخابرات كقوات نظامية ( 70% من الميزانية تذهب للامن والدفاع ) لتمويل حرب دارفور . - تسهيلات كبيرة من البشير وامتيازات واعفاءات جمركية فى المجالات التجارية التى مارستها الدعم السريع . - مساعدات اوربا ( سلاح + مال ) لوقف الهجرة غير الشرعية الى اوربا . - البشير سمح لحميدتى وكبار ضباط الدعم السريع ليفعلوا فى السودان ما يشاءون ( بيعاُ وشراءا ) - التجارة فى ذهب جبل عامر ( المصدر الاساسى للثروة ) - عطايا غير منظورة مثال اعتراف البشير فى المحكمة من انه قام باعطاء عبدالرحيم دقلو اخو حميدتى مبلغ 5 مليون دولار امريكى دعماُ للدعم السريع من المبلغ الواصل من ابن سليمان . - مصادر اخرى .
| |
|
|
|
|
|
|
Re: الدعم..السريع!!! أي شي بالمجان (Re: علاء سيداحمد)
|
سقط سهواُ التالى من الجملة التالية :
Quote: مبلغ 5 مليون دولار امريكى دعماُ للدعم السريع من المبلغ الواصل من ابن سليمان . |
والمبالغ التى وصلت البشير من ابن سليمان وابن زايد الهدف منه انما كان لشراء موقفه والســــــــــــكــــوت
| |
|
|
|
|
|
|
Re: الدعم..السريع!!! أي شي بالمجان (Re: علاء سيداحمد)
|
شاعرتنا تماضر والضيوف الكرام Quote: هذا ما فعله ابن زايد فينا انهاء دور القوات المسلحة وتسليح قوات الجنجويد . هناك خطوات جدية لتلميع حميدتى وجعله رئيسا للبلاد . |
ده بالضبط الحاصل من (ياجوج وماجوج) ابن زايد وابن سلمان ولن يرتاح لهم بال إلا والسودان خرابة وبمساعدة عسكر الاخوان القروش اللي بتصرف في الخرطوم من الجنجويد كلها جاية من الامارات و السعودية . اللهم أشغلهم بأنفسهم
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|