سلاحنا في كلمة مكتوبة , سلاحنا غٌنية ثورة لصغارنا محفوظة وفي كل الدنيا مسموعة... سلاحنا حناجر في وحدة صف و هتاف , وحكايات شهداء اهدوا ارواحهم لثورة مشروعة.. بالجد يا أمتثال.. أهتز نظام الكيزان بالمظاهرات وبالمواكب والوقفات اترنح , وسقط بالاعتصام.. البشير كان بمتلك كل الدولة بما فيهم جيش الجنجويد والقتل السريع والفلول والدولة العميقة. رغم كل الترسانة عسكرية او بشرية الموجودة ومتوفرة لم تشفع ببقاءه. نعم كانت هناك اطماع من ناس حواليه ,واكيد في تواطؤ و رفض لحمايته. كمان ما تنسي ماكان عليه ضغط كبير من كل جهة زي ما حاصل لفريق الخلا وعساكر الشطرنج. الثورة الليله اكتسبت قوتها وفي قمة عنفوانها بعدما اجبرت العالم (حكومات) يعترف بيها ويساعد في نجاحها , اختلفنا او اتفقنا في مدي فعاليتهم , و العالم (شعوب) باحترامنا لسلميتنا وانبهارهم بتنوع الوسائل. الليلة يا ابتسام انا وانتي واي سوداني في المهجر باعتزاز وفخر بطلع متوشح علم الوطن بعدما كنا نخجل نقول اننا من هناك. اصدقاءنا من الاجانب اتفاعلوا معانا في وقفاتنا و مظاهراتنا وحتي (البتيشنز) شاركوا فيها. سودانين الداخل مافي حاجة جمعتهم ووحدتهم غيرالثورة السلمية. لو انطلقت رصاصة واااااحدة ما كان في اضراب عام نجح ولا عصيان شامل تم. ولو انطلقت رصاصة واحدة ماكنا ح نلاقي احترام ووقوف شعوب العالم. كنا ح نكون فعلاسوريا ويمن وليبيا. لو انطلقت رصاصة ما كان اتلون العالم واتوشح بالازرق (Blue for Sudan). نعم دا ما جدار يحمي الرصاص والسياط لكن دا جواز مرور ووسيلة ضغط علي حكوماتاتفضحت واخري غيرت مواقفها. ثورة الخارج وثوارها وقفتهم ودعمهم ووحدتهم ودورهم الكبير دا ما كان ح يكون لو برضو انطلقت رصاصة. دي اسلحتنا يا امتثال.انا افهم وعائش نفس تخوفكم علي أهلنا والناس لكن لو انطلقت رصاصة فقدنا الوطن.
Quote: The U.S. Response to the Political Crisis in Sudan (EventID=109727) 18.014 Aufrufe 276 7 Teilen Speichern House Foreign Affairs Committee Livestream vor 11 Stunden Location: 2172 Rayburn House Office Building, Washington, DC 20515 Subcommittee: Africa, Global Health, Global Human Rights and International Organizations
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة