|
|
 Re: الجنجويدى حميدتى حيرجع النت يوم 7يوليو (Re: النصرى أمين)
|
يا النصري مجلس العسكر ده ابسط مما نتخيل.. مقارنة بين كل العساكر المروا علينا في تاريخنا ديل اقل قامة في كل شئ.. ما عمالة وبس انما حتي خطابة
فهم او توجه.. واااضح جدا انهم دمي متحركة في مسرح عرائس.. لو مسكتهم واحد واحد في تصريحاتهم علي تباينها تتسم بالضحالة وقلة الفكر.
حميدتي ماعارف فرق الدمقراطية من الشوري والمدنيه عنده فوضي وهز العصايا اثناء الكلام هي الكلمات الوحيدة (تهديد) البتطلع بيها منه في اي مرة وقف
فيها وخاطب. بقول اضربو لكن ما توقفوا حياة الناس و اعملوا عصيان مدني لكن من غير متاريس.. شفت كيف.
البرهان لما يقرأ بيان من ورقه مكتوبه قدامه بنهر الحروف وبقطع الكلمات وبشر مط الفكرة. ولو قال كلام من راسه يحسسك بضآلتك وتضيع وقتك.
عبدالخالق بتاع انا اكعب من حميدتي دا كمان كوم برااااه. آخر تصريح ليه قال فيما معناه دي بلد في زول عاقل بمسكها؟ بشرح علي عدم طمعهم للسلطة يعني
زي القال وين مسقط راسي وهو بفتش علي المخدة. دي ولادة دي.
الكباشي دا بقي تحفة..
عاوز اقول الخلق ديل لو طلعتهم من محيط (عسكريتهم) دي ما بساوا بصله والله تكفتهم بلا غبينه. الناس ديل اختاروهم اختيار.. خريجي مدرسة البشير وسنوات خدمتهم
قضوها اما في حرق سحق قتل بني جلدتهم وفصلهم من بعض في وقت ربع الوطن مستعمر او في دسائس وتآمر وعماله.
المحور لقي عندنا كل مستلزمات مخططاته.. دهب اراضي و ماء ومرتزقه بنفذها ليهم حثالة البشر فينا (قوة و غباء)..
نتماسك يا النصري اخوي قرررررربت بالجد قربت..
صبرا جميل.
|
|
 
|
|
|
|
|
| العنوان |
الكاتب |
Date |
| الجنجويدى حميدتى حيرجع النت يوم 7يوليو | النصرى أمين | 06-13-19, 02:04 PM |
| Re: الجنجويدى حميدتى حيرجع النت يوم 7يوليو | النصرى أمين | 06-13-19, 03:29 PM |
| Re: الجنجويدى حميدتى حيرجع النت يوم 7يوليو | النصرى أمين | 06-13-19, 03:30 PM |
| Re: الجنجويدى حميدتى حيرجع النت يوم 7يوليو | Mutasim Idris | 06-13-19, 03:40 PM |
| Re: الجنجويدى حميدتى حيرجع النت يوم 7يوليو | النصرى أمين | 06-13-19, 03:52 PM |
| Re: الجنجويدى حميدتى حيرجع النت يوم 7يوليو | Mutasim Idris | 06-13-19, 04:44 PM |
| Re: الجنجويدى حميدتى حيرجع النت يوم 7يوليو | النصرى أمين | 06-13-19, 05:08 PM |
| Re: الجنجويدى حميدتى حيرجع النت يوم 7يوليو | Mutasim Idris | 06-13-19, 05:53 PM |
| Re: الجنجويدى حميدتى حيرجع النت يوم 7يوليو | النصرى أمين | 06-13-19, 06:10 PM |
| Re: الجنجويدى حميدتى حيرجع النت يوم 7يوليو | Mutasim Idris | 06-13-19, 06:14 PM |
| Re: الجنجويدى حميدتى حيرجع النت يوم 7يوليو | امتثال عبدالله | 06-13-19, 06:27 PM |
| Re: الجنجويدى حميدتى حيرجع النت يوم 7يوليو | النصرى أمين | 06-13-19, 08:04 PM |
|
تعليقات قراء سودانيزاونلاين دوت كم على هذا الموضوع:
at FaceBook
| |
Mutasim Idris
فيس بوك
تويتر
انستقرام
يوتيوب
بنتيريست