|
Re: CNN .. الخرطوم اصبحت مدينة أشباح بعد الاضراب (Re: يحي قباني)
|
حبيبنا قباني .. تحياتي .. نعم الحراك في السودان زيرو .. أما نحن في مدينة جدة أكثر من نعاني من توقف العمل في المطار أهلنا ناس العمرة .. الرجال ما مشكلة يمشوا الجمعية .. نحن ناس ضواحي الدنيا كل قرية عندها جمعية جاهزة لاستقبال الأهل .. المشكلة أخواتنا وبناتنا .. ولأن العمرة متاحة بتكاليف قليلة عندنا تكدس داخل الشقق وهي اصلها محدودة المساحة .. اليوم شوية نشاط من تاركو وبدر للطيران .. والتذكرة أرقام فلكية .. نعم العصيان مؤثر جداً جداً .. بس ياريت المجلس الانقلابي يحس بالموضوع لأن أصحاب الوكالات من بقايا الكيزان وناس التمكين مدير الحج لوحده نهب (20 مليون دولار) بالواضح والمكشوف دعك مما خفي ..
ديل أهلنا وما عندنا مشكلة وسوف نتحمل إلى أن يزول هذا النظام البائس
والغريبة ما في تحرك من الاتحاد الاوربي وأمريكا .. يخرب بيت ترامب مهووس بالتجارة والدولار
والأجمل رغم المعاناة بأن الشعب السوداني ضرب مثل رائع لكل العالم في السلمية والتحمل والتضحية جميل أن تنقل سي إن إن هذه الصورة الجميلة عن الشعب السوداني الذي كان متهماً بالارهاب في عهد أسوأ حكم في تاريخ السودان .. قاتل الله الكيزان الذين شوهوا وجه السودان المشرق .. ولكننا عائدون وسوف يغير أبناءنا وبناتنا تلك الصورة النمطية القميئة عن وطننا
تحياتي قباني ..
|
|
|
|
|
|