هدأوا اللعب .. وكل عام وأنتم بخير

Quote: العبار بريمة بلل بطل الاستهبال البتعمل فهو ده! أن الذين يتم تعذيبهم وتصفيتهم في جبال النوبة أنت من المؤيدين للقتلة من جنجويد وقوات جيش النظام. والان جاي تزرف دموع التماسيح عليهم وتقارنهم بالذين يقتلون في الخرطوم؟ نعم أن الذين قتلوا وعذبوا في مناطق الهامش لم يلقوا الزخم الإعلامي الذي وجد اليوم في قتلى وضحايا الخرطوم من تعذيب واغتصاب، وذلك حتى على مستوى أجهزة الإعلام العالمية. ولكن أنت يا بريمة مقارنتك غير أخلاقية وغير أمينة، لأنك من الذين يؤيدون القتلة في كل الحالتين (في الهامش وفي الخرطوم). لذلك لا تحاول أن تخدع الناس. تقتل القتيل وتمشي في جنازته!

Quote: وانت الاكثر استهبلا يا دينق المزيف...انت ما دينق ولا حاجة ودينق خلي البورد ده زمان وما بقول كلام فطير زي حقك ده

هو دينق عنده شيئ غير هذا الكلام الفطير .. دينق لا يستطع كتابة عشرة أسطر .. كنت عملت عمل برمجي .. كنت عايز أكشف بيهو الناس المنتحلين شخصيات لكتابات اخرين .. وجمعت الكثير .. أجمع عشرة مداخلات لدينق لا تساوي صفحة واحدة .. والبرنامج عايز مني أكثر من 300 كلمة عشان يعطينى نتائج أحصائية صحيحة .. نفس الشيئ حصل مع كوستاوي .. لو شكيت عن أن العبار دينق ينتحل شخصية زول أخر أو زول أخر ينتحل شخصية العبار دينق .. أنا ح أرجع للبرنامج .. وبكمله .. وبعدين تعال شوف القبض بالثابته .. البرنامج بسيط جداً .. وله ثلاثة لوغريثمات .. أولها هو جمع الكلمات المتكررة .. ومقارنة التكرار في "التكس" الأصلي والمضروب .. ثم اللوغريثم الأخر .. يعد الحروف .. ما بين التكس الأصلي والمضروب .. أي إنسان لديه بصمة خاصة بعدد الحروف التى يستعملها .. يعني أمسك عليك حروف مثل "أ"، "ب"، "ت"، "ث" .. إلي نهاية الحروف الأبجدية العربية أو الأنجليزية .. تكرار بعض الحروف لديك لا يوجد لدي أي إنسان في هذا الكون .. بصمة خاصة بك .. لكن في نهاية الأمر تركت البرنامج لأنه ح يخلق مشاكل وأنا ح يجرجروني في المحاكم .. كشهود لمن يؤول "التكس" .. لو رجعت للبرنامج نمسك ليك دنيق "ضحي" ونقبقبة من رقبته ..

نعود لول أبا شمس الدين ..

Quote: لا نسمح للتتار والمهوسين من انتزاع انسانيتنا فننجرف خلف إستدانة الدموع لنبكي بها موتانا ومن ثم نعيدها إليهم على منوال العاقبة عندكم في المسرات وانت أبكي لي وانا أبكي ليك معليش يا ود أبا ... الموت هوالموت هنا ولا هناك خلينا هسه نبكي الميت وبعدين نحاسب الاحياء

نحن يا ول أبا شمس الدين، رددنا هنا كثيراً لسكان الخرطوم أن الثورة إن إرتموها هى من أجل رد كرامة الأنسان السوداني .. لكن الخرطوم "بطينية" .. لا تعرف إلا بطنها .. الرغيف، الدولار والبنزين .. لكن مقتل 100 ألف من أبناء الجبال لم يحز فيهم شعرة .. ولم يسيروا مظاهرة واحدة .. طوال 37 عاماً تضامنا مع أخوتهم في جنوب كردفان .. أو دارفور .. هل شهدت مظاهرة إن شاء الله يكون فيها 50 نفر دعماً لحق أخوتهم في الأنسانية .. حقهم في الحياة والأمن والعيش الكريم ؟ .. لا تجد! .. حسي إذا المسألة هى قضية سودانية عامة .. في محاصصة السلطة التى يتجارون نحوها .. هل تري نوباوي غير مبارك أردول .. حوار شيخ أب زيد .. وتابع ياسر عرمان .. وحسناً مرمطوه بالأمس ودقوه دق العيش وأعتقلوه ... وللعلم الذين ماتوا في "كولومبيا" .. هم أبناء الهامش .. مازلوا حتى داخل الخرطوم يموتوا لهم أبناءنا .. ومن مات من الجلابة يصبح أيقونة النضال .. وصورهم تملأ الميديا .. ونحن في جنوب 100 ألف قتيل .. لم يظهر منهم شخص واحد كأيقونة للنضال ..!! .. نعم الأنسانية تتجزأ .. حينما يكون هناك زول أغلي من زول .. ؟ ونعم زول روحه الرغيف والخبز أغلي .. منه .. يخرج الناس من أجل الرغيف ولا يخرجون من أجل موت مئات الألوف؟ .. والله أنا لا أتشفي في الموت .. لكن دع الأحياء منهم يذوقوا طعم الموت؟ وطعم كيف تفقد لك عزيز بدون أي سبب إلا بالمطالبة بحقه؟

هنا صورة سافنا .. القائدعلي رزق سافنا الذي ثار قبل ناس الخرطوم من أجل حق المواطن السوداني أينما كان في العيش الكريم، وتم القبض عليه .. ومن ذات أهل نائب الرئيس حميدتي: لماذا الناس ذهبوا السجون وأطلقوا جميع المعتقلين في حين أمثال القائد علي رزق (سافنا) ما زال يرزح في قيوده؟ الشيخ موسي هلال مازال سجيناً؟ إذا قلتم حميدتي كان ضمن منظومة النظام .. هؤلاء القادة وقفوا ضد النظام .. لكن زول يقول بغم في حقهم مافي .. والله لو كانوا جلابة سوف يحملونهم علي الرقاب .. المدام ونسيبي وإمرأته .. كلهم ماشين يواسوا الجلابة في مصابهم .. أنا هنا في مصلاتي قرأت علي أرواح الشهداء ما تيسر من القرآن .. ودعوت لهم بصالح خاتمة الأعمال ... لكن ما ماشي شبر .. عشان أعمل شنو مع الجلابة ..



بريمة