|
Re: في امان الله الشاعر عزمي احمد خليل (Re: Amira Hussien)
|
رأس السنة عزمي احمد خليل
تسالنى كيف راس السنه وانا بى هنا مليان شقا وشرقان ضنا يابختك انت هناك سعيد متهنى بالعام الجديد كلك فرح ودايب غنا وتسالنى كيف راس السنه
حليل بلدنا وياحليل كل الجملات والفرح وبلدنا بى رغم الظروف القاسيه والهم الطفح ما فيش بلادآ تشبها ولا غير سماها كنار صدح كل حاجه ليها طعم هناك حتى الحزن زى المرح وحناننا ما زى كل حنان ولا ناسنا زى الناس هنا وتسالنى كيف راس السنه
انا لى زمن ما حضرت عيد فى وطننا ولا فرحت يوم يوماتى شايلنى الاسى ويدينى بعدو كمان هموم الليل يمر زى حول هنا القاهو من اصحى واقوم وكتير ليالى تعدى بى من دون عيونى يجيها نوم واهو ده حال كل زول غريب الرجعه ليهو تكون منى وتسالنى كيف راس السنه
هنا لا فرح ولا عيد بيجى ولا بنعرف مروا كيف كل الاماسى زى الصباح وحتى الربيع زى كل صيف من عمرنا بيمضى الزمن وايامنا ماشه على خريف وعيوننا جافاها النظر وحتى القليب قرب يقيف والشوق خلاص كمل دموعنا واقدارنا مابيه تلمنا وتسالنى كيف راس السنه
بالله كيف ناسنا الهناك طبعآ سعيدين فى الوطن الفرحه ما فرحة فلوس الفرحه احساس بالزمن وزى ما بيقاسوا من الظروف اهو نحنا حاضنانا المحن ومحنه فى بلدى العزيز فى الدنيا معدومة تمن وظروفنا بكرة بتتعدل ومن تانى بيزورنا الهنا وتسالني كيف راس السنة
كل يوم يمر يابلدى فيك ان شاء الله تقفزى للامام وربوعك الخضرة الجميلة بالخير يغطيها الغمام والناس تعود زى ناس قبيل لا فتنه لا جفا لا خصام وتعودى زى ماكنت اول عش للعصافير والحمام ونجيهو سوداننا الزمان وعليهو مانشيل همنا وتسالني كيف راس السنة
|
|
|
|
|
|
|
العنوان |
الكاتب |
Date |
في امان الله الشاعر عزمي احمد خليل | ايهاب نميري | 05-10-19, 04:54 PM |
Re: في امان الله الشاعر عزمي احمد خليل | طاهر قرشي | 05-10-19, 05:38 PM |
Re: في امان الله الشاعر عزمي احمد خليل | عادل خياري | 05-10-19, 05:59 PM |
Re: في امان الله الشاعر عزمي احمد خليل | بكرى ابوبكر | 05-10-19, 06:21 PM |
Re: في امان الله الشاعر عزمي احمد خليل | بكرى ابوبكر | 05-10-19, 06:23 PM |
Re: في امان الله الشاعر عزمي احمد خليل | jini | 05-10-19, 06:25 PM |
Re: في امان الله الشاعر عزمي احمد خليل | Amira Hussien | 05-10-19, 06:43 PM |
Re: في امان الله الشاعر عزمي احمد خليل | Amira Hussien | 05-10-19, 06:49 PM |
Re: في امان الله الشاعر عزمي احمد خليل | عزالدين عباس الفحل | 05-10-19, 07:31 PM |
Re: في امان الله الشاعر عزمي احمد خليل | بكرى ابوبكر | 05-10-19, 07:53 PM |
Re: في امان الله الشاعر عزمي احمد خليل | احمد حمودى | 05-10-19, 10:36 PM |
Re: في امان الله الشاعر عزمي احمد خليل | نزار عبد الوهاب | 05-10-19, 10:25 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|