|
Re: الثلاثاء 19 مارس 2019 رصد ومتابعة وتوثيق أحد� (Re: Yasir Elsharif)
|
الثورة والتغيير ليست فقط مظاهرات وإنما هناك وسائل أخرى مثل وسيلة المقاطعة التي يتم تفصيلها هنا:
ـــــــــــــ تجمع المهنيين السودانيين 2 Std. ·
ليه نقاطع وكيف ؟؟
تاني نداء لي اهل الحوبة والحارة في العاصمة والولايات وفي القرى والفرقان وفي الحلّال وفي أي بيت. نداء من نوع تاني لا فيه مشي لا هتافات صوت لا بمبان وأكيد ده ولا بهمكم شيّالين تقيلة شباب وشيّالين تقيلة شيوخ وسدّادات فرقة عمّات وخالات وامهات لو الحيل شدّاكم. لكن ده محلكم زاااتو جيناكم فيه مقاطعة وحصار الحرامية وشركات الحرامية والنظام والمال السحت ونقاطعهم عشان نقفل بلف مواردهم ال لا مشت لي تنمية لا لي خدمات لا لي مسكين لا مريض وخاصة أهلنا في الريف والولايات البعيدة. لو عيان ساي إلا تجي الخرطوم للعلاج لافي حكيم في المستشفى لا دواء في الشفخانة. لا كمان مشت لي محتاج لأنهم حرامية بتمشي ليهم هم وبتمشي لي أجهزتهم الحامية سرقاتهم وحامية ظلمهم واي جنيه يوصلهم مننا معناه جنيه ضد اولادكم وبناتكم وضد الشهداء أحباب الشعب وضد الثورة. اها مش جيناكم في محلكم ؟؟ ده هو علمكم وتجربتكم الحسمت ثوراتكم بأقل تكلفة وأقل شهداء وأقل دم ؟؟ مش عملتوتها في أكتوبر وفي مارس ابريل ؟. يلا اسي عاوزنكم تعملوها مع الأسوأ من ديلك كلهم. جيبك عندك وايدك عندك ما تدخل ايدك في جيبك إلا تعرف قرشك ماش وين. ده القرش الأبيض لثورة سلمية ضد الحرامية اها ضد الحرامية دي بقفل بلف قروشنا منهم. قرش ماشي ليهم أو لي أي واحدة من شركاتهم يشموا قدحة. طيب الحرامية منو وشركاتهم ياتها ونقاطع منو بعد ليه وكيف دي ح نجي نقعدها ليكم تب بي قائمة كاملة راصدين فيها أهم شركاتهم ف ارجونا في التفصيل نديكم النجيضة بي قائمة كاملة وكده ح ننشفهم لما ننشف خزينتهم وينشف ريقهم وبردلب يقعوا ونقوم نحن. يلا دي محلاتكم والبيوت انتو اسيادها اعرفو قروشكم ماشة وين ولي منو. والشعار جنيهنا يحرم عليهم وعلي شركاتهم و كده ح تبرك رب وتسقط تب وننهض هوووب
#حنبنيهو
|
|
|
|
|
|
|
العنوان |
الكاتب |
Date |
الثلاثاء 19 مارس 2019 رصد ومتابعة وتوثيق أحداث انتفاضة السودان | Yasir Elsharif | 03-19-19, 10:14 AM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 10:16 AM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 10:20 AM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 10:23 AM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 10:25 AM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 10:28 AM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 01:24 PM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 01:26 PM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 01:27 PM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-19-19, 01:32 PM |
Re: الثلاثاء 19 مارس 2019 رصد ومتابعة وتوثيق أحد� | Yasir Elsharif | 03-20-19, 05:56 AM |
|
تعليقات قراء سودانيزاونلاين دوت كم على هذا الموضوع:
at FaceBook
|
|