من عجايب السودان : 👈 معتمد محلية الدامر قشط موظفة كف جابوهو والي 📌 أنا لو محلو أشوف أغلد واحدة في مكتب الوالي وأديها شلوت عشان يجيبوني نائب أول . 📰 خبر لم يرد في السيرة الذاتية لوزير المالية : 👈 نيابة أمن الدولة في السودان حققت مع وزير المالية السابق بدر الدين محمود ووكيل أول وزارة المالية السابق مصطفى حولي (اللي هو وزير مالية هسع) ، حول “قرض ميسر” منحته حكومة قطر للسودان بقيمة 120 مليون يورو لشراء النفط ، وبحسب مصادر أن جملة التمويل الحقيقي للنفط كان بـ73 مليون يورو من أصل 120 مليون يورو والباقي باقي وأصلو دنيا الحب محن .... 📌 حقيقي مكانه ولقاهو .... .ه. .ه. 📰 الأخبار: 👈 الوطني يتجه لتغيير أسمه وتشكيل جبهة عريضة 📌 قال لك واحد اسمه (حسن كوشه) اتقدم للزواج من واحدة فرفضت قالت الا يغير اسمه راح غير اسمه وسمى نفسه عادل كوشة . 📰 الأخبار: 👈 تعليق عمل الشركة الفلبينية بميناء بورتسودان 📌 بت أم زقده ، ما قلتوا نوبة . 📰 الأخبار: 👈 "المركزي” يكشف تفاصيل تورط “4” مصرفيين في قضية شركات الأدوية 📌 لسع السبحة يا ما حا تكر . 📰 المجهر: 👈 النائب الأول ورئيس الوزراء و(18) والياً عسكرياً يؤدون القسم 📌 ديل حقو يحلفوا بالخوة . 📰 المجهر: 👈 لجنة برلمانية: إعلان الطوارئ لن يحد من حركة المواطنين وحريتهم 📌 المواطنين بعد كدا ماهم سائلين لا في طواري ولا لواري . 📰 السوداني: 👈 البشير: البلاد تمر بمرحلة تاريخية 📌 والمرحلة دي السبب فيها منو ؟ . 📰 السوداني: 👈 رئيس الوزراء: سأكون خصماً للمفسدين 📌 ماااااابتقدر . 📰 السوداني: 👈 عمال الموانئ يرفعون إضرابهم بعد تعليق الاتفاق مع الشركة الفلبينية 📌 عافية عليهم . 📰 آخر لحظة: 👈 معلومات جديدة حول مستقبل علاقة البشير بالوطني 📌 اوع يكون الوطني عاوز يرفع قضية نفقة . 📰 آخر لحظة: 👈 مفاجأة.. تغييرات وسط الولاة الجدد 📌 في لعيبة كتار ما قاعدين يرضوا باللعب في آخر دقايق الشوط الاخير . 📰 آخر لحظة: 👈 حميدة يرفض ملاحقة طلاب متظاهرين داخل جامعته 📌 ياخي تخخخ . 📰 الصيحة: 👈 الوطني: ماحدث ليس انقلاباً والبشير لازال رئيساً للحزب 📌 نعتبره ليكم بوخة مرقه على قول الامام . 📰 الصيحة: 👈 الرئيس: البلاد في مرحلة تتطلب “ناس خاصين” 📌 هههههه الله يضحكك . 📰 الصيحة: 👈 الدعم السريع. تنفي صلتها بصور وفيديوهات متداولة 📌 غايتو لي هسع موقفكم كويس . 📰 الإنتباهة: 👈 . أمين لـ(الإنتباهة): (الوطني) جاهز لاختيار بديل البشير 📌 الوطني تاني كان جاب نبي مافي زول عاوزه . 📰 الإنتباهة: 👈 تجاه لإقامة محاكم طوارئ 📌 ما بنديكم زمن ان شاءالله . 📰 ألوان: 👈 البرلمان: الطوارئ ليست استهدافاً للحريات العامة 📌 انتو شن عرفكم بالحريات ؟ . 📰 ألوان: 👈 حسن مكي لـ(ألوان): الوطني بالولايات (دابي قطعوا راسو) 📌 ولسع القطع شغال اصبر شوية يا بروف . . 📌ابووضاح 📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة