|
Re: المجد للآلاف تهدر كالسيول بين مبنى الكونق (Re: علي عبدالوهاب عثمان)
|
Quote: وصف جميل لموكب واشنطن من الأخت هبة حامد : منقول من الزميله هبه حامد السلام عليكم جميعا موكب امريكا ١٦/٢/٢٠١٩
يعجز اللسان عن وصف الموقف اليوم . كميه من المشاعر انتابتنا وانا اقولها بصيغة الجمع لأني متأكده أني لست الوحيدة اليوم التي تحمل مشاعر مختلفه و صاخبه بداخلها. مشاعر العز والفرح بالانتماء لشعب كشعبنا ،والإحساس بعظمة هذا الشعب والإحساس بالنجاح والانتصار لنا جميعا وانه بوجود أناس كهؤلاء الذين رايتهم اليوم بالتأكيد فجر الخلاص قرب.
عايزه انقل ليكم بعض الأحداث من يوم فرحنا اليوم: ١ -كان في متحدثين أمريكان وسودانين من مختلف السحنات،واحده من الحاجات الهزتنا كان موقف نانسي داود التي حضرت بصحبة ابنتها سودان،لما نزلت من الاستيج ،بدوا الناس يتكلموا معاها to show their support. شفت الفرحة في عيونها وهي بتمسح دمعتها وتقول :You are my family. نقول كدا على الأقل من غربتنا امكن قدرنا نواسي أسره واحده من أسر المعتقلين . ٢–ما تتخيلوا كيف كان المنظر جميل والناس واقفه قدام الكونغرس وكل شويه يجي موكب واحد من الولايات نازل من البص وينظموا نفسهم ويجوا داخلين. مواكب فعلا تستحق الاحترام والتقدير بعد ان جلسوا في بصات أو عربات أو vans لمدة ٤،٧،١٢،١٤،٢٠ ساعات ،اقل أو اكثر مع أطفالهم الصغار عشان يقيفوا للوطن ويكونوا مع اهلهم ويقولوا لام محجوب ،أم هزاع ،أم بابكر،وكل الفقدناهم وكل الفي السودان وجعكم وجعنا حتى ونحن يدنا في المويه الباردة.
٣- وما شفتوا كرم اهلي ،ناس DC area وهم واقفين في بيوتهم ساعات يحضروا في سندوتشات ،قهوه ، شاي ،مويه وبقدموا فيها للناس في ال Rally.(عايزين يكفوا ضيوفهم ،تفتكروا دا غريب علينا ؟!!!) كميه من الناس فتحت بيوتها للجايين من الولايات التانيه وقالوا ،لا ،اخوانا ما ينزلوا في هوتيل.(بالمناسبة الناس دي ما بتتعارف.. ٤-الجمع كان آلاف ،ايوه آلاف ،امريكا مرقت... ما تتصوروا لما المسيرة ماشه من الكونغرس للبيت الأبيض ،اخدت تقريبا ساعه،كيف هزت واشنطن DC ،الناس الفي الكونغرس في ال top floor ,the floor for representatives,and senators, were watching the rally. ونحن ماشين الأمريكان والأجانب كانوا بنادوا على بعض من على بعد 2 blocks ،عشان to come and watch the March. شافوا،وسالوا،وقروا اليافطات وفهموا وبدوا يهتفوا معانا ، ومعاها كمان : Good luck guys on your revolution . أو Good for you. الناس طلعت في البلكونات ومن الطوابق المختلفة للمباني وكانوا بأشروا وبعاينوا. فعلا كان موكب مهيب .امواج وأمواج غير منتهيه.مختلف الأعراق ،ممكن كدا نقول خطوه للوحده ؟
معليش طولت عليكم لكن حأقول اليوم بالجد فهمت يعني شنو : لو ما جيت من زي ديل .. واااا اسفي وا مأساتي وا ذلي!! ..
تصور كيف يكون الحال .. لو ماكنت سوداني ..
تسقط بس ✌ |
|
|
|
|
|
|
|
العنوان |
الكاتب |
Date |
المجد للآلاف تهدر كالسيول بين مبنى الكونقرس والبيت الأبيض بواشنطن | ABDALLAH ABDALLAH | 02-17-19, 03:00 PM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-17-19, 03:04 PM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-17-19, 03:20 PM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-17-19, 03:45 PM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-17-19, 04:23 PM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-18-19, 04:08 AM |
Re: المجد للآلاف تهدر كالسيول بين مبنى الكونق | هاشم الحسن | 02-18-19, 07:07 AM |
Re: المجد للآلاف تهدر كالسيول بين مبنى الكونق | محمد بدرالدين | 02-18-19, 07:28 AM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-19-19, 03:59 AM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-19-19, 04:17 AM |
Re: المجد للآلاف تهدر كالسيول بين مبنى الكونق | Deng | 02-19-19, 08:29 AM |
Re: المجد للآلاف تهدر كالسيول بين مبنى الكونق | علي عبدالوهاب عثمان | 02-19-19, 09:39 AM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-19-19, 12:29 PM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-19-19, 03:28 PM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-21-19, 04:25 AM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-21-19, 02:44 PM |
Re: المجد للآلاف تهدر كالسيول بين مبنى الكونق | علي عبدالوهاب عثمان | 02-21-19, 03:55 PM |
Re: المجد للآلاف تهدر كالسيول بين مبنى الكونق | MAHJOOP ALI | 02-22-19, 07:42 AM |
Re: المجد للآلاف تهدر كالسيول بين مبنى الكونق | Deng | 02-22-19, 08:45 AM |
Re: المجد للآلاف تهدر كالسيول بين مبنى الكونق | Yasir Elsharif | 02-22-19, 09:40 AM |
Re: المجد للآلاف تهدر كالسيول بين مبنى الكونق | ABDALLAH ABDALLAH | 02-22-19, 01:56 PM |
|
تعليقات قراء سودانيزاونلاين دوت كم على هذا الموضوع:
at FaceBook
|
|