يا ريت يا ريت يا ريت وانت تسمع فيها منها وقدامك باقي صحن البليلة بعد صيام يوم صعب قدام القيادة . احساس البت يحسسك بي حنين دافر . عمك السر القامة الطروبة كان زي المطقوق كهرباء من سد النهضة . صمت يوريك انو عمك مستمع من الدرجة الاولي . ربنا يديه الصحة والله انا خايف عليه عشان صحتو السنة دي ما زي صحتو السنة الفاتت . لاحظ. لحظة استماعو. اكيد الرجل في اللحظة ديك حام مكانات بعيدة . عفارم. عفارم يا. مكارم. يا بت يا شطة . بالمناسبة متابعة بعض البرامج من قدام القيادة ليها طعم القندلة .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة