خاص السودان اليوم: انها ليست المرة الأولى التى يشتكى فيها رئيس لجنة تحقيق فض اعتصام القيادة الأستاذ نبيل اديب من الضغوط التى تمارس على لجنته وتمنعها – بحسب رؤيته – من اداء عملها بمهنية واحتراف . الأستاذ نبيل سبق ان اشتكى من عقبات توضع أمام اللجنة تجعل من إمكانية ادائها عملها بيسر امرا ليس يسيرا ، وخشى يومها من ان تؤثر هذه المشاكل التى تجابهها لجنته خشى من تعطيلها عمل اللجنة أو جعلها غير ذات جدوى . وهاهو الأستاذ نبيل يشتكى مجددا من نفس الاشكالات السابقة أو اشياء قريبة منها مما يعنى ان المشاكل ليست تلك السهلة التى يمكن التغلب عليها بيسر وانما هى قضايا يمكن ان تعيق تحقيق العدالة وهذا امر خطر بالطبع ولا بد من التوقف عنده ومساعدة اللجنة فى اكمال عملها واصدار تقريرها بعيدا عن أى ضغوط أو تأثيرات عليها. ونقرأ أدناه الخبرالمنسوب الى الأستاذ نبيل اديب والذى يشتكى فيه من المشاكل التى تواجه لجنته . يقول الخبر : كشف رئيس اللجنة المستقلة للتحقيق في فضّ الاعتصام نبيل أديب، عن تعرّض اللجنة لضغوطٍ مكثفة لإجبارها على الخروج بنتيجة محدّدة. وقال أديب في تصريحاتٍ لصحيفة الانتباهة الصادرة يوم”السبت” إنّ اللجنة تعمل تحت ضغط عالٍ بسبب الرغبة الشعبية في الوصول بهذه القضية إلى نهاياتها. وأضاف” الشعب يريد معرفة ما حدث وهذه رغبة مشروعة”. وعزا أسباب الضغط الذي تتعرّض له لجنة التحقيق إلى أنّ نتائج التحقيق تترّتب عليها جوانب سياسية وقانونية ودستورية. وتابع” لذا فإنّ الجميع يتطّلع إلى نتائج التحقيق”. وأعلن تسليم اللجنة بياناتٍ مادية متمثّلة في التسجيلات الصوتية والمصوّرة، مؤكّدًا أنّ عمل اللجنة يمضي بوتيرة جيّدة. وأشار إلى أنّ عدد الشهود الذين حضروا للجنة تجاوز المئات. وتابع” بعضهم حضر بطوع إرادته للإدلاء بشهادته”. انتهى كلام الأستاذ اديب ، ولابد من التأكيد على ضرورة حماية اللجنة المستقلة ومنع التعرض لها أو ممارسة أى ضغوط عليها ، ومن اخطر ما ورد فى كلام الأستاذ نبيل قوله : انّ نتائج التحقيق تترّتب عليها جوانب سياسية وقانونية ودستورية. وتابع” لذا فإنّ الجميع يتطّلع إلى نتائج التحقيق”، وهذا الكلام يستبطن معنى قد يفهمه البعض وهو ان نافذين يضغطون على اللجنة خوفا من اصدارها تقريرا قد يتسبب فى توجيه الاتهام اليهم وهنا مربط الفرس وهذا مايدعو الناس الى التفكير فى السؤال الهام وهو ممن يشتكى نبيل اديب ومن له مصلحة فى تعطيل عمل لجنته . الله ورسوله اعلم.
01-29-2020, 05:04 AM
adil amin
adil amin
تاريخ التسجيل: 08-01-2002
مجموع المشاركات: 37106
ادانة الانقلابات في السودان 1958 و1969 و1989 و2019 الشغل بي القطاعي ما بنفع وق ح ت في متاهتا ورايح ليهم درب هسة قالو يحاكمو ناس الانقلاب بتاع 1989 بحجة تقويض دستور 1973 والحكم الاقليمي اللامركزي الدولة مؤسسات وليس اشخاص التحول الديمقراطي في اي بلد مشروع مؤسس بي الدستور وخطوات واضحة لا حمدوك ولا ق ح ت عندهم رؤية حقيقية للتحول الديمقراطي لانه بن عوف بتاع الانقلاب الال جدع دستور 2005 اخر رؤية وصلتنا انتخابات 2010 وديل صفرو العداد حاصل فارغ هسة عايزين يحاكمو ناس البشير بالانقلاب 1989 وتقويض الدستور 30 يونيو 1989 ده طبعا دستور 1973 والحكم الاقليمي اللامركزي ...طيب ليه ما رجعتو انتو ذاتكم لدستور 1973 والحكم الاقليمي اللامركزي باسس جديدة وفكيتونا من 18 ولاية والي ديل ؟؟؟ طيب ليه ما التزمتو بي دستور 1973 ما قبل الانقاذ يا ناس ق ح ت لمن ابيتو دستور 2005 الجدعو المهرول الي مصر بن عوف ومعروفين الناس البهرلو لي مصر عبر العصور ودورهم في اذية السودان ارضا وانسان ده برضو انقلاب من الجيش السوداني بدعم مصر والامارات والسعودية حرصا علي مصالحا في السودان وقوض دستور 2005 وعطل المحكمة الدستورية وما جاب جديد ولا مفيد عشان كده قلنا ده انقلاب وقوض دستور 2005 وعطل المحكمة الدستورية عشان يمارس عدالة انتقائية وليس عدالة انتقالية برضو يفتحو ملف انقلاب 1969 ومخازيه عشان نشوف شرعية صديق يوسف وساطع الحاج والسنهوري جابوها من وين ؟؟ والمحكمة الدستورية اشمل في العدالة من فلان وعلان ولجنة ونائب عام ووزير عدل زغلبان يربط تدوير الصحون مع الحركات المشلحة بتسليم البشير الي لاهاي ودي مناورة جديدة جتظهر نتائجا قريب جدا جدا الناس ديل لا بصلحو السودان ولا بوصولونا الانتخابات اطلاقا والتتار علي الابواب
01-29-2020, 05:14 AM
adil amin
adil amin
تاريخ التسجيل: 08-01-2002
مجموع المشاركات: 37106
Quote: ادانة الانقلابات في السودان 1958 و1969 و1989 و2019
ادانة الانقلابات دي كلها وفتحة ملفها في الاعلام السوداني الحقيقي اولا دي اول خطوة في الاتجاه الصحيح عشان تعرفو المكنكشين في علم مايو 1969 ومثلث احمدي ديل بودو البلد وين هسة عليكم الله اعلام ق ح ت ده اعلام محترم التغيير علي طريقة مهاتير بلدوزر ماليزيا شرحتها في البورد مليون مرة وانتهازيين ق ح ت عاملين نائمين 1- العدالة الشاملة لا يوفرها اشخاص او لجنة او نائب عام او زير عدل تورفها المحكمة الدستورية في دستور 2005 وبي 9 قضاة كم اهي امريكا 2- الاعلام الحر والمحترم والمسؤال الواعي والنظيف ولا الذى لا يخاف من كلمة الحق لومة لائم وده ما موجود 3- الانتخابات الحرة النزيهة بمساعدة المحكمة الدستورية والاعلام الحر واحترام خيارات الشعب السياسية والدينية والانتخابية في 1- انتخابات اقليمية حاكم اقليم وبرلمان اقليم ثم 2- انتخابات مركزية ثم 3- انتخابات رائسية ومشروحة كويس في الف بوست هنا انت بعثي شيوعي ناصري انقلاب 1969 كوز او سلفي انقلاب 1989 دي مشكلتك انت ما مشكلة الشعب السوداني ليه ما بنتخبك؟؟؟ واخر عملية انتخابية 2010 سجل ليها 18 مليون سوداني وفي 17 ولاية غبية بس والعيب ما في الشعب السوداني بل في = النخبة السودانية وادمان الفشل وعارفين نفسهم كويس في المركز او الهامش
01-29-2020, 07:09 AM
Mutasim Idris
Mutasim Idris
تاريخ التسجيل: 04-03-2019
مجموع المشاركات: 2435
الاخ زهير سلامات.. اولا صحيفة الانتباهة اخبارها ما محل ثقة وممكن يكون تلفيق زي اخبار كتيرة من صحف وصحفي الكيزان. ثانيا المحامي أديب ما بعرف (ادب الاستقالة) ولة نحن الكلمة دي ما في قوامسنا السياسي والمهني. يستقيل ويخلينا نشوف المتواطئ منو.
01-29-2020, 12:35 PM
قلقو
قلقو
تاريخ التسجيل: 05-13-2003
مجموع المشاركات: 4742
يا أخوانا بدون لف ولا دوران كتير , كل المجلس العسكرى بدءا من البرهان وحميدتى وكباشى والعطا وباقى المجموعة هم متورطون من قمة رأسهم وحتى الأمشاط فى مجزرة فض الأعتصام , وهم من اعطى التعليمات بالتنفيذ وهم من أشرف عليها من الألف للياء . والله الموضوع ماعايز جرجرة ومطاولات , لكن من الذى سيقول البغلة فى الأبريق وتلك المجموعة فى يدها السلاح ؟ فلننتظر إلى إنتهاء الفترة الأنتقالية وحل المجلس السيادى وقيام حكومة ديموقراطية منتخبة شعبيا لمحاكمة كل اولئك المجرمين ..وما ضاع حق ورآءه مطالب .
01-29-2020, 01:01 PM
adil amin
adil amin
تاريخ التسجيل: 08-01-2002
مجموع المشاركات: 37106
Quote: فلننتظر إلى إنتهاء الفترة الأنتقالية وحل المجلس السيادى وقيام حكومة ديموقراطية منتخبة شعبيا لمحاكمة كل اولئك المجرمين ..وما ضاع حق ورآءه مطالب .
نعم في فرق بين العدالة الانتقائية والعدالة الانتقالية كبير جدا وانت كده وصلت نصف المشوار النص التاني نسوق ناس قح ت ديل في اتجاه الانتخابات عديل كده عشان تجي حكومة تستمد شرعيتها من الشعب عديل وحكومات اقليمية رشيدة ومحكمة دستورية فاعلة عشان ما تجي دولة من الخارج تغز كس امها في الشان السوداني القضائي والسياسي والاقتصادي ونص الناس في الساحة السياسية دي عملاء للخارج ولا وزن لهم شعبي او جماهيري اة حقيقي وهسة لا بنحصل عدالة ولا انتخابات والزمن بينا
المليس واللف والدوران اصلو ما بنفع في السودان في هذه المرحلة مش شفت قطر جات تتوسط كيف في قضية احمد خير
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة