|
|
|
 Re: لست مع التفكيك بشيل جميع الكيزان من وظائف� (Re: Abureesh)
|
يا راجل دا كلام شنو
الأغلبية التم فصلهم من الخدمة المدنية في المهاجر وتطوروا امكانياتهم مع ثورة المعلومات شوف الكم الهائل من الشهادات والخبرات للسودانيون في دول العالم ومع بداية الثورة بادروا بالعمل اضف الي الخريجيين , وبعدين خبرة الكيزان في الخدمة المدنية استفاد منها الشعب شنو خلال ال 30 سنة غير النهب والفساد
| |
  
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: elsharief)
|
ابوالريش سلامات..
شكلنا ماشين نقبل بانه الثورة دي (تصحيحية) ما ثورة
تغيير وقلع من الجذور.
في كووووز ما فاسد؟ وصل وظيفته دي علي حساب
منو؟ علي حساب مفصول او مغبون بالتاكيد طلع في
ثورة التغيير دي طالب بحقه علي الاقل الاخلاقي.
غايتو.
دا الناطق الرسمي بأسم الحرية والتغيير يتفق مع
رأيك يا ابوالريش.
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Mutasim Idris)
|
سلام باشمهندس محمد عثمان
الكيزان ديل لما عملوا الانقلاب انا ما عارف وقتها انت كنت في السودان و لا خارج السودان
عندنا في التلفزيون شالو اعداد كبيرة من كل الادارات للصالح العام و كان عندهم ناس سلقوهم كده في شركة دعاية و اعلان
و جابوهو احلال و ابدال للناس الشالوهم و اغلب الناس الشالوهم كانوا شيوعيين او من احزاب اليسار
و حتى في ناس ما ليهم اي علاقة باي حزب ديل شالوهم تصفية حسابات شخصية .. ما اوسخ من الكيزان الا الكيزان
اللستة كانت جاهزة و جهزوها جماعة من الكيزان كانوا شغالين معانا من بدري من ضمنهم الشفيع وراق الكوز
بعدها التلفزيون وقع لانوفقد كوادر اغلبهم تم تدريبهم في المانيا حيث ان التلفزيون السوداني بدأ بعون الماني
من حيث الاجهزة و التدريب و حتى المباني
ممكن اتفق معاك في حتة انو يتم قلع الكيزان بالتدريج..احلال و ابدال تدريجي
و الحسنة الوحيدة العملوها الكيزان في الناس انهم طلعوا برة السودان واشتغلوا في مؤسسات كبيرة
و احتلوا مناصب عليا و درسو آخر ما توصلت ليهو العلوم في كافة المجالات
ناس كتيرة من الذين تمت احالتهم للصالح العام و من خلال بعض الاصدقاء و اصدقاء مشتركين في عدد كبير من الدول
ما عندهم مانع يجو السودان و يشتغلوا و يساهموا مع الحكومة الحالية و مجاناَ لان وضعهم المادي جيد و ما محتاجين لرواتب لا تثمن و لاتغني من جوع في الوقت الحالي
و في ناس ممكن يكونوا استشاريين من على البعد و في ناس ممكن يشتغلوا في مجال التدريب و في كافة التخصصات
اغلب الناس اللي طلعت من السودان في عهد الكيزان تجاوزت الآن اعمارهم الاربعين و الخمسين و الستين
و الواحد مهما تغرب عن وطنه بكون عندو فكرة انو يرجع و يستقر
و الغريب عن وطنو مهما طال غيابو .. مصيرو يرجع تاني لي اهلو و صحابو
مثلاَ العمل في مجال الاعلام في القنوات العالمية و العربية بتراوح الراتب بين 70 الى 100 الف دولار سنويا
دا بالنسبة للوظائف الوسيطة فما بالك بالوظائف العليا
في ناس عادي ممكن تضحي بالراتب دا و ترجع و اكيد بكون مع الكثيرين منهم مدخرات ممكن تكفل ليهم عمل خاص
يدر عليهم دخل و في نفس الوقت يساهموا في نهضة البلد و تدريب الاجيال الجديدة كلن في مجال تخصصه
يجب اولاَ ان نتخلص من اعوان الدولة العميقة لانهم حجر عثرة في طريق النهضة
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: خضر الطيب)
|
الاخ معتصم..
كلام ممثل الحربة و التغيير الذى ذكرته لا يتفق مع ما فلته انا.
كل مسميات الحركة الاسلامية بما فيها المؤتمر الوطنى يحب ان يعاملوا مثل الحزب النازى فى أوروبا وأمريكا و لا تتاح لهم اى فرصة فى الحياة السياسية.. و يجب ان يشرع قانون بموجبه يجرم كل من يعلن
او يدعو الى الحركة الاسلامية. لان ما قاله البشير عن ممارساتهم السياسية وحده يكفى لإصدار مثل هذا القانون.
انا اتحدث عن الافراد من الاخوان المسلمين الدين ام يشاركوا فى الانقاذ او يساهموا باى قدر
فى تثبيت أركانها.
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Abureesh)
|
عنوان البوست
| Quote: لست مع التفكيك بشيل جميع الكيزان من وظائفهم |
نهاية البوست
Quote: كل مسميات الحركة الاسلامية بما فيها المؤتمر الوطنى يحب ان يعاملوا مثل الحزب النازى فى أوروبا وأمريكا و لا تتاح لهم اى فرصة فى الحياة السياسية.. و يجب ان يشرع قانون بموجبه يجرم كل من يعلن
او يدعو الى الحركة الاسلامية. |
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: ABUHUSSEIN)
|
| Quote: الكيزان ديل لما عملوا الانقلاب انا ما عارف وقتها انت كنت في السودان و لا خارج السودان |
الأخ خضر
أنا طلعت مع موسيقى شلكاوى و برضو رجعت مع موسيقى شلكاوى.. تم تم تررم * ترم رم * تم تم تم تم * تم تم تم تم * ترررم.. سبب موتى بينة.
بعدين لا تفهمى غلط.. انا أتكلم عن الكيزان، و فى رواية الاخوان المسلمين (الأفراد).. و قلت رأيى عن تنظيم الاخوان المسلمين (تنظيم الكيزان) أى عضو فى
الحركة الإسلامية كوز و ليس كل كوز عضو فى الحركة الإسلامية. بل حتى العضوية نفسها، الترابى مع احمد منصور كان يسخر من عضوية الحركة الاسلامية
و أكثر من ذلك كان يسخر من تنظيمات الحركة من مجلس شورى الى اخره، و قال ان السلطات كانت عند افراد قلائل و ديل ناس ساكت!! و إجتماعات الدائرة الحاكمة
كانت سرية. أما الأخوان المسلمين، ففيهم اتباع المرحوم صادق عبدالله عبد الماجد، و حيران الترابى من غير المسيسين. الخ.
و لكنك قرأت رأيى فى (تنظيم) الحركة الإسلامية بكل مسمياته.. ما أدعو له هو توخى العدل (حرية سلام وعدالة ).. فلو وضعنا الأخوان المسلمين فى سلة واحدة فقط بسبب أفكارهم
و عقيدتهم، فهذه وصفة كاملة لسياسة تمكين جديدة.
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Abureesh)
|
| Quote: طبعا عمليا شيل جميع الكيزان من وظائفهم غير ممكنة |
الاستاذ ابراهيم الشيخ علي الاقل قال الكويسين بس.
بعدين الكيزان ياهم المؤتمر الوطني.. مش؟!
| Quote: . الكيزان المهنيين اكتسبوا خبرة كبيرة و هم الان ما زالوا فى سن العطاء |
دا ما بتفق مع ردك لي ولا مع نهاية البوست بتاعك.
Quote: الكيزان لا يمكن ان يحكموا السودان بعد اليوم .. الموضوع ذا انتهى.. يجوز يعملوا مشاكل و لكن حكم
تانى ليهم ما فى و شباب الثورة تجاوزوا نقطة اللا عود. |
انت هنا بتتكلم عن (حكم) وفكرة بوستك (تفكيكم من الوظائف). حدد لينا.
Quote: انا اتحدث عن الافراد من الاخوان المسلمين الدين ام يشاركوا فى الانقاذ او يساهموا باى قدر
فى تثبيت أركانها. |
ديل وين؟ انا صراحة ما سمعت بيهم. وبعدين ما (شاركوا) فيها لكن (اشتغلوا) وبقوا مؤهلين كمان!!
غاااايتو..
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: اخلاص عبدالرحمن المشرف)
|
| Quote: بعدين الكيزان ياهم المؤتمر الوطني.. مش؟! |
يا معتصم باللاى ساعدنا بالتركيز ياخ. راجع مداخلتى الاخيرة الفوق
"بعدين الكيزان ياهم المؤتمر الوطني.. مش؟!" لا ما كدا.. والعبارة الصحيحة أنا قلتها أعلاه:
المؤتمر الوطنى كيزان و ليس كل الكيزان مؤتمر وطنى.. أرجو أن تلاحظ الفرق. Logic 101
كل الكلاب حيوانات و ليست كل الحيوانات كلاب
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Abureesh)
|
Logic سليقة ساااكت ولاا 101 وينو في البوست بتاعك دا؟
بدأت البوست بشيل الكيزان غير ممكن. سرحت كمان في
خبرتهم والناس تستفيد منها. هل ديل انت القاصدهم ب
(كل الكيزان ما مؤتمر وطني؟؟).
مشيت كمان وقلت (ناس نحن) قاعدين فنايل ساكت فاقدين
المهنية والتطور. ويفهم من كلامك ( عدو عاقل احسن من
صديق بليد). لا وكمان وديتنا المعاش زي كأنو الانقاذ وقفت
التمكين في يوم وسمحت لغير منسوبيها بالتعيين!!
باقي بوستك فيه الكلام دا فقط عن القيادات الكيزانية
ما كتائب الضل والمليشيات اشكال والوان.
بعدين كمان ياريت تتكرم تورينا نفرز كيف الكوز الخبيث
من الطيب والاتنين اشتغلوا في الانقاذ.
الفهم قسمة ونصيب.. انا ما قسموا لي غايتو.
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Mutasim Idris)
|
ابو الريش
اعتقد ان أفضل حل هو طرد جميع الكيزان وأذناب النظام البائد من الذين يشغلون الوظائف القيادية فورا، ومن ضمنهم السفراء الذين يعملون في الخرجية وحول العالم أيضا.
بعد ذلك يجب ان تتم غربلة بقية الكيزان من الذين يشغلون الوظائف الدنيا.
ويجب ان لا ننسى القطاع الخاص وسيطرة الكيزان عليه.
خلاف ذلك سوف يعمل الكيزان على اجهاض الثورة ومكاسبها في كل فرصة تتاح لهم.
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Deng)
|
Quote: اعتقد ان أفضل حل هو طرد جميع الكيزان وأذناب النظام البائد من الذين يشغلون الوظائف القيادية
فورا، ومن ضمنهم السفراء الذين يعملون في الخرجية وحول العالم أيضا.
بعد ذلك يجب ان تتم غربلة بقية الكيزان من الذين يشغلون الوظائف الدنيا. |
هلا دينق
أتفق معك تماماً.. Minister of Foreign Affairs is not doing her homework.
| |
|
|
|
|
|
|
|
|
 Re: لست مع التفكيك بشيل جميع الكيزان من وظائف� (Re: Abureesh)
|
سلام عليكم
-مافى كوز غير منقاد ومرتبط بمخططات الكيزان وتنظيمهم
-الان يجرى تمكين الاججيال الجديده من الكيزان فى المؤسسات (نعم ممكن يتشال قيادى كوزمعروف مفاصل الدوله فيها كميه كيزان منهم ناس كانو غواصات كيزان فى تنظيمات فى الجامعه والناس فرحانه بيهم)
- خلال ال30 سنه بيتم تجنيد شباب فى المعسكرات (قبل دخول الجامعه) بواسطه المنسقين تحت جنح الليل ويدخلة الجامعات فى الظاهر غير كيزان لكن هم اصلا جزء من العمل الاستخبارى للتنظيم وخلايا نائمه تفعل فى ظروف زى مابعد الثوره
.
للاسف تمكين الجيل الجديد يتم لعدم وجود احصاء وتصتيف امنى لدى قوى الثوره لفرز (حقيقى) .بعد داك الناس تشوف الوضع بوضوح وحجم الماساه.
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Abureesh)
|
سلامات ابو الريش؛
إذا إفترضنا صحة عمليات الاقالة الجماعية التي تقوم بها الحكومة الحالية لمجرد الانتماء لحزب أو تنظيم
فإن اسلوب التمكين والصالح العام الذي عمل به الكيزان خلال فترة حكمهم كان صحيحا..
ما ياها نفس الفكرة ونفس الاسلوب؛ تتبدل فقط الأحزاب والأشخاص..
طيب حا تقول لي حكومة الثورة بتقيل الناس من وظائفهم على اساس انهم فاسدين وبيعيقوا عمل حكومة الثورة..
حا اقول ليك ده كان نفس رد الكيزان لما عملوا تطهير للخدمة المدنية من غير الكيزان..
طيب الحل في شنو..
الحل في الدولة المدنية ان يكون التطهير من الفساد بالقانون..
فعل اليات القضاء ونظم المحاسبة؛ وراجع ملفات كل الموظفين..
ابدأ بالبار واكيد حاتلقي فيها آلاف الثغرات؛ وحاسبهم وطهرهم من سرقاتهم قبل ما تشيلهم صالح عام
وافصلهم بدون حقوق.. لان حقوقهم في هذه الحالة ملك للوطن..
بعد تنتهي من الرؤوس واصل في كل هياكل الدولة؛
خلص المؤسسات من فسادها واستبدل موظفيها بطريقة قانونية بحيث تكون الفرص متاحة حسب الكفاءة وليس الولاء والعقيدة ولا الإيمان بمواثيق الحرية أو القراي.. الكفاءة فقط
وبعد ده اذا وجدت كيزان القانون ماشالهم؛ وعملهم مافيه تقصير ولا ثغرات
فديل من حقهم عليك يبقوا رجال مقاومة وحامين للثورة
لان الثورة اصلا قامت ضد الفساد وليس الدين والانتماء.
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: عمر التاج)
|
فى المرحلة دى يتم التركيز على اقالة كل القيادات التى كانت شغالة فى جميع مؤسسات الدولة
سواءا كان كوز او غير كوز لان غير الكوز كان بيعمل لمصلحة الكيزان وبرضو لانو انسان فاسد زى الكيزان .
لان تفكيك المؤسسات من جميع المنسوبين ح تعمل نفس المشكلة التى حصلت فى الجوازات خلال
اليومين الماضيين .
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: علاء سيداحمد)
|
الاخ محمد عثمان
انت بتفترض الناس اللي احيلو للصالح العام قاعدين عطالي في بيوتهم طوال الثلاثين سنه الماضيه ..علشان كده بتحكم عليهم انهم ما مواكبين .وما طوروا انفسهم ..دي نقطه غريبه شويه ومحتاجه لي نظر منك .افتراض انهم تجاوزوا سن المعاش معاكً انا فيها ..ودي برضو عابزه نظر لانه من طردهم من وظائفهم كانوا وما زالوا يتنسمون اعلي الوطائف وتجاوزوا سن المعاش ..مع التحيات الزاكيات
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Salah Musa)
|
أهلا دكتور صلاح،
كتبيرين من المتداخلين لم يقرأوا بتأنى ما كتبته .. و قولك "لانه من طردهم من وظائفهم كانوا وما زالوا يتنسمون اعلي الوطائف وتجاوزوا سن المعاش" هذا يعنى انهم
الإدارة العليا التى طالبت فى المداخلة الاولى و كررتها .. بأن هؤلاء يجب طردهم لأنهم يمثلون الإدارة العليا و من ثم قادة التنظيم الذى اعتمدت عليهم الإنقاذ.
ارجو إعادة قراءة البوست و أيضا مداخلاتى فى الردود.
تحياتى
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Abureesh)
|
غايتو الكيزان ومن ولاهم في الخدمة المدنية والعسكرية
غير وصلونا الدرك الاسفل من التدهور ما عملوا حاجة.
اشتغلوا لنفسهم في ال 30 سنة الفاتت وهمشوا وشردوا
كل من اختلف معاهم حتي في (المشية في الشارع).
بعدين قصة الهرم ما كويس لكن القاعدة (ممكن) تجد
فيها درر دي ما ادونا ليها خااااصة لما يكون الهرم
المعفن دا هو اسس وجاب قاعدته مع العلم بانه كلامنا
دا عن الكيزااااااان ومن والاهم.
سلام يا صاحب البوست وضيوفه..
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: Mutasim Idris)
|
من تمكين لي تمكين
أهم شئ القضاء ، لا يطرد موظف ما لم يفسد ، يعني
في الثلاثين سنة الفاتت دي الناس ما تعيش ولا تشتغل !!!!
لو ده الفهم اسمحوا لي اختلف معاكم
نحن دولة المشغل الأكبر فيها هي الحكومة ، ما زي امريكا
مثلاً مع كل رئيس جديد تتغير الإدارة والشركات الخاصة
لتوظف الأغلبية ، الحكومة في السودان مسئولة عن معاش
الناس ، كل الناس وليس الموالين فقط.
العدل بقول ما يفصل الا من أفسد ، من لم يفسد كالقابض
علي الجمر في ذاك الوقت الأغبر
| |
|
|
|
|
|
|
|
|
|
Re: لست مع التفكيك بشيل جميع الكيزان من وظائف� (Re: اخلاص عبدالرحمن المشرف)
|
Quote:
من تمكين لي تمكين
أهم شئ القضاء ، لا يطرد موظف ما لم يفسد ، يعني
في الثلاثين سنة الفاتت دي الناس ما تعيش ولا تشتغل !!!!
لو ده الفهم اسمحوا لي اختلف معاكم
نحن دولة المشغل الأكبر فيها هي الحكومة ، ما زي امريكا
مثلاً مع كل رئيس جديد تتغير الإدارة والشركات الخاصة
لتوظف الأغلبية ، الحكومة في السودان مسئولة عن معاش
الناس ، كل الناس وليس الموالين فقط.
العدل بقول ما يفصل الا من أفسد ، من لم يفسد كالقابض
علي الجمر في ذاك الوقت الأغبر |
شكــــراً
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
Abureesh
elsharief
Mutasim Idris
خضر الطيب
ABUHUSSEIN
Deng
Asim Ali
عمر التاج
علاء سيداحمد
Salah Musa
فيس بوك
تويتر
انستقرام
يوتيوب
بنتيريست