اخر شعارات اليسار التى يتم تسويقها بشراهة هذه الأيام جيش سودانى جديد بعقيدة جديدة، مقدمة منطقية لشعب سوداني جديد بديانة جديدة .
(2)
مواصلة لحملة تصحيح المفاهيم، ليس هذا هو السودان الانتقالي بل هذا هو السودان الارتجالي .
(3)
كانت الخرطوم غير المنتجة عبئا على العاصمة وأخيرا صارت الخرطوم عبئا على السودان .
(4)
مجلس عسكري (مالي قاشو )، وحكومة كفاءات من غير ولاءات، وانتخابات مبكرة لاتقصي أحدا. الثلاثية التي يفهمها حتى رعاة الغنم في بوادي السودان بصراحة نحن شعب (إبرتو مابتشيل خيطين ).
(5)
نحن شعب نحب السعودية والإمارات بلا مقابل، لأن بقاء الرياض وابوظبي بلا صراع يمنحنا الأمل والبشريات بأن الخير قادم، مع رجاءٍ أخير بأن يقدروا بأننا نكره ونحب ليس بذات المقدار الذين يكرهون ويحبون به.
(6)
القاهرة أمامها فرصة الاختيار أن تبني علائق مع الخرطوم وفق برنامج عرابي السجين أو وفق برنامج اسمعيل باشا الحريق.
(7)
واشنطن ليست بالغباء حتى تقبل حكومة يسطير عليها الحزب الشيوعي وحزب البعث والناصريين أفكار قُبرت واحزاب بلا سند .
(8)
آخر الإصدارات في مكتبة الطاقة فقه الرضاعة مابين الكهربة والطباعة للرفيق محمد وداعة .
(9)
أما آخر الاصدارات الاقتصادية في مكتبة قحط (خلاص الاقتصاد في غويشات وداد )
(10)
التلفزيون القومي كان ينبح البارحة بشعارات مسيئة ادناها (معليش معليش ماعندنا جيش ) نعم كان نُباح التلفزيون والاذاعة والمنصات. إن هذا الاداء الاعلامي الخائن يجعلنا نتسال لمصلحة من هذه الرسالة الفاجرة؟. ولو سمحنا باستمرار هذه الكوميديا السوداء لتسائلت الأجيال الحاضرة والقادمة، اذن ماذا بقي للجيش من كرامة وماذا بقي للشعب من كبرياء
(11)
رغم الزعم رفعنا الدعم هذه الجملة هي المختصر المفيد للمؤتمر الصحفي المبنى للمجهول للعارف بالمصاريف ود البدوي
(12)
ماقلتو شغّلنا الشباب
ولونا بالريشة السحاب
مالو الغنى اصبح غنا
ومالو القطاف اصبح هتاف
مالو النشاط اصبح كسل
ومالو النحل جافى العسل
مالو الغدير اصبح طمل
ومالو الضراع جافى العمل
ماقلتو خاتين الاساس
وارسيتو للبلد الخلاص
ماقلتو اسيافكم دهب
والغير سيوفهم من نحاس
ماقلتو بنطول القمر
ونحل شرور الاحتباس
طلع الأمل حلبة دواس
ولبس البلد الخوف مقاس
ماقلتو ناس
هذا اقتراح المقطع الأول لاوبريت (العندو شي مافيهو شي والفيهو شي ماعندو شي )
(13)
اسوأ انواع الساسة والعسكريين هم الذين لايتوقعون خيانة الذين يثقون فيهم .
(14)
عندما لايقدم المفارق نقدا ذاتياً لتخليه المفاجئ عن (صنو روحه) ولا تبرير تصبح الروشتة ما كتبه الحاذق الصادق الياس
قبلما تغير دروبك
كنا بنماسيك نصابحك
وكنا بنقدر ظروفك كل ما تغلط نسامحك
رحت ترخص فى مقامنا
(يلا بيعنا وشوف مصالحك)
بالعملتو انت فينا الله يا ظالم يسامحك
عزيزي القارئ هذه الأبيات رغم شجنها العاطفي فهي ليست بعيدة عن السياسة
(15)
وتستمر المعركة التاريخية جامحة مابين الانقاذيين واليساريين ويستمر حزب السودانيين يخوض معركته الازلية للمحافظة على زعامة المصطفى والخبز والحرية
(16)
سمعت أن القيادي التوم هجو قد استبد برأيه ووقع بدون توكيل عن أهل الوسط بجوبا ووقع اتفاقية نهائية باسمهم في جوبا .
ورغم إستبداد الرجل بالقرار إلا أننا نرفع بطاقة الموافقة بشرط التنازل عن مكتسبات الاتفاق لصالح اخوتنا بجبال النوبة والنيل الأزرق ودارفور الذين نخافوا عليهم حب الصدام الطويل، مثل ما نخاف على أنفسنا حب الصبر الجميل
(17)
كانت بصيرة البقعة تقول أمام الملأ ( الراجل شغلة – والمرأة مهلة – والفتاة تقلة – والحلة بصلة ). تسامرنا بها يوماً ومعي الحلنقي فأضاف ضاحكاً (والمدينة كسلا) .
(18)
الشهيد كشة صاحب قضية ( وود قبائل ) ولا أحسب أنه يرضى أن تُنزع لافتة الشهيد علي عبد الفتاح الذي تناثر جسده وهو يصطاد دبابة الليزر اليوغندية وهي تحاول اقتحام جوبا. إن الذي حدث البارحة لا يشرف الشهيد ولا أسرته ولا رفاقه.
(19)
لا مانع لدينا من أن يترجل اسم الشهيد علي عبد الفتاح من أعلى مدنيته إن كان هذا يمسح غل القحتاب من كل ماهو طاهر وشريف. إن الشهيد كشة يا حمدوك يستحق أن تبنى له مدينة جديدة أو داخلية جديدة في الميزانية الجديدة، فالشهداء لا يحبون المظالم ولا الميراث بلا شرعية فهم عشاق للمعالي ( والعاشقون رفاقُ ).
(20)
لي حب قديم لتونس الخضراء والجزائر الباسلة ومع أن كتمان الهوى طاعة، إلا أنني اليوم أبوح به لأن تونس الجديدة تترسخ والجزائر الجسورة تتعافى وما دامت بروق الحي لماعة فالغيث قادم. وصدق العارف وهو يهطل فرحا:
بروق الحي لماعة
ونفس الصب طماعة
وكتمان الهوى طاعة
ولكن هذه الساعة
12-27-2019, 03:59 AM
adil amin adil amin
تاريخ التسجيل: 08-01-2002
مجموع المشاركات: 37106
Quote: نحن شعب نحب السعودية والإماراتبلا مقابل، لأن بقاء الرياض وابوظبي بلا صراع يمنحنا الأمل والبشريات بأن الخير قادم، مع رجاءٍ أخير بأن يقدروا بأننا نكره ونحب ليس بذات المقدار الذين يكرهون ويحبون به.
اخونا زهير ده الوعي الرخيص والمتدني المفروض علي الشباب وايضا شايفين شطحات الامام ايضا مع العربان ومشروع مارشال ..حسين خوجلي والامام وقح ت نفسها نفس الوعي العروبي المستلب والشعور المتاصل بالدونية حيال هذه الدول الغبية انا بمسك الجزئية دي في التهريج ده كلو الما بعرف امارات بن زايد وسعودية بن سلمان لحدي هسة البنوها سودانيين وست منستر لمن السودان كان سودان ....في حدود 1يناير1956 من الاغني موارد يا رخيصين المركز السودان ام السعودية والامارات وماذا تفعل هذه الدولة الرخيصة الزليلة من الامريكا في اليمن هل توزع الزهور للشعب اليمني ام هي حرب الابادة المفضوحة الان وحتجرف كل رخيص شارك فيها بالله المعفن ده عنده فضائية من 20 سنة لا توقظ فكرة ولا تهذب شعور وينو اعلام ق ح ت من الاساس لو في فرق اصلا بين وعيهم وعي حسين خوجلي اهو دي الامارات تضرب المثل بي السودان في التخلف وتبديد الموارد وتقارنو بي اليابان ..وتزل السودانيين واي طالب امارتي حيشوفكم قرود لي قدام ودولة نموذج للتخلف وفعلا حيطة تتمطي و تلفق في ققا الزول البناها https://up.top4top.net/
12-27-2019, 04:05 AM
adil amin adil amin
تاريخ التسجيل: 08-01-2002
مجموع المشاركات: 37106
ويا حسين خوجلي عندك فضائية لو انت بتمثل الشعب كما تدعي وعامل فيها مفكر وشاعر وسياسي وومحمد حسنين هيكل اتحداك تنزل القصيدة المصورة دي في فضائيتك القبيحة واعلام السودان الفاشل ذى اكل المستشفيات دي الامارات في اليمن وبجيك للسعودية وجنود السودانيين الذين بيعو بثمن بخس يا رخيص انت تمثل نفسك وحثالة المركز وليس شعب السودان اطلاقا لانه شعب السودان ما اتحرك لحدي الان
12-27-2019, 04:13 AM
adil amin adil amin
تاريخ التسجيل: 08-01-2002
مجموع المشاركات: 37106
شعب السودان يا هو دا وده رايه في حرب اليمن وانعم واكرم بي جماهير الهلال ..الهلال العظيم هلال الملاييين ..الموج الازرق القادم ان شاء الله
https://up.top4top.net/ وما في اخس من اعلامي يخون الحقيقة ورسالة الاعلام الشريفة ويتحول الي قواد خليجي خسمة نجوم زيك كده وتظل ق ح ت واعلامها المريض والبليد عالة علي مشاعر السودانيين حتي الان
كل هذه الدول باعت سلاح لدول تعتدي علي اليمن بالمليارات الدولارات والامر فضحية الان كل دول الاتحاد الاوروبي الوسخة وامريكا الاوسخ يا منافق ... https://up.top4top.net/
.وانت بتعرف شنو في السياسة الدولية اقاليمية خليك مع الجاغريو وسرور وجلسن يا حلاتن ..كرهتنا الحقيبة ذاتا انت وقح ت اجبن واخس واضل والعن من تفتح ملف الحرب في اليمن دور السودان الخسيس فيها ما تتكلم عن شعب انت لا تمثله وعمرو ما جابك بي صناديق الاقتراع يا ارزقي يا رخيص
12-27-2019, 04:21 AM
adil amin adil amin
تاريخ التسجيل: 08-01-2002
مجموع المشاركات: 37106
يا ابو الزهور المشكلة في شنو الان بعد سنة من زمن حمدوك حسين خوجلي الساقط ام اعلام قح ت المريض ؟؟؟ https://up.top4top.net/ ما قادرين يعملو فضائيات سودانية حقيقية وبرنامج سودانية حقيقية لحدي هسة ؟؟ عاملين ثورة ليه ؟؟ واتشعبطو في الثورة ليه طيب ؟؟؟ يا اخ في القرن 21 ما في وزارة اعلام ووزير اعلام صدفو للجمهوريين والحركة الشعبية والقوى الديمقراطية والطرق الصوفية باذاعات FM وفضائيات وصحف وكل الاحزاب المسجلة ايضا وخلو الشعب يتحرر من اكل المستشفيات ده وما يروح ضحية اعلام حسين خوجلي الرخيص وفضائية الجزيرة امراة لوط وفضائية العربية امراة نوح ويغرقو الناس في الطوفان ما في زول وصي علي وعي الشعب السوداني لا في امن دمبلاب ولا وزارة الاعلام العفش داخل البص مسؤلية صاحبو وقانون المطبوعات ونيابة الاعلام موجودة مش كده
12-27-2019, 05:18 AM
اخلاص عبدالرحمن المشرف اخلاص عبدالرحمن المشرف
تاريخ التسجيل: 03-04-2014
مجموع المشاركات: 10314
الاخ حسين خوجلي الانتخابات ما جابت حزبك وما ح تجيبو وحتي الانقلاب كما قال الترابي لو عُرف أن الإخوان المتٱسلمين هم من يقف خلفه لما نجح .
بالغش بتجو ونصيحة ما تغازلوا الجيش وداك حميدتي . مالكم بقيتو حوص ،المعادلة ذاتها لا انتخابات بتجيبكم ولا جيش عديل بجيبكم ونسيب الصادق له الرحمة عند مليك مقتدر. ثلاثون عاما لم تترك لكم غطاء .
ما عارف بقيت أشك إن الجخس ده داير يخش السجن بأي طريقة لشئ في نفسه والجماعة عاملين ليه قصة الأمباشى السنجك لقريب سحس الهادي نصرالدين لهتافه بقرب الكومر عاش كفاح الطبقة العاملة قال ليه الهادي الليلي إن بقيت لينين ماك راكب
ينبغي ايقاف هذا الكوز المافون عند حده،،،فقد تمادى في غيه واستهتاره ،،، فهو يظن ان الحكومة الانتقالية انما هي حكومة من ورق ،،،،اثبتوا لهذا المافون اللص ان الثورة ليست ضعيفة ولكنها كانت اريد تحقيق العدالة والسلمية ، وبما ان امثال هذا المافون يرون ان هذا ضعفا واستكانة ، فينبغي لعذه الثورة ابراز انيايها وتفعيل قرارات ثورية لايقافهم عند حدهم،، فقد بلغ السيل الزبى،،والصبر فات حده ..... ... منتصر : :""الليلي كان بقيت لينين ماك راكب"٠٠ اوسكار ،والله اوسكار،،،،،اضحك الله سنك....فقد اضحكتنا بعد ان غمنا ذلك المافون الصفيق .....
12-27-2019, 08:37 AM
محمد أبوالعزائم أبوالريش محمد أبوالعزائم أبوالريش
تاريخ التسجيل: 08-30-2006
مجموع المشاركات: 14617
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
زهير عثمان حمد
adil amin
محمد أبوالعزائم أبوالريش
فيس بوك
تويتر
انستقرام
يوتيوب
بنتيريست