__________ بس لما اتصل عليك Deng كان تعمل كونفرنس مع بريمة و علي الكنزي و عزام عشان تشوف بنفسك أسلاك كيوتل تسخن كيف . بكرة تجيك دعوة قضائية من الشركة بتهمة الشروع في حرق الكبانية.
ههههه
12-23-2019, 10:40 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23077
Quote: بس لما اتصل عليك Deng كان تعمل كونفرنس مع بريمة و علي الكنزي و عزام عشان تشوف بنفسك أسلاك كيوتل تسخن كيف . بكرة تجيك دعوة قضائية من الشركة بتهمة الشروع في حرق الكبانية.
ههههه
دينق اليومين ديل العبار دينق متحاوم بهنا في ولاية فرجينيا .. لكن بالدس .. قالوا يبدو عليه متوتر شويه .. أنا سوف يكون لدي معركتين مع دينق ..
المعركة الأولي .. ح تكون مثل معركة الصحن .. في الفيديو التالي بين الصعايدة البنغال .. في الكويت عام 1971م ..
والتانية معركة كروقر .. النصر عايز عزيمة قوية ..
ود الأمير .. بقي طابور خامس ..
بريمة بريمة
12-23-2019, 05:54 PM
دينق عبد الله دينق عبد الله
تاريخ التسجيل: 03-03-2014
مجموع المشاركات: 1779
نفسي كان تتلاقوا بالكونفرنس ياخي ابن عمك Deng ده اعزموا معاك للبيت بعدين أسألو سؤالين تلاتة عن تراث الدينكا تلقى الخرطومي ما عارف شيء
هل تصدق، العبار دينق زول طيب وأخو أخوان شديد .. لكن الجملة أقرأها بتصرف، لو كجنك يردم فيك أي "تراش". مرة تقابلنا في ندوة .. والونسة حالة شديد وكان لأول مرة أشوف الناظر هباني .. دينق سألني قال لي الزول دا عرفته؟ .. طوالي الصورة وقعت لي .. قلت ليه الناظر هباني .. الناظر هباني سأل دينق .. ما تقول لي دا العبار بريمة ..؟ دينق قال ليهو يا هو سيد الأسم .. الناظر هباني سلم عليّ سلام شديد .. ثم سألنا معقولة أنتم بتتكلموا مع بعض؟ قلنا ليه ياهو أنت براك شايف .. الأسفير والواقع شيئين مختلفين ..
عبار دينق وعباري شيئين مختلفين .. عباري بتاع لبن سائغ للشرابين أما دينق عباره حاجة تانية خالص!
الجواب نعم اتغير بعد ذهاب نظام اللصوص والحرامية الى مذبلة التاريخ،،، عثمان موسى: معقولة هو يقدر يحقر باقوي ثلاثة اشخاص في المنبر : الاول صديق لصاحب الحوش الكبير ، والثاني صاحب الحوش نفسه وممكن بجرة قلم يشطبه من المنبر ، والثالث بكاريكاتير واحد ممكن يغطس حجره،،،ههههههه
حبيبنا الأمير بدرالدين .. مودتي يا ريت كنت أجيد العامية لأشارك في بوست الاخوانيات صدقني ده مشكلة بالنسبة لي .. لو بالنوبية كنت قبضت الجو أيام كانت جميلة ( دينق وود الباوقة ) دخلت بوست الصادق المهدي وقدمت دعوة لحبيبنا صديق مهدي للحضور لنستمتع ببعض الشعر والسجع ..
مودتي الحبيب الامير .. تدوم الاخوة
12-24-2019, 11:36 AM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23077
سلام ود الامير Metro Lover انا كان عندي فكرة انو Deng دا بتاع مشاكل :) لما قابلتو ياخ دا الغنماية تاكل عشاهو هههههه دينق و كتيرين من الاخوان ما كان عاجبم حال البلد في ظل نظام ظالم و قاهر و بستخدم الدين وهم ابعد الناس عن الدين دينق عندو ذي ما عندنا حساسية ضد الزواحف اعداء الوطن و الدين و الإنسانية دينق ما حتتغير نظرتو للناس ديل الا يندثروا و يرجعو لجحورهم دينق زول وطني اكتر بكتير من مدعي الوطنية في المنبر دا دينق اتعرض لاضطهاد شديد و اساءة لوالده و ما امرها من اساءة دينق شخص منضبط جداَ اتواعدنا نتقابل في مول من المولات المول كان مزدحم جداَ في كل الزحمة دي كان دينق واضح جداَ بالنسبة لي انا طولي 180 لما سلمتا عليهو حسيت انو طولي 80 ههههههه شامخ هذا الرجل وقور يتحدث في كل المواضيع بطلاقة بإختصار دينق انسان جميل قلبو قلب ارنب و روحو روح فراشة افتقدتو من فترة اتمناهو دائماَ بخير
12-24-2019, 12:35 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 23077
كتبت إمتثال عبدالله ((وبالمناسبة يا دينق بالعربي تعليقك الاولاني اوسكار خمس نجوم))... تشكري كتير يا إمتثال كدا بقن لي 3 جوائز أوسكار .
المهم يوم 28 فبراير دغش تلقيني في نيمة ست الشاي ال جنب باب الاكاديمية في لوس اجلوس مع توفيق عيسى مكي ود خالة آن هاثاواي - مقدمة برنامج الجوائز لعام 2020
زميلنا توفيق ما يحتاج لي تأشيرة دخول ، لأنه خال جده البرتغالي كان يعمل قرصان في سفينة حبوبة دونالد ترامب
والله يا خضر الطيب انت غيرت نظرتنا بالنسبة ل Deng بصورة كاملة ونحن كنا بنفتكر أنه زول شرس وبتاع مشاكل ،والان انت أثبت لينا العكس أنه انسان طيب إلى أبعد الحدود....الظاهر كثيرين كانوا ظالمينه ظلم الحسن والحسين ..
Quote: والله يا خضر الطيب انت غيرت نظرتنا بالنسبة ل Deng بصورة كاملة ونحن كنا بنفتكر أنه زول شرس وبتاع مشاكل ،والان انت أثبت لينا العكس أنه انسان طيب إلى أبعد الحدود....الظاهر كثيرين كانوا ظالمينه ظلم الحسن والحسين ..
Deng زول جميل بكل المقاييس و ناس و ود ناس سيبك من الناس البهاجموهو ديل عرفتو عن قرب و شرفني في بيتنا و اولادي حبوهو و دائماَ بسألو عنو بس هو سفرياتو كتيرة كل يوم في بلد
12-24-2019, 02:57 PM
دينق عبد الله دينق عبد الله
تاريخ التسجيل: 03-03-2014
مجموع المشاركات: 1779
شكرا اخي خضر الطيب على تعريف الناس بالمناضل الانسان Deng هو يجمع بين قوة الشخصية و الانصاف عاشق لسودان ١٩٥٦ بحدوده السابقة و الحالية. لا ينافق و لا يتملق.
--------
لكن تعال ساعدني في فهم الاوصاف دي (قلبو قلب ارنب و روحو روح فراشة ) ما باقي ليك الا تقول يدو يد السحلية ههههه
12-24-2019, 03:47 PM
nour tawir nour tawir
تاريخ التسجيل: 08-16-2004
مجموع المشاركات: 17638
الحبيبة نور تاور دينق الاجنبى دايرين نتخلص منه ظهر لينا دينق العروبى جاط لينا الاوراق الواحد بقى ماعارف يلقاها من الاجنبى ولامن العروبى اتقول مدنقدين المنبر هسى مدنقدين دى يترجموها كيف للرطانى على عبدالوهاب
12-24-2019, 03:54 PM
Biraima M Adam Biraima M Adam
تاريخ التسجيل: 07-05-2005
مجموع المشاركات: 28101
Quote: سلام ود الامير Metro Lover انا كان عندي فكرة انو Deng دا بتاع مشاكل :) لما قابلتو ياخ دا الغنماية تاكل عشاهو هههههه دينق و كتيرين من الاخوان ما كان عاجبم حال البلد في ظل نظام ظالم و قاهر و بستخدم الدين وهم ابعد الناس عن الدين دينق عندو ذي ما عندنا حساسية ضد الزواحف اعداء الوطن و الدين و الإنسانية دينق ما حتتغير نظرتو للناس ديل الا يندثروا و يرجعو لجحورهم دينق زول وطني اكتر بكتير من مدعي الوطنية في المنبر دا دينق اتعرض لاضطهاد شديد و اساءة لوالده و ما امرها من اساءة دينق شخص منضبط جداَ اتواعدنا نتقابل في مول من المولات المول كان مزدحم جداَ في كل الزحمة دي كان دينق واضح جداَ بالنسبة لي انا طولي 180 لما سلمتا عليهو حسيت انو طولي 80 ههههههه شامخ هذا الرجل وقور يتحدث في كل المواضيع بطلاقة بإختصار دينق انسان جميل قلبو قلب ارنب و روحو روح فراشة افتقدتو من فترة اتمناهو دائماَ بخير
هههاي .. ما ممكن تعرف العبار دينق في مقابلة عابرة .. نحن نعرفه منذ عام 97م .. نوريك حاجة واحدة .. من الذي فضح أعضاء الأحزاب في أمريكا حينما وقعوا في الأنجيرة لبع في عزومه عقيد جهار الأمن محمد سليمان في فرجينيا ..؟ .. دينق، عادل علي صالح وكوستاوي .. يا أخي بقينا بالنهار .. الواحد لا يستطع التحاوم بمحلة الحبش "مسّرة" .. مكان جريمة الإنجيرة .. الثلاثي حقص في محل الأنجيرة شهور .. لو جيت ماري بهناك تطالك الشبهات!
بريمة
12-24-2019, 04:21 PM
دينق عبد الله دينق عبد الله
تاريخ التسجيل: 03-03-2014
مجموع المشاركات: 1779
أهانة شنو لا سمح الله ؟ و أهينك ليه من أصلو ؟ يا زول وحد الله.. أت كتبت فى بوست للامير توفيق أنك دينق بالعربى.. ورد عليك وقال ليك طيب يا دينق بالعربى.. وكولو هزار و ضحك.. وبرضو فى البوست دا.. الحكاية كلها تدخل فى باب المزاح.. عشان كدا أنا ختيت الايكون بتاع البنى آدم البيضحك دا.. فاذا كنت دينق بالعربى.. أو هو دينق بالانجليزى.. ما تفرق.. كلاكما سودانيين ونحن أخوة.. و على العموم أنا اسحب كلمة دينق بالعربى.. و أعتذر حتى ترضى.. و العفو و العافية.. خاصة وان اليوم عيد التسامح و المحبة..
أها قلت شنو؟
12-24-2019, 04:44 PM
دينق عبد الله دينق عبد الله
تاريخ التسجيل: 03-03-2014
مجموع المشاركات: 1779
كتب خضر الطيب 1- ((بعدين انا لو شفتا انسان لمدة دقيقة واحدة بقدر اعرف هو ياتو نوع من البشر)) اها يا اسكنار . طيب ناس FBI مضيعين وقتهم و مواردهم لي شنو ؟؟
2- ((Deng انسان جميل)) و على قول ال سطلنجي و أنا ؟؟
12-25-2019, 04:37 AM
خضر الطيب خضر الطيب
تاريخ التسجيل: 06-24-2004
مجموع المشاركات: 8129
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة