خطاب تاريخي لرئيس الحركة الشعبية لتحرير السودان عبد العزيز الحلو في مفاوضات جوبا – نص
مصدر الخبر / الراكوبة نيوز
نص البيان :
بناءاً على الدعوة المقدمة من الوساطة لإستئناف التفاوض فإننا هنا لنعلن عن وصول وفد الحركة الشعبية لتحرير السودان شمال وكله إستعداد لمواصلة ما بدأ في الجولة السابقة من حوار حول المواضيع والقضايا مناط النقاش. جاء وفدنا وهو مفعم بالامل في أن تسفر الجولة الحالية عن نتائج إيجابية تدفع بالعملية السلمية الى نهاياتها المنطقية والمرجوه.
مبعث الأمل هو روح التعاون والتفاهم من جانب الوفد الحكومي التي لمسناها في الجولة السابقة رغم إعترافنا بتعقيدات المشكلة الوطنية ووعورة المسالك باتجاه حلولها وتعرجاتها…. ليس فائتاً علينا حجم التحديات التي تواجه الطرفين ناهيك عن المسؤليات الواقعة على عاتق كل منهما إذا تصورنا توقعات قواعد كل طرف …..عليه يطرح السؤال نفسه هل نحن طرفي نقيض؟ خطين متوازيين لا يلتقيان؟ أم نحن جناحين كان قدرهما التعاون لإسعاف هذا الوطن الجريح المقعد ومساعدته على النهوض والطيران؟
أنني أرى أن الوطن على موعد معكم، وهذا يتطلب أن تعملوا معاً وبإخلاص لإقالة عثراته وضمان رفعته لينعم بالإستقرار بعد توهان ومن ثم النهضة والتقدم … وذلك حتى يتحرر الإنسان السوداني من قيود التخلف والتشوهات التي هدت من قواه ليلحق بركب الإنسانية ويتمكن من الصعود في مدارج الكمال والجمال. وبهذه المناسبة يحضرني بيت الشاعر المتنبي حيث يقول : ولا أرى في عيوب الناس شيئاً … كنقص القادرين عن التمام
السؤال هو هل أنتم على قدر التحدي ام قبيلة من قبائل العاجزين؟ أنتم قادة وكل آمال الشعوب السودانية معلقة عليكم وابصارهم شاخصة نحوكم اليوم. والأمر بيدكم ..ومازال السؤال الذي يطرح نفسه عليكم هو: هل أنتم بمستوى المسؤلية للمحافظة على وحدة ماتبقى من الوطن ومعالجة أدوائه أم أنتم هنا لتجزئته وتفكيكه وتقسيمه مره أخرى؟
وسبق ان قال الدكتور منصور خالد: ( أن القائد الحق لا يقود من الخلف وإنما من الأمام) فهل أنتم على قدر المسئولية والتحدي؟
إذا اردنا الإجابة على السؤال اعلاه ونحقق السلام العادل فلابد من قطيعة مع الماضي…ذلك الماضي الذي قام عن إنكار حقائق الواقع العياني وبل إشتهر بالمزايدة والمكابرة على حساب الحقيقة وتجنباً لقراءة المكتوب على الحيطان… بل عناداً تبين أنه كان دوماً خصماً على القضايا الوطنية. وقد سبق أن لمسنا تشدداً وسوء إختيار أورد البلاد موارد كانت أقرب للاهلاك منها للعمار . والبنيان…ركوب راس عاد بالبلاد الى الوراء.
ونقولها الآن ان التاريخ ليس دراجة يمكننا أن نقودها الى حيث نشاء الرجوع..في مقاومة صريحة لقوانين الطبيعة ونواميسها … وأن آله الإبحار في المياه بإتجاه الماضي لا وجود لها الا في الخيال.
المخرج الوحيد هو الإعتراف بالواقع العليل وأدوائه المزمنة والإستعانة بإحدث أدوات التشخيص المتاحة واعمال مبضع الجراح لإستئصال تلك السرطانات البادي منها والمستتر إنقاذاً لجسد هذا الوطن من براثن الإنقاذ.
قدركم في هذه القاعة أن تنهضوا بما عجز عنه الأوائل…. مهام وتكاليف منصة التأسيس والإجابة على الإسئلة الصريحة المتعلقة بأمهات القضايا كمطلوبات البناء الوطني والأسس الجديدة للوحدة الوطنية .. من أجل تحقيق الإستقرار والنهضة والتقدم ..والإستجابة لنداء الشاعر صلاح أحمد ابراهيم حيث قال قبل خمسين عاماً:
إننا نتطلع الى يوم أن يسود في السودان ….صوت الحق صوت العدل ….وإحترام الآخرين .. بل وحقهم في أن يكونوا آخرين
وفي الختام أقول لكم لدي إحساس يملؤني بالأمل والتفاؤل وإنكم على قدر المسؤلية وأكبر.. وسنخرج من هنا بسودان جديد وهوبالضرورة مختلف عن السودان القديم شكلاً ومضموناً ..فهل نحن على إستعداد لخوض التجربة والإبحار نحو المستقبل؟
بالتوفيق وسودان جديد أويي
القائد/ عبد العزيز أدم رئيس الحركة الشعبية لتحرير السودان/ شمال
Quote: وسبق ان قال الدكتور منصور خالد: ( أن القائد الحق لا يقود من الخلف وإنما من الأمام) فهل أنتم على قدر المسئولية والتحدي؟
حياك الله يا اسامة الخواض كويس جدا جدا كونو عبدالعزيز الحلو لازال يحترم د منصور خالد ويعرف قدره في زمن الكوليرا وزمن حسين خوجلي وياسر عرمان ... وبرضو دمنصور خالد قال الناس ديل رايح ليهم درب ويا عزيزي مشكلة السودان بعد الاستقلال اوضح من الشمس وهسة بالمختصر المفيد يلتزم القائد الحلو بي برنامج الحركة الشعبية الواضح ما فاضح ومشروح في كتب د منصور خالد وبرنامج الحركة الشعبية بدا بي قيامة الساحة الخضراء 2005 وانتهي بي انتخابات حرة مفتوحة 2010 وبي برنامج ((الامل))) موجود في الاسافير كلها وافشلها الفاشلين الهسة ديل ناس المحاصصة واعادة تدوير الدولة المركزية التي تهين السودان والسودانيين بارتباطتها الاقليمية والدولية المشبوهة والنفضوحة وتبدد موارد السودان وتجلب الموت الرخيص والمجاني لي الناس في الاقاليم ...الدولة المركزية هي عدو الشعب السوداني وليس فلان وعلان .. هسة المختصر المفيد المطلوب من ناس الحركة الشعبية شمال الاصل 1- اطلاق اذاعة الحركة الشعبية والاستمرار في توضيح رؤية جون قرنق والدكتور منصور خالد وكل القوى الديمقراطية الحقيقية في السودان والاذاعة ابعد واعمق من الفضائية لانها تصل المهمشين اعلام ق ح ت الهسة ده هزيل جدا وترجع صحيفة اجراس الحرية في الخرطوم ...المعركة في وعي الناس والناس الان بين وعين فقط الدولة المركزية المشوهة والفاسدة والفاشلة والفاشية وبين الدولة الفدرالية الديمقراطية الاشتراكية وهو نفس الفرق بين العلمين https://up.top4top.net/
ما تنسي يا الخواض التار بيني وبينك قائم وراشك شنو في وثيقة التحالف بين الحركة الشعبية والحزب الاتحادي الديمقراطي لاصل التي وقعها عبدالعزيز الحلو مع ((الختمية ))؟ هل نسير في اتجاه الديمقراطية ام جحر الضب الخرب ؟؟؟
12-12-2019, 07:40 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
حقا خطاب و روح تبعث على التفاؤل و الأمل من الجانب الآخر هناك التعايشي سمعت له كلمات قبل المغادرة لهذه الجولة تحمل نفس الروح بإذن الله تكون هذه الجولة بداية لإختراق حقيقي و حل دائم طالما حداتها رجال مثل الحلو و التعايشي
12-12-2019, 08:13 AM
Yasir Elsharif
Yasir Elsharif
تاريخ التسجيل: 12-09-2002
مجموع المشاركات: 48977
صباح التفاؤل والعزيمة أسامة والجميع وشكرا للقائد عبد العزيز الحلو
Quote: والإستجابة لنداء الشاعر صلاح أحمد ابراهيم حيث قال قبل خمسين عاماً:
إننا نتطلع الى يوم أن يسود في السودان ….صوت الحق صوت العدل ….وإحترام الآخرين .. بل وحقهم في أن يكونوا آخرين
وفي الختام أقول لكم لدي إحساس يملؤني بالأمل والتفاؤل وإنكم على قدر المسؤلية وأكبر.. وسنخرج من هنا بسودان جديد وهوبالضرورة مختلف عن السودان القديم شكلاً ومضموناً ..فهل نحن على إستعداد لخوض التجربة والإبحار نحو المستقبل؟
بالتوفيق وسودان جديد أويي
12-12-2019, 08:29 AM
adil amin
adil amin
تاريخ التسجيل: 08-01-2002
مجموع المشاركات: 37117
الكلام الادبي المنمق ما عنده علاقة بالسياسة ذى ما ناس ساطع والسنهوري قاشرين بي عبدالناصر وصدام حسين في المركز مفروض كمان ناس الحركة الشعبية يقشرو بين جون قرنق في الخرطوم كمان مش الحركة الشعبية دي مشروع سياسي ؟؟؟ شنو قال وما قال كان قال شنو داك ما بفوت جون قرنق ناس المركز الهسة ديل عايزين حلول ديكورية من مقاطيع الهامش بس وعلي عبدالعزيز الحلو يختهم في مواجهة عديل مع مشروع الحركة الشعبية الاصل الموثق تمام في الاسافير ونزلت به احركة الشعبية انتخابات 2010 وهو افضل مشروع سياسي سوداني حتي الان انتو زا يغين من جون قرنق ليه ؟؟؟ العقدة مستمرة ولي شنو هسة صدام حسين وعبدالناصر نعمل بيهم شنو ؟؟؟ تعال مارق يا اسامة الخواض وخلينا من الكلام الادبي ...اتكلم سياسة عديل هل يقبل المركز القبيح ده بالفدرالية ؟؟؟ هل يقبل بي اذاعة لالحركة الشعبية و جريدة اجراس الحرية في الخرطوم وما هي رؤية عبدالعزيز الحلو شخصيا البتختلف عن المشروع الاصل للحركة الشعبية في حوارهم مع ناس ق ح ت ومجلس العساكر الان 2020 ؟
12-12-2019, 10:13 AM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
يا عادل افندي انت ما بتقول خير أصلك!! ما في اي شي يبعث على التفاؤل, ما في اي شي عاجبك دا شنو الممل دا ياخ كرّهتنا اي بوست تجي شايل عدّتك وبقجتك وتفرش بيت البكا و الحداد بتاعك دا
12-12-2019, 11:33 AM
adil amin
adil amin
تاريخ التسجيل: 08-01-2002
مجموع المشاركات: 37117
Quote: يا عادل افندي انت ما بتقول خير أصلك!! ما في اي شي يبعث على التفاؤل, ما في اي شي عاجبك دا شنو الممل دا ياخ كرّهتنا اي بوست تجي شايل عدّتك وبقجتك وتفرش بيت البكا و الحداد بتاعك دا
ده راي يا قليل الاصل وقلة الاصل سلوك والبوست ما حقك عشان تجي تتمسخر انت بي الذات ما في حد ادني بجمعني بيك لا في الدنيا ولا في الاخرة يا منافق ووينو الخير ده ...؟؟ في اسالة هنا يجاوبا صاحب البوست هل الناس ديل بقبلو الحركة الشعبية ورؤيتا في الخرطوم ولي عايزين فلان وعلان وديكور
12-12-2019, 12:43 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27777
Quote: وسنخرج من هنا بسودان جديد وهوبالضرورة مختلف عن السودان القديم شكلاً ومضموناً
الخطاب محاولة لتحويل مجري الثورة التى ظفرت لصالح رؤية الحركة الشعبية .. والخطاب يتعامل مع واقع ما قبل الثورة وهنا تكمن الخطورة .. بأعتبار أن الحركة الشعبية أفرزت واقع لا يمكن تجاوزه (وذلك الواقع نعرفه جميعاً هو حق تقرير المصير للأقليم) ..
والخطاب يناقض نفسه في أحيان كثيرة .. فالحلو ينأي بنفسه بأنه طرف في الحل .. بل وفده هو الطرف .. وهذه مغالطة صريحه في الخطاب .. أنظروا
Quote: لسؤال هو هل أنتم على قدر التحدي ام قبيلة من قبائل العاجزين؟ أنتم قادة وكل آمال الشعوب السودانية معلقة عليكم وابصارهم شاخصة نحوكم اليوم. والأمر بيدكم ..ومازال السؤال الذي يطرح نفسه عليكم هو: هل أنتم بمستوى المسؤلية للمحافظة على وحدة ماتبقى من الوطن ومعالجة أدوائه أم أنتم هنا لتجزئته وتفكيكه وتقسيمه مره أخرى؟
في هذا الخطاب ليس هناك جديد .. بل هناك تدوير لمسألة حق تقرير المصير لتفكيك للسودان .. وتجزئته ..وعلي أقل أفتراض هناك لئ لعنق مبادئ الشعب السوداني الذي ثار وحقق النصر ..
علي شباب الثورة الذين صبوها في القيادة العامة بالذهاب إلي كاودا .. وصبها هناك أمام مقر قيادة الحلو .. إن إردنا وحدة غير مشروطة ..
أنا متشائل .. وإن لم أقل متشائم ..
بريمة
12-12-2019, 12:52 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27777
كما أسقط شباب الثورة الثائر الدكتاتورية في الخرطوم .. عليه أن يسقط دكتاتورية الحركة الشعبية في كاودا .. وعلي لجان المقاومة .. وشباب الثورة .. وكل القوي الحية .. أن تقف بصلابة في وجه هذا الصلف الغوغائي .. الحركة الشعبية لم تحقن دماء الشعب السوداني .. بل الشعب السوداني هو من حقن دمائه .. وهو المنوط به الأمساك بزمام المبادرة .. وأي تقاعس سوف تضيع آمال الملاين التى خرجت والأرواح التى أذهقت ..
بريمة
12-12-2019, 12:57 PM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27777
شعوب الأقليم قد أصابها الأمرين .. جراء تخبط الحكومة البائدة والحركة الشعبية .. وبالتالي نأمل في محاصصة عادلة لحقوق شعب الأقليم .. بعيداً عن مزايدات الحركة .. والشعب السوداني عرف الطريق لمثل هذه الحقوق .. وقوف الثوار مع قضايا دارفور شاهد علي الفهم القوي والمتبصر للأنتهاكات التى أصابت الشعب السوداني في مناطق الهامش ..
المهم في الأمر .. لا أستكانة .. إلا بأنتصار كلمة وإرادة الشعب السوداني .. والتى هى فوق كل متجبر ..
بريمة
12-12-2019, 12:54 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
لا يا شاب ما نحاول تبررها سلوك وما سلوك دي شتيمة راسها عديل عليه تفضل بقبول ردّها مع الفائدة انت القليل اصل و تربية وادب وذوق و بالنسبة لمنافق مسامحك فيها
12-12-2019, 01:17 PM
Ali Alkanzi
Ali Alkanzi
تاريخ التسجيل: 03-21-2017
مجموع المشاركات: 9256
Quote: والخطاب يناقض نفسه في أحيان كثيرة .. فالحلو ينأي بنفسه بأنه طرف في الحل .. بل وفده هو الطرف .. وهذه مغالطة صريحه في الخطاب .. أنظروا
هذه قراءة ذكية ورغم كل ذلك اسأل الله أن يكون أجلي بعد تحقيق السلام الشامل في السودان واسأل ان يعجل بالسلام ويكون هذا السلام خلال فترة الحكومة الانتقالية إنه سميع مجيب آمين
12-12-2019, 03:26 PM
adil amin
adil amin
تاريخ التسجيل: 08-01-2002
مجموع المشاركات: 37117
Quote: لا يا شاب ما نحاول تبررها سلوك وما سلوك دي شتيمة راسها عديل عليه تفضل بقبول ردّها مع الفائدة انت القليل اصل و تربية وادب وذوق و بالنسبة لمنافق مسامحك فيها
انا عندي قلة الاصل سلوك في البورد ده وباين قليل الاصل فينا منو وذوق شنو كمان في البلد الذي خبت ده دي سياسة يا مواطن اما الناس تتعامل معاها بي وعي ومسؤلية او يزحو من راسنا انا بحارو صلحب البوست تجي تبخس وتقل ادبك لش شنو انت مش ضيف ذى في البوست ده هل جيت بخست كلامك ولي قلت ليك بتعمل شنو ده منبر حر ما مسنجر امشي اتلم علي شلتك في مسنجر ولي واتس اب هناك ورجغ ذى ما داير
انقرع
12-12-2019, 03:32 PM
محمد البشرى الخضر
محمد البشرى الخضر
تاريخ التسجيل: 11-14-2006
مجموع المشاركات: 28869
وأنا عندي شتيمة وبديك ليها في يدك زي ماهي وخسارة فيك زاتو ولانو دا منبر حر ما مسنجر يبقى اقول رأيي في مناحاتك الحايم بيها وبقجتك البتفرشها على قارعة اي بوست ولا على كيفك عجبك فبها ما عجبك برضو فبها، اي قلة أدب بترجع ليك في ساعتها و بالزيادة وبالنسبة لمنافق غيرت رأيي ما ح اسامحك فيها، عليه منافق انت و جهلول يدعي العلم و المعرفة والوعي وانت معلم الله منهن
12-12-2019, 03:35 PM
adil amin
adil amin
تاريخ التسجيل: 08-01-2002
مجموع المشاركات: 37117
Quote: شعوب الأقليم قد أصابها الأمرين .. جراء تخبط الحكومة البائدة والحركة الشعبية .. وبالتالي نأمل في محاصصة عادلة لحقوق شعب الأقليم .. بعيداً عن مزايدات الحركة .. والشعب السوداني عرف الطريق لمثل هذه الحقوق .. وقوف الثوار مع قضايا دارفور شاهد علي الفهم القوي والمتبصر للأنتهاكات التى أصابت الشعب السوداني في مناطق الهامش .. المهم في الأمر .. لا أستكانة .. إلا بأنتصار كلمة وإرادة الشعب السوداني .. والتى هى فوق كل متجبر ..بريمة
برنامج الحركة الشعبية واضح يا بريمة وما بنفع معاك لانك كوز تؤمن بالخلافة وليس بالدولة الديمقراطية الفدرالية ق ح ت والمجلس العسكري يرجعو الاقاليم الخمسة وينتخب حاكم الاقليم وبرلمان الاقليم يعني الفدرالية ذى ما الله خلقا وامشي ذاكر في برنامج الحركة الشعبية الامل انتخابات 2010 بعدين قصة وفلان دي نخليها ..ناس المركز ديل عايزين حركات ديكور ومتسكعين يشتروهم بي قروش للابقا علي الوضع ذى ما هو ...وشفنا التجاني السيسي عمل شنو بي سلام دارفور 2012 جاور في كافوري وفكا دارفور عكس الهوا وما عرفنا قروش قطر راحت وين يا بريمة الحركة الشعبيةة رؤية ومسار مضاد تمام لترهات المركز والمحاصصة واعادة تدوير الدولة المركزية وقرود السيرك الامريكي الخمسة مصر والسعودية والامارات وقطر وتركيا والبنك الدولي وسفن سسترس الحركة الشعبية مشروع سوداني وطني اصدق من بعاعيت مايو 1969 وايتام الترابي 1989
وأنا عندي شتيمة وبديك ليها في يدك زي ماهي وخسارة فيك زاتو ----------------------------------------------------------------------------- محمد البشرى الخضر خليك كبير كما عرفناك فى واحد فى الفيس بوك وصف حمدوك بالخايب العايب السكران ما عندو شغلة غير اكل الزقنى وشرب الويسكى بلدنا مليانة بالعينة دى للاسف
ما تعتقد أنه "صدمة" للقرّاء ، هو في الحقيقة كما قال ودالبشرى "شتيمة عديل" ..
هذا اسلوب جرّبه بشاشة تحت شعار "الدواس الفكري" فشرب من نفس الكأس "الفكرية" واختفى ...
لا أحد يمكن أن يتبعك باستخدام "سوط الشتيمة والسخرية"..
لا أحد..
يا اسامة لو انت في بيتكم في طيبة الخواض ونحن قاعدين في الديوان نتونس ونناقش قضية ما ان شاء الله ثقب الاوزون وجا زول دخل الديوان وقعد وبدون سبب قعد يبخس كلام ضيفك انت بتتصرف كده ..القهم بتاع الناس بسوي زول وسخ ذىو علقية امنية ...وقلة الاصل تقل ادبك في بيت الناس وتاني انت بي الذات اخر تفاطع معاك في البوست ده بس طال ما عايز تعمل لي فيها الفا واي ساقط ورخيص ما عاجبو الكلام بالكتبتو هنا يشرب من البحر وانا بعرف قانون البورد وبكتب لي 20 سنة ما عايز لي الفا الزول ده تعدى علي وقعد يتمسخر ودي قلة اصل عند الناس العندهم اصل فعلا في السودان وشللية وثقافة القطيع في البورد ما تلزمني ومعاك سلامة
12-14-2019, 07:45 AM
Biraima M Adam
Biraima M Adam
تاريخ التسجيل: 07-05-2005
مجموع المشاركات: 27777
الحلو : الحكومة ليست مسؤولة عن إدخال الناس في الجنة !
مصدر الخبر / الراكوبة نيوز RT /
دعا عبد العزيز الحلو، رئيس الحركة الشعبية قطاع الشمال المتمردة بالسودان إلى ترك موضوع تحديد هوية الدولة للأجيال القادمة، مشددا على أن إدخال الناس في الجنة ليست من مسؤولية الحكومة.
وقال الحلو في كلمة ألقاها في منطقة تسيطر عليها حركته في النيل الأزرق، إن الرئيس السوداني المخلوع عمر البشير حدد هوية الدولة السودانية بعد انفصال الجنوب بأنها “إسلامية عربية”، مضيفا أن العرب الموجودين في السودان لا يمثلون كل السودان.
ولفت رئيس الحركة الشعبية قطاع الشمال التي تنشط في منطقتي النيل الأزرق وجنوب كردفان، إلى أنه من الممكن أن يأتي أي شخص آخر إلى السلطة ويفرض هوية أحادية للسودان.
وأكد في هذا السياق، أن هوية الدولة يجب أن تكون “جمعية”، وأن تترك عميلة تحديد الهوية القومية للسودان للمستقبل.
كما أشار الحلو إلى أن “الدولة تقف على مسافة متساوية من جميع الأديان والقوميات والثقافات والقبائل والأعراق، ولكل فرد أن يختار هويته الخاصة به، والدولة للجميع، ولا أحد يقرر هوية الدولة بمفرده، وبهذه الطريقة تتحقق العدالة”.
وتساءل الحلو، أين يذهب غير المسلمين في السودان في معرض قوله، إن “الشريعة الإسلامية تقسم الناس تقسيما دينيا، وإنها تصنف الناس غير المسلمين على أنهم لديهم مشكلة، وليس لديهم مكان في السودان”.
ورأى في هذا الشأن، أن الدين علاقة بين الإنسان وربه، وأن الحكومة “ليست مسؤولة عن إدخال الناس في الجنة”، مشددا على أن مهمة الحكومة تتمثل في “توفير الخدمات التعليمية والصحية والسكن والطرق لمواطنيها”.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة