|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
اوكي .. اجرت مؤسستي هذا الاختبار الذي اختير بعناية شديدة لرموز من رجال المال والاعمال السودانيين وعددهم عشرة وهم كلهم واسعي الثراء كل واحد منهم في سوق منفصل واغلبهم كبار هذه الاسواق وقد ربطتني بهم معاملات سابقة قوية جدا فارسلت لهم هذه الرسالة :
Quote: السلام عليكم كيف الحال والامور شغلي ده بقى يكلفني فوق طاقتي لكن في بشريات نتائج ما بطالة اصلي ما مستعجل ليه المهم ما احتاج لزول واهو الحمد لله امكن صارف فيه حتى الآن مبلغ فاق المليون خلال ستة سنوات من مالي الخاص وما يحوله لي اشقائي الجميعهم مهاجرين بره السودان ولا يوجد اي دين لي من جنس مخلوق في عملي هذا لكن مرات الظروف بتحكم مهما الزول حاول ما يستعين بالناس وما هي الا لعلمنا ان كل الناس في هذه الايام بتحكمها ظروف ولو كل واحد قدر رتب التزاماته ما بقدر يساعد زول نقدر هذا وعايشين وسط الناس وهمومهم علي التزام لشركة بتصمم لي تطبيقات 30 الف شهري والمطلوب مني قسط هذا الشهر وباقي لي قسطين من اصل 150 الف للتطبيق الاول التزمت في مواعيدي باليوم في السداد للاقساط التي سبقت لكل شهر وهم اليوم خلصوه وسلموني ليه بثقتهم فيني مفروض يوم واحد نوفمبر ادفع لهم قسط نوفمبر القبل الاخير 30 الف بالنسبة لسداد قيمة الدين باذن الله في قسطين يوم 27 من كل شهر قادم تصلك رسالتي هذه حرصا لعدم الاحراج لجانبينا عدم الامكان التجاهل فقط توفيق عيسى مكي |
وانتظرت رد فعلهم جميعا فقط واحد طلب مني الحضور غدا لأخذ المبلغ ثم اعتذر لبعد الغد ثم لبعد الغد وهكذا .. البقية فضلت عدم الاحراج لجانبينا ولازت بالصمت اغلبهم كانوا يتعاملوا معي في اضعاف هذا المبلغ (لو حسبناه بالدولار) يوميا دون ادنى تحفظات او مستندات وهو بالنسبة اليهم شئ لا يذكر وكذلك انا القرض من الاختبار كان من أجل معرفة تقبل رجال المال والاعمال لانشطة المؤسسة ونظرتهم اليها وهي اليوم صارت معروفة في السودان كاذب من لم يسمع بها
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
طبعا في السودان لو حصلت ليك اي مشاكل مالية واشتهرت بيتحكم عليك بالاعدام داخل الاسواق لكن الاقوياء فقط بقوموا معاعيت تاني لكن بتدفع تمن قاسي جدا استقلال لابعد الحدود وتشفي ... ومحاولات انك تاني ما تقوم ونحن لو فعلا دايرين نكون ناس بيهمنا مصلحتنا ومصلحة بلدنا نترك المفاهيم دي زي ما العالم الزينا اتقدم باخلاقهم السمحة ومساعدة بعضنا خصوصا لما الواحد مننا يتعرض لمشكلة نقيف معاه لحدي يعدي منها من خلال تجربة 33 عاما داخل كل الاسواق السودانية بلا استثناء وتقريبا دي كانت عهد الكيزان والانقاذ سمت فينا اخلاق ما حقتنا كسودانيين وبقت سايدة علينا فلو دايرين حالنا يتصلح كدي في الاول نصلح معاملتنا مع بعض وما نتعامل بقوانين الغابة وقوانين المافيا وقوانين سكسونيا ...
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
المافيا الانقاذية زاتها حاولنا نتعامل معاها في تجربة مريرة خسرتنا وقت وقروش طايلة حالتو قلنا ليهم محتاجين شغل عشان بارباحه نقدر نسرع من مشروعنا القومي للسودان بلدنا البنحبها ... فاصبحنا سلعة رخيصة اتباعت كذا مرة برخص التراب ... بس بسرعة قدرنا نلملم نفسنا ويا فكيك ... ما عافين لاي زول استرزق بينا وان شاء الله ربنا ينتقم منه واهو الثورة دي بردت لينا كتير من الغل الحسينا بيه
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
نرجع لكلام عميد كليتنا وهو رقم اقتصادي عالمي مصري في قوله في مسألة القدرة الائتمانية نحن قدرتنا الائتمانية زيرو كبير واعداء وحقد ومحاولات تكسير وسخرية ما تديك الدرب السؤال البيطرح نفسه ؟؟ : كيف قدرنا نستمر الستة سنوات دي وكيف قدرنا ننجح وكيف قدرنا نوفر المبلغ الضخم ده الخلانا شغالين اليوم بعدة اقسام كل قسم بادارة منفصلة يعمل لوحده ويحقق نجاح حتى انا كمالك ومدير عام للمؤسسة دي ما قادر اجاري نجاحاتها اصبحت اليوم محتاج لفريق يتابع معاي كيف ده بدون قدرة ائتمانية يا دكتور صبحي تادرس قريصة ؟؟؟؟؟؟ ونحن بنقدس العلمية في عملنا ...
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
هي رسالة بوجهها بقوة لمجتمعنا : عشان نحن مقبلين على عهد جديد وزمن جديد لابد من تنضيف اسواقنا من ربائب الكيزان ومافياتهم القذرة وترجع لينا اسواقنا بناسها القدام الاتوارثوا الاخلاق السمحة جيل بعد جيل يجب ازالة نصف الموجودين في الاسواق اليوم وتغيرهم بمن يقدر ان يواكب اخلاق العالم المتحضر ومسح ثقافات دخيلة علينا : اضرب واهرب والشوت تسعين نطة ولا بعبوص واحد والكسر والناس المواسير واهم حاجة ننضف اسواقنا من الباعة الفريشين في الاسواق الرئيسية ديل هم المنبع المن خلالهم بينبتوا لينا الطفيليين في اقتصادنا نرجعهم لحواشاتهم ومراعيهم افيد لينا وليهم
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
بنستثني سوق امدرمان من ما ذكر فللآن ظل محتفظا بنفس الاخلاق الاصيلة امكن لانه اعرق الاسواق السودانية واقدمها وده البدينا الأمل اننا نرجع لاخلاقنا السمحة أكيد ما بقصد اطرافه والاسواق الجانبية المستحدثة فيه والجديدة نوعا ما التي نشأت طفيلية بسبب الطفيليين الذين كانوا يحكموننا ولكن اعني العراقة فيه واهله العريقين الذين توارثوا التجارة فيه وثبتوا رغم انهم حوربوا في ارزاقهم لكن من اخلاقهم العالية الله حفظهم وحماهم اعشق فيه عبق اهل السودان الاصيل احب فيه كل رموزه اختص اكثر بالعاملين البسطاء الراسخين منذ ان كنا جوبه ونحن اطفال لم اضمن احدا منهم ضمن اختباري لا اريد ان اعرف اكثر ما اعرفه عنهم عشت وسط العاملين البسطاء اجمل ايام عمري اقول عنهم باسم مؤسستنا : هم من أكثر الناس ساندونا دعما غير محدود خلال ستة سنوات في عملنا وفي كل شئ ... لهم مني كل الحب والاحترام الكبير
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
السوق العربي تم ترحيله وطمث هويته والافرنجي تم مسحه من الوجود .. كذلك سوق بحري لم يسلم بديل لذلك نشأت عشرات الاسواق الجانبية الكيزانية افضلها سوق ش 15 وسوق 6 عملت في اغلب الاسواق الرئيسية داخل العاصمة وفي اغلبها دائما ما أكون ركنا مهما ... وشهادتي هذه شهادة شفافة بشفافية منهجي وعملي فعلا لا قولا ...
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
بحمد الله ستة سنوات بصرف من حر مالي على مؤسستي قرنت الليل مع النهار شغل في جملة اشغال عشان عارف واقعنا السيئ ده وما احتاج ومؤسستي تحتاج لمخلوق سوداني (قرابة المليار ونصف) لحدي بقت مؤسستي صرح قوي عبر خلاس حتى انا نفسي لو بقيت مافي شغلي عبر خلاس ونحن على عتبات عهد جديد اوجب الواجبات ننضف اسواقنا من كل الطفيليين الفيهم والوسخ عشان نقدر نرجع تاني لسيرتنا المعروفين بيها في معرض في شنقهاي طلعت طابق كان كله مختص بالملايات معي شيخ السودانيين في شنقهاي اول دكان دخلناه الصيني طلب مننا المغادرة سريعا ان نهبط من هذا الطابق لانه لو عرفوكم سودانيين حا يضربوكم لانه لا يوجد دكان او شركة في هذا الطابق لم تسلم من احتيال من سوداني ده الواقع المخجل الحقيقي ....
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
هذا الحديث او هذا الخيط يغيظ جميع الطفيليين والفاسدين في اسواقنا او المتعاطفين معهم .. من رابع المستحيلات يفقهوه يريدونها فوضى وطمث ثوابت تربينا عليها وهذا ايضا من رابع المستحيلات ايضا ... لان للسودان اهل حقيقيين سيظلون يدافعون عن كل ما هو جمال فيه او كان فيه
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
انا على يقين من قول عميد كليتنا التجارة في جامعة بيروت العربية بان المقياس الحقيقي لنجاح اي مؤسسة هي مقدرتها الائتمانية ولكن ... دائما السودان حالة شاذة عن العالم امكن ما تحتاج لمقدرة ائتمانية لو كنت قريب من السلطة مثلا فكلما تحتاج يتم الدفع لك بواسطة عطاءات مفبركة او كنت قريب من المعارضة يتم تمويلك لتحارب تجار الحكومة ... مثلا ... او تتزنق تمشي الدهب شهرين تلاتة تجي مليان قروش بلا دين بلا كلام فاضي او تكون ماسك خزنة جهة حكومية او قريبك في بنك تنهب ليك مليارين تلاتة اتفتح فيك بلاغ ترجع اتنين تسوية وتحتفظ بواحد تدعم بيه مركزك المالي لكن السائد في كل اسواقنا لم التاجر يتزنق يطير شيكات مليارية ويخندق يافي دبي ولا القاهرة او الخلا كم شهر مع التضخم والقروش شغالة بعد سنة او سنتين تظهر للناس كرجل ثري جدا والامثلة كتيرة جدا لا تحصى بتخرب القاعدة التجارية العالمية دي يعني لو دكتورنا صبحي تادرس ده جا شاف اسواق المواسير هنا عندنا كيف حا يرجع مصر اكبر ماسورة مصدية ...
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
اليوم مؤسسة الشفافية للخدمات التجارية الجهة الوحيدة في السودان عندها برنامج اقتصادي طموح يعمل خط اربعة خطوط تحت يعمل دي في ارض الواقع السوداني لا احزاب ولا قحط اساسا الكيزان ما بيستوعبوا شنو برنامج اقتصادي طموح لكن ديل عارفين بس ما عندهم العندنا ده نحن الوحيدين العندنا الما عند الناس بيعكسوا لينا الكلام ده للتاكيد عليه من شركات عالمية ومنظمات اليوم عاملة هجمة علينا كل واحد داير يحتوينا او يعمل معانا شراكة زكية ناس جوه نوم السواد والرماد والله
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
اتذكر قبل كم سنة ذهبت لاهلي في المملكة لانهم جميعهم مستقرين فيها واول ما وصلت كتبت بوست هنا عشان ناس المملكة تتواصل معاي الناس الحاسدة كلهم روجوا اني جيت المملكة للشحدة فمافي زول اشتغل بجيتي الا بالتلفون بعيد لبعيد اللهم د.طه كروم ( بالمناسبة عرض علي تمويل اكيد رفضته بعد نقة الحاسدين ديل) ... كان ممكن لو نحن فعلا بنحب بلدنا الناس تقعد معاي نتفاكر سوا في البيفيد البلد يفتحوا لينا ابواب تمويل يقصر لينا سكتنا من بيوتات التمويل السعودي والشيوخ والامراء بس فالحين مع الهلال والمريخ مع انه فعلينا نحن اهم عشان نجاحنا بينقذ السودان وبيرفعه ويقدمه
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
وبعد داك رجعت السودان وصرفت في العمل ده بضع مئات من الملايين من حر مالي ... عشان اوصله للنجاح الهسي وصلنا ليه ده شيئ مخجل ومأساة حقيقية لو في انسان عنده ذرة احساس وفهم لم يعرف بالاختبار العملته لرموز كل سوق من اسواقنا الرئيسية وجبنهم لزول بشتغل لصالحهم وصالح بلدهم وهو في الاصل بقى اساسا ما محتاج لجنيه واحد من اي واحد منهم غير اصلاح اخلاق جميلة انطمست في اسواقنا ...
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: توفيق عيسى مكي)
|
اهم ما كان يميز التاجر السوداني هو صدقه وكلمته ووفاءا بوعده اتذكر قبل مجئ الانقاذ كنت اعمل في مجال التوزيع لمواد البناء وادوات المناطق الصناعية كنت قد ارتبطت مع احد التجار ان اورد له 2 طن لحام اتذكر لليوم ماركته ابو فلوكة او ابو سفينة الاصفر وكان نادرا يومها وقطعت معه سعرا وغبت بضع ايام لتجهيزه وعند تجهيزه كنت ذاهب لاعرف اين اسلمه فوجدت احد السماسرة يعلم انني اقوم بتوريد هذه الاصاف للاسواق فقال لي بغيابك اتى احد الموردين وكبس السوق بكميات كبيرة من نفس نوع اللحام الذي اود بيعه لذاك التاجر بسعر يقل كثيرا جدا السعر الذي اتفقت به مع ذاك التاجر حتى لا توجد ادنى مقارنة وكذلك امهلهم في السداد بضع اشهر مما شجع جميع التجار بالشراء منه فوق حاجتهم بما يمفيهم لمدة ثلاثة اشهر او اربعة ومن ضمنهم التاجر الذي اتفقت معه عرفت انه اشترى خمسة اطنان منه لكني ذهبت له فلم يشعرني بعدم رغبته بل دلني على مخازنه كي انزل بضاعتي فيه وبالفعل اتتمت الصفقة واستلمت مالي نقدا كاملا واثناء محاسبتي سألته الم تشتري من فلان المورد اكثر من حوجتك قال نعم فلم اكملت معي هذه البيعة قال لي تعلمنا من اباءنا ومن سبقونا في هذه الاسواق ان التاجر كلمة وانا قطعت معك كلمة مستحيل ارجع عنها ولو كان سعرك ضعف ما اتفقنا عليه هكذا هي التجارة والتجار كانوا ... والقصد من القصة واضح ...
| |
|
|
|
|
|
|
Re: في أول محاولة للاستدانة لتصريف شئؤن مؤسسة (Re: مرتضي عبد الجليل)
|
أكبر بنك معلومات تجارية عن السودان ده في نظرك محل لباسات وستيانات 10 تطبيقات انتاجية في بلد فيها الاف التطبيقات الخدمية ده حلواني باسطة في نظرك منصة بورصة معدنية وسلعية خاصة ده شوال بيع مساويك في نظرك استديوهات رقمية حديثة معنية بالانتاج فقط دي انداية في نظرك عشرة وسائل بتوصلنا لهدف اقتصادي في برنامج اقتصادي طموح يعمل الان بكفاءة وحات الله انت عدو للسودان او عميل كتير عليك مؤكد انت زول سلنطحي ساي اصنج او زول عميكة ماكل ويكه قايمة بيك .... قوم لف لفاك .... ولا اخير ما اكمل ما بتستاهل الزول يعبرك زاتو ناس وسخ
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|