عبودي 🇸🇩 @3boodii___9 انا طلعت قبل شويه من مقر لجنة التحقيق في فض الاعتصام التعامل اللقيتو هناك مرضي جدا منهم ومشيت كشاهد ما كشاكي لانو الحمدلله ما اتعرض لاي اذى الحاجة المخيبه انو عدد الشهود والشاكين بسيط جدا بالنسبة للتوقعات الكانو منتظرنها اللجنة يعني والله العظيم الناس القاعدين هناك ووكلاء النيابة
انبسطو جدا اني جيت اشهد ووالله العظيم بترجوني اجيب الناس الكانت معاي يشهدو ووكيل النيابه قال لي انو الثوار ما بس يطلعو مواكب ويهتفو الدم قصاد الدم ويرجعو بيتوهم قال لي انو لو ما جو وشهدو والعندو دليل صوره او فيديو يقدمو لينا كاثبات الموقف هيضعف وانو عندهم مهندسين IT بقدرو يعرفو
·
اذا الاثبات صح ولا مفبرك (. قلت ليهو الموقع العملو المهندسين اتهكر في يومو واخترقو) قال لي غيرناهو بواحد تاني المهم الناس ديل جادين ونحن نعمل العلينا ونقدم اقولانا لانو بالطريقه دي العدد م كفايه والمخزي انو حازم حلمي ما قدم شهاده مع العلم اني دخلت اسمو في شهادتي لانو كنت جنبو وهو
·
بعمل لايف فالنايب قال لي احاول اصل ليهو ويجي يشهد لانو هو م بقدر ينادي زول يقول ليهو تعال اشهد مع انو قال بقدر يصل ليهو المده ما بس اسبوعين قال لي هم قالو كدا عشان الناس تسرع بس ممكن يتحرو بعد الاسبوعين بالله عليكم رتويت الاستقبال اللقيتو والتعامل وطريقة التحري بتوري انو الناس
·
ديل جادين عليكم الله اي زول كان في القياده يوم ٣ يونيو يمشي يشهد لانو دا ابسط شي ممكن نقدمو للشهداء الحاجة المفروض تكون معاك اثبات شخصيه عشان م يرجعوك شير يا شباب
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة