|
Re: ماذا يحدث مساء اليوم فى الخرطوم ؟ (Re: منتصر عبد الباسط)
|
اغلب المصادر تحدثت عن اسباب التظاهرات
Quote: احتجاجات في مناطق بولاية الخرطوم وإغلاق للطرق بعد قرار سحب ملفات #قضايا_الشهداء مما اثار غضب الشارع والشرطة تفرق المتظاهرين بالبمبان . #واكب
|
ومصادر اخرى تنفى الخبر
Quote: استاذ نبيل أديب رئيس (لجنة التحقيق المستقلة) قال دي شائعة. |
.بين مايتداول من انباء متناقضه اخرين يتصدوا للفتوى ان سحب البلاغات حتى تقدم البلاغات فى بلاغ واحد . وسط دا كلو نطرح تساؤلات وين الاعلام الرسمى وخاصه انو مايثار حول سحب البلاغات بدا يسرى ليهو يومين فى الوسائط على استحياء وين حضور الاعلام الثورى -منصات تجمع المهنيين تحديدا فى الوسائط - والمنصات الاخرى زى لجان المقاومه ؟ . نحتاج خطاب لقوى الثوره موحد وليهو حضور طاغى على الوسائط وحتى بفتح نوافذ عبر الاعلام الرسمى حت يتم تحجيم اى فرصه لانشار اخبار مغلوطه قد تشتت الراى العام فى متاهات اجهاض الثوره
| |
![Edit](https://sudaneseonline.com/db/icon_edit.gif)
|
|
|
|
|
|
Re: ماذا يحدث مساء اليوم فى الخرطوم ؟ (Re: Asim Ali)
|
الراى القانونى يا اهل القانون ؟ مافهمتو من البيان ان البلاغات سحبت من النيابات المتعدده وجمعت لتصبح فى ملف واحد تحت يد جهه واحده فى النيابه .ولكن مايبدو انو المشكله هى رفض اسر الشهداء للجنه التحقيق . ومايدورفى الوسائط يصدر الخبر على انو سحب البلاغات (بايحاء سالب كما لو تم حفظها او شطبها). . اتساءل هل اثاره الشارع بهذه القضيه اللى ممكن تحسم بتواصل لجنه اسر الشهداء مع رئيس الوزراء والجهات العدليه حول لجنه التحقيق عن طريق مذكره او لقاء مباشر حدثت اليوم متزامنه مع اجازه مجلس الوزراء لمشاريع قوانين هامه (الغاء قانون النظام العام ومشروع تفكيك نظام التمكين )توطئه لاجازتها فى اجتماع مشترك مع مجلس السياده ؟
| |
![Edit](https://sudaneseonline.com/db/icon_edit.gif)
|
|
|
|
|
|
Re: ماذا يحدث مساء اليوم فى الخرطوم ؟ (Re: Asim Ali)
|
1. أى بلاغ لا يستطيع سحبه إلا من أودع ملفه (اولاياء الدم) 2. دمج القضايا المتشابهة معمول به و لكن عن طريق إجراءات مخالفة عن الذى يقال انها اتخذت.. و الشاكون هم الذين يطلبون من القاضى دمج القضايا وذلك بعد نهاية التحريات و وصول القضية للقضاء.
| |
![Edit](https://sudaneseonline.com/db/icon_edit.gif)
|
|
|
|
|
|
Re: ماذا يحدث مساء اليوم فى الخرطوم ؟ (Re: Abureesh)
|
Quote: Mohammed A.Rahman @m7rhman · ٤ س شوف كيف الناس بتم سواقتها بكل سهولة كيف. بدون حتى يعرفوا الخبر حقيقي ولا اشاعة.. ولو حاصل المعنى التقني للمصطلح "سحب البلاغات" بعني شنو ومآلات السحب دا شنو. اقتباس التغريدة
Wli @wmuhaker · ٧ س التظاهرات الليلية بسبب سحب بلاغات الشهداء :- بري جبرة العباسية لفة جوبا المعمورة ودنوباوي بيت المال الدروشاب شارع الوادي
الشعب يريد قصاص الشهيد |
| |
![Edit](https://sudaneseonline.com/db/icon_edit.gif)
|
|
|
|
|
|
Re: ماذا يحدث مساء اليوم فى الخرطوم ؟ (Re: Asim Ali)
|
تحياتي عاصم تعليق اعجبني من الفيس بووك
Quote: منقول من الفيسبوك / احتجاجات بري و مناطق اخري بالخرطوم امس٢٦ نوفمبر . تعليق ..عبدالله حسين محمد
في ناس للاسف من باب الفجور في الخصومة مع الحكومة الانتقالية مستعدين يكتلوا اهالي الشهداء بالاشاعات والوجع مليون مرة في اليوم. اهالي الشهداء خافوا الله فيهم كفاية العذاب العايشنو لو حريصين عليهم نجيب حقهم بالقصاص لكل شهيد والعدالة لكل شهيد مش بي الاستهبال وتصفية الحسابات. بالنسبة لي الكوز التاجر بالدين ما بستغرب لما اشوفوا بتاجر بدماء الشهداء زي ما عمل قبل ايام واحد من كيزان الاسلامية اسمو السر لافي بي كاميرا في السوق العربي عامل فيها صحفي بقول للناس رايكم شنو في تصحيح مسار الثورة بعد ان قامت حكومة حمدوك ببيع دماء الشهداء. البستغرب ليه زول ثائر ناضل من اجل نجاح الثورة واسقاط النظام يجي كوز يسوقوا بي اشاعة ليه؟ ليه العاطفة تسوقك في خط انت اول زول حا تدفع تمنو غالي؟ حريص على دماء الشهداء من 1989 حتى 2019 سمعت خبر ما مرضي ليك عندك وزارة العدل والنيابة العامة ورئاسة الوزراء تمشي ليهم موكب وراء موكب حتى تتحقق العدالة والقصاص من القتلة. مش كل ما سمعت خبر ما عارفو صاح غلط اقول ارح نترس، ادوات المقاومة السلمية سلاح الشعب ما لعبة عشان نفرغها من محتواها ونفقدها فعاليتها بي الاستخدام الغير مناسب في اي مكان وزمان، لجان المقاومة بتعرف تترس الشوارع متين، وبتعرف ليه بتترس الشوارع. الثائر ما زول هايج واهوج الثائر صاحب قضية ومسؤولية وطنية تاريخية ووعي بخليه يبني ويحمي ويراقب ويميز بين الانتهازي والحردان والمفطوم من منظمة ولا ظيفة ولا اتحاد وعمل حساب جديد في الفيسبوك وحايم يكورك بعتو دم الشهداء وما بعيد يكون كان شايل سلاح ومشارك في القتل والاعتقالات والانتهاكات طوال شهور الثورة. مستقبل السودان كدولة متوقف الان على انجاز ملف السلام والعدالة بعد ان انتصر شعبنا لحريته وكرامته، لما نقول العدالة الانتقالية لاحظ لي اي كوز طوالي يجري يجيب ليك صورة حميدتي يلصقها في التعليقات ويشبكك القديم خليه كدي اول نجيب حق شهداء الاعتصام، بالنسبة لي لما الكيزان كانوا بكتلوا في الناس من 1989 حميدتي كان شافع، ما تعمل فيها حريف وتصور لينا حميدتي دا هتلر السودان الوحيد البدا القتل والاجرام من 30 سنة وهو زاتو منو الجابو من تجارة البهايم وعمل ليه مليشيا موازية وسلموا سلطة وثروة ولحقو سوقكم؟ العدالة الانتقالية تبداء من قتلة ضباط رمضان 1990 ودفن بعضهم احياء، شهداء بيوت الاشباح القتلوا تحت التعذيب البشع، شهداء الحركة الطلابية تكاد لا تخلوا جامعة حكومية من شهيد قتله الكيزان، مجزرة بورتسودان ، مجزرة كجبار ، مجزرة سبتمبر 2013 ، مجازر الابادة الجماعية في دارفور ، شهداء ثورة ديسمبر المجيدة 2018 من الشهيد ماكور وحتى اخر شهيد سقط امام القيادة العامة في هجوم كتائب الظل على المعتصمين حتى يوم 13/ابريل/2019م اما مجزرة فض اعتصام القيادة العامة في 03/يونيو/2019 فنقول للجنة التحقيق أنتم الان أمام التاريخ، سحبتوا البلاغات ما سحبتوها من حقكم ولا لا ما بهمنا طريقة التواصل بين الاجهزة الشرطية والعدلية والقضائية واللجنة البهمنا تحقيق العدالة وأي محاولة لإفلات المجرمين الحقيقيين من العقاب وتقديم قرابين فهذه ستكون جريمة أخرى لا تقل عن المجزرة نفسها وستضعكم في خانة المشاركين فيها امام الشعب واعلموا ان مصير الحكومة الانتقالية يتوقف على هذه اللجنة تكون أو لا تكون ويكون السودان أو لا يكون،.. فإما عدالة كاملة أو الطوفان. |
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|