|
Re: كلام مهم ومختلف عن الأزمة الاقتصادية ووزي (Re: محمد حيدر المشرف)
|
خطورة الكلام أعلاه.. وادعوه بالطريق الثاني .. يتمثل
في وجود لوبيهات ومجموعات ضغط اقتصادية وامنية مهيمنة الان في السودان ومؤثرة إلى حد كبير في اتخاذ القرار .
لا أتحدث فقط عن الكيزان والانقاذيين.. هناك طبقة اقتصادية حاكمة ومؤثرة جدا .. اسامة داود كنموذج وغيره بالالاف..
الكلام الفوق ده اشبه بالتأميم.. صحيح لا ينتزع ملكية من أحد ولكن يسيطر على الملكيات العامة كالحبوب الزيتية والصمغ والذهب الخ ويحصرها في الدولة عند محطة التسويق الخارجي على الاقل
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: محمد حيدر المشرف)
|
تحياتي محمد المشرف ده كلام ممتاز وتشخيص واعي للمشكلة الاتجاه نحو تعزيز وتجويد الانتاج والمحلي وكفاءة التسويق فيها الخلاص ولو بعد حين كل الدول التي قفزت اقتصاديا بدأت بمرحلة الانكفاء على تحسين مواردها ثم انطلقت واي دولة اتجهت نحو الصناديق الدولية والمنح العالمية ازدادت فجوتها وتجذرت مشكلتها الا القليل اتجاه الكاتب كان اقرب لتفعيل حزم الاقتصاد الاشتراكي، وهذا الاتجاه قد يكون مفيدا في بداية الانطلاق ثم يأتي التحرير متدرجا تحت رقابة مؤسسات الدولة الي حين الوصول إلى مرحلة الاقتصاد الرأسمالي الحر
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: عمر التاج)
|
اقتصاد الكعوك ودي مالات انتاج النفط في السودان من 1998-2011 انفصال الجنوب وما عايز اتكلم عن الذهب حمدوك ما بقرا جرايد الخليج البهرول ليهم ديل ؟؟
https://up.top4top.net/ يا مشرف الاقتصاد ما حايم في الهوا ساكت يجب وضع الاطر القانونية =المحكمة الدستورية والاطر الادارية- الغاء والولايات واعادة الاقاليم الخمسة فقط ثم الانتخابات الحرة بالتجيب النظيفين في الهامش والمركز يعني من غير ديمقراطية وفدرالية حقيقية ما بتصلح الاقتصاد ابدا ابدا
يا مشرف في ((الوصفة الماليزية )) الجدعت الفاسد نجيب عبدالرزاق بواسطة تحالف البلدوزر مهاتير وانور ابراهيم وشارك فيها مثلث 1= المحكمة الدستورية 2= الاعلام الحر والمسؤال الذى يعري الفساد بي الوثائق للشعب الماليزي 3- الانتخابات الحرة والنزيهة وحمدوك يجري لقرود السيرك الامريكي والخمسة في المنطقة البتنهب موارد السودان ومفرملة الثورة ويجري لام الكبائر امريكا والبنك الدولي في زمن بريكس وطريق الحرير
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: adil amin)
|
يا مشرف، ملخص كلامكم الدولة تدخل كتاجر الكلام دا غير ممكن وتجاوزه الزمن، حمدوك والبدوي ساعين يثبتوا سعر الصرف لجذب الاستثمار، وخلق مناخ بزنيس بالبلد
مشكلة حمدوك والبدوي هي الدعم الكبير للبترول، القمح والصحة موارد الدولة الضريبية لا تكفي ويتم الاستدانة من النظام المصرفي على حمدوك والبدوي لو نجحوا في رفع العقوبات أن يغامروا برفع الدعم
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: محمد حيدر المشرف)
|
دكتور المشرف جمعة مباركة احتكار الحكومة لتصدير السلع الزراعية المذكورة دا بداية السير في الطريق الصحيح ، و اللوبيات الاقتصادية الضد دي مقدور عليها بإصدار قوانين اقتصادية ملائمة و عقوبات رادعة و شخصيات ثورية لتطبيق ذلك إضافة لتخفيض الضرائب ، زيادة الضريبة الجمركية على السلع المستوردة المنافسة للسلع المحلية عشان يكون سعرها النهائي اغلى من السعر المحلي و دا لتشجيع الإنتاج المحلي يعني ضريبة حماية المنتج المحلي و الاهم من دا كله مراقبة الحدود لمنع المهربين و اي صادر أو وارد يتم بالمنافذ الرئيسية و أخص هنا الموارد المعدنية من ذهب و غيره التبادل السلعي دا موجود من زمااااان و طالما توجد ندرة في العملة الصعبة يمكن تبادل السلع لسد النقص في السلع الضرورية
تحياتي
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: عماد الدين الطيب عمر)
|
Quote: حسب تقديرى المتواضع بأن السودان دولة لا تعرف و لا تعلم كيف تسوق إنتاجها، |
سلامات دكتور المشرف وزواره الكرام .. أنت هنا أشرت للعلة بالضبط ولكن خليني أقول مش الدولة بل الشعب السوداني عامة تاريخة في تجارة الخارج حديثة جدا .. دليلي على ذلك السوق الافرنجي .. من الاسم بس بتعرف إنو تجارتنا الخارجية حتى وقت قريب كانت بيد الأجانب ولا زالت .. باستثناء بعض السلع كالقطن والصمغ .. كانت هنالك مؤسسات تعمل على تسوقيهما ودمرت كما تفضلت .. حكاية الشعب السوداني ما بعرف تجارة دي تاريخيا أنا اشرت لها كثيرا في كتاباتي .. وتثبتها ممارسات السودانيين في الاغتراب ودول المهجر .. حيث نسعي للتوظيف ولا نفكر مطلقا في الولوج للأسواق والعمل الحر .. بل العمل التجاري بحد ذاتو لا زال مهنة لا يعتز بها عند بعض السودانيين.. دليلي مصطلح ( الجلابة).. وكما تفضلت حتى من يحتكرون التجارة الخارجية .. ينظرون للامر من خلال عائدهم فقط.. ولا ينظرون لما يعود للوطن ككل.. وفي الغالب بكونوا مضغوطين بحاجتهم للعملة الصعبة .. لذا يسارعون في بيع البصل بما حصل .. في بوست سابق للأخ علي عبد الوهاب .. اقترحت أن تعود الدولة لا لتسيطر على التسويق الخارجي زيما افتكر اخونا المستنير .. بل لكي تنشيء مؤسسات رسمية للتسويق .. تتولى التسويق نيابة عن أفراد والشركات استنادا على ما تنجزه من دراسات ومتابعة للسوق العالمي .. وتنشئ مركز تدريب للتجار عن كيفية عرض سلعهم حسب المواصفات العالمية.. والبحث عن الاسعار العالمية المجدية .. والى ما ذلك من فنون التسويق التي يفتقدها التاجر السوداني .. التسويق الخارجي اصبح تخصص في كليات الانترناشونال بزنس في الجامعات العالمية .. أنا مقتنع تماما انتاجنا يكفي تماما حاجيات الدولة والشعب .. بباسطة لأنو في أكثرية من الشعب لازالت حياتهم المعيشية بسيطة.. يعتمدون اساسا على ما ينتجوه من غذاء ولا يكلفون الدولة الكثير.. علتنا تتلخص في سوء التسويق لعدم الخبرة.. ضعف الحس الوطني ونظرتنا للمصلحة العامة .. الصراع حول الموارد والسلطة .. الميل الشعبي التفضيلي الغالب نحو المهنية الأجيرة.. ياخي انا القدامك دا لما عايز ابيع عربيتي بخجل ولا احسن المساومة وقس على ذلك. مودتي.
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: محمد على طه الملك)
|
Quote: حسب تقديرى المتواضع بأن السودان دولة لا تعرف و لا تعلم كيف تسوق إنتاجها، فالحكومة بعيدة كل البعد عن واقع الاسعار العالمية للسلع السودانية خارجيا |
الوجع فى المقتبس اعلاه يا المشرف . سأتحدث فقط عن خيرات منطقتى الولاية الشمالية التمور والمحاصيل البستانية ( الخضروات والفواكه والبقوليات والتوابل ) . محاصيل من اجود الانواع واطيبها لانها رويانه بماء النيل الخالد
المشكلة فى الولاية تتمثل فى :
- عدم وجود مصانع لانتاج الكراتين والعلب والاكياس الخاصة بالتغليف . - عدم وجود برادات كبيرة للتخزين .
بالنسبة للايدى العاملة : هناك ايدى عاملة مدربة ويعرفون العمل جيداُ
لا اعرف لماذا يتجاهل القطاعين العام والخاص مثل هذه الامور المجزية العائد ولايحتاج الى كبير عناء فى عمل دراسات جدوى .
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: محمد على طه الملك)
|
المشرف علك طيب كلامو كلام فارغ يستند على معلومات تنقصها الدقة وأنا هنا اتساءل هل كاتب المقال شخص حقيقي ام هو مجرد مقال كيزاني مذيل بإسم وهمي؟ لانو واضح تماما انو كلام شخص يتمنى فشل السلطة الانتقالية. نحن دولة مافيها انتاج والدليل واضح وبسيط جدا اننا بنستورد اي حاجة ، نحن دولة زراعية تستورد احتياجاتها الغذائية الاساسية من الخارج كيف مافي مشكلة انتاج؟ نحن عندنا مشاكل انتاجية كتيرة جدا بنزرع سنويا حوالي 40مليون فدان لكن انتاجية الفدان ضعيفة جدا بعدين في سلع كده بنتميز فيها الناس بتتخيل انو ممكن نصدر منها اكبر كمية ونزرع اكبر مساحة والعالم يشتري انتاجنا كلو حامد شاكر! هنا اشير للصمغ العربي والكركدي والحاجات الميتة دي ، اول حاجة لازم الناس تعرف انو في حاجة اسمها الطلب العالمي وحجم السوق العالمي هي البتحدد انك تزرع كم وتصدر كم انت ممكن تزرع الدنيا كلها صمغ ، الحايشتريهو منك منو ؟ يجب ان يعلم هؤلاء الحالمون ان حجم الطلب العالمي على الصمغ العربي كلو اقل من 3 مليار دولار ، كلو بي اثيوبيا وتشاد والنيجر الخ الخ اما الكركدي فهو اقل بكثير نفس الشيء ينطبق على المواشي ، هناك دول لديها قدرة تنافسية عالية جدا في اسواق اللحوم مثل كندا واستراليا والبرازيل انت ممكن تنافسهم لكن ما ممكن تسيطر على سوق اللحوم لانو مراكز عناية بيطرية ساي ما عندك طرق ما عندك ، تكلفة الشحن عالية جدا ، البهايم في موسم الجفاف بتفقد جزو كبير من قيمتها بسبب العطش والهزال لانو مافي مراعي مستديمة وده بيعني انو ما حتقدر تنافس طول السنة . اما الخرافة بتاعة 130 مليون راس البنسمع بيها من نحن شفع ولسة ما زادت راس واحد فدي حكاية تانية .. لو افترضنا ان الرقم صحيح ، كم يمكن ان يزيد هذا الرقم سنويا اذا كنا نصدر سنويا حوالي 5مليون راس معروف ان المواشي تتوالد بمعدل اقرب للمتواليات الهندسية ومعرورف ان ذبح وتصدير الاناث ممنوع لو كان الرقم البنسمع بيهو من سنة مافي ده صح يفترض اسي يكون عندنا على الاقل 160 مليون راس ! يتبع..
| |
|
|
|
|
|
|
Re: كلام مهم ومختلف عن الأزمة الاقتصادية ووزي (Re: Abdullah Idrees)
|
Quote: هل يعلم وزير مالية الثورة الذى أتى من خلفيه غربية إمبريالية وذهب محاضنا صندوق النقد الدولى ذو الصيت و السمعة السيئة و الذى دمر معظم إقتصاديات دول العالم الثالث بوضع الشروط المجحفة فى حق الدول حتى يتم إستعمارها إقتصاديا عن طريق منح القروض و فرض الشروط المعلومة |
ده كلام قديم مستوحى من ادبيات النيوماركسيين وعدائهم الازلي للمؤسسات المالية الدولية ، شيء طبيعي جدا ان يحدد المقرض شروط لطالب القرض حتى في البنوك التجارية لكي يضمن سداد القرض ، اذا كنت دولة اقتصادا ضعيف والقوة الشرائية بتاعة عملتا ضعيفة ودخل الفرد ضعيف وللسبب ده الحكومة بتدعم السلع ، حتسدد القرض كيف لو ما اتبعت سياسة تقشفية فعالة ؟ وحتطبق سياسة تقشفية كيف لو ما رفعت الدعم جزئيا او كليا وزدت الموارد الضريبية ؟ المؤسسات المالية دي قروشا ما لاقياها في الشارع عشان تجي ترميها في الشارع وتجربتا مع السودان سيئة جدا وكلنا عارفين .. طيب لو قلنا نسمع كلام صاحب المقال ده ونقاطع المؤسسات دي ، الحل شنو ؟ حنجيب تمويل من وين؟
Quote: المعروف لكل أهل الاقتصاد بأن الاقتصاد يتقدم و يزدهر بالصادرات و السياحة و ليس بالضرائب و الجمارك و الجبايات ومايسمى برفع الدعم |
طيب السياحة دي ابسط مقوماتا انو يكون عندك طرق كويسة ، كهربا مستديمة ، امدادات مياه ، مؤسسات فندقية جيدة ، دي حتجيبا من وين وحتحتاج كم من الزمن عشان توفر كهربا وطرق بس ، سيبك من اي حاجة تاني ومعروف انو السودان دولة كبيرة مترامية وتوصيل شبكات الطرق والكهرباء يحتاج فيها لاموال ضخمة والصادرات ايضا تحتاج لمضاعفة معدل الانتاج عشان تقدر تنافس ، انت لو الفدان عندك بينتج 20 شوال قمح مثلا في استراليا بنتج 50 كيف تنافسو؟ لو البقرة بتحلب 40 رطل في هولندا بتحلب 100 مثلا يبقى تكلفة الرطل عندهم نصف تكلفة الرطل عندنا ننافسهم كيف؟ تنظير فارغ وما عندو اي معنى ، اضافة لانه بيفترض انو الدولة تتحكم في اي شي والمواطن يقعد يربع يدينو زي نظام المؤسسات الجماعية الغتس حجر الاتحاد السوفيتي زمان. ده نظام فاشل الصين بدت تتفكفك منو منذ سقوط السوفييت والان يوجد في الصين مليارديرات الحكومة ممكن تشارك في النشاط الاقتصادي بس ما تسيطر عليهو ده بدمر القطاع الخاص وهو اكثر كفاءة بكثير لانه يعتمد على الحافز الفردي للنجاح وليس القوانين واللوائح البيروقراطية. الناس البتنظر دي ناسية تماما انو حمدوك (الحاوي) ده استلم جنازة بينا وبين الموت شبر بس وعايزنو يرشها بي شوية موية وتقوم زي الحصان! او يشتت فوقا بعر حمير زي ما كنا بنعمل للفيران لمن كنا اطفال عشان تصحصح وتقوم كانو ما حصل شي ؟
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|