بمناسبة منع الأجانب من ممارسة التجارة والاستيراد والتصدير ..
.. قبل أيام كنت عايز اشتري بلوك من بحري مشيت لقيت حوش كبير بتاع ٣ أتراك عبارة عن مصنع بلوك الأتراك الثلاثةقاعدين لابسين أردية وقاعدين في كراسي هزازة متأرجحة تحت مظلة كبيرة وهناك حوالي ١٠ عمال سودانيين شغالين بلوك في الشمس الحارة..
الثلاثة اتراك قاعدين يشربوا الشيشة والسيجاير والقهوة ويراقبوا في العمال السودانيين الذين يعملون تحت الشمس الحارة بلا توقف .. المشهد كله يذكرك بحقبة استعباد الأمريكان البيض للأفارقة السود .. طبعا الاسمنت سوداني والرمل سوداني والموية سودانية والعمال سودانيين والعائد يذهب لجيوب الأتراك ويتحول الى دولارات تهرب خارج البلاد..
في إثيوبيا لمن غيرو قانون الاستثمار مشوا للأتراك اصحاب مصانع الطوب والبلك وقالوا ليهم شكرًا جزيلا دي ما شغله صعبة نحن ممكن نشتغلا ، وامامكم خيارين إما دفع مبلغ ٢٠٠ الف دولار او شراء مصانعكم وتعويضكم الخسارة..
في القضارف سوق المحاصيل وخاصة السمسم صنيين ولبنانيين وسوريين وهنود ومصريين ساكنين هناك فى فلل وبضاربوا فى سوق المحاصيل والسودانين شغالين ليهم عبيد ومتفرحين والله شوف عينى دى .. والكلام دا ممكن تسألوا منو اى واحد هناك ..
عندنا بطاريات العربات المستعملة اكتر من 80 مليون بطارية مستعملة بطلعوا منها الرصاص ومحتكرين الشغلانية الهنود تصدير دبى وعلى رأسهم اخو المخلوع عبد الله السجم..
طبعا بعملوا ليها رى سايكشن بطلع الرصاص بتصب فى قوالب معدن الرصاص غالى جدا بستعملو فى صناعة الاسلخة وتعليف غرف الاشعة واعادة تصنيع البطاريات وبطاريات الهواتف النقالة وبخش فى اكتر من ٣٠٠ سلعة صناعية حتى فى صناعة السفن يعتبر طلاء للسفن لكى لاتصدأ ..
يوجد فى السودان صهر عشوائي يلوث البييئة ويتسبب فى امراض السرطان كما يوحد مصنعين واحد تابع لشركة ساريا وواحد فى غرب امدرمان مجاور لسجن الهدى والمصنعين لا يخضعان للمواصفات العالمية وحكر على سكان المناطق المجاورة..
فسح المجال للعرب و الأتراك و تمييزهم كمان على السودانيين أوضح دليل على حقد الكيزان على بني جلدتهم السودانيين. و أيضا هو أكبر دليل على عقدة العربي أو عقدة الإنسان الأصفر التي يعاني منها الكيزان و للأسف كثير من غير الكيزان من السودانيين. و لكنها أكيد مزمنة و متأصلة في الكيزان.
11-18-2019, 08:03 AM
Yasir Elsharif Yasir Elsharif
تاريخ التسجيل: 12-09-2002
مجموع المشاركات: 49048
سلام محمد عبد السلام اول امس صدر قرار من وزارة التجارة بمنع الاجانب من الاستيراد و التصدير ليس هناك مانع من ان يستثمر الأجانب في اي بلاد لكن يجب ان تنحصر استثماراتهم في القطاع الصناعي و القطاع الزراعي اما قطاع الخدمات فهو حكر على مواطني البلد
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد عبد السلام
Yasir Elsharif
خضر الطيب
فيس بوك
تويتر
انستقرام
يوتيوب
بنتيريست