|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
Quote: نظريا كنت اظن صرفي لا يتعدى ربع المبلغ ده لكن حقيقة ... يتعدي ال 120 الف بقليل عدا نقدا صرف جنيه ينطح جنيه لاساسيات دونها كنت لن استطيع ان اعيش وليس فيها مبالغ ضخمة كصرف على علاجات او اشياء من هذا القبيل ... معيشة طبيعية عادية |
شوف يا أمير ... اول شي كيفنك ... تاني شي مشينا ليك بوست كسير الدراب بتاع دينق وما دايرين نشوش عليك لأنك شكلك كدا داخل علي طمع ... ما علينا ... لكن تصرف في الشهر ١٢٠ مليون جنيه سوداني علي طعمية وعدس تبقي زول هجاص وكضاب ساي ... كدي اشرح لجمهور سودانيز ديل (انتا فعلا قايلن كلهم ناس ضهاري ومغتربين) ال ١٢٠ مليون دي صرفتها كيف ... ما تنسي الطعمية والعدس ... ١٢٠ مليون جنيه دي في شهر أكتوبر والدولار ٧٠ جنيه تعادل اكتر من ١٧٠٠ دولار او اكتر من ٦ ألف ريال سعودي او درهم إماراتي او ريال قطري ....
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: ABUHUSSEIN)
|
سلام عليكم ياجماعه شايفنها غريبه ليه ؟ بند المواصلات البقت الخط تركبو بالقطاعى على اتنين وتلاته ويمكن اربعه بند الاولاد فى المراحل الدراسيه خاصه الجامعات ومصروفاتها ماعارف عندو بند ايجار ولا لا . دا براهو قصه اسالو العدس بكم الكيلو ؟ علبه الصلصه الكبيره بكم ؟ والاسره المتوسطه محتاجه كم علبه فى الشهر فى المتوسط ؟ انبوبه الغاز بكم ؟ وطبعا حسب الاستهلاك للاسره المتوسطه رطل/لتر اللبن بكم ؟ واستهلاك الاسره يوميا كم رطل / لتر دا غير السكر الكيلو بالقطاعى بقى 38 عبوه الملح السعودى ب40 البهارات دى حسبه براها كان جاهزه او تشتريها وتجهزها فى البيت . دا كدا على الماشى لكن القصه لو بقت بالورقه والقلم يمكن يكون رايكم مختلف
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Asim Ali)
|
Quote: ياجماعه شايفنها غريبه ليه ؟ |
يا عاصم نعم شايفنها غريبه جدا جدا تصرف ١٢٠ مليون جنيه علي معيشة عادية وطبيعية زي ما بقول البرنس ... ١٢٠ مليون في الشهر اوكلك كل يوم لحم ضان تلاته وجبات وتحلي باسطه وجك منقه ... مش تاكل طعمية لامن تمسكك ام بعيره ... بعدين ٧٠% من الشعب السوداني دخلو أقل من ١٠ مليون في الشهر وعايشين بي طعميه وعدس ولهم مارب اخري ... مونتا ياخي البرنس شيشو علينا ...
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Salah Zubeir)
|
في البداية مفروض يحدد هو بصرف علي كم شخص ..يعني كم عدد افراد الاسرة ..بعدين برضو بعتمد علي مدي الرفاهية ..مثلا لو عندو 6 مكيفات فريون شغالات الشهر كلو دي براها ميزانية كبيرة ..برضو عندو كم عربية وكم خط موبايل ونوع الموية البشربها اذا عندو كولر في البيت وبشتري موية صحة كل يومين تلاتة دي برضو مكلفة جدا..الخضارات والفواكه بتفرق لما تشتريها من الاسواق المركزية من المحلات العادية ..يعني 120 مليون دي مبالغة شوية لكن برضي ذي ماقلنا بعتمد علي المعلومات دي ..
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Salah Zubeir)
|
ربما هناك بنود صرف من مواصلات وايجارات وتراحيل .. ولبس ولوازم واقساط دراسية لعدد من الأبناء .. يعني أشياء ما ليها دخل بالمأكل والمشرب .. كده ممكن وأكيد دي حسبت توفيق .. خلاف ذلك المبلغ ده لمأكل ومشرب وصرف بيت عادي بياكل طعمية فطور وعدس غدا وعشاء زردية بيكون صعبها معانا الأمير ده .. وماحنلقى ليهو مخارجه بالساهل .. خخخخخخخ
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: نادر الفضلى)
|
للتوثيق والقراءة بي تمعن وما تألفو :- دا العنوان :-
Quote: واقع مخيف جدا : 120 مليون بالقديم مصاريف معيشتي لشهر أكتوبر اغلب أكلنا فيها عدس وطعمية وبصارة ..!!! |
ودا ما كتبه البرنس في متن البوست :-
Quote: انا محاسب وشغلتي الحسابات في الدنيا دي .. نظريا كنت اظن صرفي لا يتعدى ربع المبلغ ده لكن حقيقة ... يتعدي ال 120 الف بقليل عدا نقدا صرف جنيه ينطح جنيه لاساسيات دونها كنت لن استطيع ان اعيش وليس فيها مبالغ ضخمة كصرف على علاجات او اشياء من هذا القبيل ... معيشة طبيعية عادية والله العظيم واقسم بالله العظيم جد الكلام ده |
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Mahjob Abdalla)
|
يا برنس ... صباحاتك رضا وعفو عن الجاهلين ... ياخوي مداخلتك الأخيرة دي مصدقنها حرف حرف ... وبالتأكيد لم نقصد تعمل لينا فرش متاع زي دا .... ما قصدته هو صرفك لي ١٢٠ مليون جنيه لي (معيشة) عادية وطبيعية في الشهر الواحد ... أتمني توقف سيرة نضالك وتخش في الموضوع مباشرة ... فكل من دخل هنا له قصة أكثر درامية يمكن أن يحكيها ...
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Osman Musa)
|
بدفع 30 الف قسط شهري لشركة بتعمل لي تطبيقات على الاندرويت لمؤسستي الشفافية القسط ده متبرعة بيه شقيقتي شقيقتي مستشارة قلب في المدينة هذا الشهر مساهمتها دخلت في معيشتي قسرا ولم استطيع دفع القسط للآن بحاول اجبر التقصير ده للشركة واوفي بالتزامي هم شرحت ليهم لي قسطهم ما اندفع قالوا ما مشكلة نؤجله ليك للشهر القادم حاولت ادين من طوب الارض اتزليت مزلة عمري ما اتزليتها ابوك لابو اهلك يالانقاذ النهيتي لي سمعتي قصدا وحاصرتيني حصار ممنهج برغم انا واهب شغلي للسودان دون من وبحب كبير ليه .... بقول الكلام ده عشان الناس تفهم فعلا المعيشة في السودان بقت مخيفة جدا لو واحد شاهدني الصباح وانا بتفاصل مع اولادي واحسبها معاهم في مصاريف مواصلاتهم والشيتات بقول اكيد الزول زعيم البخلاء ورغم ذلك بيشيلي مني على اقل تقدير 500 جنيه فجرا قبل ما ابدأ اليوم يعني في الشهر 15الف في الشهر ده نظريا لكن فعليا لاني محاسب وبسجل اي مليم صرفته لقيت نفسي في البند ده صرفت الشهر ده 18920 جنيه اي ما يقارب ال 20 الف بس وانا معاكم احسبها ليكم بالمليم غير مجبورا واوريكمالمبلغ ده تجاوز ما ذكرت خجلا اكتفيت بما ذكرت ملحوظة ولا مرة واحدة خلال الشهر غشيت الجزار صاحبي في سوق الحلفاية حتى لمجرد السلام
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Mahjob Abdalla)
|
Quote: قاعدين نستورد ملح ام هذا اسم فقط؟ |
سلامات محجوب فى السوق حلاف الملج التقليدى الزمان فى الملج المنقى من الملوثات الطبيعيه و المعالج باليود فى عبوات (حوالى 700 جرام) يوجد منها السودانى والمستورد من السعوديه فى الفتره الاخيره فى ندره للملح المعالج والوفره اكثر فى السوق للسعودى
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Asim Ali)
|
اقساط ورسوم جامعية وخفيفة الشهر ده 45 الف الوالدة صرفت غويشة سددهم لي الله يديها العافية الوحيد في الدنيا الحس بي رفضت بحجة انا المفروض اشتري ليك مش تديني قالت لي ما عافية منك لا دنيا لا اخرة لو سددت التزامات اولادك الجامعية قلت الصباح اراجعها وارجع ليها قويشتها وانال رضاها من غير ما اشيل منها فجرا لقيتها لابسة واقفة لي بتقول ارح يلا ما نتاخر على الدفع قوم يلا بشفافية ... الانا متهجها قولا وفعلا وعملا تمثل في مؤسستي الشفافية للخدمات
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
Quote: الانا متجهجها قولا وفعلا وعملا تمثل في مؤسستي الشفافية للخدمات |
يعني يا برنس الواقع المخيف دا متعلق بالبزنس في السودان ودا كلام ممكن يكون مفهوم في ظل تدهور حالة البلد الإقتصادية والسياسية في السنوات الأخيرة المعروفة للجميع ... فيما يتعلق بالمعيشة السودان من ضمن عدد قليل من بلاد الدنيا ما فيهو مشكلة معيشة حتي لو أتقفل الاستيراد من برا .. لا زال السودانيين يأكلون التلاته وجبات ممكن الوجبة التالتة دي تكون رغيفة او حرف قراصة مع كباية شاي الصباح او ٧ بلحات وهو في الطريق للشغل .. يعني لي هسع لم يعلن عن وفاة بسبب الجوع او الفلس .. الدخلو ألفين ماكل والدخلو مية الف برضو بياكل الموجود ... مافي زول قاعد يجيبو ليهو كافيار من البحر الأسود او سمك مدخن من بلاد برا ...
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: muntasir)
|
Quote: صلاح السمك ذاتو بقى يتدخن |
دا سمك يا مونتا قبل ما ياكلوهو ني بيدوهو بوخة مرقه ... الود حسني مبارك كان بيضربو الصباح و معاهو ملعقتين كافيار .. تشوفو الزمن داك تقول بنت عشرين .... البصاره حقت البرنس دي ياها السخينه ولا عندها علاقة بالبراطيش (باذنجان) ...
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Abdullah Idrees)
|
وين الناس البتتفاصح في الممكن والما ممكن في بلدنا دي .... دي تلاتة بنود صرف اظن كل السواد الاعظم من السودانيين في مثل حجم اسرتي بيصرفوها مرغمين تلاتة بنود فجرا بس دقت في ال 95 الف .... اواصل ولا امنتو بالرسالة الاميرية ؟؟!!! الشعب السوداني عايشه الله طظ في الكيزان والقحاتة وكل الساسة ... ليهم دنيا ولينا دنيا وليهم دين ولينا دين .. والله ده حقنا برانا وطظ فيهم كلهم
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: النصرى أمين)
|
يا النصرى تفكر عشره مرات مش مرتين . الوضع ماشى متردى . الناس الشايفها هنا بتستنكر تلمبلغ وشايفاهو كتير كدى كل واحد ينزل السودان ويباصر امور البيت قول ب10 مليون (10 الف بالجديد) مع الورقه والقلم ماينسو انو الصرف ما اكل وشراب بس وين الغسيل والمكوه والصابون بكم كان بدره كان الواح وكان بتودى للغسال البقى يستعمل الغساله بدل الطشت واللستك وواصل حساب للحاجات التانيه الاسر السودانيه فى الواقع كتير منها عايش على وجبه واحده وقصص الاطفال فى المدارس البيقضو اليوم دون فطور انتظار لوجبه قرب المغرب هى رباح لاتغديك لاترجيك الصباح (غداء متاخر وعشاء بدرى) واباءيتفادو حضور اوجبه فى البت حتى يوفروا نصيبهم فى الوجبه لصالح الصغار واذا كان عندك من يدرس بالجامعه ويسكن داخليه فى الغالب مايرسل له كمصاريف شهريه لايكفى ابعد من تلاته اواربعه يوم وفى احسن الاحوال اسبوع مع الاقتصاد واللتقريط
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Asim Ali)
|
Quote: وين الناس البتتفاصح في الممكن والما ممكن في بلدنا دي .... دي تلاتة بنود صرف اظن كل السواد الاعظم من السودانيين في مثل حجم اسرتي بيصرفوها مرغمين تلاتة بنود فجرا بس دقت في ال 95 الف .... اواصل ولا امنتو بالرسالة الاميرية ؟؟!!! |
طبعا يا امير حجم الاسرة هو البحدد حجم الصرف ... و ما من حقنا و لا حلوة مننا نسأل من حجم اسرتك .. المهم قلت :-
Quote: وليس فيها مبالغ ضخمة كصرف على علاجات او اشياء من هذا القبيل .. |
و جيت قلت :-
Quote: اقساط ورسوم جامعية وخفيفة الشهر ده 45 الف |
قلت علاج ما فيها و جيت دخلت فيها اقساط و رسوم جامعية ... و لم تقول قسط حدد لي كم شهر ديل ... و لو كنت محاسب شاطر فعلا المفروص تقسم القسط علي عدد الشهور البغطيها القسط و تقسم القسط علي عدد الشهور و تضيف مبلغ الشهر فقط و ليس كل القسط لي شهر عشرة و تخلي باقي الشهور ... برضو الرسوم تحسبها بي نفس الطريقة ... لو دي طريقتك في شغلك تبقى انت كوز مؤسس ... 😂 بالله صلح لينا حساباتك المضروبة دي و ادينا الرقم الصحيح .. بالمناسبة انا ما محاسب
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: النصرى أمين)
|
Quote: السؤال ؛ هل 120 الف جنيه سودانى مصاريف شهرية معقولة؟ الإجابة نعم |
سيبك من احتجاج ابو حسين ده اوريك لي محتج بشدة لانو يظهر قاعد يحول للسودان لناس 100 ريال و 200 ريال مفتكر انه حول ليهم قروش كتيرة اتنين مليون او اربعة مليون او حتى خمسة بالقديم لسه معلق بالوضع القديم دي بقت في السودان ولا شئ ولا بتعمل حاجة اقل عامل بطلعها في يوم يومين وبصرفها في معيشته انا حبيت اعكس الصورة واضحة للناس العايشة بره عشان يواكبوا واظن رسالتي وصلت بوضوح وده من صميم عملي - الشفافية - وهي رسالة بحملها بتخص اهلي الغبش الانا بشتغل عشانهم اعرف جيدا عزة نفسهم يخجلوا ان يقولوا ذلك لزول فاكر نفسه بيساعدهم بماليم لا تسد رمق وقادر يواكب المتغيرات الحاصلة في السودان اما القدرته يساهم بالملاليم دي بقول ليه كتر خيرك برضو اهو نحن في السودان الشحات بقينا نديه من 10 ج وما فوق ديل نحن الغبش ....
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
Quote: سلام عليكم ياجماعه شايفنها غريبه ليه ؟ بند المواصلات البقت الخط تركبو بالقطاعى على اتنين وتلاته ويمكن اربعه |
ايوه وريهم يا عاصم وزيد قول ليهم بعد الساعة 8 مساء اقل مواصلات لمنطقة طرفية ما في قلب العاصمة النفر ب 50 تركب غصبا عنك وبعد داك تركب تاني وتتمها ركشة برضو ب 50 لانو بتكون شايل حاجات الاولاد ومنهك ومقرب تقع من طوالك يعني 3 مليون بس في الحتة الصغيرة دي يعني قريب 100 ريال يعني 20 او 30 دولار
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
Quote: وده من صميم عملي - الشفافية - |
طيب يا برنس برضو من الشفافية إنك تقول ال ١٢٠ مليون دي مش عشان (المعيشة) بس ... دي داخل فيها تسيير البزنس بتاعي وداخل فيها رسوم دراسية تدفع علي اقساط او مرة واحدة بداية السنة وفيها علاج البواسير البتاورك كل سنتين تلاته (شكلك دا لا بجيهو ضغط لا سكري) كدي تعال نخت ليك ميزانية معيشة لي واحد مرتاح (ما عندو مشاكل مادية) زيك كدا وبصرف علي المعيشة ١٢٠ مليون في الشهر ... الزول دا بضبح خروفين زنة ٢٥ كيلو علي الأقل .. واحد يوم ١ في الشهر والتاني يوم ١٥ في الشهر ... الخروفين لو طاروا السما ما بكلفو اكتر من ٢٠ مليون .. الخروف خلال الأسبوعين ممكن تطلع منو الآتي :- حلة كمونية ممكن تغديك إتا وناسك ليومين وما تبقي ممكن يتختا كخيار في السفرة في الأيام التانية .... حلة كوارع (٤ اضلاف) ... حلة بامية بالفقر (رقبة الخروف) .. صحن سلات لي الضنب والبيوض والحجاب الحاجز .. صحن كبير للكبدة وصحن للكلاوي والقلب مع البطاطس والجزر ... ٦ قطع ضلع من الرجلين الورا والضهر ... تكسر باقي الخروف وتعمل منو حلل لي الرجله والقرع والسلج بالبامية والملوخية والفاصوليا ... الخ ... الخيارات دي كلها لاسبوعين فقط ... طيب ارحكاكا لي من أفخم السوبرماركتات الفي البلد (قول الانفال شارع المشتل)وتشيل معاك ٥ مليون فقط لجلب المواد الأساسية للشهر كلو ويتبقي زيارة نفس السوبرماركت الأسبوعية للخضار ومستلزماته ... من نفس السوبر ماركت تشتري ٥ كيلو لحم بقر مفروم بي مليون ونص تستعمل طوال الشهر لي الكفته وملاح التقلية والنعيمية والبطاطس والمكرونة باللحم المفروم ... الخ .... عندك ٤ رطل لبن يوميا بكلفو ٣ مليون في الشهر ... عندك ٥ طلبه بتدي الواحد ١٠٠ جنيه يوميا بكلفو ١٠ مليون في الشهر (الشهر فيهو ٢٠ يوم عمل) ... طبعا دي معيشه علي مستوي (مرتاح) داخل السودان ... ياربي وصلنا ٤٠ مليون .. لا والله ... قول ٥٠ مليون (لزوم بنزين وغاز وفحم... الخ) ... غايتو يا برنس حالتو دي لسع ما فرتكنا ال ٥ مليون بتاعت السوبر ماركت الفخم عشان نعرف حا نرجع بي كم .... ضرب الصفيح والنحاس والدلاليك اسهل من إنك تخت ورقة وقلم وتقول بسم الله وترتب شؤون حياتك ...
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Salah Zubeir)
|
يا صلاح الزبير المن امثالك لا يعنونا نحن الغبش بالصدف بنشوفهم بيجوا السوبرماركتات دي (بالمناسبة انا شغال شغل اضافي توزيع كوزمتكس ليهم شغل اهلي وانا معاهم ما زلت شغال فيه ) ديل بيدفعوا 10 وعشرين مليون في الشروة الواحدة وامكن تكون احتياج يوم واحد انتو في دنيا غير دنيتنا ... خروف شنو النضبحو ونحن بنجازف حق العيش حق البنزين حق رسوم الجامعات للاولاد هههه حق الشيتات وفي حق الشيتات دي اوريك كل اساتذة الجامعات لو ما تشتري الشيت ما بخليك تحضر محاضرته يعني حا تسقط يعني قروشك البتجازف فيها سنة كاملة لرسوم قاصة ضهرك تطش في الهواء فليكم دنيا ولينا دنيا وادونا فرصة نعبر عن معاناتنا
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
استهل البوست بقسم
Quote: والله العظيم واقسم بالله العظيم جد الكلام ده |
في مداخلة
وفي نفس السطر
Quote: ونحن بنجازف حق العيش حق البنزين حق رسوم الجامعات للاولاد |
Quote: بدفع 30 الف قسط شهري لشركة بتعمل لي تطبيقات على الاندرويت لمؤسستي الشفافية |
Quote: ظريا كنت اظن صرفي لا يتعدى ربع المبلغ ده لكن حقيقة ... يتعدي ال 120 الف بقليل عدا نقدا صرف جنيه ينطح جنيه لاساسيات دونها كنت لن استطيع ان اعيش |
السوفت وير بقى من الاساسيات في السودان ؟
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: حسين عبد المجيد)
|
Quote: انتو في دنيا غير دنيتنا ... |
طبعا يا برنس دا اسمو تدليس صارخ انتا بتقول انك معلم الله وتقاتل يوميا من أجل اللقمة وتهدد وتتوعد في الناس إنو ال ١٢٠ مليون الصرفتها (already) في شهر أكتوبر ما حا تكفي معيشة شهر واحد داخل السودان .... وفي نفس الوقت بتستهزأ بي أنا البصرف ٥٠ مليون في الشهر علي المعيشة وضربت ليك مثال ساكت بالحياة المرتاحة الممكن تعيشها بي ٥٠ مليون ... يا برنس ياخي قول الحمد لله الذي سخر لك بأن تجمع ١٢٠ مليون وتصرفها في شهر أكتوبر ... وندعو ليك ربنا يزيدك من فضله في هذا الشهر وطوال الشهور القادمات عشان تجمع اكتر من ال ١٢٠ مليون عشان تصل لي المعيشة البتكون فيها مرتاح ...
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
والدي عليه الرحمة كان محاسب خريج اول دفعة من مدرسة التجارة وانا درست المحاسبة بجامعة بيروت من اساتذة اكفاء اتذكر في سنة اولى كانت نسبة نجاح مادة مبادئ المحاسبة 2% كنت ضمن الناجحين و 34 سنة عملي حسابات داخل السودان وخارجه فما داير طبيب ولا مهندس وعلى عتالي فجأة الظروف خدمته وبقى في اوروبا او امريكا يجي يغالطني في شغلي ومهنتي البتعامل فيها وبيها بمهنية عالية جدا ومسؤلية
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
قالوا واحد خاتي يدينو في الكعبة بستغفر وبيقول ياربنا اعفي لي كنت بسخر وبضحك في الاغبياء جا واحد ضربو ضربة خفيفة في كتفه وسأله ياخينا القبلة على وين فقام قال لي ربنا وهو لسه بيستغفر اهو شوف يا ربنا براهم بيجوني يغيظوني ..... من عنوان البوسط واضح انه بسبب المعيشة الصعبة بقت بقينا ناكل طعمية وعدس وبصارة الاغبياء يقولوا ليك الطعمية بي كم والعدس بي كم هسي زي ديل الواحد يختشي يقول لربنا زي زولنا داك قال عشان هم سودانيين زينا لكن بقول للواحد فيهم بلى يخمك يا غبي يا دلاهة يا متخلف
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
سيبك من العنوان ... متن البوست دا كتبتو حاجه صافيناز ربنا يرحما ميته ولا حيه ... Quote: انا محاسب وشغلتي الحسابات في الدنيا دي .. نظريا كنت اظن صرفي لا يتعدى ربع المبلغ ده لكن حقيقة ... يتعدي ال 120 الف بقليل عدا نقدا صرف جنيه ينطح جنيه لاساسيات دونها كنت لن استطيع ان اعيش وليس فيها مبالغ ضخمة كصرف على علاجات او اشياء من هذا القبيل ... معيشة طبيعية عادية والله العظيم واقسم بالله العظيم جد الكلام ده |
المعيشة دي تطير عيشتا ... هي المعيشة دي مش من الاعاشة ... والاعاشة دي تعني من ضمن ما تعني الأكل والشراب ... والاكل دا مش ياهو العدس والطعمية الصرفتا عليهم ١٢٠ مليون جنيه الشهر الفات ... يا برنس .. انا خلاس جليت البوست دا ... اسمع النصيحة الفوق دي وجليهو اتا كمان ... عشان ما نصل لي رد الشتيمه بأقذع منها ...
Quote: بلى يخمك يا غبي يا دلاهة يا متخلف |
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
Quote: يا صلاح الزبير المن امثالك لا يعنونا نحن الغبش بالصدف بنشوفهم بيجوا السوبرماركتات دي (--) ديل بيدفعوا 10 وعشرين مليون في الشروة الواحدة وامكن تكون احتياج يوم واحد انتو في دنيا غير دنيتنا ... |
ههههههه. ... كدي الكلام عندو معني ... في زمتك هسي منو الفينا أغبش ... البشيل ١٢٠ مليون يصرفا في شروة طعمية وعدس ... وجاي كمان فاتح ليهو بوست بتبجح بذلك ... ولا أنا المستنكر تبعزق قروشك بين الطعمية والعدس وقاعد أوجه فيك كيف تصرف نصها وتوفر النص التاني عشان تبقي احسن من الناس البدخلو السوبرماركتات وتصرف قدر ما تحتاجه وتعيش أحسن منهم؟ ... فعلا يا برنس إتا عايش في دنيا غير ....
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
عدت الاسبوع الماضي من السودان .. وكانت من مشاغلي معرفة الدخل اللازم للمعيشة في السودان وتوصلت الى مبلغ 1500 دولار في الشهر ..
هذا المبلغ فيهو margin كويس ولمستوى معيشي كويس الى حد ما .. أكل وشراب ومصاريف وحركة (وقود وصيانة عربيتين) وارتباطات اجتماعية وفواتير كهرباء وموية وجبايات وصيانة الخ ..
ما بدخل فيهو بند التعليم (رخيص نسبيا في السودان) ولا العلاج في الحالات الطارئة غير المتوقعة الخ .. ولا الملبوسات .. كلها excluded
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: محمد حيدر المشرف)
|
تحياتي محمد ...
Quote: هذا المبلغ فيهو margin كويس ولمستوى معيشي كويس الى حد ما .. |
إتا عارف يا دوك الشغلانه لا تخلو من ثقافة ترسخت بفعل الزمن وين ما كنتا عايش ... ساعة تجي تستقر في موطنك برضو بي مرور الأيام حا تغير تلك الثقافة الكنتا متعود عليها في بلد الاغتراب ... الميزانية بتاعتك دي كبداية للاستقرار لا غبار عليها ... لكن مع مرور الأيام حا تلقاها اتناقصت وتكون لسع عايش بي المستوي المريح الخاتيهو في بالك ... مسألة الخبرة الحا تكتسبها في معرفة الأسواق والأماكن بكون ليها دور كبير في هذا التناقص ... ثقافة نوعية الأكل واستهلاك المواد المنزلية حا تتغير تدريجيا ... وهكذا. برضك الترتيب والمراقبة المستمرة والإلتزام الصارم بين أفراد العايله ليهو دور كبير في ظبط الامور ... الفكرة انو ال ١٥٠٠ دولار دي حا يكون من الصعب الحصول عليها كدخل ثابت داخل البلد كميزانية اعاشة مالم يكون بزنسك دخلو الشهري ٤ أضعاف يعني ١٠ ألف دولار ... وإلا حا تاكل من سنامك ...
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Salah Zubeir)
|
1500 دولار × 80 سعر الدولار اليوم = 120 الف وانا اديك الواقع الجد جد لما تدخل بند المدارس والجامعات اكيد حا تنزل حبة من المعدل الانت خاتيه ولما تدخل بند العلاج والصحة واغلبها بقى طارئ حا تنزل درجة تانية ولما تنزل بند مساعدة المحتاين القريبين ليك المقصوب عليهم حا تنزل درجة تالتة ولما تجي وتلقى الدولار فات المية بكتير المية وعشرين ما بتحلك وفي مصاريف بتتصرف اسمهاصرفتها وماعارفها مشت وين دي الانا حسبتها بتاعت يابابا جيب 10 جنيه و .... و .... و .... و ... فما عندك حل سوى حلين الاول تزيد ال 1500 دولار او تبقى زينا مرة سلطة دكوة ومرة طعمية حبيبنا حيدر المشرف لك الف تحية واحترام وشوق وفقدتك في بوستاتي من مدة طويلة بي الزيك الواحد كان بتفاع مع القضايا البتهمنا من غير تردد او خوف كل الود ..
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: توفيق عيسى مكي)
|
في بند زيادة الدولار دي ما تقول لي النسبة واحدة لانه لما يريد الدولار يثبت على 100 بيزيد يبقى 120 ثم تاني يرجع يبقى ب 100 اها اوريك واقعنا السيئ ده كيف يقوم التجار والموردين يبنوا اسعارهم على ال 120 دي ولم ينزل من رابع المستحيلات ينزلوا تاني اها الفرقة بتاعت ال 20 ج دي انا القاصدها .. وتاني اكرر لك مني كل الود والاحترام
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: Asim Ali)
|
دكتور المشرف جاب النجيضة . عشان تعيش مرتاح فى السودان محتاج 1500 دولار فى الشهر. و لو انت مقيم فى الخارج ، عند زيارة السودان لمدة شهر تحتاج 2500 الى 3500 دولار فى الشهر. الموضوع اتحسم خلاص . ناس ال extreme ما معانا (ناس الضهارى و الفقراء و المكسرين و المفلسين من جهة و ناس العمارات الشاهقة و السيارات الفارهة من جهة أخرى
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: النصرى أمين)
|
توفيق اذا انت بتقول ان المصاريف الشهرية السوداني العايش في السودان ١٢٠ الف جنيه، ومتوسط دخل الفرد الشهري حوالي ٢ الف جنيه كما عرفت ، فمن أين يأتي بالفرق !!!؟؟؟ يعني الناس كلهم حرامية ولصوص ، هذا اذا استثنينا الناس العندهم أقارب في الخارج وببساعدوهم ، لأن معظم السودانيين ليس لهم أقارب في الخارج....يعني ما براهم الكيزان هم اللصوص والحرامية!!!!ولا الحكاية شنو بالضبط....!!؟؟
| |
|
|
|
|
|
|
Re: واقع مخيف جدا : 120 مليون بالقديم مصاريف معي (Re: امتثال عبدالله)
|
اولا مرحب بيك برضو يا امتثال بعد غيبة ... لي اخ عزيز علي شديد رحل عن دنيانا الفانية قبل اسبوعين كان شغال معاي في سوق السجانة وانتقل معاي لورشتنا مكي موترز ولما ادمرنا انقطت اخباره مني لاني نفسي دخلت في دوامات ما معرف ترسيني على ياتو بر المهم ذهبت لاعزي اولاده لم سمعت الخبر المؤلم الذي كان صدمة بالنسبة لي واثناء حديثي مع ابنه علمت انه كان مريضا لفترة قبل ان يرحل واخر فترة لم تعب شديد كان في مستشفى فضيل وللمعلومية كان لا يعمل لظروفه الصحية لكن كان متواجدا بصورة راتبة في سوق السجانة اها قال لي تكلفة رقدنا الاخيرة طولت وكان فيها رقاد في الانعاش وتعب كلفتنا أكثر من مليار بالقديم ما دفعنا منها جنيه واحد ولا زول واحد دفعها لكن اهو كل ما نتزنق في مصاريف نلقى تحت مخدته قروش من واحد من اخوانه او اصدقاءه العاشرهم في سوق السجانة لدرجة كانت القروش اخر همنا ... اظن فهمتي مقصدي الواضح بتاع الله كريم العايشنا في السودان المسألة اطلاقا ما بتتحسب بي مرتباتنا كم على قدر ما الساسة ينهبوا حقنا وخيراتنا ربنا الكريم ده بعوضنا اكتر من النهبوهوا مننا الفاسدين ديل رتب استاذ الجامعة المفروض يكون اعلى مرتب كم بالدولار ؟؟؟؟؟ وكيف بتم شهره ؟؟؟ وكيف عايش زي ما الناس عايشة ؟؟؟ دي الاسئلة كده
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|