ستاربكس* Starbucks *هامش: للقراء والأعضاء من الخرطوم وضواحٌها وضواحٌها تشمل مدني: ستاربكس = اسم سلسلة مقاهي غربية تصنف مع الشركات الٌيهودية أيام هيجات المقاطعة العربية على البضائع الإسرائيلية.
ستاربكس: وأنا طالع من صالة المغادرة بمطار دبي الساعة واحدة صباحاً بعد وداع صديق مسافر لندن، قلت أطلع صالة القدوم أشرب لي فرابتشٌينو كراميل من ستاربكس. مع الشفطة الأخيرة وقبل ألحس الكريمة لمحت لي زول آخر مرة شفتو كان قبل تلاتينسنة، عرفتو من مشيتو، إنتظرتو عند المخرج، إزيك يا دكتور عبد المنعم محمد حمد؟ عاين لي بدون إندهاش وقال لي: كويس الله يبارك فيك، ما عرفتك! - أنا مجدي سفسفة صديق محجوب أخوك الصغٌر الكارثة، كنا جيرانكم زمان بدباغة مدني جنب قبة ود كنان. قلدنا "ونزلت منو دمعة " وقال لي متجنباً النظر لي مباشرة: أديني تلفونك يا مجدي، أنا مرهق جدا وماشي الفندق بتصل بيك ُبكرة بعد ُبكرة نتونس ونجتر شويّة من شقاوة الماضي بتاعتك ومحجوب ورونق ماضي الدباغة. فجاءة خلعت جلابية مراكبية دبي ولبست عراقي دراويش ود كنان وقلت لٌهو بتركيز شديد: تمشي معاي، ما بزعجك، ساكن براي على بعد حداشر دقيقة من المطار وبوفر لٌك إقامة مريحة جدا وكنت في هذه الأثناء قد سحبت شنطتو الصغيرة وتقدمت خطوة نحو بوابة الخروج. إبتسم وردد: حداشر دقيقة! جنّك ذاتو! رجعت ليهو مقعد العربية الأمامي لوضع الاستلقاء، لاحظت الحزن المخلوط بالإرهاق على ملامحه، قررت بيني وبين نفسي الهروب للماضي مباشرة دون السؤال عن تداعيات الزمان عليه خلال التلاتين سنة الماضية. رأيك شنو ٌا دكتور، نزيد للحداشر دقيقة ساعة تاني؟ أعزمك فوقها شيّة بقهوة الفنانين في الهواء الطلق، المميز في الشيّة دي، انو الفنانين ديل، عندهم صحانا ٌيتم تسخينها للحفاظ على صوت طقطقة الشواء المحبب والصوت (أزيز على قول جيجي صديقتي) دا، بكون مستمر أثناء تناولنا للشيّة، ودا، واحد من تلاتة برامج لو ما عملتهم لضيوفي بدبي بكون قطع شك بكون مستضيفم مجاملة ساكت. هزّ راسو بالموافقة وأضفت والليلة تخلي النقّة كاملة لي وإتّا تستمع، كرر الهزّة. اخترنا مكان خافت الإضاءة ومكشوف للاستمتاع بنسائم نوفمبر اللطيفة والشيّة أم صوت، بعد كتابة الطلب، قلت ليهو: يوم قبلوك بالدفعة الأولى بكلية الطب جامعة الجزيرة (٧٩)، اليوم داك، أُمي قالت لأبوي بعد صلاة المغرب وهو لسّ قاعد في المصلاية: الليلة بيوت الدباغة كلهن فرحانات بود محمد حمد غفير التلفزيون القبلوهو بالجامعة، ردّ علٌها بفرح ويدو في السبحة يستاهل؛ هو وأبوهو مبروكين. تاني وم ونحن راجعين من المدرسة المتوسطة وفِي نص ميدان التلفزيون، محجوب أخوك حاول يقشر بيك علي، طوالي قبضتو من شنطة الدمورية وقلت ليهو: أسمع هوي، نعوم دا، حقنا كلنا... أول خميس ليك واتّا عائد من الكلية الإعدادية لبيتكم، لقيتنا قاعدين نلعب بلي في ضلكم، قلت لينا أسمعوا إتوا الاتنين ديل، أوعّة ألقاكم تاني قاعدٌن متفنين عند بت المنى تضربوا في البليلة العدسية بسلطة الروب، دا أكل غير صحي... سكتنا وأضمرنا عدم الطاعة، بعد إتّا دخلت البيت، محجوب علق ساخرا: يكون الاسبوع دا، ادوهم محاضرة عن الباكتيريا بالإنجليزي!! وواصل متحدياً: البليلة والنيفة ديل، لو جاء عميدك ذاتو سكن معانا هنا؛ ما بنسيبن.
ابو بكر عباس ما كنا عارفين انك حكاي كده ...حكاية مقابلتك مع صديقك ألما شفته ثلاثين سنة حكاية أوسكار... بعض الملاحظات ؛ نحن من عشاق ستاربكس ...بت عطبرة مدمنة فرابتشينو كراميل ،،وأنا مدمنة قهوة ...ونقعد فيها بالساعات .. .انت قلت لصاحبك انك مجدي سفسفة ..وانت اسمك هنا أبوبكر..يعني انت بتكتب باسم مستعار ... حكاية قهوة الفنانين ببسخنو الصحون للحفاظ على صوت طقطقة الشواء عجبتني شديد ...وفكرنا نجربها ...واذا فشلنا نحاول نزور دبي ..لكن دبي ما في طريقنا في سفرنا ...كنا من عشاق القطرية ...وبعد الحصار الظالم عليها غيرنا لخطوط تمشي عبر كينيا ...العرب ديل عندهم حسادة غريبة ..شافوا دولة قطر ماشة لقدام زي الصاروخ وقرروا حصارها ...لكن كيدهم في نحرهم ...وقطر لسع ماشة زي الصاروخ للأمام...وحفظ الله أميرها الهمام ، حفظه الله ورعاه ... اها قلبنا ليك اليوم العالمي للقهوة سياسة ....معليش .. وكل قهوة صباحية وانت طيب .. وبالمناسبة هسع قبل شوية شلنا قهوة ex large ، قهوة الصباح من ستاربكس...
10-01-2019, 03:30 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3512
مرّة ونحنا متفنين مع البليلة، محجوب لمحك من بعيد وقال لي: الزول البمشي زي السمبرية داك، نعوم أخوي قوم ُكب الجاز نمشي البحر. بعد السباحة مشينا إنتظرنا النيافة يفتحوها؛ نشتري لينا واحد باسم. أثناء الإنتظار قلت لمحجوب: إتّا يا فردة، السمبرية بتمشي كيف؟ قال لي ما عارف، لكن أخوي دا، مشيتو فيهاحاجة مميزة ما عارفها شنو! قلت ليهو: إذاً نختصر الموضوع ونسميها سمبر، قعقع وقال لي: حقو الزول الليلة نخليك تضرب لسان الباسم براك يا بجعة. ونحن راجعين البيت نام في العربية وبمجرد دخول البيت غطّ في سابع نومة، صحى العصر وبعد الأكل والقهوة التركية ابتسم وقال لي: جلسة الفنانين غيرت مزاجي ويبدو أنو الصدفة دي، زي المحسوبة!! قلت ليهو آخر عهدي بيك خريج جديد وعينوك بمستشفى مدني وفي نفس السنة ديك، أنا ومحجوب سافرنا للدراسة وناس بيتنا رحلوا من مدني، اعتقد محجوب سافر يوغسلافيا، يا أخي ،الزول الجميل دا، مان ُمعجب بيك إعجاب شديد. رجع ضهرو لورا وقال لي محجوب دا، أجمل أخو ممكن تختارو وهو يتبع قلبو دائما، في واحدة من منعطفات حياتي جربت اسلوبو وكان سبب سعادتي. وواصل: بعد سنة في المستشفى أخدوني بالجامعة، في مرّة راجع البيت في الدباغة بعربيتي الموريس، جنب كبري حاجة عشة، العربية سخنت وطلعت دخاخين، وقفتها وأقرب باب دقيتو وطلبت من البت الفتحت الباب مويه للعربية، جابت المويه وأنا متحرك أفتح الكبوت، مسكتني من كتفي بحركة سريعة شرطت معاها طرف التوب بباب الزنكي وقالت لي إنتظرها تبرد. في لحظات الانتظار جابت لي شاي بنعناع. بعد دورت العربية قالت لي الرادييتر داير تسليك ونطقت الرادييتر بإنجليزية سليمة، نزلت من العربية بسرعة وقلت ليها : بتزوجيني؟ ردّت: محتاجة أعرفك أول قلت: عشان تعرفيني محتاجة ُعمر بحالو الخميس البعدو، بت المنى ما باعت سلطة الروب، وناس العشير اليوم داك ما طبخوا، وأبو عركي غنى لينا عن حبيبتي بقول لكم وبدل الحمامات الحزينة قامت أدتا برتكانة غيرها ل قامت أدتا من حنانا ورفض يشيل قروش وحتى عرقي العازفين جابوهو أصحاب محجوب هديك.
(عدل بواسطة أبوبكر عباس on 10-01-2019, 03:32 PM) (عدل بواسطة أبوبكر عباس on 10-01-2019, 03:32 PM)
10-01-2019, 03:50 PM
Osman Musa Osman Musa
تاريخ التسجيل: 11-28-2006
مجموع المشاركات: 23082
اخونا ابوبكر سلامات يا اخي ابوبكر عليك الله في اليوم العالمي للقهوة منو البستحق الالتفات و التكريم اكتر من اهلنا الادروبات . اهلنا الادروبات يا ابوبكر يقعد جمب الجمبر لاحدي ما الجمر ينقلب رماد وهو يكتح . ادمان زي الادمان . تسعين في المية من اغاني الشرق عن القهوة وشتول البن وشوالات وكوانين وفناجين وشرقرقات وجبنات ولدايات و جمر وكبريت وليفة وصواني و وقايات وتمر وزنجبيل وقرنجال وحوايج القهوة . القهوة عندهم كل شي وقالوا واحد داير يموت حقنوهو بي درب قهوة قام من فراش الموت يعرض . دحين يا ابوبكر قول لي جماعة استاربكس ديل . تكريم الادروبات تكريم مستحق . و واجب عديل .
10-01-2019, 08:19 PM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3512
مورغان فريمان وجاك نيكلسون عجائز وعيانين ومرضانين قريبين للقبر في الفيلم الكوميدي الإجتماعي The Bucket List المهم إتلاقو وقرروا يستمتعوا ببقية حياتم للآخر ووضعوا لستة لحاجات متمنين يعملوها وبدوا في إنجازها
جاك نيكلسون طول الفيلم قادي الناس انو قهوة كوبي لواك دي من معجزات الإنسان في الطعم والنكهة صاحبو فريمان لقى كلام عن القهوة دي وإنها بعملوها من خرا بعض أنواع الكدايس البرية بعد أن تلتهم البن.
نشوف هذه المكاواة الحميمة:
الإبعاد في الفيديو تم تصغيرهم حسب أوامر حافظ
10-02-2019, 07:09 AM
أبوبكر عباس أبوبكر عباس
تاريخ التسجيل: 03-04-2014
مجموع المشاركات: 3512
اخير نرجع نحرج استاذنا ساطع الحاج..!! يا بنات بحري ، وهذا شأن كبير شديد..يا ابكر..!! يا بنات بحري..!! جبنة وشنو كده ما عارف..! اليوم العالمي للبن..! يا بنات بحري..حريقة، تحرقكم ذاتو..!! حدي يجيب..في يوم البن العالمي ، سيرة جاك نيكلسون ومرجان فريمان..!! احي يا قلبي..!! يا الما نسونا..!!
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
أبوبكر عباس
محمد عبد الله الحسين
محمد على طه الملك
Osman Musa
Kabar
فيس بوك
تويتر
انستقرام
يوتيوب
بنتيريست