الحوار المتمدن-العدد: 1894 - 2007 / 4 / 23 - 12:16 المحور: سيرة ذاتية ها انا الان فى الخرطوم....بعد غيبة طويلة قضيتها مدفونا فى رمال الشمال فى مدرسة كريمة الصناعية...نزحت اسرتنامن عطبره نزوح فاخر واقامت فى التخوم الشمالية للخرطوم بحرى ...تحديدا فى الدروشاب التى لا يعترف بها اليسارى السابق سبدرات فى ايام لها ايقاع ..انى اعمل اليوم فى ام درمان الفنية ..ادرس الفيزياء التى لغاهاالوزير المخضرم عبد الله محمد احمد كبداية لعبقريات العهد الانقاذى الميمون..وما جدوى الفيزياء ونحن قد بدانا زمن الكوليرا والمظاهرات اليومية التى تخرج تايدا لصقر الخليج صدام ومعركته الكبرى ضد دولة الكويت الشقيقة"ام المعارك" وتزوجت كل النساء الا ام المعارك كما قال الشاعر المرهف نزار قبانى ******** كانت معاناتى الكبرى هى عند العودة الى موقف باصات الدروشاب ظهرا...بحكم تكرر المشهد اليومى تعرفت على الاخوان الطيب من ابناء الجزيرة الخضراء وله كشك يبيع اشرطة الكاسيت والى جواره صديقى الاخر من غرب السودان محمدان وهو صاحب كشك للمشروبات الباردة..كانا ودودين للغاية بل بلغ الكرم بمحمدان ان يتحفنى بكوب ليمون زيادة ويعطينى كرسى من الداخل لاجلس بين الكشكين ويحكيا لى طموحاتهم الصغيرة واحلامهما الغضة..كنت انظر عن كثب الى سرب حمايم ...الموظفات فى دار الوقائق القومية مع زميلى بكور وهن يقفن تحت شجرة فى انتظار الباص باثوابهن البيضاء الجميلة وليس هناك فى الدنيا اجمل من الموظفة السودانية والمراة السودانية العاملة..وعبرالاسفلت الممتد امامى فى ظل البعيد ..كانت ..غابة الابنوس الجميلة .....سرب من بنات الدينكا بملابسهن الغنية التلون ..يقفن مع شباب من ابناء الدينكا يتحدثون وتنبعث اصواتهن واصواتهم لتعزف سيموفنية المكان ومدرسة الغابة والصحراء ...عن كثب موظفين يتصببون عرقاويتحدثون فى سخط ...وامراة تبيع الشاى الانيق تحت شجرة فى الركن امام مركز شباب بحرى ************* كانت احاديث صديقاى البسيطة الطيبة تنساب على اذني وانا اتامل هذه البوتقة من ناس الخرطوم..والتى كان يعكرها مرور عربة عسكرية مجروس محملة بالجنود..لتعيد وتذكرنى اننا فى زمن الكوليرا..ان هؤلاء الناس الطيبون واحاديثهم البسيطة التى استمع لها يوميا وانا اجلس على الكرسى بين الكشكين وتنساب دائما الاغنية التى اطلبها من صديقى الطيب"يا زمن" للفنان الذرى ابراهيم عوض والتى اضحت الموسيقى التصويرية للمكان..لا زلت احتفظ بهذا الشريط الذى اكرمنى به الطيب ********* فى ذلك الوقت كنت اجلس على الكرسى واتأمل هذا الخليط المتجانس من البشر وكنت ايضا ارى شجر يسير!!...لانى اعرف الكثير الذى لا يعرفه هؤلاء..صديقاى واحلامهما الصغيرة..اسراب الحمائم...غابةالابنوس..ست الشاى الانيق..الموظفين الساخطين الذين يتصببون عرقا ************* كما قلت لكم انى كنت ارى شجر يسير..غادرت السودان وعدت لمرة الاخيرة عام1993 وجئت ابحث عن اصدقائى...اختفت الاكشاك وازيلت ايام رامبو..احترقت غابة الابنوس الجميلة...اختفى جل الموظفين واسراب الحمايم تحت نير قانون الفصل للصالح العام..اما ست الشاى فقد انهكتها الكشة* واصبحت تمارس عمل اخر يمزقها ويهدر ما تبقى من انسانيتها...لنعيش نحن فى المنافى يجللنا الاحساس بالعار ونقاوم هذا الاحساس بالكتابة غير المجدية هذه هى الخرطوم1991 التى اعرفها او عرفتها...ولو تفندون!!!!!!!!!!أ الكشة: مداهمة شرطة البلدية
************* يا نسمة يا جاية من الوطن بتقولى لى ايام زمان ما برجعن
11-04-2019, 04:33 AM
adil amin adil amin
تاريخ التسجيل: 08-01-2002
مجموع المشاركات: 37098
استيقظ في الصباح مذعورا..خطف مسدسه من جواره وأطلق النار على سارية العلم عبر النافذة حيث كان يجب ان يكون هناك غراب ينعق في الفضاء ويسلح على علم البلاد..لم يكن هناك غراب يسقط مضرجا في دمائه ويقوم الحراس بدفنه في المقبرة الجماعية في فناء المنزل تحت أشجار الليمون والبرتقال لم تنهض زوجته مذعورة توبخه على هذا الفعل المشين والمكرور...إذ أنها لم تكن موجودة الى جواره هذا الصباح"ما هذا الصمت المخيف؟؟!!"..فرك عينيه وأصاخ السمع..عله يسمع صفارة قطار بعيدة من قلب المدينة او أزيز طائرة من مطارها او الضجيج المعهود في الشارع..."هل هذه كوابيسه المستمرة والتي جعلته يجوب بلاد العالم لطببتها...أم أنها الحقيقة؟؟!!" لم تأتي سيارة الرآسة التي تقله الى القصر الرآسي ، رفع سماعة التلفون ووجد المجيب الآلي في الانتظار"ناسف..أما هذا الرقم خارج نطاق التغطية أو الهاتف مغلق"...تناول الريموت وأراد إدارة التلفاز..ظهرت الشاشة البلورية عارية من كل بث ..فقط التشويش الذي ينبعث من مثل هذه الأجهزة الالكترونية...أدار مؤشر الراديو..تكرر نفس الأمر ..انطلق صفير ولم يجود له المذياع بمحطة إخبارية واحدة"رباه ..ما هذا الذي يحدث في العالم؟!!" هب مذعورا واخذ يركض في ردهات القصر وشرفاته الخاوية والأشجار في الفناء تحملق فيه في ذهول وقد خلت من زقزقات عصافيرها"خطب ما الم بالمدينة وأغرقها في هذا الصمت المريب؟؟"... ارتدى ملابسه على عجل وقرر أن يقود سيارته بنفسه...خرج الى الطرقات المقفرة والمتشحة بالغبار...شاهد أوراق ومنشورات تغطي الشوارع...تحملها الرياح وتصفع بها زجاج سيارته...مر أمام الشارع المعهود...حيث كانت تقبع مريم بائعة الشاي...وتداعي الى ذهنه المجهد ذكريات من نوع خاص....
كان عندما يمر بموكبه وضجيجه المعهود أمام الشجرة التي تجلس تحتها عن كثب من قصر الرآسة...لا يطيق النظر إليها...ونظراتها الممتلئة بالوعيد والاحتقار تشوي جسده وتخذه كالإبر...ويحس بالأزيز يجتاح كيانه بقوة ألف ديسبيل ..كأنما سحقته طائرة بوينج 747...
عجز رجال الأمن عن إزاحتها شبراً واحداً من مكانها ولم ينبت احد منهم بكلمة عن ما يحدث له كلما شرع في مضايقتها..حتى إنهم مرة احضروا مشعوذ المدينة الشهير الذي تلجأ له الحكومة في ملماتها...لهزيمة سحرها الأسود...كانت حادثة...اقشعر لها بدن الجميع وأصيبوا بالغثيان والخوف معا..جعلتهم يقبلوها كأمر واقع...سقط الرجل مغشيا عليه لمجرد أن حدجته بنظرة من تلك النظرات المخيفة وتمتمت بتعاويذها الغامضة التي علمها له الرجل في صغرها.. ثم نهض يتقصع ويسير ويتحدث في ميوعة فقد استوطنت جسده فجأة امرأة...ليت الأمر انتهى إلى هذا الحد...أضحى المسكين...تحت رغبة لا تقاوم يتسكع عند المدارس يبحث عن عنفوان المراهقين...يصطاد احدهم ويأخذه معه إلي بيته البعيد في أطراف المدينة...ويتم الأمر الذي قد قدر من اجل حفنة نقود..
بائعة الشاي مريم من قبيلة المساليت في أقصى غرب البلاد..التي تحيط بها الأساطير...لم تأتي إلى المدينة بطوعها...وحبا في مباهجها...أحرقت طائرات الانتينوف الروسية قريتها في دارفور...داست سنابك خيل الجنجويد على أجساد أهلها الطاهرة...قتل أبيها الشجاع وأصيب زوجها بطلق الناري جعله مقعدا ويعاني من مرض الدرن الباهظ التكاليف..وابنها الوحيد يقبع جوارها...وتقيم في هوامش المدينة الغربية... عندما كانت مريم طفلة ترعى الماعز في فيافي دارفور الموحشة...ظهر لها رجل فجأة..امسك بها بقوة وطرحها أرضاً وأجرى لها عملية جراحية غريبة..دفن شيء ما في لحمها الطري أعلى الفخذ..كان يردد على مسامعها الغضة"لا تبكي يا الزينة بنت الزينين...ستتالمي الآن ولكنه سيحميك من أم كواكية ومن ناس الخرطوم بقية حياتك كلها"...ومن يومها وهي تحمل سرها معها..كانت تخيف الرجال... خاصة هؤلاء الأوغاد الذين يتعهرون معها دون حياء ولا يتكلمون بصورة لائقة معها كامرأة ملتزمة تبيع الشاي... لها زوج وطفل... أضحت الحادثة المشينة للمشعوذ...القشة التي قصمت ظهر البعير..وانتشرت وغدت مكان تندر المواطنين.....وفرضت وجودها المخيف تحت شجرة اللبخ جوار قصر الرآسة ،
نظر إلى موقعها تحت الشجرة بعين متوجسة...لمح كل أدواتها قابعة في مكانها والمقاعد الصغيرة متناثر تعبث بها الريح...ولا احد..."تبا..حتى هذه المرأة المخيفة..رحلت !!..ما دهى هذه المدينة؟؟!!..ظل يتجول بالسيارة في الطرقات المقفرة...كان الزمن يمضي...والسيارة تائهة في الطرقات...المدينة التي سكنها الضجر منذ أمد بعيد...الأوراق المريبة تعبث بها الرياح في كل حدب وصوب... والأتربة أيضا..
شارفت شمس ذلك اليوم على الغروب..عاد بسيارته منكسرا وعندما مر جوار ملعب المدينة الفخم...شعر بالأسى..."اليوم المباراة النهائية على كأس أعياد الثورة الظافرة...كان الملعب قابع في الظلام..كأنه جبل مرة..وتبرز أبراجه الكهربائية من أركانه الأربعة...مثل كائنات جيمس كاميرون الأسطورية...ترجل من السيارة ونظر إلى هذا الصرح العظيم الذي كان يملا المدينة ضجيجا وحيوية وقد خيمت عليه سكينة اللحد العميق..تملكه الأسى والرعب تماما..."هل يعقل أن احدهم أخلى المدنية بأكملها دون علمه؟؟أين الأجهزة الأمنية والعسس؟؟!!..أين زوجته الوفية؟؟..أين مريم بائعة الشاي؟؟..إلى أين مضى هؤلاء؟؟... التفت حوله نحو الأوراق التي تغطي المكان وتصفعه من كل جانب..تناول أحداها التصقت بوجهه ودسها في جيبه وطفق عائدا بالسيارة إلي قصره المنيف والغارق في الصمت المؤسف.....دلف يجرجر أقدامه كأنه يسحب قاطرة خلفه....دخل غرفته وأضاء الشموع..حيث لم يعد هناك كهرباء أو حياة تدب في جسد المدينة...اخرج الورقة من جيبه وأدناها من عينيه وقرا...كلمة واحدة بخط عريض احمر.. أنيقة وحاسمة"قرفنا".... هب كالملسوع واخذ يردد في هذيان مرير وينتف شعره" فعلوها...الأوغاد الملاعين"...
....
هوامش: أم كواكية:الفوضى الخلاقة بلغة أهلنا في دارفور قرفنا :مجموعة من الشباب ناشطة سياسيا من مجموعة شفرة ابن عربي صدرت من مركز عبادي للدراسات والنشر2010 –صنعاء-الجمهورية اليمنية التحية لستات الشاي في زمن الكوليرا والانقاذ التي هي رجس من عمل الشيطان مستمر حتي الان
11-04-2019, 04:40 AM
adil amin adil amin
تاريخ التسجيل: 08-01-2002
مجموع المشاركات: 37098
اعتذار لكل ابناء الاقاليم والجنوب تحديد الذين امتهنت كرامتهم بي الكشة في الخرطوم في عصور التيه والطشاشات والبحث عن عروبة مستعارة بي الكريمات والايدولجيات عاطلة في ايام مايو 1969 المشينة ومهدي مصطفي الهادي وايام التربي الوسخة وناس الثور الاسود الطيب مصطفي وبنو تغلب في الخرطوم عبدالحي يوسف وتنابلة الانقاذ المنزوعي الحياء ...والحياء شعبة من شعب الايمان وشهداء كولمبيا ايضا https://up.top4top.net/
سواد صخرة فوق الجسد كلما شدت اضلاعه صاح"احد..احد" وعلى "العروة" شد كان مولى لابي سفيان حينا ومرد طالبا "مولى الموال " مرت الايام وفي اثر الليال ودنا عام الفصال صار مولاه ابو سفيان مولي للابد امنا من كل امر..وعلى اية حال صار اعتى واشد صخرة فوق البلد كلما صاح به الدهماء"شورى" شد حبلا من مسد وعلى الكرسى شد ثم ماذا عن بلال؟! ابدا لا شيء جد عاش حمال بغال يخدم المولى على نصف ريال واذا جاع حمد والاجابات بلا معني ولا "نص" ورد "فارحنا يا سؤال؟!!"
الشاعر المجهول=نافخ الكير
11-04-2019, 04:42 AM
adil amin adil amin
تاريخ التسجيل: 08-01-2002
مجموع المشاركات: 37098
حياك الله يا الطيب عباس كونو الخرطوم دس عاصمة السودان ظات سبب تعاسة كل السودانيين مركز مشوه ربط السودان بكل ما هو وضيع ووفد من خارج الحدود م فكر عاطل وعاجز فرض بالانقلابات وقوض الدولة الحديثة التي اسسها جيل الاستقلال الذهبي واضحت جحيم لكل السودانيين عبر 65 سنة من الاستقلال https://up.top4top.net/
11-05-2019, 03:44 AM
adil amin adil amin
تاريخ التسجيل: 08-01-2002
مجموع المشاركات: 37098
قصة الخرطوم من دخول الاتراك والمصريين 1821 والي سقوط الخلافة التركية وبالثورة المهدية 1885 الي سقوط دولة التعايشي 1898 معركة كرري الي مؤتمر الخريجين والجيل الذهبي 1938 والي الاستقلال 1956 لم تصل الانخطاط السياسي والاجتماعي والنفسي الذى وصلته بعد الاستقلال الي يومنا هذا 2019؟؟
لماذا انحطت السياسة والساسة بعد الاستقلال ؟؟
https://up.top4top.net/
11-05-2019, 03:53 AM
adil amin adil amin
تاريخ التسجيل: 08-01-2002
مجموع المشاركات: 37098
تابعونا في هذا البوست (بوست الاستقلال الحقيقي 1يناير 2020) كل يوم معلومة موثقة للاجابة علي السؤال والفرق بين جيلين جيل الاستقلال الذهبي1938-1956 وجيل ما بعد الاستقلال (الانتلجنسيا الخبيثة ) من اول انقلاب الي اخر انقلاب مرورا بانقلاب مايو : عندما دخل الاتراك والمصريين السودان بحجة جمع الذهب والعبيد ...هل كان الامر خلافة اسلامية ؟؟ وهل اصلا يوجد خلافة اسلامية من عهد يزيد بن معاوية المتهتك في القرن السابع الي رجب طيب اردوغان الذى يلهث خلفه الان في السودان الاخوان المسلمين السلفيين لنري ما قاله ايدي كوهين عن الانظمة العربية المقبوحة التي استجلبنا منها هذه الابئة الاخوان المسلمين السلفيين ودولة الخلافة وولاية السفيه من الدستور الاسلامي 1968 لحدي نميري والبشير https://up.top4top.net/
اليهودي ده اصدق وافقه من الترابي ومن لف لفه في السودان من تنابلة السلطان في الخرطوم ..من اهل الرجس الذين شوهو الخرطوم وجعلو اعزة اهلها ازلاء بعد الاستقلال
11-05-2019, 04:01 AM
adil amin adil amin
تاريخ التسجيل: 08-01-2002
مجموع المشاركات: 37098
وده خليفة الكيزان رجب طيب اوردغان خامسة الاثافي في قرود السيرك الامريكي الخمسة التي دمرت العالم العربي والاسلامي وليبسا وسوريا تحديدا وفي طريقهم لتدمير السودان والاربعة الباقين مصر اصل بلاوي السودان والسعودية والامارات وقطر ولا زلنا نعاني من 1-وضعنا المخذول في جامعة الدول العربية وعلم مايو 1969 وده الخطا الاستراتجي الاول والخطا الاستراتيجي 2- الثاني من عدم احترام مطالب الاقاليم بالفدرالية الضيعت جنوب السودان 2011
https://up.top4top.net/
هذه هي الخلافة التركية في السودان 1821-1885 التي قامت ضدها الثورة المهدية العظيمة التي يرزل بها ابناء السفلة من الانتجلنسيا الخبيثة بعد الاستقلال يبقى مشروع الاخوان المسلمين السياسي انتهي في السودان بعد تجارب الترابي المخذية من 1964 الي نميري الي البشير عندهم شنو تاني ؟؟؟
11-14-2019, 02:15 PM
adil amin adil amin
تاريخ التسجيل: 08-01-2002
مجموع المشاركات: 37098
طيب في الخرطوم ومن تراكم فشل الدولة المركزية القائمة علي المشاريع المشبوهة التي اسواها مشروع البشير الترابي الذى صدر الموت للاقاليم واجبر الملايين تجي تتكدس في الخرطوم وبقى ثلث الشعب السوداني قاعد في الخرطوم حاصل فارغ وهسة في علاجات البصيرة ام حمد بتاع ق ح ت ده في 10 مليون في الخرطوم ما دع يكونو قاعدين فيها الان مفروض من ابجديات التحول السياسي والاداري ترجع الاقاليم الخمسة وتلغي الولايات ال18 دي كلها كسبا للوقت والتحول الديمقراطي وفي كل اقليم توفر الخدمات الضرورية والاساسية ثم الكمالية في 6شهور بس سيغادر 80% من الموجودين الخرطوم واصلا هم قاعدين على قاعدة ذهب المضطر نحاس وليس عقد ذى الكيزان طبعا مقولة جون قرنق نقل المدينة الي الريف المانعة الجامعة تحتاج لي جهد ذهني بسيط 1- بناء ستة جامعات متكاملة في عاصمة الاقاليم الخمسة باعاشة كاملة 2- في كل الاقليم ايضا ترجع المدراس والداخليات وحاجات الانجليز ومؤسستاهم الخدمية والانتاجية كلها ذى ما كانت وبنفس علاقات الانتاج الاشتراكية المحترمة والتنافس سيثقضي علي كل المؤسسات الطفيلية للكيزان 3- ستة مستشفيات رئيسة متكاملة في الاقاليم الخمسة 4- مشاريع طاقة شمسية ومياه نظيفة في كل اقليم
https://up.top4top.net/
5- حاكم اقليم منتخب
6- برلمان اقليم منتخب 7- شرطة فدرالية 8- محكمة دستورية فاعلة في المركز 11 قاضي 2 من كل اقليم وقاضي واحد من الخرطوم بعد 30 سنة من الانقاذ تجو انتو يا ناس ق ح ت تقعدو في راس الناس بي المحاصصة وما عارفين تسووا شنو لا مسكتو رؤية الحركة الشعبية ولا قدمتو رؤية واضحة لحدي الان وتتطاردو في الكيزان وتصفية الحسابات الحتضيع السودان كلو
11-14-2019, 05:49 PM
جمال ود القوز جمال ود القوز
تاريخ التسجيل: 01-25-2013
مجموع المشاركات: 5925
والله كوستي تستاهل تبقى عاصمة ياعادل أمين .. يا لسماحة طباع أهلها ويا لمحنتهم الدافقة .. لا أعتقد أن أحد سيحس بأنه غريب .. إن أتى به الزمان لكوستي وعاشر أهلها .. فلتكن عاصمة يأعادل فلتكن لم لا ...
أثني اقتراحك وبشدة كمان .......
11-14-2019, 09:04 PM
محمد جمال الدين محمد جمال الدين
تاريخ التسجيل: 10-28-2007
مجموع المشاركات: 5441
سلام عادل والشباب.. في عام ٢٠١٧ كتبت هذه المقالة.. متعلقة.. التالي: اعلان المجاعة رسميا في جنوب السودان بسبب الحرب الاهلية والانهيار الاقتصادي (حدث ذلك يوم أمس 20 فبراير بواسطة حكومة جنوب السودان والأمم المتحدة)
اتمنى ان ننفعل كلنا أمام هذه الكارثة الانسانية ونحاول جهدنا في المساعدة في الوقت الذي نرى فيه العالم كله من اليابان وكوريا الجنوبية مرورا باندونسيا واستراليا إلى الغرب وأمريكا كلهم يتعاطفون مع انسان دولة جنوب السودان إزاء هذه المحنة. لكن نحن الاهم! .. نحن السودانيون الأهم في عملية الوقفة والمساعدة (المادية والمعنوية) كوننا نتشارك الحدود والتاريخ والمصير والتحديات المشتركة .. وبالذات حينما نفعل ذلك شعب لشعب بشر لبشر ناس لناس و"الناس بالناس" كما يقول المثل.. وفي حل عن الحكومات والفصائل والقبائل وذاكرة السياسة!.
في شهر نوفمبر الماضي كتبت بوست بالفيسبوك (ادناه) واجي به هنا لأنه متعلق بالامر ولو كتبته حين مناسبة اخرى مختلفة:
انا واثق أن جنوب السودان سيخرج من أزمته مثلما خرجت رواندا فتية متطلعة الى المستقبل كما أنني واثق أننا سنتحد من جديد مثلما اتحدت ألمانيا الغربية والشرقية. . واقترح عندها أن تكون عاصمة السودان المستقبلي العاصمة المثلثة: ملكال/الرنك/القيقر: موقع استراتيجي وطبيعة لطيفة وطقس جميل!.. (أتحدث عن المستقبل حينما نملك الافق الكامل)!.
ملاحظة: كل حضارات السودان القديمة كانت ترحل ناحية الجنوب بدءا بحضارة مروي في البجراوية بالقرب من شندي وقد كان مركز الحضارة قبلها مدينة كرمة في أقصى الشمال وذلك حدث بفعل التصحر والعوامل البيئية المصاحبة.. ومن البجراوية رحلت الحضارة إلى سوبا فسنار ثم الخرطوم التي استقرت كعاصمة حتى الآن لكنها تعاني الان قسوة البيئة والمناخ.. عندي ان المستقبل يشيء برحيل إلى جنوب جديد فربما نحتاج في يوم ما ان تكون عاصمتنا كوستي ثم القيقر فجوبا!.. أثق في وعيكم والمستقبل!.
محمد جمال الدين
11-14-2019, 10:58 PM
Shinteer Shinteer
تاريخ التسجيل: 09-04-2002
مجموع المشاركات: 2525
كيف حالك يا عادل؟ لا اتفق معك في نقل العاصمة إلى كوستي أو أي منطقة مفتوحة الحدود. كوستي "باجة" لا حدود لها في جميع الاتجاهات. إذا كان لا بد من نقل العاصمة إلى جهةٍ ما ... يجب أن تكون هذه الجهة محاصرة بحواجز لا يمكن تجاوزها: مثل مدني ... الحاج عبد الله (مع تغيير اسمها ليصبح لائقاً) ... سنار ... الخ. أيْ، منقطة تكون محاطة بمشاريع قائمة أو بأملاك ثابتة لأصحابها. أما كوستي والأبيض ... أو أي منقطة في الغرب أو الشرق أو الشمال فكلها مناطق مفتوحة وستصبح العاصمة في غضون عشر سنوات نفس العاصمة القديمة؛ الخرطوم.
لو كان في الإمكان حصر مدينة الأبيض ... لاخترتها عاصمة، لأنها في قلب السودان وأشعر بالاستغراب لمن يقول إن الأبيض في غرب السودان. انظروا إلى الخريطة. لا أدري من أين جاءت فكرة أن الأبيض في غرب السودان!!! ومن أدخل هذه المعلومة الغريبة حتى في أذهان أهاليها؟ أريد إجابة تجلعني اقتنع أن ود مدني في شرق السودان إذا كانت الأبيض في غرب السودان. الأبيض في سُرّة (صرة) السودان على الخريطة والواقع. لكن كيف نستطيع وضع حواجز حدودية للأبيّض المفتوحة غرباً إلى تشاد وشرقاً إلى الحبشة وشمالاً إلى مصر وجنوباً إلى ما شاء الله.
(الأبيض لن تكون في غرب السودان إلا إذا مسحنا إقليم دارفور من خريطة السودان ... ودا باب آخر جاءت منه فكرة أن الأبيض في غرب السودان).
العاصمة يا عادل في بلدان زي بلداننا دي لازم تكون محصورة بين موانع طبيعة تمنع تمددها، أو محصورة بضوابط إدارية صارمة لا تسمح لكل من هب ودب أن يزيد مساحتها كما اتفق. في وضعنا الحالي ... مدني هي الأمثل ... ثم تليها أي مدينة أو شبه مدينة على النيل الأزرق ومحصورة بين مشاريع قائمة.
اللهم أجعل مشكلتنا الوحيدة هي العاصمة.
11-14-2019, 11:09 PM
Shinteer Shinteer
تاريخ التسجيل: 09-04-2002
مجموع المشاركات: 2525
Quote: انا واثق أن جنوب السودان سيخرج من أزمته مثلما خرجت رواندا فتية متطلعة الى المستقبل كما أنني واثق أننا سنتحد من جديد مثلما اتحدت ألمانيا الغربية والشرقية. . واقترح عندها أن تكون عاصمة السودان المستقبلي العاصمة المثلثة: ملكال/الرنك/القيقر: موقع استراتيجي وطبيعة لطيفة وطقس جميل!.. (أتحدث عن المستقبل حينما نملك الافق الكامل)!.
ملاحظة: كل حضارات السودان القديمة كانت ترحل ناحية الجنوب بدءا بحضارة مروي في البجراوية بالقرب من شندي وقد كان مركز الحضارة قبلها مدينة كرمة في أقصى الشمال وذلك حدث بفعل التصحر والعوامل البيئية المصاحبة.. ومن البجراوية رحلت الحضارة إلى سوبا فسنار ثم الخرطوم التي استقرت كعاصمة حتى الآن لكنها تعاني الان قسوة البيئة والمناخ.. عندي ان المستقبل يشيء برحيل إلى جنوب جديد فربما نحتاج في يوم ما ان تكون عاصمتنا كوستي ثم القيقر فجوبا!.. أثق في وعيكم والمستقبل!.
كلام راقي وواعي جدا يا محمد جمال الدين ...اعادة جنوب السودان عبر تكامل حضاري فكري ثقافي سياسي اقتصادي اجتماعي نفسي هو ديدين كل سوداني حر وعشان ادعم مشروعك ده في خطوات اساسية في السودان واستراتيجية لازم تتم في هذه المرحلة بي الذات ومشروحة في بوستات كثيرة جدا هنا ولكن فقط بديك رؤية واقعية جدا اذا رجعت الاقاليم الستة وباسس جديدة حاكم اقليم منتخب+ برلمان اقليم منتخب بجي المشروع الجبار والساهل جدا (السكة الحديد الجديدة ) طبعا نحن عايشين علي سكة حديد حملة كتنشر1898 والبعض من انجازات نظان عبود والخط الضيق 90 سم ولم يعد يخدم الفدرالية في السودان والان اطلق لخيالك العنان الخط الجديد الراسي من حلفا الي السليم الي دبة عبر جسر عبر وادي المقدم الي ام درمان الي الدويم الي كوستي الي ملكال الي بور الي جوبا الي نمولي = الي دول شرق افريقيا وفيها كلها سكة حديد جديدة =طريق الحرير الخط الافقي بورتسودان عطبرة شندي ام درمان الابيض الفاشر نيالا الجنينة = تشاد الصين افضل من ينجز سكة حديد في العالم الثالث اذا كانت في حكومات رشيدة محترمة ديمقراطية فدرالية اشتراكية وكده الجنوب بكون بقى قريب جدا جدا لابد تكون في رؤية كونية دولية اقليمية وطنية لاهل السياسة في السودان في هذه المرحلة https://up.top4top.net/
كويس انت عندك مشاريع طموحة وانا متابعك كويس واهل الطريق بتلاقو في المرحلة القادمة بعد الزيد يذهب جفاء من السودان اول حاجة نعيد وجه السودان الحضاري كيف؟؟؟
11-15-2019, 03:39 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: والله كوستي تستاهل تبقى عاصمة ياعادل أمين ..
الاخ جمال ود القوز تحية طيبة اذا استمعت للمحاضرة المرفقة مع البوست ستجد التشخيص الذى (لا يجعل الخرطوم تصلح عاصمة للسودان بعد ان تولثت بالايدولجيات الوفدة وامشبوهة واضحت مصدر عار لكثير من ابناء السودان(اتخيل لحدي هسة زول ذى الطيب مصطفي وحسين خوجلي شايفين الجنوبيين عبيد وليس قبائل سودانية ولحدي هسة ماورونا هم شنو لاني بؤمن بالمهدية الثالثة القادمة تحرر السودان من الوعي المدمر والمعشش في الخرطوم بس اخترت كوستي لاسباب روحية وحدود السودان الاصل سودان 1يناير 1956 وذلك لافضلية الجزيرة ابا الروحية التي حرر منها المهدي الاب السودان من الاتراك والمصريين 1885 والمهدي الابن العبقري السيد عبدالرحمن المهدي ايضا حرر السودان من الانجليز بالانتخابات 1956 هذه الثورات الحقيقية والقوة الروحية التي تعيد تجميع السودان من جديد يعرقلها الصادق المهدي شخصيا من 1964 وحتي الان https://up.top4top.net/
كوستي العاصمة الروحية يا ود القوز علي الاقل نرجع للراتب وهويتنا الدينية اولا ونخرج من المشروع الامبريالي الصهيوني المفضوح وبتكون قريبة من الجنوب ايضا لاعادة السودان المعاق الي وضعه الطبيعي
11-15-2019, 04:06 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: (الأبيض لن تكون في غرب السودان إلا إذا مسحنا إقليم دارفور من خريطة السودان ... ودا باب آخر جاءت منه فكرة أن الأبيض في غرب السودان).
العاصمة يا عادل في بلدان زي بلداننا دي لازم تكون محصورة بين موانع طبيعة تمنع تمددها، أو محصورة بضوابط إدارية صارمة لا تسمح لكل من هب ودب أن يزيد مساحتها كما اتفق. في وضعنا الحالي ... مدني هي الأمثل ... ثم تليها أي مدينة أو شبه مدينة على النيل الأزرق ومحصورة بين مشاريع قائمة.
اللهم أجعل مشكلتنا الوحيدة هي العاصمة.
حياك الله يا اخي شانتير 1-السؤال الاول ليك ليه نتخلي عن دارفور وهي جزء من السودان الحضاري القديم ايضا ومهمة جدا جدا انا هنا بصر علي سودان 1يناير 1956 وما قبل 30يونيو 1989 في مشاريعي هنا وبتحركني الهوية السودانية الحضارية الابيض بعيدة جدا من بوتسودان وملكال وعندها مشكلة موية لحدي هسة هل تستطيع توصل ليها موية من النيل الابيض عشان تكون ذى لاس في جاس مثلا اولا ؟؟ 2-الضوايط الادراية موجودة ومشروحة في البوستات السياسية يرجع السودان الاصل الحكم الاقليمي اللامركزي باسس ديمقراطية فدرالية اشتراكية حقيقية وليس الايدولجيات والانقلابات والثورات المزيفة ودولة والراعي والرعية والريع الرعاع المركزية 3- المشكلة في الخرطوم وفي المركز في السودان من بعد الاستقلال والاقليات التي تحكم كل السودان بي مشاريع مشبوهة ومفروضة علي السودان والسودانيين وتخدم المحيط الاقليمي العربي والدولي الامريكي والبنك الدولي والاخطا الاستراتيجية كانت بسبب ذج السودان قسرا في جامعة الدول العربية 1957 بواسطة الازهري شخصيا رفض الفدرالية تقويض المشاريع الفدرالية التي طالب بها الجنوبيين واهل الوعي من قبل الاستفلال ولان ايضا ق ح ت اجهضت الفدرالية ودستور 2005 كما فععل الترابي واجهض اتفاقية اديس اباباودستور 1973 من اجل وهم دولة الخلافة وولاية السفيه نميري هؤلاء الخمسة الشيوعيين والبعثيين والناصريين انقلاب 1969 بتاع المخابرات المصرية الاخوان المسلمين والسلفيين انقلاب 1989 التنظيم الدولي المصري ولازالو يتنازعون حتي الان ويقبحون وجه السودان في مزيد من الهرولة الي مصر والسعودية والامارات وقطر وتركيا وامريكا والبنك الدولي
https://up.top4top.net/
وده الفرق بين سودان ناس الخرطوم وق ح ت وبين ناس السودان في الهامش الستة زينا ان فقهو والصورة في البروفايل توضح الفرق بين والوعين والعلمين ايضا
11-15-2019, 10:30 PM
Shinteer Shinteer
تاريخ التسجيل: 09-04-2002
مجموع المشاركات: 2525
بورك فيك يا عادل. أنا ما اتخليت عن دارفور. أنا تساءلت في كلامي عن مبرر وصف مدينة الأبيض بأنها تقع في غرب السودان!!!. وانت كلك نظر. ولا يمكن لمدينة الأبيض أن تكون في غرب السودان إلابعزل دارفور وإبعادها عن السودان. وقع ليك كلامي؟ وأنا أظن إنك تكون مصنف الأبيص بأنها في غرب السودان عادي. وحتى سكان الأبيض أنفسهم يقولون إنهم من غرب السودان!!!! نحن يا عادل حتى جغرافيتنا ما قادرين نقعّدها في ماعونها الصحيح ... وعايزين نطير ونحرر العالم. تاريخنا وواقعنا الحالي قايم على الشطح. لو قدرنا نتوهط في التراب دا ونشوف البينا والعلينا بطريقة آسيوية عملية يمكن نرسى على بر. وبعدها ممكن لو رأينا أن نقسم السودان بالتراضي إلى أي عدد من الدول تتفق وتتعاقد فيما بينها على صيغة كونفدرالية أو أياً كان أو يبقى السودان الحالي كما هو ويحكم على أسس إدارية مختلفة ومتفق عليها.. بدل القسر والقهر والتعسف الما من وراه غير الموت والدمار.
11-16-2019, 03:54 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: أن نقسم السودان بالتراضي إلى أي عدد من الدول تتفق وتتعاقد فيما بينها على صيغة كونفدرالية أو أياً كان أو يبقى السودان الحالي كما هو ويحكم على أسس إدارية مختلفة ومتفق عليها.. بدل القسر والقهر والتعسف الما من وراه غير الموت والدمار.
نقسم السودان الي دول ليه ...اقاليم وحكم اقليمي لامركزي رشيد مالو ؟؟؟ السودانيين موحدين وجدانيا والمهدية الاولي لمتهم كلهم وحررت السودان من الاتراك 1885 بالكفاح المسلح والمهدية الثانية ايضا الدولة الحديثة 1938 مؤتمر الخريجين برضو حررت السودان بي ثورة دستورية وخرجت الانجليز 1956 المشكلة في السودان مش في الاقاليم في اقليات المركز ومشروع الدولة المركزية الذى يخدم مصر والمخابرات الاقليمية والدولية لحدي الليلة والسودان فيه برنامج وطنية سودانية فدرالية حقيقية اخر واحد رؤية جون قرنق 2005-2010 مشكلة السودان هي الاقليات في المركز والمشاريع المصرية العربية والانقلابات مشكلة السودان هي الاخوان المسلمين والسلفيين والشيوعيين والبعثيين والناصريين بعد 65 سنة من الاستقلال ما عايزين يواجهو الحقيقية دي مشروع تفكيك السودان مشروع امبريالي بدا بي الجنوب وفشلت دولة الجنوب والان مستمر ايضا بي ناس حميدتي وحمدوك الثورة رؤية ومسار وليس فلان وعلان وانا وضعت رؤية واضحة جدا للسودان الكبير بتاع 1يناير 1956 باسس جديدة محترمة واضحة في اطار دولة ديمقراطية فدرالية اشتراكية مكونة من ستة اقاليم ومحروسة بي محكمة دستورية تقطع رجل هذه الدول من العبث بالسودان مصر والسعودية والامارات من ناحية وقطر وتركيا من ناحية اخري ومن اوراهم البنك الدولي وامريكا والمشروع ده مفضوح ومنشور في بوستات اتانية هسة نحن في السؤال (الخرطوم لا تصلح عاصمة للسودان في المستقبل )
11-16-2019, 10:42 PM
Shinteer Shinteer
تاريخ التسجيل: 09-04-2002
مجموع المشاركات: 2525
عزيزي عادل. أتمنى تكون بخير وصحة كاملة. بعيداً عن السياسة وعن أي شيء. داير أسألك سؤال بسيط جداً ... وسألت ناس كتيرين قبلك وما في زول أداني "عُقاداً نافع" وأنا عندي الإجابة الأكيدة أصلاً، لكن داير إجابتك التلقائية، فقط ليطمئن قلبي. السؤال: في مخزون مخزونك الثقافي والفكري والتعليمي والتاريخي ... الخ، هل مدينة الأبيّض تقع في غرب السودان أم لا؟
نحن ناس بنحلق فوق فوق في تهويمات كسلانة وهاربة ... وناسيين أن كل شيء يبدأ من الnitty-gritty النحن جافلين منها. لو ما بدينا من صغائر الأمور لن نبلغ معاليها. كل الدول المتطورة دي يا عادل تحيّرك في اهتمام سكانها بالتفاصيل الصغيرة ... تفاصيل صغيرة جد نحن ما بنشوفها لأننا فاكرين أننا أصحاب Grand Narratives ... ونحن عريانين في صلبنا دا. لا أريد أن استرسل. فقط أريد منك إجابة بدون أي تفكير ... جاوب على سجيتك: هل مدينة الأبيض تقع في غرب السودان أم لا؟
وأبقى عافية.
11-16-2019, 11:04 PM
Asim Ali Asim Ali
تاريخ التسجيل: 01-25-2017
مجموع المشاركات: 13492
Quote: 10 مليون سوداني مكدسين في الخرطوم حاصل فارغ ساكت لانعدام الخدمات والامن في الاقاليم والاسس النتطورة التي تركها الانلجيز في السودان ومضو 1956
الانتقال المكانى لايقدم ولايؤخر وستكرر نفس المظاهر والازمات بسبب التكدس فى العاصمه الجديده وهكذا دواليك ايما اتقلت العاصمه تنتقل معها جموع الشغب مانحتاج ايه انتقال لعقليه الانسانالسودانى وثوره ثقافيه تدفع النخب فى شتى المجالات الى الهجره العكسيه من المركز الى الاطراف/الهامش ليكونو طليعه التنميه وبنيه الخدمات الاساسيه.للموطن فى جميع انحاء السودان. وهذا لايحدث بتكامل من الحكومات بتخطيط سليم يعيد ترتيب وتوزيع كثير من المؤسسات على مختلف مستوياتها حتى تصبح التنميه والخدمات ممتده على جميع بقاع الوطن
11-17-2019, 04:14 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: الانتقال المكانى لايقدم ولايؤخر وستكرر نفس المظاهر والازمات بسبب التكدس فى العاصمه الجديده وهكذا دواليك ايما اتقلت العاصمه تنتقل معها جموع الشغب مانحتاج ايه انتقال لعقليه الانسانالسودانى وثوره ثقافيه تدفع النخب فى شتى المجالات الى الهجره العكسيه من المركز الى الاطراف/الهامش ليكونو طليعه التنميه وبنيه الخدمات الاساسيه.للموطن فى جميع انحاء السودان. وهذا لايحدث بتكامل من الحكومات بتخطيط سليم يعيد ترتيب وتوزيع كثير من المؤسسات على مختلف مستوياتها حتى تصبح التنميه والخدمات ممتده على جميع بقاع الوطن
يا Asim Ali اعلي رؤية تحقق كلام ده هي رؤية مهدي الجنوب د جون قرنق وازمة السودان في عدم احترام الفدرالية الحقيقية والمشاريع الفدرالية في السودان وهي مشروعين 1- الحزب الجمهورري اسس دستور السودان 1955 تقسيم السودان الي اقاليم 2- الحركة الشعبية دستور 2005-2010 والمحكمة الدستورية الفاعلة وبرنامجا الانتخابي (الامل برضو بقسم السودان الي الاقاليم وليس الولايات الكثيرة المسيخة الخلت الوزراء اكثر من المزارعين ما في حاجة بتجيب ناس يتكدسو في العاصمة الادارية الجديدة كوستي لو التزمت اقليات المركز المشوهة السه بتجري ورا المشاريع المشبوهة الوافدة والعروبة البائسة وعلمهم القبيح ده معقول نباري لينا زول في القرن21 مباري عبدالناصر وصدام حسين وعايز يقعد في راسنا بالمحاصصة في المركز والاقاليم ولافي صينية مع ناس الانقاذ في عالم العرب القبيح مصر والسعودية والامارات وقطر وتركيا والبنك الدولي وامريكا في اعادة تدوير الدولة المركزية ليه ؟؟؟؟ لا عبدالناصر احسن من جون قرنق ولا صدام حسين احسن من جون قرنق ولا القرضاوي احسن السيد عبدالرحمن المهدي ولا السديس احسن من السيد علي الميرغني دي علة الخرطوم العالة السودان كله معاها والمشروع واضح يا علي بس االعتب علي النظر في البورد ده ونحن واقعيين جدا ونبدا ليك من محل ما واقفين ناس ق ح ت والمجلس العسكري ديل
https://up.top4top.net/
11-17-2019, 04:20 AM
adil amin adil amin
تاريخ التسجيل: 08-01-2002
مجموع المشاركات: 37098
والبرنامج الرئيس والاستراتيجي للتحول الديمقراطي الحقيقي من 1يناير 2019 قبل الثورة دي يا هو ده
https://up.top4top.net/
اي حاجة غير كده زبد وحتما سيذهب جفاء وانا عايز اقيم الحجة علي اهل السياسة في البورد وفي السودان لانهم عبر العصور لا يحترمون البرنامج السودانية لذلك ادمنو الفشل ومستمرين فيه لحدي الللية نوفمبر 2019 انا مباري رؤية والثورة رؤية ومشروع سياسي(vision and process ) واضح ومسار والناس مبارية فلان وعلان وده ذاتو داير علاج لا يجب ان يدار السودان بالمحاصصة ومن المركز هذا هو رائي تلغي الولايات ال17 دي فورا ترجع الاقليم طوالي ونعمل انتخابات اقليمية بالشروط المشروحة في 10000 بوست هنا (كيف تكون الانتخابات في الاقاليم ونواعها والطريقة والفيش والتشبيه )
11-17-2019, 04:02 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: الخ، هل مدينة الأبيّض تقع في غرب السودان أم لا؟
الابيض في غرب السودان بتاع 1يناير 1956 نعم وفي اقليم كردفان في الغرب وعندها مشكلة موية لحدي الليلة الا ينفذ مشروع وادي المقدم وهي بعيدة جدا من بورتسودان وملكال ...الانسب كوستي واتحدي ان تطرح الروى الواضحة بالقدما هنا في الاعلام والي استفتاء شعبي ده زمن الشعوب تقرر وليس الساسة العاصمة هي رمز وطني لكل السودانيين والسؤال ليك انت هل الخرطوم تصلح عاصمة للسودانيين ؟؟ ما تنسي الكشة وجلدو فيها 40000 جنوبية فضحتهم لبنة حسين واهانت كل ابناء الهامش عبر العصور وموثق وعندي مجموعة قصصية كاملة عن معاناة ابناء الهامش في الخرطوم (قطار الشمال الاخير )) بعدين خياري لكوستي لاني احترم تاريخي جدا وعارف في مدلسين من الاقليات المشوهة في المركز التي تخدم الرؤية الدونية لمصر حيال كل ما هو سوداني من حضارة كوش الي المهدي مثلث كوستي = الجزيرة ابا= ربك ...ده البرجع هوية السودان والسودانيين الدينية علي الاقل والمهدية وحزب الامة ليس الصادق المهدي اطلاقا عشان نبعد الالتباس الصادق المهدي عالة علي المهدية وحزب الامة من 1964 ولحدي الليلة والمهدية الثالثة ليس شخص لانها تحرر من شنو المهدية الثالثة رؤية لن تموت وافضل مشروع سياسي في السودان لانه مشروع فدرالي حقيقي يوزع السلطة والثروة تمام التمام وينهي الدولة المركزية القذرة التي علقنا فيها بعد الاستقلال بالانقلابات المدعومة من المخابرات المصرية والدولية وتنظيم الاخوان المسلمين الدولي 1958 و1969 و1989 و2019 الان دي كلها انقلابات وليس ثورات اطلاقا https://up.top4top.net/
الثورة المهدية الثالثة نلنزم فقط بي رؤية د جون قرنق2005-2010 مهدي الجنوب وشرحت شكل السودان كيف اعلاه وبالمصطلحات سياسية واضحة نضع الدولة السودانية في اطارها الصحيح بتجازو تجربة الانقاذ كلها ونرجع لي ما قبل 30يونيو 1989 بي يوم وباسس جديدة مشروحة كويس اجرائيا واخلاقيا ضع السودان في اطاره السوداني الصحيح وانت غير مسؤال من خيارات الناس الدينية والسياسية والانتخابية ....
11-18-2019, 11:31 PM
Shinteer Shinteer
تاريخ التسجيل: 09-04-2002
مجموع المشاركات: 2525
Quote: الابيض في غرب السودان بتاع 1يناير 1956 نعم وفي اقليم كردفان في الغرب
كنت محتاج فقط لردك المقتبس أعلاه، وباقي كلامك والله ما قريتو ... لأنه خارج مرمى السؤال والإجابة.
صراحةً، ما فهمت إجابتك. كيف يعني الأبيض تقع في غرب السودان بتاع 1 يناير 1956؟. طيب، وقبل التاريخ دا كانت وين؟ ما أعلمه أن الأبيض ونحن أطفال ابتدائية رأيناها على الخريطة تتوسط السودان في سُرّته ... وأنا نشأت في عهد نميري ... وأيدناك وبايعناك. إجابتك منافية للواقع الجغرافي على الخريطة التي درسناها. كيف تقول إن الأبيض في تقع في غرب السودان بتاع 1956؟
كل السودانيين (وانت منهم يا عادل وأبناء الأبيض أنفسهم) يقولون إن الأبيض في غرب السودان .... لأن المخزون في ذاكرتهم هو أن دارفور ليست جزءاً من السودان؛ ببساطة ما عايزة أي تفكير.
عشان أؤكد ليك إننا جايطين حتى في جغرافيتنا ... سمينا الجنوب بعد انفصاله جمهورية "جنوب السودان" ولا ألوم الجنوبيين في هذا التسمية العربية لدولتهم ... نحن من أطلق عليها هذا الاسم. وهم رسمياً كاتبين اسمها "South Sudan". لو جبت أي زول بيعرف أبجديات اللغة الإنقليزية وعندو حس أدبي سياسي ... مستحيل يقول South Sudan بتعني بالعربي جمهورية "جنوب السودان". إذا كانت دي بقت جمهورية جنوب السودان ... وين جنوب السودان المتبقي؟ أين تقع ربك؟ أين تقع الدمازين؟. بعبقريتنا حرمنا سوداننا المتبقي من أي اتجاه اسمو جنوب. لا يمكنك أن تقول وقع حادث حركة في بلْدة المِقينِص الواقعة في جنوب السودان!!! وهي في الشمال. صراحة نحن ناس هبتلّي ساكت. دولتنا القائمة الآن ورئيس وزرائها حمدوك ما عندها جنوب، هل تصدق؟ لأنك لو قلت مدينة قيسان التي تقع في جنوب السودان ... دا حيكون اعتراف صريح يسمح لدولة "جنوب السودان" بضمها إليه، وسوف أؤيد سلفاكير في ذلك. أمة دايشة منذ زمنٍ سحيق.
أقدّر اجتهاداتك جد يا عادل ... لكن أنا بتمهني الحاجات الصغيرة ... التفاصيل المهملة دي ... التي تجعل الصادق المهدي يتكلم عن السندكالية وحوار الأديان، في الخرطوم، وهو على بعد شبر من خرا أو بعر غنماية أو خرا كلب؛ وتخلّي مهابيل السلفية الوهابية يتكلموا في السودان عن الجنة والشريعة والجهاد (نحن مالنا). لو ما ختيتوا الكورة في الواطاة ... حتقعدوا تلفوا لحد ما يأكلكم الغول المصري أو الأثيوبي ... والله يستر من الغول الأرتري.
نرجع لحكاية جمهورية جنوب السودان. جنوب السودان هو Southern Sudan ... والسودان الجنوبي هو South Sudan. ياخي لازمانا بداية من الصفر، وبدون شطحات موروثة من المهدي ولا الكيزان ولا محمود محمد طه (دي شخصيات شاطحة حقيقةً). الدقة حتى في الأسماء والتوقيت وكل شيء دليل عافية ودليل على مخ شغال ومختلف في تفكيرو. ونحن كسلانين حقيقة، ومن كسلنا ما شفنا كوريا الشمالية اسمها شنو ولا كوريا الجنوبية اسمها شنو ولا ألمانيا الشرقية كان اسمها شنو ... ولا حتى بفلاحتنا المغطسانا دي ما عرفنا نسمي الدولة الانفصلت عننا باسم جمهورية "السودان الجنوبي".
ما كنت أراه واقتنعت به أننا نعاني مشكلة عويصة في طريقة تفكيرنا وفي ملكاتنا الإبداعية ... حتى في أسماء الأشياء وفي الجغرافيا. مش كفاية يا عادل إنك تقول لي إن الأبيض في غرب السودان؟ هل نحن نتكلم عن جغرافيا طبيعية أم عن مزاجات إقليمية؟
11-19-2019, 04:09 AM
adil amin adil amin
تاريخ التسجيل: 08-01-2002
مجموع المشاركات: 37098
عاين للعلمين في البروفايل طال ما ما قادر تقرا 10ىسطور الفرق بين العلمين ده مشكلة السودان بعد الاستقلال ونوع وطبيعة الدوليتين انا ما مهندس مساحة وما عايز اعكس كورنر عشان العاصمة تكون في نص البلد بي الظبط الفصل الجنوب وصدع دارفور وماشي لحدي هسة لتفكيك السودان وعي مازوم لاقليات مشوهة في الرمركز ومشروحة في 10000 بوست بالوثائق والمختصر المفيد انت ما ياتو علم ؟؟؟
11-19-2019, 04:15 AM
adil amin adil amin
تاريخ التسجيل: 08-01-2002
مجموع المشاركات: 37098
لحدي 1يناير 2020 عايز علم الاستقلال الاصلي في كل بيوت السودان ويختفي علم مايو ده نهائي وياريت اهلنا في الجزيرة ابا وكوستي وربك يبدو حملة علم الاستقلال والترويج لكوستي عاصمة السودان الجديد https://up.top4top.net/
كوستي عاصمة السودان النظيفة الجديدة
11-20-2019, 10:45 PM
Shinteer Shinteer
تاريخ التسجيل: 09-04-2002
مجموع المشاركات: 2525
ما فهمت من ردك شيء يا عادل. والعَلَم بالنسبة لي قطعة قماش يختارها الناس بعد تحديد ما يرديون من جغرافيا. انت هسع ما أفدتني في جغرافيا السودان ولا شيء. أنا ما عندي مشكلة يكون علم بلادي خِرقة مقطّعة أياً كان لونها. العلم يا عزيزي عادل تتويج لغاية وصل إليها أصحاب العلم، وعلى كيفهم يختاروا التصاوير العايزينها. إذا كان انت بتقول لي الأبيض في غرب السودان ... فأين تقع الجنينة؟ فعلاً في حاجة غلط في راسنا دا. الخلاصة إني ما فهمت منك حاجة. أنا بهتم بالتفاصيل ... تفاصيل الدولة والمعيشة والشوارع والأبجديات التي لم يجعل الله لأهل السودان من نصيبٍ فيها حتى الآن. وكلامك دا دليل على أننا شعب هائم ومعظمنا يقدس ما لا معنى له في عالم اليوم. الدول العاقلة تُبنى bottom-up ... تُبنى من مواطنها البسيط، والدول المتسلطة تُبنى عكس ذلك. ونحن لا في ديك ولا في دي. طاشين وما عارفين حتى جغرافية بلدنا.
عوسوا عوسكم إلى أن تبتلعكم دول الجوار النابهة: مصر والأحباش وأرتريا.
با زول ودعتك الله ... وأتركك مع مشروعك.
11-21-2019, 04:17 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: ما فهمت من ردك شيء يا عادل. والعَلَم بالنسبة لي قطعة قماش يختارها الناس بعد تحديد ما يرديون من جغرافيا. انت هسع ما أفدتني في جغرافيا السودان ولا شيء. أنا ما عندي مشكلة يكون علم بلادي خِرقة مقطّعة أياً كان لونها. العلم يا عزيزي عادل تتويج لغاية وصل إليها أصحاب العلم، وعلى كيفهم يختاروا التصاوير العايزينها. إذا كان انت بتقول لي الأبيض في غرب السودان ... فأين تقع الجنينة؟ فعلاً في حاجة غلط في راسنا دا. الخلاصة إني ما فهمت منك حاجة. أنا بهتم بالتفاصيل ... تفاصيل الدولة والمعيشة والشوارع والأبجديات التي لم يجعل الله لأهل السودان من نصيبٍ فيها حتى الآن. وكلامك دا دليل على أننا شعب هائم ومعظمنا يقدس ما لا معنى له في عالم اليوم. الدول العاقلة تُبنى bottom-up ... تُبنى من مواطنها البسيط، والدول المتسلطة تُبنى عكس ذلك. ونحن لا في ديك ولا في دي. طاشين وما عارفين حتى جغرافية بلدنا.
عوسوا عوسكم إلى أن تبتلعكم دول الجوار النابهة: مصر والأحباش وأرتريا.
با زول ودعتك الله ... وأتركك مع مشروعك.
العلم هوية ووعي ومهم جدا في ثورة الوعي البصيرة في 1يناير 2020 عشان انا ربطو بي وعي والصورة في البروفايل واضح وانت كان احسن تفهم مشروع الحزب الجمهوري اسس دستور السودان 1955 والحركة الشعبية 2005-2010 قبل تفهم كلامي ومحمود محمد طه وجون قرنق اعظم مفكرين سودانيين في القرن20 بدل تباري مشاريع الصرف الصحي المصرية والعربية وتقعد تولول علي السودان التحول الديمقراطي وعي ورؤية ومسار وليس فلان وعلان وانا في البورد بقدم رؤية موثقة وانتو مبارين الاصنام ودا وسواعا ويغوثا ويعوقا ونسرا البضبع السودان في الخارج مصر والسعودية والامارات وقطر وتركيا ومن راهم امريكا والبنك الدولي وفي الداخل الاخوان المسلمين والسلفيين والشيوعيين والبعثيين والناصريين ودي اخر صورة بالرنين المغنطيسي للسودان رجل افريقيا المعاق https://up.top4top.net/
11-21-2019, 04:21 AM
adil amin adil amin
تاريخ التسجيل: 08-01-2002
مجموع المشاركات: 37098
ودي الصورة الحقيقية للسودان الصحي النظيف المحترم الكانت 1يناير1956 قبل الانقلابات ومشاريع الصرف الصحي والوسائل التعلمية دي للناس الما عايزة تسمع التسجيلات ولا عايزة تقرا المقالات https://up.top4top.net/
السودان ضيعو ناس مثلث الحمدي والاستعراب المشين والمريض بسبب الخرطوم والاقليات المشوهة الفيها ديل ونقل العاصمة كوستي بنظف السودان ويضخ الدم في اقاليمه ستة من جديد بما في ذلك جنوب السودان والسياسة علم والفهم اقسام كلام يا عوض دكام
11-21-2019, 05:36 AM
توفيق عيسى مكي توفيق عيسى مكي
تاريخ التسجيل: 01-26-2010
مجموع المشاركات: 5883
متابع بشغف النقاش المفيد طرف السوط هبش حتة متبنيها في مسألة تكدس الخرطوم وانتقال كل السودان للسكن فيها ولكن احب ان اضيف لك عزيزي شانتير في امر الابيض انها من خلال الخريطة ليست تقع في منتصف السودان فحسب بل في مركز افريقيا ككل لهذا كان اهتمام العالم بها وقد سكنها الاجانب لهذا خصوصا الاوربيين واليهود والنصارى الذين انشأوا فيها اجمل كنيسة في افريقيا طبعا اخوي الحبيب عادل انت عارف رأئي في نقل العاصمة لدنقلا شنو .. ولكن ... طالما كانت نفس الفكرة ادعم توجههك المهم الفكرة نفسها ...
11-21-2019, 06:13 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: طبعا اخوي الحبيب عادل انت عارف رأئي في نقل العاصمة لدنقلا شنو ..
حياك الله يا توفيق العاصمة دنقلا ممكن تكون عاصمة الاقليم الشمالي وننسي الولايات دي نهائي وحاكم الاقليم ينتخب طوالي ولا يعيين في ورقة واحدة من نائب برلمان الاقليم وكده بتكون الديمقراطية رجعت في الاقليم الشمالي وتعال رشح نفسك حاكم اقليم انا ما عندي مشكلة ابدا مع الانتخابات في السودان وبي شروطي المعلنة والواضحة في البورد انا ليس صاحب مشروع مشبوه واجنبي او من اهل النرجسية التي اعيت من يداويها في السودان في المركز 1- انتخابات تمثيل نسبي قوة المقعد 60000 شخص في كل اقاليم السودان بنكون قطعنا 90% من مشروع تفريغ العاصمة في هذه المرحلة وايضا بؤمن بالمشورة والشعبية والاستفتاء ل اي قرار يتخذه شخص في لي حكومة في السودان ما يفرض ابدا علي الناس ركز علي ديل بس في هذه المرحلة 1- المحكمة الدستورية اصلاحها 2- الغاء والاويات واعادة الاقاليم بقرار جمهوري او استفتاء 3- مراجعة قانون الجنسية بعد 30 يونيو 1989 ومراجعة الوثائق كلها واعتماد كل الوثائق قبل 30 يونيو 1989 لكل سودانيين الخارج حتي لو جوازات منتهية 4- فضائيات اقليمية واذاعات اقليمية حرة
11-21-2019, 09:17 PM
Shinteer Shinteer
تاريخ التسجيل: 09-04-2002
مجموع المشاركات: 2525
Quote: اضيف لك عزيزي شانتير في امر الابيض انها من خلال الخريطة ليست تقع في منتصف السودان فحسب بل في مركز افريقيا ككل
كلامك دا صحيح في أغلبه لكن ما يهمني هو موقع الأبيض في السودان .... أما موقعها في أفريقيا فلا يهمني. أخوي عادل دا مقتنع بأنها في غرب السودان وأهلها ذاتهم مقتنعين بأنهم من غرب السودان (دي دوشة راس ما عندها علاج)!!!!! إذن نحن في بلاد ما عندها اتجاهات جغرافية حتى. أنا شايف عادل قاعد يجهل كلامي دا، مع إنه إنسان يفترض أن يكون صاحب عقلية علمية تطبيقية (خريج علوم على ما اعتقد)، يعني شغل اللفحي دا ما مفروض يكون من ناسو؛ لأنه كلام أجدر به أن يُترَك للـ mediocre(s) ... وغيرهم من اللحستية.
الدولة ليست عَلَم يا عادل، العلم لا يعني شيء قبل الدولة. والسودان لم يكن دولة وليس دولة حتى الآن. إما أن يُبنى من جديد بعقول ما عندها ارتباط عاطفي فج بالغابرين ... وإما يُترَك للفلاسفة السودانيين المطششين ديل حتى تأكله أثيوبيا وإريتريا و"مصر"؛ مصر بالمناسبة أخف قدراً من الأحباش وأريتريا .... أخد مني الكلام دا.
خلاصة الأمر وقناعتي التي لا تتزحزح هي أننا عندنا مشكلة في راسنا .... We have a serious mindset problem ... والحل يبدأ من بيوتنا وحيشاننا الزبالة دي وواجهات بيوتنا المكلفة ومليانة بعر غنم لا مؤاخذة. المعركة تبدأ من الفرد. والفرد السوداني راح ليه الدرب من أول يوم من الاستقلال. وما زلنا لا نعتني حتى بأبسط أشيائنا، خليني من حكاية عبود ونميري والكيزان.
فتّكم بعافية.
11-22-2019, 04:34 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: الدولة ليست عَلَم يا عادل، العلم لا يعني شيء قبل الدولة. والسودان لم يكن دولة وليس دولة حتى الآن. إما أن يُبنى من جديد بعقول ما عندها ارتباط عاطفي فج بالغابرين ... وإما يُترَك للفلاسفة السودانيين المطششين ديل حتى تأكله أثيوبيا وإريتريا و"مصر"؛ مصر بالمناسبة أخف قدراً من الأحباش وأريتريا .... أخد مني الكلام دا.
https://up.top4top.net/ العلم وعي والسودان دولة وحضارة ما تقول لي العلم دلقان ...انا العلم عندي وعي لو كان دلقان مع كان غيرو ناس مايو اذناب المخابرات المصرية وشوهو السودان لحدي الليلة والدمر السودان بعد الاستقلال 1956 هي المشاريع والوافدة والانقلابات ايضا وجهل النخبة المتغطرسة المصرة تقعد تحت جذم المصريين وشريحة السوداني الحر يا ها دي فيها 6 ايقونات ((سودانية ))) https://up.top4top.net/
11-22-2019, 04:47 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: كلامك دا صحيح في أغلبه لكن ما يهمني هو موقع الأبيض في السودان
نحن نقتنع ان الخرطوم لا تصلح عاصمة للسودان في المستقبل للسودان الجديد في مرحلة ما بعد المشاريع المصرية دي اول حاجة ثانيا الابيض وقاعدة وين دي الما مهمة الابيض عندها مشكلة موية لا تصلح عاصمة للسودان لو هدفك تعملا عاصمة ووريناك تؤهلا كيف (تمشي لي بوست سد النهضة الفاتحو هنا ونشوف مشاريع المياه المقترحة في السودان الجديد كوستي ما عندها اي مشكلة من اي نوع واضافة القيمة الروحية المفقودة في السودان الان المتمثلة في الجزيرة ابا معقل الثورات السودانية الحقيقية الطلعت الاتراك 1885 والانجليز 1956 وربك مدينة صناعية خمس نجوم ان فقهو وكوستي اقرب لي ملكال وجنوب السودان ((السكة الحديد الجديدة المقترحة تجعل كوستي انسب عاصمة المشكلة في دماغ ديل بس في السودان الاخوان المسلمين السفيين الشيوعيين البعثيين الناصريين ما في سوداني واحد عنده مشكلة وعارف بجيب ناسو كيف وسجلو 18 مليون في انتخابات 2010 الاساءة للشعب السوداني افلاس منك يا شنتير ما بهم بيت الجالوص او غابات الاسمنت المهم اخلاق الناس في البلد وده راي الامريكيين في السودان زمن افريقيا دي كلها مظلمة https://up.top4top.net/
ركز علي تساول المحاضرة الصوتية هل تصلح الخرطوم عاصمة للسودانيين ؟ واذا ما تصلح اين انسب مكان لعاصمة جديدة نظيفة مفيدة للسودان والسودانيين
عشان نقول نحن من ديسمبر 2018 وفي ديمسبر بعثنا من جديد ما عندكم رؤية اتبعو رؤية جون قرنق ومحمود محمد طه وعلم الاستقلال وجيل الاستفلال الذهبي وعلم الاستفلال وناخذ مسار جديدونمشي بالاستكية في كل الانقلابات وافرازتها فى السودان وخلو الهذيان غير المفيد
12-17-2019, 04:21 AM
adil amin adil amin
تاريخ التسجيل: 08-01-2002
مجموع المشاركات: 37098
ولازالت قضايا السودان الجوهرية تدار بسذاجة في البورد وعايزين يعالجو سرطان الدولة المركزية الفاسدة والفاشلة والفاشية بالمسكنات وسمعنا في بوست مجارو ( عدد زواره رقم فلكي اكثر من 100000 زائر )من اخونا حبيب صدام حسين العزيز نادر الفضلي بمصطلح سكان الخرطوم الاصليين
Quote: وأصاحب الحق المتضررون هم سكان العاصمة (الأصليون) ولا تحتاج لتعريف
من هم سكان العاصمة الاصليون ديل ؟؟ الصنعو الدولة المركزية الفاسدة والفاشلية ولفاشية وحكمو السودان بالانقلابات المشبوهة 1958 و1969 و1989 و2019 وخدمة للمخابارت المصرية والاقليمية والدولية ولحدي هسة وبي مشاريع وافدة وليس بالانتخابات ونشرو الابادة في الاقاليم ونهب الموارد وسببو لنزوح ده كلو مه العلم السودان ده تركيبتو الاجتماعية قبائل تشكل 95% من المكون الاجتماعي في السودان وكل قبيلة عندها اسم ومكان في الاقاليم وفي المركز ال5% القاعدين في العاصمة ديل منو؟؟ يا نادر الفضلي ؟؟ هل حدثت جرائم مشينة في زمن الانجليز ومؤتمر الخريجين وسودانيين وست منستر 1938-1956 ؟؟؟ من اين اتي هؤلاء ؟؟
12-17-2019, 04:26 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: ونشرو الابادة في الاقاليم ونهب الموارد وسببو لنزوح ده كلو
السؤال العايز اجابة لماذا نزح الناس من الاقاليم الستة الي الخرطوم بصورة وبائية وخرجو من السودان ايضا في سنوات الانقاذ العجاف وزمن كل الانقلابات الوسخة من الاستقلال والتهجير ايضا زمن عبود للحلفاويين ؟؟ الاجابة السياسية واضحة بسبب غياب الفدرالية الحقيقية والتوزيع العادل للسلطة والثروة وايضا تصدير المركز للقتلة والموت الرخيص ومشاريع الابادة ونهب الموارد المستمر حتي الان هل المركز بمن فيه من ادوات رخيصة واقليات بمثل السودان اوالشعب السوداني وحتي الان مشارف 1يناير 2020 ام بمثل ادوات فقط للخارج ؟؟ https://up.top4top.net/
01-06-2020, 03:29 AM
adil amin adil amin
تاريخ التسجيل: 08-01-2002
مجموع المشاركات: 37098
لو الانجليز قبل يطفو النور ويمشو 1956 نقلو العاصمة كوستي ووصلو السكة الحديد لي ملكال ثم جوبا ونمولي ما كان الصاغ صلاح سالم المتهتك ورجل المخابرات المصري البغيض لقى ليه اقليات مشوهة ومنبتة صنع منهم خلايا الانقلابية لتمرير مشاريع الصرف الصحي المصرية للسودان وتدميره عبر 64 سنة من الانقلابات الرخيصة 1958 و1969 و1989 و2019 https://top4top.io/
قال عنهم الشاعر الراحل صلاح احمد ابراهيم عن الخرطوم عاصمة الكعوك*...
تقول لي مثقفو الخرطوم كالصحراء لا تنبت فيها بذرة اخطات في التشبيه للصحراء في المساء روعة وبهرة وكانت الصحراء في ماضي الزمان شاعرا ذا قلم وقدرة لكنه استكان للخمول وللذبول واذل شعره فرط في خياله وما الخيال للصحرا ء الا الخضرة مثقفو الخرطوم قهوة ونومة وسهرة وسكرة تفحمني حلمك با هذا لقد اشبهتهم انت وهم في هجرة (ديوان بوق العاج منشورات دبي الثقافية )
وهسة نعصلج من 2019 عشان نحول الانقلاب ده ثورة ما قادرين لحدي الليلة يناير 2020 المناظر هي ذاتا والصور نفس المشاهد والعقد نفس العقد والناس هم الناس وفي ارزل العمر مرحلة زمن نعمره ننكسه في الخلق وفي عوالم ق ح ت المدهشة ذهبت السكرة ولم تاتي الفكرة لان السفيه من يسفه افكار ورويى الاخرين يظل سقيه طول عمره بنص القران ويجلس مع السفهاء من هم علي شاكته ويظن ان اي حاجة خارج وعيه مجرد هراء حتي وان كانت افكار عظيمة ذى بتاعة الاستاذ محمود والدكتور جون قرنق ونحن في عصر العلم والمعلومات
كوستي هي عاصمة المهدية والسودان الجديد ((الجديدة )) ما فيها ناس مشوهين عشان تسرح بيهم المخابرات الاقليمية والدولية غير كوستاوي ((العجيب))) رامي مدينتو ومباري كعوك المركز ذى بريمة العجيب رامي قبيلتو ومباري كعوك المركز ذى معاوية المدير العجيب رامي مدينتو ومباري كعوك المركز جماعة صدام حسين وعبدالناصر وسيداو ومدنايوو والبنك الدولي وعربان الخليج ومصر ام الدنيا رغم ان الدنيا عملت فحص دي ان اي لقت مصر ما امها لا يمكن تصنع وعي تراكمي في البورد ده ابدا عشان تبني لي قدام ويجي واحد يكرر نفس الافكار الانت اقترحتها في البورد من 2006 والله المشكلة ابدا ما في الافكار والمشاريع البنطرحا هنا المشكلة في دماغ الناس ديل ومن 1يناير 1956 لحدي الليلة هسة البسوت ده زاروه 2000 شخص زول كده مخو شغال مافي يترجم الافكار دي وقع عملي الليلة قبل بكره في السودان مافي ؟؟ قبل يروح الجمل بما حمل قريب جدا جدا والامارات ومصر والسعودية وقطر وتركيا دايرو علي حل شعرها في السودان وبي المكشوف والناس الممشوهة في البورد والسودان ما عايزين الجنوبيين ولا دولة جنوب السودان وهم مجرد اقليات لا يمثلون اكثر من 5% من المكون الاجتماعي والقبلي الكبير في السودان 95% العايزين نصنع منهم اغلبية واعية تقدم هي الحلول لي حمدوك وحمديتي مش تننظر مصر والخليج تفاقم اوضاع السودان ذى سوريا واليمن وليبيا عبر المشورة الشعبية في كل السودان
01-06-2020, 04:23 AM
adil amin adil amin
تاريخ التسجيل: 08-01-2002
مجموع المشاركات: 37098
مشاريع السودان الجديد الاستراتيجية لجعل كوستي عاصمة السودان والتحية ل محمد جمال
Quote: كلام راقي وواعي جدا يا محمد جمال الدين ...اعادة جنوب السودان عبر تكامل حضاري فكري ثقافي سياسي اقتصادي اجتماعي نفسي هو ديدين كل سوداني حر وعشان ادعم مشروعك ده
https://top4top.io/
التراهات لا تصنع وطن من رحيل مارشال السودان=السيد عبدالرحمن المهدي الاسطورة الذى نقل الانصار المقاتلين الاشاوس من هزيمة كرري 1898 الي مزارعين ومشاريع جبارة في مشروع الجزيرة والاعاشة في النيل الابيض من معقل الانصار الجزيرة ابا ثم جاء ام درمان قاد مسيرة الاستقلال النظيف بحزب الامة النظيف الذى افسده الصادق المهدي من 1964 وحتي الان,,في متاهته 2020 لم تاتي نهضة حقيقية مع ضجيج الانقلابات والايدولجيات المصرية والخواء المزخرف عبر كل الانقلابات الوسخة غير فترة اديس ابابا ودستور 1973 الحكم الاقليمي للامركزي لا كان فيها الامام ولا الترابي الشرير ولا مخلفات مايو الاولي الشيوعيين والبعثيين و الناصريين كانو تكنو قراط اصلي وليس اعجاز نخل خاوية واعجاز نخل منقعر من نوع much cry little wool بتاعين هسة البروفسرات اكثر من المزارعين في السودان ولا حياء لمن تنادي
01-06-2020, 04:34 AM
adil amin adil amin
تاريخ التسجيل: 08-01-2002
مجموع المشاركات: 37098
النفط مقابل الغذاء واحياء ايضا النقل النهري بين كوستي وجوبا وكوستي ميناء نهري قائم علي النقل النهري بس في بواخر جديدة وسريعة وبصات نهرية ايضا سياحية ويا اهلنا المزراعين في مشاريع الاعاشة في النيل الابيض واحدي الجبلين الصين والهند واليابان نقدم تكنولجيا جديدة طلمبات مياه بي الطاقة الشمسية ما محتاجين كهرباء من السدود ولي من البترول وتراهات البنك الدولي وسفن سسترس وده نموذج بسيط السقي بالطاقة الشمسية يقلل تكلفة الانتاج الزراعي ولازم تستورد الدولة هذه المعدات مش الراسمالية الطيفلية عشان تجدو الاجود وزارة الزراعة هي التي يجب ان تستورد معادات الطاقة وعبر البنك الزراعي السوداني ذى زمان وكل زول يزرع في ارضو بالطاقة الشمسية الجديدة مهما صغر حجمها ما يؤكل اولا القمح والذرة 70% المكملات الاخري البقوليات 20% والخضر البستنة برتقال ا و ليمون 10% لتغطية الاقاليم او الولاية الحالية https://top4top.io/
ده اسمو مشروع الغراب النبيه في عوالم جقود المدهشة لمن كان له قلب او القي السمع وهو الشهيد
02-02-2020, 05:05 AM
adil amin adil amin
تاريخ التسجيل: 08-01-2002
مجموع المشاركات: 37098
قالو الخرطوم وسخانة وقعدو يظفو فيها الخرطوم عيانة سياسات الدولة المركزية الفسادة والفاشلة والفاشية واشعال الحروب في الاقاليم ونهب الموارد عبر كل الانقلابات بعد الاستقلال جابت كل ناس الاقاليم وكدستهم في الخرطوم حاصل فارغ والفدرلية والحكم الاقليمي اللامركزي باسس ديمقراطيةو هي حل ترجع الاقاليم ويحمها ابناءه بالانتخابات فقط الخرطوم دي بتفضي تماما ونحن في زمن الموارد المحروسة بوعي اهلها من قبائل الهامش والمؤسسات الدستورية والقضائية والاعلامية تصدير الذهب والمواشي والجنود ده رجس من عمل اقليات المركز المشوهة فقط لا يعبر عن السودان والسودانيين اعادة الاقاليم والغاء والولايات 18 ونقل العاصمة كوستي هذه ثورة الوعي البصيرة http://www.m9c.net/ نهب موارد المنطقة لازم نزح من العرب اول حاجة ونرجع لحدود 1يناير 1956 ونطلع من متاهة شعب اسود وبي علم الاستقلال 1956 وليس مايو 1969 والقوميين العرب ناس ساطع والسنهوري وصديق يوسف
02-06-2020, 10:26 AM
adil amin adil amin
تاريخ التسجيل: 08-01-2002
مجموع المشاركات: 37098
تحياتي عادل وضيوفه كنت بقول طوالي وكتير حقو العاصمة دي تتحول من الخرطوم لاي مدينة اخري ماخطر بذهني مدينة محددة لكن فكرت في كلامك كوستي ما باجة كما تم ذكره اعلاه كوستي تقع علي ضفاف النيل الابيض . تخطيطها قبل امتدادات الحكم البائد كان زي المسطرة . توزيع البيوت بشكل منتظم . الشوارع داخل المدينة تمتد مستقيمة ومتوازية علي مد البصر الباحات والفسحات والمباني الحكومية والاسواق موضوعة بشكل يكاد يكون مركز المدينة وسهولة الدخول والخروج منها لازال في الامكان توسعها غربا وشمالا مما يعطي الفرصة لقيام مباني حكومية بشكل ارقي اما عن طبع اهلها فأعتز انها المدينة التي لا تعرف عنصرية
02-06-2020, 03:15 PM
adil amin adil amin
تاريخ التسجيل: 08-01-2002
مجموع المشاركات: 37098
Quote: تحياتي عادل وضيوفه كنت بقول طوالي وكتير حقو العاصمة دي تتحول من الخرطوم لاي مدينة اخري ماخطر بذهني مدينة محددة لكن فكرت في كلامك كوستي ما باجة كما تم ذكره اعلاه كوستي تقع علي ضفاف النيل الابيض . تخطيطها قبل امتدادات الحكم البائد كان زي المسطرة . توزيع البيوت بشكل منتظم . الشوارع داخل المدينة تمتد مستقيمة ومتوازية علي مد البصر الباحات والفسحات والمباني الحكومية والاسواق موضوعة بشكل يكاد يكون مركز المدينة وسهولة الدخول والخروج منها لازال في الامكان توسعها غربا وشمالا مما يعطي الفرصة لقيام مباني حكومية بشكل ارقي اما عن طبع اهلها فأعتز انها المدينة التي لا تعرف عنصرية
حياك الله يا عبدالحفيظ وكمان اديناهم مشروع قوي جدا فوق ربط الجنوب بي السودان من جديد بالسكة الحديد مروروا بي كوستي وده الصين بتعملو في سنة بس والسودان بلد مريح وليس وعر اطلاقا وايضا القيمة الروحية للمدينة عالية جدا معقل الثورة المهدية الاولي والثانية كوستي =الجزيرة ابا = ربك لكن قبل ده كلو ترجع الاقاليم الخمسة ابسس ديمقراطية انتخاباات حاكم اقليم وبرلمان اقليم وتقيف المحاصصة دي لحدي هنا بس عشان ترجع الناس اقاليما تفضي الخرطوم دي كمان وترجع لي حجمها الطبيعي بتاع 1956 وتكون عاصمة تارخية سياحية بس
02-06-2020, 05:42 PM
نادر الفضلى نادر الفضلى
تاريخ التسجيل: 09-19-2006
مجموع المشاركات: 7022
موقع كوستى يصلح عاصمه فقط إذا رجع جنوب السودان لسودان الميل مربع
بغير ذلك لا يصلح الموقع .. ما مكن تخت ليك عاصمة لمبة فى خشم دكان قرب الحدود مع دولة آخرى حتى لو ترتبط بعلاقات أزلية، فالظروف غير معروفة والسياسة والمصالح لعينة وقد تتضارب .. العاصمة ستكون فى خطر كبير
أويد تحويل العاصمة من الخرطوم وليت ذلك حدث منذ عقود .. كانت الخرطوم سلمت من التشويه والتوسع البنيانى (ولا أقول العمرانى)، والسكانى ففقدت رونقها وجمالها .. وحالياً يعانى سكانها من أزمات عديدة وستتضاعف مستقبلاً.
ماذا عن مدنى أوعطبرة أو مروى أو دنقلا عاصمة؟
أفضل إختيار موقع إستراتيجى سواء بناء عاصمة من العدم أو موقع لمدينة صغيرة أو قرية .. بس إستراتيجى، وبفهم العاصمة تكون رسمية وصغيرة. والخرطوم ومدن أخرى تكون عواصم تجارية وإقتصادية، وختى عةاصم الأقاليم الستة تختار مدن صفيره فى الظل، والمدن الكبيرة ستكون التجارية والإقتصادية.
02-07-2020, 04:16 AM
adil amin adil amin
تاريخ التسجيل: 08-01-2002
مجموع المشاركات: 37098
Quote: غير ذلك لا يصلح الموقع .. ما مكن تخت ليك عاصمة لمبة فى خشم دكان قرب الحدود مع دولة آخرى حتى لو ترتبط بعلاقات أزلية، فالظروف غير معروفة والسياسة والمصالح لعينة وقد تتضارب .العاصمة ستكون فى خطر كبير.
فرقك شنو من الطيب مصطفي وناس مثلث الحمدي يا نادر الفضلي الخطر والتشوه والبلاوي كلها جات من مصر والشمال عمرهم الجنوبيين ديل ما كانو مصدر خطر او اساءو لينا في السودان وهم سودانيين من الاساس وبترهم مشروع العروبيين وهرولة الازهري لي جا معة الدول العربية والخطر الان 2020 بتجيبو الدول دي بس \ مصر السعودية الامارات وقطر وتركيا ومن وراهم امريكا واسرائيل والبنك الدولي وفي الداخل بعاعيت مايو 1969 وايتام الترابي 1989 والتطبيع الحضاري والفكري والثقافي والسياسي والاجتماعي مع دولة جنوب السودان هوالحل 1- الحريات الاربعة والجنسية المزدوحة لدولة جنوب السودان والخطر يجلبه الازرقية والمرتزقة واقليات المركز المشوهة وليس الاقاليم التعيسة في السودان المنهوبة ومازومة وانت عندك نظرة دونية للجنوبيين في اللاوعي بتاعك اجسن تزح من السياسة لحدي تحترم الجنوبيين ودولة جنوب السودان والله الجنوبيين ديل ما ابدلهم باي حاجة في العالم وكل زول عاجبو الصاري وكوستي عاصمة السودان النظيف المحترم لو جا الصادق المهدي انجعص في الجزيرة ابا ودور الراتب واحيا ذكرى السيد عبدالرحمن المهدي وعلم الاستقلال قبل 24 مارس 2020 عشان نتحرر من الملاريا الخبيثة الاسما الشيوعيين والبعثيين والناصريين والكيزان والسلفيين والاقيات المشوهة في المركز القديم
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
adil amin
الطيب عباس
جمال ود القوز
محمد جمال الدين
Shinteer
Asim Ali
توفيق عيسى مكي
عبدالحفيظ ابوسن
نادر الفضلى
فيس بوك
تويتر
انستقرام
يوتيوب
بنتيريست