|
Re: بيان جيّد تأخّر كثيرا للمؤتمر السوداني... (Re: محمد البشرى الخضر)
|
تأخّر البيان في موضوع ترشيح الدقير لرئاسة الوزارة, وترك الفرصة لتعكير ماء قحت و الصيد فيه!! اتخذه الكثيرون كعب أخيل للنيل من وحدة قحت ومن نداء السودان و من حرب المؤتمر السوداني ومدى جديثتها والتزامها نحو قضايا الوطن و الجماهير لماذ تأخر البيان أو على الأقل توضح هذه النقطة
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: محمد البشرى الخضر)
|
Quote: تصاعدت مؤخراً قضية ترشيح رئيس الحزب عمر الدقير لموقع رئيس وزراء الحكومة الإنتقالية، هذا الترشيح جاء نتيجة لثقة غالية أولتنا لها قطاعات عديدة من الشعب السوداني. |
او ربما تأخر حسم الخلاف داخل الحزب حول ترشيح الدقير او عدمه او ربما تأخرت قراءة الحزب لرأي الشارع في محاولتهم سرقة الثورة وتجنيبها لمصلحتهم. ترشيح عمر الدقير لموقع رئيس الوزراء لم تجيء به قطاعات من خارج الحزب بل هو إقتراح أنشأه ودعمه أعضاء من داخل حزب المؤتمر السوداني. في ندوة بيرمنجهام بعنوان قراءات في مسار الثورة االتي أقامها الحزيب مساء الأحد 21 يوليو 2019 كتب معتصم الحارث الذي غطى الندوة أن الدكتور مهدي محمد خير القيادي في حزب المؤتمر السوداني
Quote: دكتور مهدي محمد خير، فقد أشار إلى المقارنات التي تجري حاليا في الشارع السوداني فيما يتعلق باختيار المناصب الوزارية، وأعرب عن إيمانه بأن التكنوقراط أقل مقدرة على قيادة المرحلة الحالية مقارنة بالسياسيين المتمرسين الذين لا يمكن اختراقهم، مُضيفا بأن التكنوقراط لا يمكنهم التصدي لحماية الثورة من الثورة المضادة والطابور الخامس الذي يسعى لهدم الثورة ومنجزاتها. |
*
إذا كانت رؤية الحزب أن التكنوقراط لا يمكنهم حماية الثورة، فلماذا لا يدفع الحزب بعضويته للتصدي لقيادة المرحلة وتوليهم للمناصب الوزارية والسيادية؟ على حزب المؤتمر السوداني وبقية قوى الحرية والتغيير تقديم رؤية واضحة حول معايير إختيار رئيس الوزراء وتشكيل حكومته الوزارية ومعايير إختيار اعضاء السيادة والمجلس التشريعي. حتى لا تسمح للشائعات بأن تدمر ثقة الشارع في نوايا وقدرات قوى الحرية والتغيير في تحقيق أهداف الثورة
*تغطية فعالية حزب المؤتمر السوداني: "قراءات في مسار الثورة" في برمنغهام
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Hafiz Bashir)
|
فعلاً بيان متأخر و جيد يا ود البشرى
وبالنسبة لترشيح الدقير لرئاسة الوزراء فقد تم ترشيحه من قبل بعض احزاب نداء السودان كما ورد فى صحيفة سودان تربيون فى حينه :
Quote: Print الصفحة الأساسية | الأخبار الأربعاء 10 تموز (يوليو) 2019
قوى معارضة ترشح الدقير لرئاسة (الانتقالية) وتباين حول معايير الوزراء الخرطوم 10 يوليو 2019- كشفت مصادر موثوقة في تحالف "الحرية والتغيير" عن تباين وسط قوى "نداء السودان" حول معايير الترشح للمناصب التنفيذية خلال المرحلة الانتقالية، وأكدت اقتراح بعض أحزاب النداء تسمية رئيس حزب المؤتمر السوداني عمر الدقير لرئاسة الوزراء.
ويعد "نداء السودان" أحد الأضلع الرئيسية في ائتلاف قوى "الحرية والتغيير" الذي يدير مفاوضات شاقة مع المجلس العسكري بهدف الاتفاق على هيكل الحكم خلال الفترة الانتقالية المحددة بثلاث سنوات.
وأفادت مصادر متطابقة في التحالف "سودان تربيون" الأربعاء أن قوى "نداء السودان" لم تحسم حتى اللحظة تسمية مرشحيها لمجلس الوزراء ورئاسة الوزراء للفترة الانتقالية.
سودان تربيون |
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: علاء سيداحمد)
|
Quote: الخرطوم 10 يوليو 2019- كشفت مصادر موثوقة في تحالف "الحرية والتغيير" عن تباين وسط قوى "نداء السودان" حول معايير الترشح للمناصب التنفيذية خلال المرحلة الانتقالية، وأكدت اقتراح بعض أحزاب النداء تسمية رئيس حزب المؤتمر السوداني عمر الدقير لرئاسة الوزراء. |
يا ربي أحزاب النداء السمت عمر الدقير دي منو؟ وهل حزب المؤتمر السوداني واحد منها ومعاهو منو؟
المهم يا ود البشرى البيان ما تأخر بل تأخر حسم الخلاف في ترشيح عمر الدقير لرئاسة الوزراء.
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Hafiz Bashir)
|
سلامات محمد البشرى
الرأي التحت دا 👇 للقيادي بحزب المؤتمر السوداني مالك ابو الحسن كما سمعته منه في احدى القنوات السودانية قبل كم يوم. يظهر النية كانت موجودة.
ولكن هناك ضغط شعبي كبير ضد هذا الطرح لدرجة أنو بعض الناشطين طلع جدول ليومي 23 و 25 يوليو , حتى لقطع الطريق امام شائعات ان الحركات المسلحة تريد مقاعد في السلطة الانتقالية.
... .. .
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Hafiz Bashir)
|
تحياتي يا حافظ قااااعد انا شايفك
لا يتجادل اثنان في ان التكنوقراط هم اقل كفاءة سياسية عشان كدة سموهوم (تكنوقراط) يعني موظفين اكفاء في مجالاتهم التي ليس ن بينها السياسة والا فليسوا تكنوقراط ... وانت عارف الكلام ده والمرحلة الجاية سياسية ما اقتصادية دي قناعتي امس واليوم وغداً حزب المؤتمر السوداني لو دفع بعمر الدقير مع بقية المرشحين نعلم جيدا انها تضحية يقدمها الحزب ...ويستحقها الشعب السوداني .... فليس هناك حلول ذهبية تنتظره ومستقبل باهر في الفترة الانتقالية بل كل اسباب الفشل متوفرة من مجلس الافك ومن وراءه مما سيكون خصما علي الحزب لا اعرف ولم اعلم بأن الحزب هو من رشح عمر الدقير
ومحاولاتك دي يا حافظ تلفيقات ساي من هنا وهناك الحزب حتي اللحظة لم يرشح والان قطع الشك باليقين ذا كان موضوع افراد انا رشحت عمر الدقير كفرد من الكفاءات ولم ارشح حزب المؤتمر السوداني لتولي المرحلة الانتقالية وهسي ناس الحب قالو زاتو عمر الدقير بما نديكم ليهو ... حزبو اولي بيهم ما دام جابت ليها كلامات
لمهم ده كوز موية بارد -----------
المهم انت مرشحك منو؟ هسي
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Gafar Bashir)
|
موضوع تاخر البيان ذكرني بي واحد من اهلنا شغال ممرض جاء راجل سايق ولدو مفلوق الممرض قال ليهو ليي ما جبتو من بدري
قال ليهو يعني اجيبو ليك قبل ما ينفلق؟ في باقي كلام طبعا حذفتو احتراما
المهم في الموضوع ما لم يتم ترشيح عمر الدقير وتحدث خلافات ليس حول الدقير بل للنيل من الحزب والثورة لم يكن هناك ما يستدعي بيان
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Gafar Bashir)
|
مكرها أخاك لا بطل ! حسنت فعلت قيادة المؤتمر السوداني بسحب فكرة ترشح الدقير لرئاسة الوزراء والاعتراف بنواقص الاتفاق السياسي ! ثانيا لافتة تصنيف كل من رفض الاتفاق السياسي والطريقة التي المتخبطة التي وسمتها والثقوب والسلبيات التي صحبته -بانه يسعي. للتكسب - هذه صفة مضحكة تأتي من باب رمتني بدائها وانسلت ! * تنفرد بعض اطرافً نداء السودان. بتفويض احمد الربيع بالتوقيع علي الاتفاق السياسي وتجاوز القوي الاخري بل تجاوز مبدأ ربط الاتفاق السياسي بالوثيقة الدستورية - والتسرع والارتجال !! ثم الاعتراف too little too late بان هناك نواقص وعدم تنسيق شابه !
وبعد هذا كله يأتيك من يتحدث عن التكسب السياسي ! التكسب السياسي يجسده ما قام به ابراهيم الامين وبعض اطرافً نداء السودان! يعني أما تصمت علي هذا الخطأ والتجاوز او انتقدت ورفضت هذه الهرجلة فأنت تسعي التكسب !
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Gafar Bashir)
|
Quote: المهم في الموضوع ما لم يتم ترشيح عمر الدقير وتحدث خلافات ليس حول الدقير بل للنيل من الحزب والثورة لم يكن هناك ما يستدعي بيان |
ايوة يا جعفر ما اترشح لكن نعمل شنو مع النبحونا الدقير الدقير اترشح فعل ترك دخلين ومارقين عملوا لينا هيديك :) طالما انتشرت الاشاعة بل وصارت موضوعا للنيل ليس من الحزب فقط بل من كل قحت وكل المدنيين و صارت لبانة يلوكها ازلام النظام و ناس عصا قايمة وعصا نايمة وحديث عن تكالب الاحزاب و المحاصصة وغيره كان من اللازم صدور هذا النفي القوي الواضح, مقروء مع حديث السيد الإمام اليوم في نفس الاتجاه الذي ولد ارتياح كبير في النفوس
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: محمد البشرى الخضر)
|
Quote: يظهر النية كانت موجودة. |
اهلا ناصر مالك عايز تبقى لي زي مولانا! هل قرأت بيان أو تصريح صادر عن الحزب بشكل رسمي أو سمعت الدقير يتحدث عن ترشيحه!! الشي الرسمي الوحيد الصدر عن الحزب كان الاعلان عن الالتزام بعد شغل اي منصب تنفيذي في الفترة الانتقالية ثم بيان الليلة دا سيبك من رأي فلان وعلان ديل يمثلوا انفسهم ودي آراؤهم الشخصية لا نستطيع تحميلها للحزب مالم يصدر عنه بشكل رسمي
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: محمد البشرى الخضر)
|
Quote: ياخي يقول ليك واعرب عن إيمانه, الهاء ضمير راجع لمهدي محمد خير - إيمانه الشخصي |
المنبر منبر حزب والمتحدث قيادي في الحزب، وتقول لي عبر عن إيمانه الشخصي؟ إنت قايل رؤية الحزب دي شنو غير مجموع إيمانات شخصية من أعضاء ومتنفذين في الحزب؟
هنالك أكثر من مصدر يشير لمقترح ترشيح عمر الدقير لمنصب رئيس الوزراء الذي طرح داخل مجموعة نداء السودان بيان حزب المؤتمر السوداني لم ينفي هذا الترشيح ولكنه ارجعه لقطاعات عديدة من الشعب أكثر من شاهد أن هنالك أعضاء من حزب المؤتمر السوداني دعموا هذا الترشيح وحاولوا القدح في المرشحين الآخرين.
إعتراضي على ترشيح عمر الدقير ليس بسبب عدم صلاحيته لرئاسة الوزراء ولكن لتعارض ذلك مع كونه رئيس حزب مفاوض ولكونه عضو في الوفد المفاوض وتأثير ترشحه لمنصب وزاري على مجريات التفاوض. مجرد وجود أي ثغرة تفتح الباب أمام المفاوضين لتولي منصب وزاري تقدح في نزاهتهم كمفاوضين. في كل الأحوال هذه الثغرة قد وجدت في وقت من اوقات التفاوض.
Quote: صارت موضوعا للنيل ليس من الحزب فقط بل من كل قحت وكل المدنيين و صارت لبانة يلوكها ازلام النظام و ناس عصا قايمة وعصا نايمة وحديث عن تكالب الاحزاب و المحاصصة وغيره |
هههههههه أحرجت جعفر بشير يا ود البشرى فهو أكتر زول لاك اللبانة دي وعمل لينا هيديق بصلاحية عمر الدقير لمنصب رئيس الوزراء
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Hafiz Bashir)
|
سعيدين بطلتك وحضورك الأنيق في هذا البوست يا جعفر بشير
Quote: المهم انت مرشحك منو؟ هسي |
عمر البشير ظل حاكماً للسودان ل30 عام بدعوى أن الوحيد الصالح للحكم وهكذا كل الدكتاتوريات تقوم على ترويج أن هنالك شخص واااااحد بس صالح للقيام بمهمة الحكم.
أنا مؤمن بأن هنالك خيارات كثيرة جداً صالحة وأن هنالك عدد كبير جداً من الأشخاص الصالحين لرئاسة مجلس الوزراء. وأن نجاح الحكومة القادمة رغم ضعف فرص نجاحها تعتمد على الإصطفاف خلفها بعمل رقابي مؤسسي من الشعب والأحزاب أكثر من كونه معتمد على شخصية رئيس الوزراء وأن عمر الدقير لا يعيبه في أن يترشح لرئاسة الوزراء سواء ازدواجية مصلحته كمفاوض ورئيس حزب مفاوض من ناحية وكونه مرشح لدور وزاري من ناحية أخرى
ما ممكن عمر الدقير يكون داير يشوت الضربة الركنية ويحصلها قدام المرمى بدبل كيك ويحرز منها هدف أي حكم حيصفر بإعتبار إنو دي مخالفة لصالح الخصم.
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Hafiz Bashir)
|
Quote: اهلا ناصر مالك عايز تبقى لي زي مولانا! هل قرأت بيان أو تصريح صادر عن الحزب بشكل رسمي أو سمعت الدقير يتحدث عن ترشيحه!!
|
هههههه اولا انا من اشد من المعجبين بالحزب و بالدقير تعرف لو حصل الامر دا، لفتح الامر لمستهبلي الحركات المسلحة و زي الدقير مفروض الحزب يدخره للفترة الديمقراطية الفترة الانتقالية دي نسبة لمشاكلها و تحدياتها و تضحياتها فهي مقبرة لأي سياسي. يجب أن تنسب الى من لا يخشون مستقبل سياسي بصورة فردية أو منسوبة لحزب. و بالرغم من قناعتي التامة أن منصب رئيس الوزراء تتطلب اولا سياسي ذكي ،قوي الشخصية و بعدين باقي المتطلبات. اخشى من اكاديمي نزيه و شاطر ولكنه ضعيف الشخصية و لا يملك رؤية سياسية لأنو ممكن الثورة تتلعب علدي.
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Gafar Bashir)
|
Quote: والمرحلة الجاية سياسية ما اقتصادية |
محتاجين شرح مفصل للنقطة دي بعدين المعنى العام لمفهوم السياسة الممكن ينتهجو المهني التكنوقراط أفضل بكثير من المعنى الاصطلاحي للسياسة الذي تعنيه والذي تريد أن يفرض أهله أجندهم في نظام الحكم الذي سيمضي بنا السياسيين به للوراء أكثر فأكثر.
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: منتصر عبد الباسط)
|
ما اضاع السودان إلا الساسة الحزبيين والفترة الانتقالية هي الفرصة الوحيدة لفترة حكم يقوم فيه الاختيار على الكفاءة المهنية فقط وبعد نهاية الفترة الانتقالية سيكون الاختيار بصندوق الانتخابات وبحسب البرامج التي ستقنع الناخب وبحسب النتائج على الأرض اردغان بدأ برئيس يلدية وانتهى برئيس دولة لماذا تصر يا أخ جعفر على المحاصصة التي كان ينتهجها الكيزان وهدت حيل البلد؟!! شنو البعرفوا السياسيين في السياسة ويجهله الخبراء في الاقتصاد أو في أي مجال مهني تفوقوا فيه؟!
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: منتصر عبد الباسط)
|
Quote: محتاجين شرح مفصل للنقطة دي |
بسيطة يا منتصر عمر البشير قضي السنتين الاخيرات مفتكر انو المشكلة اقتصادية يمشي السعودية وقطر و تركيا و روسيا وسوريا لانو اغبي من انو يفهم المشكلة كانت سياسية وليست اقتصادية مشكلة سيطرة الجبهة الاسلامية علي كل مفاصل الدولة واسمهو اختصارا القطط السمان اللي هم بالوعة تمتص اي جنيه يدخل للدولة من خلال السيطرة عل مفاصل الدولة
ي اقتصادي تكنوقراط حايكون زي البشير اذا لم يكن هناك سياسيين اقوياء يعملوا علي تفكيك سيطرة الجبهة الاسلامية النتيجة حايسقط اسوأ من البشير علما بانو يواجه ايضا مجلس الافك اللي محيط نفسه بالكيزان من كل اتجاه ده التحدي الجاي وليس قيمة الجنيه السوداني
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Gafar Bashir)
|
Quote: حسنت فعلت قيادة المؤتمر السوداني بسحب فكرة ترشح الدقير لرئاسة الوزراء |
تحياتي كمال عباس قيادة المؤتمر السوداني لم ترشح عمر الدقير لكن حتي لو رشحتو انت مشكلتك شنو معاهو .. انتماؤه الحزبي؟ عمر الدقير اذا بقي مرشح ممكن يستقيل ببساطة من حزب المؤتمر السوداني
وبعدين شنو حاتكون الذريعة؟ وسؤالي لا يزال لمولانا حافظ ولك
من هو مرشحك؟
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: Gafar Bashir)
|
عمر الدقير كحزبي. لو جاء عبر انتخابات حرة ونزيهة مرحب غير كدة لا ،، +* سبق أعلنت جملة من الأحزاب عدم ترشيح قيادتها. للجهاز التنفيذي لاعتبارات هامة ومن هنا اري ترشيح الدقير يخل بهذا! عمر الدقير صرح وبشكل موثق قبل كدة بانو قوي الحربة. والتغيير قبل بمخرجات لجنة الوساطة السودانية واتضح عدم صحة خذا ! وعبر مندوبهم في نداء السودان تجاوز حزب المؤتمر السوداني. الإطار التحالف وقاموا بتفويض احمد الربيع ليوقع علي الاتفاق السياسي متجاوزين مقررات قوي الحرية رةوالتغيير ! عمر الدقير لم يثبت او لم يتهم بفساد مالي ولكن لهً اخوة فاسدين وشركاء في فساد الإنقاذ وبالتالي وضعه سيكون صعبا. في خيار المحاسبة. والحسم الثوري ! ** ليست مهمتي او حافظ اختيار رئيس وزراء ولكن سنعبر عن رأينا في العناصر المرشحة ايجابا او سلبا !
| |
|
|
|
|
|
|
Re: بيان جيّد تأخّر كثيرا للمؤتمر السوداني... (Re: كمال عباس)
|
Quote: عمر البشير قضي السنتين الاخيرات مفتكر انو المشكلة اقتصادية يمشي السعودية وقطر و تركيا و روسيا وسوريا |
وهل المشكلة الاقتصادية بتتحل بالاعانات الخارجية أصلا؟! هذا نظر قاصر جدا للمسألة سوى للبشير أو غيره حل مشكلة الاقتصاد تحل بإعادة صياغة التعليم العام قبل الجامعي بحيث يكون تعليم فعال كما فعلت ماليزيا ومن سبقها وكذلك عمل وزارات متكاملة يخدم بعضها بعضا ثم الكيزان قصدوا يفقروا السودان أو بالأصح الشعب السوداني من أجل الاستمرار في الحكم لولا ذلك ما استمروا في الحكم فلو سعوا في بناء اقتصاد السودان لما استمروا في الحكم ولا ربع تلك المدة. والبشير البتقول عليهو دا ما كان يملك سلطة أصلا والكيزان فكوها بشكل شبه عمدي وخلو البشير في آخر شهور يباصر براهو وهسع يراهنون على غباؤنا ولا زال الوضع مقلق والكيزان لا زالوا يعملون ويلعبون وأنا لو ما واثق في نفسي ممكن أشك إني كوز فالكيزان لا زالوا بيننا يكتبون ويهتفون ويطبلون ويفتنون ويمكرون ولو الواحد إتأكد إنك ما بتعرفو ممكن يقول ليك إنا لينين أو ماركس شخصيا واتهمك بإنك كوز ومندس! شفت الكيزان شفوت كيف؟!. .
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|