|
Re: حمدوك هذا رجل كارثة ابعدوه عنا صاحب الجنس� (Re: Ali Alkanzi)
|
كلامي ما عجبكم مشا اجيب لينا قروش رجع قالينا الامريكان عايزين مننا قروش
------------------------------------- والله يا الكنزى قصتك قصة ؟ يعنى انت عايز حمدوك يطضب على الشعب السودانى ؟ نعم اسر ضحايا اجرام نظام الكيزان الذى تحن له عايزين قروش من حكومة البشير المجرمة نتيحة لافعالا الارهابية ؟ نعم هى 11 مليار دولار والكلام دا مامن الليلة ولا بكرة ! انا لو فى مكان حمدوك ما بخلى قرش لى اسلامى او انتهازى كان عندو علاقة بنظام الاخوان المسلمين حمدوك يسعى جاهدا لحلحلة مشاكل عويصة كان السبب فيها النظام الاسلامى الذى تحن اليه حاليا ! قت لى قالوا عايزين مننا قروش وعملت اضان الحامل طرشا لمن كان السبب ؟؟؟ ياخى خليك يوم واحد كدا صادق فى ما تكتب والا دى توجيهات حزبية بنشر الاحباط ؟ شوف يا الكنزى ,الشعب السودانى دا لو الرغيفة بقت بى مليون ,تانى ما بحن لى العوقة عمر البشير وجماعتو !
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: مرتضي عبد الجليل)
|
اقتصاد الكعوك
يركز علي الديمقراطية والتحول الديمقراطي ويرد الامر للشعب ان شاء الله نختار خجيجة ام كحل التحول الديمقراطي صعب في السودان ولي كلاب الحر ديل الشيوعيين والبعثيين والناصريين انقلاب 1969 والكيزان والسلفيين انقلاب 1989 مصرين يقعدو في راسنا بي مشاريع الصرف الصحي ودمبلاب المصرية في راسنا لان الشعب ما بنتخبهم امريكا اذا تحول السودان عبر انتخابات ثلاثية اقليمية ثم مركزية ثم راسية مشرحة مليون مرة هنا في زمن وجيز ما عندها سالفة معنا وهي تاكل من الغنم القاصية ذى الدول العربية المشوهة مصر والسعودية والامارات وقطر وتركيا ونحن عالقين معاهم في حرب اليمن حاصل فارغ مسؤلية الحكومة الانتقالية تصولنا الانتخابات والشعب يولي من يصلح مع طشت والمحكمة الدستورية عشان شماعة الشعب بختار الكيزان دي يفكونا منها ما نختار ايتام الرتبي نختار الشيوعيين ولبعثيين والنارصيين ليه ؟؟ تفرض علينا الدولة المركزية بالمحاصصة ليه نحن ناس الاقاليم وتنهب مواردنا عبرها ليه https://up.top4top.net/
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: adil amin)
|
وهسة وزير النفط ده بلحق امات طه وتروح عائدات النفط المهولة دي علي السودان ومنشورة في الانبدتنت قبل صحيفة المدينة
مش كان يحرك النائب العام ورا ال64 مليار دولار دي اولا بعدين وزير النفط بتاع القاذافي قنل واغرق في نهر في النمسا واحتفت 12 مليار دولار من اموال الشعب اللييبي في بنوك اروربا https://up.top4top.net/ رجرجة حمدوك الحولو ديل مش بلدا بس ...بل سئين ايضا ومودين السودان جحر ضب خرب وواضح
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: Hassan Makkawi)
|
ان اعتراف حمدوك او تلويحه بالتعويضات تصرف لا يليق برئيس دولة وغير مسؤول . وامريكا لم تكن راغبة في التحلص بشكل تام من البشير وقوش قد قدم خدمات ضخمة لامريكا . وكما قال كيسنجر انهم كانوا سيعطون السادات كل شئ اذا سألهم قبل سفره لتل ابيب ، الا انه اعطى ثم طالب بالثمن والانسان لا يدفع لما قد اعطى اليه . لماذا يعطب حمدود ومن الذي خوله ؟ ان المبلغ هو 12 مليار دولار ونحن في عرض 5 مليار لكي ينعافى اقتصادنا . لا تعطي قبل ان تستلم . ليبيا سلمت المقراحي المتهم بتفجير طائرة لوكربي ودفع القذافي 12 بليون ثم دفع ودفع وخيرا وجدوه في مصرف ماء المطر . لماذا لم تطالب امريكا السعودية بتعويضات 11 سبتمب الرابط https://sudaneseonline.com/board/7/msg/1575938449.html
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: Ali Alkanzi)
|
Quote: ان اعتراف حمدوك او تلويحه بالتعويضات تصرف لا يليق برئيس دولة وغير مسؤول
|
كضاب وابن ستين كضاب يا علي الكنزي..!
حمدوك ليس رئيس دولة..ولو ما عارف رئيس الدولة ده منو دي تبقى محنة يا على الكنزي..!
والرجل ، حمدوك ، لم يلوح بتعويض أي قرد كان..!!
الكلام ده جبتو من وين يا علي الكنزي؟
يعني نشرح ليك منو رئيس دولة الفترة الإنتقالية وانت شيخ تجاوزت شنو كده ما عارف..!
الكضب فوق كم يا علي الكنزي ، ولا عشان قعدت مع علي كرتي..فاكر روحك خلاص بقيت من الصحابة الميامين؟..ياخي الصحابة في ذات نفسهم نحنا عندنا فيهم رأي لو كان اتباعهم كضابين من شاكلتك يا علي الكنزي..!!
بيينك بين القبر شبرين..الكضب فوق كم يا عمك..!!
تشرح ولا نجي نشرح ليك..!
انتا كضاب ومنافق يا علي الكنزي..!..فشنو ما تتبلى على حمدوك اوانطة
محمد النور كبر..ولو داير اجيب ليك اسم حلتنا وشيخي وناظري ..ذاتهم..ممكن اجيب ليك..
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: Ali Alkanzi)
|
من هنا احي الاخ المهندس بكري ابوبكر لانه يتيح الفرصة لبعض ذو القلوب السوداء ان تنشر ما بداخلها ويعلم الناس كيف يخطئ المرة مرة وثانية وثالثة ثم يعتذر اولا يعتذر ولكن يتدرب على حسن المخاطبة والادب خاصة إذا علمنا كلنا اننا نجهل جهلا تاما العضو الاسفيري وعيب علينا ان نرمه بسوء الكلمة وبذأتها وانا خارج في مشوار وعند عودتي سارد على كل متداخل واسال الله العلي العظيم ان يزيل الحقد والحسد من قلوبنا واذكر الناس الذين صمتوا ولم يقولوا بغم عند دفن جثامين الشهداء باعتبارهم مجهولين أن هؤلاء الشهداء ماتوا من اجل الحرية والحرية ان تقول رأيك دون ترويع او تخويف او ارهاب لفظي وليس بالضرور ان يكون هو الرأي الاصوب وشاه وجه كل من سبني ووصفني بالكذب
فما جعل لي قول الحق من صديق
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: Hassan Farah)
|
والله يا حسن حجيته حجا لكن مافي فايدة المشكلة انه الأحكام البطلقها ساي دي تنافي المنطق والعقل بديت أشك في إنتماء الرجل والله التعرض لمرمى النيران بالتشكيك في قناعات الناس مع جلد تخين زي دا ما بسووها الا الكيزان وزمن البورد كان مليان جداد وناس هسه كنت هناك ومافي شئ غايتو نحيا ونشوف
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: عمر أبوعاقلة)
|
Quote: قد اعطى اليه . لماذا يعطب حمدود ومن الذي خوله ؟ ان المبلغ هو 12 مليار دولار ونحن في عرض 5 مليار لكي ينعافى اقتصادنا . لا تعطي قبل ان تستلم |
يعطي شنو ويستلم شنو يا كنزي ؟ شنو العلاقة بين كامب ديفيد وزيارة حمدوك ؟ بعدين ما وريتنا ننفك من امريكا دي كيف ، انت راجل عندك خبرة دبلوماسية ما شوية وصحفي وما شا الله عليك .. اطرح حلول خلينا نشوف العجاجة دي قايمة فوق كم
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: Ali Alkanzi)
|
عرفتُ المدعو كبر من خلال المنبر وتقيم زملاء وزميلات المنبر له إنه من الطبقة المستنيرة ودون أن ارفعة او اسقطه دعونا نقرأ مفردات المستنير كبر وهو يكتب من كندا يا حلات كندا والله لكندا دي غنية للبنات بحرفو كلمة كندا ليوحو للسامع أنو ليك انا دا وإلى كلام المدعو كبر ورده رفيع اللغة والمفردة فكل إناء بما فيه ينضحُ اهو دا قول المستنير بالاحمر الغامق
كضاب وابن ستين كضاب يا علي الكنزي..! حمدوك ليس رئيس دولة..ولو ما عارف رئيس الدولة ده منو دي تبقى محنة يا على الكنزي..! والرجل ، حمدوك ، لم يلوح بتعويض أي قرد كان..!! الكلام ده جبتو من وين يا علي الكنزي؟ يعني نشرح ليك منو رئيس دولة الفترة الإنتقالية وانت شيخ تجاوزت شنو كده ما عارف..! الكضب فوق كم يا علي الكنزي ، ولا عشان قعدت مع علي كرتي..فاكر روحك خلاص بقيت من الصحابة الميامين؟..ياخي الصحابة في ذات نفسهم نحنا عندنا فيهم رأي لو كان اتباعهم كضابين من شاكلتك يا علي الكنزي..!! بيينك بين القبر شبرين..الكضب فوق كم يا عمك..!! تشرح ولا نجي نشرح ليك..! انتا كضاب ومنافق يا علي الكنزي..!..فشنو ما تتبلى على حمدوك اوانطة محمد النور كبر..ولو داير اجيب ليك اسم حلتنا وشيخي وناظري ..ذاتهم..ممكن اجيب ليك..
اولا اطمئنك أنني لن اجاريك في مفرداتك اتباعا لامر الله الذي جاء فيه: (وعباد الرحمن الذين يمشون على الارض هونا واذا خاطبهم الجاهلون قالوا سلاما) ولكن هذا لا يمنعني أن أأتي على كل مفردات ردك لترى إلى اي منقلب انت منقلب: كضاب وابن ستين كضاب يا علي الكنزي..! طيب على الكنزي كضاب ما في ذلك شك، ولكن ما ذنب اباه يحشر هنا ويعد بانه ستين كضاب؟ وهنا اقف عند الأية التي تقول:
ولا تسبوا الذين يدعون من دون الله فيسبوا الله عدوا بغير علم كذلك زينا لكل امة عملهم ثم الى ربهم مرجعهم فينبئهم بما كانوا يعملون يعني بمفهوم هذه الآية انت جبت السب لابيك وانا ممكن اسبه الف مرة ولكن ما ذنبه. ولعلها فرصة اعطيك فيها درسا من خير الخلق كلهم من ادبه ربه فاحسن تاديبه عندما جاءه عكرمة بن ابي جهل في مسجده بالمدينة المنورة ليطلب العفو فقد هدر رسول الله صلى الله عليه وآله وسلم دمه اتدري ما قال رسول الله لمن حوله من الصحابة: قال: يدخل الان عليكم عكرمة بن ابي جهل فلا تسبوا اباه فإن السب لا يبلغ الميت ولكنه يؤذي الحي. فإن سبك لابي باني ابن ستين كذاب لا يبلغه ولكنه أذاني فسأل الله القاهر فوق عبادي ان يقتص لابي ولي منك تلك هي الاولى++ ــــــــــــــــــــــــــــــــــــــــــ اما الثانية قولك: حمدوك ليس رئيس دولة..ولو ما عارف رئيس الدولة ده منو دي تبقى محنة يا على الكنزي..! والرجل ، حمدوك ، لم يلوح بتعويض أي قرد كان..!! الكلام ده جبتو من وين يا علي الكنزي؟ يعني نشرح ليك منو رئيس دولة الفترة الإنتقالية وانت شيخ تجاوزت شنو كده ما عارف..!
يعني انا لمن قلتا حمدوك رئس دولة تفتكر ما كنت فاهم ما الفرق بين رئيس مجلس السيادة ورئيس الوزراء. بالله عليك انا جاهل للدرجة دي؟ يا افتح لي مدرسة في بلاد المهجر التي جعلت امثالك يقفذون دون وعي منه؟ ـــــــــــــــــــــــــــ الثالثة: الكضب فوق كم يا علي الكنزي ، ولا عشان قعدت مع علي كرتي..فاكر روحك خلاص بقيت من الصحابة الميامين؟..ياخي الصحابة في ذات نفسهم نحنا عندنا فيهم رأي لو كان اتباعهم كضابين من شاكلتك يا علي الكنزي..!! أنا لا ارد ولا تعليق لي على هذا التطاول على صحابة رسول الله صلى الله عليه وآله وسلم اسا الصحابة الجاب سيرتهم منو فينا واضح انو قلبك ممتلي بالبقضاء والشحناء حتى على الصحابة الذين زكاهم الله في كثير من الايات القرانية، وبعد ذلك فيقول مثلنا ما يقول فيهم ـــــــــــــــــــــــــــــ الرابعة: يينك بين القبر شبرين..الكضب فوق كم يا عمك..!! تشرح ولا نجي نشرح ليك..! احسن اجيك انا زي ما قلتا ليك في ردي فوق وحظنا لو جينا كندا وعلمتنا حتى كره الصحابة وسب ابي الذي توفي في ٢٧ ديسمبر عام ١٩٦٨ وجاء من يسبه ويسب الصحابة من كندا في ديسمبر عام ٢٠١٩ هنيئا لك بهذا الخلق الرفيع والادب الجم ــــــــــــــــــــ الخامسة:
انتا كضاب ومنافق يا علي الكنزي..!..فشنو ما تتبلى على حمدوك اوانطة أنا منافق لأنني والحمدلله بقيت في سويسرا ٤٠ عاما ولم أطعم اولادي او اهلي في السودان من أموال الكنائيس ودافعي الضرائب وصناديق العون الإنساني وأنا منافق لانو مسجل اسمي بالكامل مع صورة حديثة وهاتفي والايميل واين درست واين عملت كل هذا يبوح به الكذاب المنافق؟ حسب تقيمك والله لو عايز تلفوني وعنوان بيتي بسويسرا على استعداد لتزويدك به ولو اردت ان تعرف علي الكنزي ما عليك إلا الاتصال بأي سوداني في سويسرا واسأله عن علي الكنزي الكذاب المنافق ++++++++ واخيراً تقول: محمد النور كبر..ولو داير اجيب ليك اسم حلتنا وشيخي وناظري ..ذاتهم..ممكن اجيب ليك.. شيخ حلتك وناظرك في كندا ولا كردفان؟ اوعا تتمقلب وترجع السودان زي علي الكنزي الذي عاد مزارعاً في قريته الشوال ولاية النيل الابيض. +++++++++ أين الكذب في مقالي : انا قلتا حمدوك مشى يجيب لينا قروش من امريكا رجع وقال لينا امريكا داير مننا قروش!!! اين الكذب في هذا القول؟ +++++++++++++ عندما خرج رسول الله صلى الله عليه وآله وسلم قال لمن يترصدونه: شاهت الوجوه ان شاء الله درس العصر دا يفيدك شويا اللهم إني مغلوب فانتصر اللهم إني مغلوب فأنتصر اللهم إني مغلوب فأنتصر
| |
|
|
|
|
|
|
Re: حمدوك هذا رجل كارثة ابعدوه عنا صاحب الجنس� (Re: Ali Alkanzi)
|
المدعو كبر بالمناسبة من قال الكلام التحت دا ليس شخصي شوف الرابط واعرف دا منو وصدق وصفي انك منفعل مندفع
Quote: ان اعتراف حمدوك او تلويحه بالتعويضات تصرف لا يليق برئيس دولة وغير مسؤول . وامريكا لم تكن راغبة في التحلص بشكل تام من البشير وقوش قد قدم خدمات ضخمة لامريكا . وكما قال كيسنجر انهم كانوا سيعطون السادات كل شئ اذا سألهم قبل سفره لتل ابيب ، الا انه اعطى ثم طالب بالثمن والانسان لا يدفع لما قد اعطى اليه . لماذا يعطب حمدود ومن الذي خوله ؟ ان المبلغ هو 12 مليار دولار ونحن في عرض 5 مليار لكي ينعافى اقتصادنا . لا تعطي قبل ان تستلم . ليبيا سلمت المقراحي المتهم بتفجير طائرة لوكربي ودفع القذافي 12 بليون ثم دفع ودفع وخيرا وجدوه في مصرف ماء المطر . لماذا لم تطالب امريكا السعودية بتعويضات 11 سبتمب الرابط https://sudaneseonline.com/board/7/msg/1575938449.html[/QUOTE]
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
| |