|
Re: تراجي في التلفزيون القومي تطمئننا على أحو (Re: MOHAMMED ELSHEIKH)
|
تعرف يا عبدالغني كلام تراجي عن تجمع المهنيين مردود عليها ببساطة اي شاب شغال سياسة ضد الإنقاذ بالجد مفروض يكون بيعرف 99٪ من الشباب الفي تجمع المهنيين ديل قيادات طلابية في الجامعة، يعني اي زول كان معارض للكيزان وهو طالب في الجماعة في فترة التسعينات وبعدها بسهولة حيعرف صلابة وطنية وجسارة الشباب القايدين تجمع المهنيين.. معروفين لكل الشرفاء والمناضلين
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالعظيم عثمان)
|
Quote: كلام تراجي عن تجمع المهنيين مردود عليها |
بالله..... رئيس تجمع المهنيين محمد يوسف ده مش كان حركة شعبية صاحب اعلى وارقى مشروع سياسي في السودان علي الاطلاق 2005-2010 اتفاقية نيفاشا ودستور 2005 هسة رجع بقى تجمع مهنيين وركب مكنة الشيوعيين القديمة وق ح ت وعلم مايو 1969 ومثلث الحمدي وشنو تجمع المهنيين النصو اطباء ده ما فيه تجمع قضاة مهنيين بالله شوف خرطة السودان في شعار المدلسين ديل عشان تعرف الضجيج العالي الذى يسموهو ثورة وقارنو بي ثورة قيامة الساحة الخضراء ومحمد يوسف ده من قرية والبشير وياسر عرمان ايضا من الاقليم الاسوط و كلاهما ضر الحركة الشعبية شمال ضرر بالغ والشباب للاسف مبارين ناس وما مبارين رؤية من الاساس https://up.top4top.net/ عليك الله زول كان راسخ في الحركة الشعبية يباري ليه شعار حدو مثلث الحمدي العروبي ذى ده ولا ما السودان بلد هامل تجمع المهنيين بوتيك جديد وواجهة للحزب الشيوعي القديم بس ونخلي اللف والدوران والواضح ما فاضح وكل انتظيمات مصر ونخب المركز كانت عالة علي الجنوب والجنوبيين والان عالة علي الجنوب الجديد ودارفور والشرق والشمال ايضا
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالعظيم عثمان)
|
Quote: عادل امين انت مشكلتك لا فاهم ولا بتسمح لي زول يفهمك تجمع المهنيين ما عنده رئيس لا محمد يوسف ولا الأصم عنده سكرتارية وهم أعضاء هذه السكرتارية ممثلين لاجساهم النقابية (مخك الدمك دا نعمل معاو شنو) |
كشوعيين ولي حركة شعبية ...حتي علي مستوى الرؤية رؤية الحركة الشعبية ×رؤية الحزب الشيوعي وهل ده شعار ق ح ت جاوب عشان انا ما بفهم
| |
|
|
|
|
|
|
Re: تراجي في التلفزيون القومي تطمئننا على أحو (Re: adil amin)
|
يا عادل أمين ياخ ما تبطل عواراتك دي وانت قايل نقدك لليساريين دا بينقص منهم حاجة انت زول واحد ما عندك في البلد دا أكتر من الشبر البتندفن فيه تتكلم بسلطة غريبة وتسمي مجموعات ساهمت في تشكيل وبناء السودان بالوافدين وأصحاب الجنسية اللونها ما عارف شنو وفي نفس الوقت بتقول انت حركة شعبية؟؟؟؟؟ ياسر عرمان البتتكلم عنه دي لو ما عامل أي شيء من أجل السودان ووحدته يكفيه فقط إنه تزوج فتاة من جنوب السودان ولهدف واحد هو تأكيد وحدة القطر انت عملت شنو يتكتب في سجلك الوطني عليك الله خليك في جحرك اليمني دا وبطل حركات الظهور الما جايبة تمنها دي
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
كلامها صح .
مافي سياسي حصيف يمارس السياسة منذ المدرسة ومن أسرة سياسية يتبع جسما غامضا لا يعرف كنهه ..ربما يكون ذراع مخابرات وللا لعبة كيزان وللا أي داهية .. خاصة إننا كناس مدن الأقاليم أشعلنا الثورة وكانت ماشة بزخم عالي ..وكان من الطبيعي أن تنجح وتجتاح القطر كله وتصل العاصمة ..كما وصلت لاحقا .. بعد أن إكتملت أشراطها التاريخية وظروفها الموضوعية ..حتى سقطت في أذرع أخطبوط واجهة أحزاب (البديل شنو ) بتاعة المركز ..
وكلامها صح برضه كونها قالت لا يمثلها تجمع المطوطحين هؤلاء من البداية .. دي حقيقة وأقسم بالله عليها .
ويا أخ عبد العظيم، حقيقي أسمح لي أقول ليك كلامك دا مضحك جدا حد الإستلقاء ههههه فسوري يعني :
Quote: تعرف يا عبدالغني كلام تراجي عن تجمع المهنيين مردود عليها ببساطة اي شاب شغال سياسة ضد الإنقاذ بالجد مفروض يكون بيعرف 99٪ من الشباب الفي تجمع المهنيين ديل قيادات طلابية في الجامعة، يعني اي زول كان معارض للكيزان وهو طالب في الجماعة في فترة التسعينات وبعدها بسهولة حيعرف صلابة وطنية وجسارة الشباب القايدين تجمع المهنيين.. معروفين لكل الشرفاء والمناضلين |
هههههههه طالما هم بالمواصفات دي فأكيد بيكونوا معروفين حتى بالنسبة للكيزان والأمنجية مش (للشرفاء والمناضلين ) فقط .. ومن ثم، والله ضحكتني في منطقك العجيب دا جنس ضحك لسببين ..بل دعنا نقول لعدة أسباب: أولا : تراجي لم تدرس الجامعة في الخرطوم ..درست في الإسكندرية ودي معلومة معروفة لناس البورد دا من زمااان ولما جات تدرس في الخرطوم في منتصف التسعينات درست قانون في جامعة النيلين .. (يعني ما الخرطوم خلي بالك). وكذلك درست دبلوما علوم إجتماعية في معهد الدراسات الإضافية لجامعة الخرطوم ولكن لم تنل الشهادة لأن كان عندها ملحق في مادة ولم تمتحنها لظروف الزواج والإنجاب ومن ثم السفر لبلد زوجها.
وبصراحة نحنا القرينا بره السودان ديل لما نجي نحضر في جامعة الخرطوم معظم الوقت بنكون مشغولين بالدراسة وليس السياسة.. نسبة لملاحظتنا وجود لوبيات سياسية جوه الجامعة لا تسمح لنا باختراقها بسهولة . إضافة إلى زمن دراساتنا العليا المحدود والذي لا يتعدى سنوات قلائل ..لا تجعلك ملما بكثير من تفاصيل التفاصيل. وذاته بصراحة شديدة التجربة السياسية في جامعة الخرطوم لم تكن جذابة كالخارج ..وكان يشوبها الكثير من العيوب ( في تقديري الخاص) . مع إني طردت من داخلية الدراسات العليا في البركس بسببها ..أي بسبب سياستكم البايخة دي ذاتها هههه
ثانيا : المهنيين في البداية كانوا غامضين ومجهولين تماما لمعظم الشعب السوداني ..حتى بعد تنحي بشة عن المشهد لم يظهروا..وهذا كان أمرا مريبا جدا ..فلم يظهر غير الأصم في ظهوره الخاطف ومن ثم إعتقاله. يعني ما تراجي براها الما كانت عارفاهم ..بل معظم الشعب بما فيهم أنا . فكيف نعرفهم وهم أرادوا أن يكونوا مجهولين ؟ نمشي لبلة الغايب يعني ..وللا نرمي الودع يعني 👻
وعندما جاء وقت الإعلام والكاميرات والأضواء ظهروا ..وليتهم لم يظهروا ههههه طلعوا ياهم ذاتهم ناس فلان وعلان البيض ديلك ..و(قسس) غايتو ..😹
على قول واحدة من غمار الشعب الغلبان أوي..علقت على أول ظهور لهم وكان في ميدان القيادة وقالت بكل براءة : بالله إنتو طلعتوا ناس زينا ههههه
المهم . ثالثا : (مشاهير) المهنيين ديل معظمهم أطباء ..فمفترض أصلا ما نكون نعرفهم ونحنا جايات طالبات عابرات وعندنا غرد معين .. فالبودينا كلية الطب نضهب هناك شنو ؟ وحتى لو جو في مركز الجامعة ما شرط نعرفهم ..ونحنا كدراسات عليا محرومين من التصويت أصلا في الانتخابات.
رابعا: بصراحة شخصيا ما عرفت من مناضلينكم الأشاوس ديل غير أمجد فريد ..لأنه كان عضو معانا في البورد دا مش ؟! وكمان عنده وطليقته قصص عائلية كانت متداولة برضه في السايبر . وعادي غايتو بالنسبة لي فأنا زولة ليبرال وكدا..وكلنا مرينا بمشاكل ودرامات زوجية ...رغم إني فوجئت بتصدره للمشهد ..بصراحة!! أما الباقين فما بعرف منهم غير ساطع الحاج كان صديق لتراجي زمان ..ومتذكرة كان عنده نكتة عنصرية كدا بيحب يرددها هو وأخوهو ويضحكوا ضحك بتاع هبالة عديل..والعبارة هي ( راكوبة في عز الخريف ..وكان بيقولوها كلما يشوفوا بت سوداء ..ما عارفة ليه!!) ..علشان كدا لما دخل مجال السياسة إستغربت..لكن لما عرفته ناصري ما إستغربت كتير ..
أما خالد سلك ومدني عباس مدني فديل يخربني ..ما سمعت بيهم إلا مؤخرا . خالد سلك أيام المناظرة الشهيرة بتاعة المؤتمر السوداني .
يللا باقي كوادر المحركة والتحيير الأكبر سنا من سلك ومدني ..بعضهم بنعرفهم معرفة صداقة وبعضهم قرابة ونسب .. وبعضهم مشاهير طبعا يعرفهم معظم السودانيين .
ولكن تجمع المطوطحين عموما معظم الشعب لا يعرف منه غير أربعة أو خمسة شخوص منهم أو بالكتير ستة منهم ظهروا للعيان ..هذا غير مريم الماسورة طبعا .
نسيت أقول مولانا إسماعيل التاج دا مش برضه كان معانا هنا؟
.....
عموما شكرا لإتاحة هذه الونسة وإستعادة الذكريات ..يا سلاااام كانت أيام والله .. والزمن داك كمان كنت مجكسة وعايشة قصة حب لطيفة 💘💝💗💕💔💟💞
| |
|
|
|
|
|
|
Re: تراجي في التلفزيون القومي تطمئننا على أحو (Re: AMNA MUKHTAR)
|
يا آمنة خليني اشرح ليك وأكسب فيك ثواب زي صاحبك عادل امين
الشباب القايدين الثورة ديل شباب لمتهم الجامعات خلال فترة التسعينات وكانوا جزء من قيادة تحالف طلابي إنتظم أغلب الجامعات السودانية بإسم " تحالف القوى الوطنية الديمقراطية" التحالف دا ركع الكيزان ومرغ انفهم بتراب الجامعات السودانية نقطة الضعف وقتها كانت الأحزاب وشغلها الثوري في الشارع عشان كدا اغلبهم اذا لم يكن كلهم بيتعارفوا معرفة نضال مشترك الشباب ديل وقت مرقوا الشارع بعد التخرج إتشتتوا جوة احزابهم منهم من إنشق عن حزبه ومنهم من إنضم الي مجموعات إصلاحية جوة الأحزاب... وشغالين في الشارع وفي منظمات المجتمع المدني جزء من الشباب ديل كانوا ضمن حركة شبابية إسمها (التغيير الآن) في 2011 خالد سلك يا آمنة مافي معارض ما بعرفه 2002 كان السكرتير المالي لإتحاد طلاب جامعة الخرطوم وقيادي طلابي معارض معروف واحدقيادات حركة التغيير الآن وعضو مؤتمر الطلاب ال مستقلين وهسي الأمين العام للمؤتمر السوداني.. جهلك بي معرفة المعلومات دي لا يسأل عنها خالد سلك... المهم نفس الشباب ديل مع شباب آخرين عملوا تجمع المهنيين في 2013 كجسم نقابي مطلبي لتأسيس نقابات حقيقة
. . . عشان كدا اي زول كان شغال معارضة صحي صحي مستحيل خلال فترة التسعينات ما يكون لاقي الشباب ديل (مع الإعتبار لإختلاف الأجيال)
| |
|
|
|
|
|
|
Re: تراجي في التلفزيون القومي تطمئننا على أحو (Re: AMNA MUKHTAR)
|
ان تنتقد قوي الحرية والتغيير وحتي تجمع المهنيين فهذا حق مشروع ولكن ان تهاجمها لمصلحة النظام ولاجندة معادية للثورة السودانية فهذه كارثة ان تسمح لاعداء. الثورة ان يستخدموك كاداة لضرب القوي الثورية فهذا امر غير مهضوم ! ان تفتح لك المتصات الإعلامية وتحظر علي غيرك فهذا غير مفهوم ! التوم هجو نموذجا !
عموما قوي الحرية والتغيير علي علاتها -اتمتع بقدر من الثقة والمصداقية لدي شعبنا والدليل انها حينما تدعو لمظاهرات شاملة ! امس
يثور بركان الشرق في بورتسودان وكسلا وحلفا الجديدة والقضارف إلخ وينفجر زلزال الغرب في الفاشر والضعين والدلنج وزالنجي والأبيض ! وتهدر سنار وسنجة والدمازيين ويفوز موج الشمال في دنقلا وكريمة وعطبرة وتهدر الخرطوم قاطبة وتندلع الشرارة في الوسط مدني -رفاعة -واربجي - وتثور مدن الجنوب الجديد في كوستي والدويم ! ويخرج أهل الجنوب القديم مشاركة وتعبير اصيل !
فماذا يعني هذا وماهي دلالاته ؟
| |
|
|
|
|
|
|
Re: تراجي في التلفزيون القومي تطمئننا على أحو (Re: كمال عباس)
|
كتبت آمنة مختار لتؤكد مرة أخرى دفاعها المستميت عن مواقف تراجي ما يلي ونحفظه للتاريخ
Quote: كلامها صح .
مافي سياسي حصيف يمارس السياسة منذ المدرسة ومن أسرة سياسية يتبع جسما غامضا لا يعرف كنهه ..ربما يكون ذراع مخابرات وللا لعبة كيزان وللا أي داهية .. خاصة إننا كناس مدن الأقاليم أشعلنا الثورة وكانت ماشة بزخم عالي ..وكان من الطبيعي أن تنجح وتجتاح القطر كله وتصل العاصمة ..كما وصلت لاحقا .. بعد أن إكتملت أشراطها التاريخية وظروفها الموضوعية ..حتى سقطت في أذرع أخطبوط واجهة أحزاب (البديل شنو ) بتاعة المركز ..
وكلامها صح برضه كونها قالت لا يمثلها تجمع المطوطحين هؤلاء من البداية .. دي حقيقة وأقسم بالله عليها .
ويا أخ عبد العظيم، حقيقي أسمح لي أقول ليك كلامك دا مضحك جدا حد الإستلقاء ههههه فسوري يعني : Quote: تعرف يا عبدالغني كلام تراجي عن تجمع المهنيين مردود عليها ببساطة اي شاب شغال سياسة ضد الإنقاذ بالجد مفروض يكون بيعرف 99٪ من الشباب الفي تجمع المهنيين ديل قيادات طلابية في الجامعة، يعني اي زول كان معارض للكيزان وهو طالب في الجماعة في فترة التسعينات وبعدها بسهولة حيعرف صلابة وطنية وجسارة الشباب القايدين تجمع المهنيين.. معروفين لكل الشرفاء والمناضلين
هههههههه طالما هم بالمواصفات دي فأكيد بيكونوا معروفين حتى بالنسبة للكيزان والأمنجية مش (للشرفاء والمناضلين ) فقط .. ومن ثم، والله ضحكتني في منطقك العجيب دا جنس ضحك لسببين ..بل دعنا نقول لعدة أسباب: أولا : تراجي لم تدرس الجامعة في الخرطوم ..درست في الإسكندرية ودي معلومة معروفة لناس البورد دا من زمااان ولما جات تدرس في الخرطوم في منتصف التسعينات درست قانون في جامعة النيلين .. (يعني ما الخرطوم خلي بالك). وكذلك درست دبلوما علوم إجتماعية في معهد الدراسات الإضافية لجامعة الخرطوم ولكن لم تنل الشهادة لأن كان عندها ملحق في مادة ولم تمتحنها لظروف الزواج والإنجاب ومن ثم السفر لبلد زوجها.
وبصراحة نحنا القرينا بره السودان ديل لما نجي نحضر في جامعة الخرطوم معظم الوقت بنكون مشغولين بالدراسة وليس السياسة.. نسبة لملاحظتنا وجود لوبيات سياسية جوه الجامعة لا تسمح لنا باختراقها بسهولة . إضافة إلى زمن دراساتنا العليا المحدود والذي لا يتعدى سنوات قلائل ..لا تجعلك ملما بكثير من تفاصيل التفاصيل. وذاته بصراحة شديدة التجربة السياسية في جامعة الخرطوم لم تكن جذابة كالخارج ..وكان يشوبها الكثير من العيوب ( في تقديري الخاص) . مع إني طردت من داخلية الدراسات العليا في البركس بسببها ..أي بسبب سياستكم البايخة دي ذاتها هههه
ثانيا : المهنيين في البداية كانوا غامضين ومجهولين تماما لمعظم الشعب السوداني ..حتى بعد تنحي بشة عن المشهد لم يظهروا..وهذا كان أمرا مريبا جدا ..فلم يظهر غير الأصم في ظهوره الخاطف ومن ثم إعتقاله. يعني ما تراجي براها الما كانت عارفاهم ..بل معظم الشعب بما فيهم أنا . فكيف نعرفهم وهم أرادوا أن يكونوا مجهولين ؟ نمشي لبلة الغايب يعني ..وللا نرمي الودع يعني 👻
وعندما جاء وقت الإعلام والكاميرات والأضواء ظهروا ..وليتهم لم يظهروا ههههه طلعوا ياهم ذاتهم ناس فلان وعلان البيض ديلك ..و(قسس) غايتو ..😹
على قول واحدة من غمار الشعب الغلبان أوي..علقت على أول ظهور لهم وكان في ميدان القيادة وقالت بكل براءة : بالله إنتو طلعتوا ناس زينا ههههه
المهم . ثالثا : (مشاهير) المهنيين ديل معظمهم أطباء ..فمفترض أصلا ما نكون نعرفهم ونحنا جايات طالبات عابرات وعندنا غرد معين .. فالبودينا كلية الطب نضهب هناك شنو ؟ وحتى لو جو في مركز الجامعة ما شرط نعرفهم ..ونحنا كدراسات عليا محرومين من التصويت أصلا في الانتخابات.
رابعا: بصراحة شخصيا ما عرفت من مناضلينكم الأشاوس ديل غير أمجد فريد ..لأنه كان عضو معانا في البورد دا مش ؟! وكمان عنده وطليقته قصص عائلية كانت متداولة برضه في السايبر . وعادي غايتو بالنسبة لي فأنا زولة ليبرال وكدا..وكلنا مرينا بمشاكل ودرامات زوجية ...رغم إني فوجئت بتصدره للمشهد ..بصراحة!! أما الباقين فما بعرف منهم غير ساطع الحاج كان صديق لتراجي زمان ..ومتذكرة كان عنده نكتة عنصرية كدا بيحب يرددها هو وأخوهو ويضحكوا ضحك بتاع هبالة عديل..والعبارة هي ( راكوبة في عز الخريف ..وكان بيقولوها كلما يشوفوا بت سوداء ..ما عارفة ليه!!) ..علشان كدا لما دخل مجال السياسة إستغربت..لكن لما عرفته ناصري ما إستغربت كتير ..
أما خالد سلك ومدني عباس مدني فديل يخربني ..ما سمعت بيهم إلا مؤخرا . خالد سلك أيام المناظرة الشهيرة بتاعة المؤتمر السوداني .
يللا باقي كوادر المحركة والتحيير الأكبر سنا من سلك ومدني ..بعضهم بنعرفهم معرفة صداقة وبعضهم قرابة ونسب .. وبعضهم مشاهير طبعا يعرفهم معظم السودانيين .
ولكن تجمع المطوطحين عموما معظم الشعب لا يعرف منه غير أربعة أو خمسة شخوص منهم أو بالكتير ستة منهم ظهروا للعيان ..هذا غير مريم الماسورة طبعا .
نسيت أقول مولانا إسماعيل التاج دا مش برضه كان معانا هنا؟
.....
عموما شكرا لإتاحة هذه الونسة وإستعادة الذكريات ..يا سلاااام كانت أيام والله .. والزمن داك كمان كنت مجكسة وعايشة قصة حب لطيفة 💘💝💗💕💔💟💞 |
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
والله يا عبد العظيم إنت مصر تضحكني الليلة وتكسب فيني ثواب بالضحك ما بالمعلومة ههههههه هسه إنت بتعرف أحمد سردوب ؟ بتعرف آمنة قلوباوي ؟ بتعرف دكتور بلية ؟ أها ديل عندنا في الشرق مناضلين كبار ليهم ضل .. فليه مصر إني لازم أكون أعرف سلك دا يا تخرجني من ملة المعارضة ؟!!
Quote: يا آمنة خليني اشرح ليك وأكسب فيك ثواب زي صاحبك عادل امين
الشباب القايدين الثورة ديل شباب لمتهم الجامعات خلال فترة التسعينات وكانوا جزء من قيادة تحالف طلابي إنتظم أغلب الجامعات السودانية بإسم " تحالف القوى الوطنية الديمقراطية" التحالف دا ركع الكيزان ومرغ انفهم بتراب الجامعات السودانية نقطة الضعف وقتها كانت الأحزاب وشغلها الثوري في الشارع عشان كدا اغلبهم اذا لم يكن كلهم بيتعارفوا معرفة نضال مشترك الشباب ديل وقت مرقوا الشارع بعد التخرج إتشتتوا جوة احزابهم منهم من إنشق عن حزبه ومنهم من إنضم الي مجموعات إصلاحية جوة الأحزاب... وشغالين في الشارع وفي منظمات المجتمع المدني جزء من الشباب ديل كانوا ضمن حركة شبابية إسمها (التغيير الآن) في 2011 خالد سلك يا آمنة مافي معارض ما بعرفه 2002 كان السكرتير المالي لإتحاد طلاب جامعة الخرطوم وقيادي طلابي معارض معروف واحدقيادات حركة التغيير الآن وعضو مؤتمر الطلاب ال مستقلين وهسي الأمين العام للمؤتمر السوداني.. جهلك بي معرفة المعلومات دي لا يسأل عنها خالد سلك... المهم نفس الشباب ديل مع شباب آخرين عملوا تجمع المهنيين في 2013 كجسم نقابي مطلبي لتأسيس نقابات حقيقة
. . . عشان كدا اي زول كان شغال معارضة صحي صحي مستحيل خلال فترة التسعينات ما يكون لاقي الشباب ديل (مع الإعتبار لإختلاف الأجيال)
|
عارف أنا رديت عليك دون الناس ديل ليه ؟ لأنك مصر إصرارا شديدا إنه النضال في السودان دا كلللله ..والمعارضة في السودان دا كلللله .. هي في جامعة الخرطوم فقط ..أو مع شوية رخية منك ممكن تضم جامعات العاصمة فقط !!
أها الجبهة الديمقراطية دي ما كانت في جامعتكم أو جامعات الخرطوم فقط ..بل كلللل الجامعات حول العالم الدرسوا فيها سودانيين .. فكيف ما بعرفا أجي !! بل أسأل منها ترجرج دي بالذااات كلهم كانوا فردها في الإسكندرية.. والساعة اليدعوا ليك فيها تراجي وتلبس الجاكت الأحمررر ( علشان الكيزان طبعا زي التيران بيتلبشوا من اللون الأحمر).. أها تلبس الأحمر وتطلع ركن الجبهة الديمقراطية تهزو هز..وترزو رز هههه ..وهم يصفففففقوا ويهتفوا ..هههه ذكريات !
وصحبتي كمان صديقة عمري لغاية الآن الكنا أنا وهي ساكنين في نفس الأوضة برررضه ديمقراطية..وبالأخص حمرا لمبة لهسه. أما صاحباتنا التانيات الكل واحدة من تنظيم ..مستقلين..بعث ..شنو ما عارفة بس إلا الكوزات ..بيكرهونا كانن ما عارفة ليه ..😹
أما حركة (التغيير الآن) سمعت بيها طبعا . لكن قلت ليك سلك دا ما شفته إلا قريبات دي ...وألفين وإتنين أنا ذاتي كنت عايشة بره السودان .. فواضح إنه عدم مجايلة ومعاصرة فقط.. فلييييه إنت عايز تعملها تهمة مثلا ؟ يعني الما بيعرف سلك البولع وبطفي النور دا ..والقالوا الشيوعيين إنه سافر الإمارات وشكرهم على دعم الثورة ...ههه..يطلع زول ما معارض وأي كلام ؟؛
ياخي طيب إعتبرني كوزة وجدادة مشوية ذاته ..سلك دا مااا بعرفه ..وما إنترستنغ إني أعرفه.. مع ذلك في كم مؤتمر صحفي حسيت إنه شاب ذكي ويرجى منه الكثير .. (دا طبعا لو سفرة الإمارات البيقولوا عليها الجماعة ما طلعت صحيحة ..وإلا حا تبقى مصيبة)..
فلو طلعت صحيحة ..أنصحه أن يصرح بتصريح فيه توضيح كافي لأسباب وملابسات الزيارة والدعوة من الأساس.
وقبل أن أقول وداعا . دعني أهمس في أذنك : عارفة من إنشق من حزبه منه ..ومن إنضم لحزب تاني منو ...وحاجات تانية كتيرة كهوم ويرك بعملوا لي فترة عن من تصدوا لقيادة ثورتنا .. ولا فاكرننا نايمين على وداننا ههههه
| |
|
|
|
|
|
|
Re: تراجي في التلفزيون القومي تطمئننا على أحو (Re: AMNA MUKHTAR)
|
توضيحي الفوق دا يا آمنة عشان تاني ما تباري صاحبتك وإنتي غبيانة قيادات تجمع المهنيين معروفين أول أربعة قيادات وقعت علي إعلان الحرية والتغير برضه معروفين للناس الشغالين معارضة من زمان تحديدا فترة التسعينات.. المشكلة مافي عدم معرفتك بالكلام دا المشكلة في التصريح بأنه القيادات دي مغمورة وغير معروفة دا سبب ردي علي مداخلتك.. وجبت ليك خالد سلك نموذج لأنك ذكرتيه بالاسم
يلا إذا عاوزة باقي السير الذاتية ابشري
قولي :- واحد عزالعرب حمد النيل (صاحب التوقيع رقم 4 في إعلان الحرية والتغيير) كفاك ولا عاوزة زيادة توضيح
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
Quote: عموما قوي الحرية والتغيير علي علاتها -اتمتع بقدر من الثقة والمصداقية لدي شعبنا والدليل انها حينما تدعو لمظاهرات شاملة ! امس
|
صحح معلوماتك يا كمال ..شايفاك فاتح بوست طويل عريض بمعلومة سيتضح خطأها ..
الدعى لمليونية القصر تلتين يونيو شباب مستقلين ودعوا ليها قبل فض الاعتصام بفترة..عبر إيفنت على فيسبوك. ثم تبنتها قوى الحرية والتغيير لاحقا ..رغم الحرج الذي سببته لها هذه الدعوة مع المجلس والوسطاء..وكذلك مظاهرات بورتسودان التي إشتعلت يوم عشرين وكذلك حركات باقي الأقاليم.. ..فلم تجد بدا من المشاركة لأنها لو لم تفعل لتخطاها الشارع .. وعندما إحتج المجلس الانقلابي وأشتاكهم للوسطاء..وعدوه بتشتيت المسيرة وتحويلها إلى بيوت الشهداء.. كي لا يكون هدفها القصر ..وهو الهدف الذي أعلنه الثوار المستقلين منذ أكتر من شهر .
وبالمناسبة يا ناس بره أنصحكم تاخدوا معلوماتكم من الثوار الجوووه ..مش من الوسائط والمنابر.
(المعلومة الأخيرة دي غايتو بتاعة إتفاق قحت مع المجلس على تغيير مسار المليونية ..أخدتها من بوست لأبي ساندرا علي فيسبوك 😓)..
| |
|
|
|
|
|
|
Re: تراجي في التلفزيون القومي تطمئننا على أحو (Re: AMNA MUKHTAR)
|
سلامً أخت آمنة مختارً معلوماتنا نأخذها من قلب الحدث ! من هم المستقلون الذين دعوا لهذه التظاهرات ! الاسماء والبيانات ! والنشر عبر الفضائيات وألنت والتواصل مع الجماهير ؟
وحتي ان كان هناك دعوة كهذه. -فماهو تأثيرها وحدود انتشارها ؟ استجابة الجماهير لدعوات قوي الحرية والتغير وقبله تجمع المهنيين - بدأت ب انتظام من يناير الماضي - يحدد الزمان والمكان والمناسبة ويستجيب الشارع -وقفة -مظاهرة /إضراب واعتصام !!
الدعوة لتظاهرات الامس أعلنت قوي الحرية عبر الفضائيات المختلفة والإذاعات وسائل التواصل الاجتماعي -عبر الوسائل المختلفة. وكانت الاستجابة امتدادا للاستجابات. السابقة ! *د ولكن الأهم عندي هنا هو تقرير هذا العطي : قوي الحربة والتغير وتجمع المهنيين وكما اسلفت عرضة للنقد وكما قلت ان تنتقد قوي الحرية والتغيير وحتي تجمع المهنيين فهذا حق مشروع ولكن ان تهاجمها لمصلحة النظام ولاجندة معادية للثورة السودانية فهذه كارثة ان تسمح لاعداء. الثورة ان يستخدموك كاداة لضرب القوي الثورية فهذا امر غير مهضوم ! ان تفتح لك المتصات الإعلامية وتحظر علي غيرك فهذا غير مفهوم ! التوم هجو نموذجا
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
Quote: المشكلة في التصريح بأنه القيادات دي مغمورة وغير معروفة دا سبب ردي علي مداخلتك.. وجبت ليك خالد سلك نموذج لأنك ذكرتيه بالاسم |
تشكر كتير الزميل عبد العظيم على مجهودك بتعريفي على هذه القيادات المغمورة ..بالنسبة لي طبعا كزولة عايشة في أطراف البلاد.
وما فهمت غرضك من جيبة الزول الوقع دا ..وبرضه مجهول بالنسبة لزولة ما خرطومية زيي . لكن من باب الفائدة والتوثيق جيبهم كلهم . وطبعا بتوقع إنه يكون ضمنهم إسم إسمين كترميز تضليلي ههههه
وحبذا لو حكيتو لينا ما يدور وراء كواليس من تسنموا قيادة الثورة .. من باب الشفافية ..وحتى نطمئن على مآلات ثورتنا.
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
Quote: من هم المستقلون الذين دعوا لهذه التظاهرات ! الاسماء والبيانات ! والنشر عبر الفضائيات وألنت والتواصل مع الجماهير ؟ |
الأخ كمال كل شئ بوقته وكله موثق للتاريخ. هم ما داسين حاجة وكل دعواتهم موجودة على السايبر..وكذلك محفوظة كمرجع. وأنا بس تطوعت أوثق ليهم .
هم فصيل مهني أيضا ..وليسوا على عداء مع التجمع بل بالعكس. ولكن التباطؤ دفعهم لمحاولة إستعادة المبادرة للثورة عبر الدعوة لمليونية بإيفنت على فيسبوك تتوجه للقصر وتعلن حكومتها أمام القصر. ومرشحهم كان الأصم. ولكنه لا أظن وافق. نسيت أسألهم من الجزئية دي .
عموما صاحب مقترح المليونية هو الباشمهندس عبد الله جعفر ميرغني . نجل بروف جعفر ميرغني أستاذ التاريخ واللغات القديمة . ومعه ثلة رائعة من شباب المهنيين .
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
هوي يااا هوان إنت هوي ها .. ما تفتكر علشان بتداخل في بوستك معناتا عاداك نفر مع الناس .. إنت راسمالك هنا بس إنك شبح ينبز الناس في صفحة المقالات بألقاب وهمية لأنك جبان ومرفعين آكل جيف . وياهو راسمالك في البورد دا ..حاتل هنا من زمن حفروا البورد يا كافي البلا ما كتبت ليك بوست غير إستهداف طراجي وبشاشا وآمنة ..ياهو عمارك وعمار قلمك مع الأقلام ...فيا للبؤس وإهدار قيمة القلم ..
Quote: ويا عظمة وهل تدعي آمنة وصاحبتها جهلها بإسماعيل التاج ودكتور أمجد فريد وهم أعضاء في هذا المنبر ويا ما رفدوا مسيرة الكتابة النضالية فيه وكذلك صلاح شعيب إنه الغرض الذي يجعل العين تنكر ضوء الشمس |
أها بالله شوف عقليتك العنصرية العيانة . خاتي أكثر هؤلاء الثلاثة إسهاما بالمقالات والنقد والتحليل صلاح شعيب كأنه كمالة عدد !! وجايب قرايبك وفصيلتك في المقدمة رغم قلة إسهامهم في هذا البورد !!
إنت راسمالك في البورد دا شمشرة وبس وشاغل خانة على الفاضي.
| |
|
|
|
|
|
|
Re: تراجي في التلفزيون القومي تطمئننا على أحو (Re: محمد حيدر المشرف)
|
Quote: هي في جامعة الخرطوم فقط . |
امنة كيف تمام ؟ الاصم خريج كردفان ....... بالنسبة لعبدالله جعفر زي ماقلت ليك اي نعم هو شاطر واول الشهادة بس ماهو اول زول دعى لتلاتين يونيو في كمية من الناس في قروبات الواتساب والفيس كانوا بيدعو للمليونية بفهم احراج المجلس في ذكرى انقلاب يونيو التعيس تجمع المهنيين ما كان مجهول الا لاسباب معروفة للجميع. تحياتي
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
Quote: امنة كيف تمام ؟ الاصم خريج كردفان ....... بالنسبة لعبدالله جعفر زي ماقلت ليك اي نعم هو شاطر واول الشهادة بس ماهو اول زول دعى لتلاتين يونيو في كمية من الناس في قروبات الواتساب والفيس كانوا بيدعو للمليونية بفهم احراج المجلس في ذكرى انقلاب يونيو التعيس تجمع المهنيين ما كان مجهول الا لاسباب معروفة للجميع. تحياتي |
مرحب يوسف طه كيفك.
وشكرا على معلومة الأصم خريج جامعة كردفان الما كنت عارفاها.. رغم النسب البعيد البيجمعنا.. ياريت أخونا عظمة يقرا المعلومة دي ..علشان هو فاكر النضال والجبهة الديمقراطية في جامعة الخرطوم بس..وكمان بيديني محاضرات عنها هههه
وقصة تخفي تجمع المهنيين في البداية تكتيك ما عندي إعتراض عليهو . ولكن هسه مفترض الأمور تكون واضحة بعد دا والشفافية مطلوبة..فالمسألة فيها أرواح وشباب يقابل الرصاص بصدور مفتوحة .. وكذلك من حقنا نعرف كل شئ عمن تصدوا لقيادات ثورتنا الكانت ثمرة لنضال وصبر تلتين عاما عجافا من العذاب الممض.
فالناس كانوا ملاوزين يطلعوا علشان ما يجي فلان وعلان من قيادات الأحزاب يستثمر ويفاوض في دم الشهداء ..كما يحدث الآن للأسف.
وبالمناسبة عبد الله جعفر ما بعرفه شخصيا ..فقط قريت ليهو بعض الحاجات . وأنا حذرة جدددا من تقديس الأفراد أيا كانوا ..ولكن فقط ذكرت الأمر لأن يهمني التوثيق التاريخي.
الدعوات الأخرى ياريت توريني أصحابها وتواريخها وإرسال صور لو أمكن. وزي ما قلت ليك من أجل التوثيق التاريخي . فالحقيقة هي ما تهمني وليس الشخوص والكيانات .
.......
أما للأهبل العبيط القال أبو عبد الله جعفر كوز .. فشنو يعني حتى لو كان كوز ؟ هي الإنتماءات السياسية دي وراثة ! لو كانت وراثة لصرت شيوعية ماركسية مثل والدي وأنصارية مثل والدتي وأهلها وإتحادية ختمية مثل كل أهل والدي.
ثم عيال الكيزان الطلعوا في الثورة دي نرجمهم مع أهلهم يعني ؟ وثم عندك فكرة عن كم أقارب وأهل الكيزان والأمنجية من المعارضين الفي البورد دا بس مثلا !
شخصيا، ما عندي قريب كوز وللا أمنجي والحممممد لله ..علشان ما يجي ناطي لي ملقوف يفتكر نقدي وسخريتي ديل علشان الجماعة ديب قرايبي وكدا...🙀
وبالمناسبة جعفر ميرغني من أميز العلماء في مجاله.. وشخصيا فوجئت بمعلومة إنه كوز ..لأني ما شفت لي كوز بيكون حايم في الجامعة بجلابية بالية وعمة شربانه.. كنت فاكراهو درويش صوفي ..سوبهان الله !!
| |
|
|
|
|
|
|
Re: تراجي في التلفزيون القومي تطمئننا على أحو (Re: عبدالغني محمد الحاج)
|
ود البشرى كيف الدعوة تكون مجرد دعوة لولا تبني التحالف لها ؟ إنت كدا فاقد تماما الثقة في الشارع ..وبتقدس الكيانات والقيادات..!!
الشارع طلع يوم عشرين في بورتسودان وفي عديد من الأقاليم وأحياء العاصمة ..بدون دعوة وعزومة من (التحالف).. لأن الشعب كان غاضب ومجروح بعد مذبحة القيادة ..ولكن (التحالف) فشل فشلا ذريعا في دعوة الشعب للتعبير عن غضبه..لذلك إضطر الشارع للتصرف بنفسه والمبادرة.. الأمر الذي جعلهم يلهثون كي يواكبوا غضبه من جهة...ومن جهة أخرى كانوا يفاوضون حتى لو عبر وسطاء !!
فالشارع لطالما كان سابقا للقيادات ..وبالعكس ..من قولة تيت لهذه الثورة والقيادات تلهث لمجاراة الشعب. وتعجبني بيانات تجمع المهنيين لما يقولوا (إستجابة لمطالب الشعب )..لأنه حتى هم ما ناكرين لهذه الحقيقة. فلذلك وكأنك بتضع الحصان خلف العربة !!
وسؤالي ليك: هل إنت كنت فاقد الأمل في إنه الثورة الإتفجرت في الأقاليم دي وإستمرت فترة قبل تسنم التحالف دا لقيادتها إنها تستمر ؟ يللا أنا عكسك تماااما ..لأني كنت أعتقد ولا زلت أن ظهور إي كيان حزبي يقود الثورة سيبطئ من زخمها ..ويشيل نورتها.. وحذرت من الكلام دا في مقال ..ما عايزة أجيبه هنا علشان ما أبقى ذي خضر عطا المنان 😹😸
مع وعيي لوجود كوادر منظمة بين الثوار ..وأنا ذاتي وناسي منهم.
بعدين ملايين من الشعب الثائر دا كل فرد فيهم خرج ليهو مطالب ..وكذلك كل جهة من جهات البلد خرجت ليها مطالب. ومعظمهم ما خرجوا علشان الكيان الفلاني وللا الحزب الفرتكاني..بل لا يعرفونهم أساسا ولا يأبهون بمعرفتهم. فمعظم الشعب غير محزب طبعا..و لو قلنا إنه النص مليون الملايكين والمتابعين صفحة تجمع المهنيين ديل هم كل الشعب فدي حا تبقى مصيبة.. وذاته كونه الشارع إلتف حول تجمع المهنيين ..فطبعا كل الناس عارفة إنه الشارع كان يتحرق لقيادة ..رغم كفره بالأحزاب. أعني غير المنظمين من عامة الشعب بالطبع.
فلذلك وجد الشارع في تجمع المهنيين ككيان مهني طلع ليهو مطالب فئوية ..أقرب ليهو من ذوي الأجندة السياسية. ولكن كثيرون لا يعلمون أن تجمع المهنيين ليس كيانا ملائكيا نزل من السما ..بل معظمهم ناس محزبين وليهم أجندة ويتبعون خط تنظيماتهم ومصالحها ومناوراتها بطبيعة الحال.
وهذا ليس عيبا بالطبع . ولكن المشكلة في التقديس الأعمى.. وتوقيع صك على بياض للقيادة الفلانية والكيان الفلاني. ففي هذا التصرف مخاطرة كبيرة بمآلات الثورة ..وتأخير لقطف ثمارها ..وتعطيل لبناء دولة وحقوق شعبها.
فالذي تعطيه صك على بياض ليقودك ..دون مساءلة منك ونقد ومراقبة..سيتصرف كأنه يملكك. ولا لتأليه أي كيان .. فقط ثق بالشعب.
وطبعا ما كلمتك ..أضحك معاي . فصفة الرمادية صرت أحملها أنا الآن ..بعد أن نفضتها أنت مع حماسك العارم لقوى المحركة والتحيير...😎😓
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|