|
الفاتح جبرا .. في ذمة الله
نعى اليم ...... سودانيز اون لاين دوت كم تحتسب د. الفاتح يوسف جبرا فى رحمه الله
|
|
 Re: ***** المجلس الإنقلابي و قوات القتل السريع (� (Re: ABUHUSSEIN)
|
أصبح واضح جداً للجميع أنه لا وجود للجيش السوداني على الأرض ....
و كل الدلائل بتأكد أن الجيش السوداني تم تهميشه و أصبح مدني زينا كدا لا سلاح و لا حتى لبس عسكري
================
حبيبنا أبوحسين .. كلام خطير جداً
هو انهيار الدولة .. الجيش أخطأ أو اصاب أهم عنصر في تكوين الدولة و القانون
بدون جيش معناه فوضى .. ونحن على حدودنا دول منهارة .. ليبيا .. الجنوب .. افريقيا الوسطى .. إلخ
المليشيات هي الفوضى ( حزب الله لبنان) والحوثيين اليمن والشحد الشعبي في العراق .. إلخ ولدينا الدعم السريع
والمشكلة يا أبوحسين هذه المليشيات عقدية وقبلية وهم أشرس المقاتلين .. حتى اسرائيل فشلت مع حزب الله .. والحوثيين
برضو مثال .. لأن العقيدة القتالية لديهم مختلفة جداً .. والولاء للقائد والرمز وليس للوطن ..
كل شيء ولا الجيش ..
تحياتي الحبيب أبوحسين ..
| |
 
|
|
|
|
|
|
|
|
Re: ***** المجلس الإنقلابي و قوات القتل السريع (� (Re: ABUHUSSEIN)
|
| Quote: و أنا ما عارف المجلس الإنقلابي بمثل منو أو بمثل شنو ...!!!!!!!! |
تحياتي الأخ أبو حسين..
المجلس الانقلابي يمثل ما كان يعرف باللجنة الأمنية العليا للانقاذ..
وهو عبارة عن تحالف مصالح بين بعض ضباط الجيش (الموالين أو المرتبطين بصلاح قوش) + مليشيا الدعم السريع + جهاز الأمن
| |
|
|
|
|
|
|
|
|
|
Re: ***** المجلس الإنقلابي و قوات القتل السريع (� (Re: Elhadi)
|
.Quote: حبيبنا أبوحسين .. كلام خطير جداً
هو انهيار الدولة .. الجيش أخطأ أو اصاب أهم عنصر في تكوين الدولة و القانون
بدون جيش معناه فوضى .. ونحن على حدودنا دول منهارة .. ليبيا .. الجنوب .. افريقيا الوسطى .. إلخ
المليشيات هي الفوضى ( حزب الله لبنان) والحوثيين اليمن والشحد الشعبي في العراق .. إلخ ولدينا الدعم السريع
والمشكلة يا أبوحسين هذه المليشيات عقدية وقبلية وهم أشرس المقاتلين .. حتى اسرائيل فشلت مع حزب الله .. والحوثيين
برضو مثال .. لأن العقيدة القتالية لديهم مختلفة جداً .. والولاء للقائد والرمز وليس للوطن ..
كل شيء ولا الجيش ..
تحياتي الحبيب أبوحسين .. |
اخونا و حبيبنا استاذ علي تحية طيبة
لا وجود للجيش السوداني الآن ...
البدل العسكرية البتظهر في التلفزيونات دي مجرد دمي بتظهر لإخفاء سيطرة (المرتزقة) على الحكم في السودان ...
الأفعال القذرة و الجرائم التي تحدث بملابس الجيش السوداني لا تشبه الجيش السوداني
فهذه افعال رعاع جهلة حاقدين على الشعب السوداني
و أنا واحد من المتفائلين بعودة الجيش السوداني في اي لحظة حتى يعيد الامور إلى طبيعتها و يفرح الشعب السوداني و يحتفل بنجاح ثورته العظيمة
و ما عاش اللي يذل الشعب السوداني على ارضه و داخل منازله
و ربنا يحفظ هذا الشعب الطيب
تحياتي
| |
|
|
|
|
|
|
|
|
|
Re: ***** المجلس الإنقلابي و قوات القتل السريع (� (Re: Gafar Bashir)
|
Quote: تحياتي الأخ أبو حسين..
المجلس الانقلابي يمثل ما كان يعرف باللجنة الأمنية العليا للانقاذ..
وهو عبارة عن تحالف مصالح بين بعض ضباط الجيش (الموالين أو المرتبطين بصلاح قوش) + مليشيا الدعم السريع + جهاز الأمن
|
اهلا اخونا الهادي
انا غايتو شايف المجلس الانقلابي دا دمية متخفي خلفها زعيم القتل السريع لأنو عارف انو هو الان غير مقبول بتاتا و زي ما شايف هو بلمع في نفسو و بشتري في الذمم لغاية ما يتأكد من انو اصبح مقبول و بعدين يظهر كرئيس للبلاد ...
الكيزان الله ينتقم منهم دمرو البلد و حتى الجيش دمروه و جهزوها للرعاع عشان يجو يستلموها ...
تحياتي
| |
|
|
|
|
|
|
|
|
|
Re: ***** المجلس الإنقلابي و قوات القتل السريع (� (Re: Mutasim Idris)
|
Quote: يا بوحسين مافي جيش سوداني
بس علي الورق
مافي حاجة
ثكنات فاضية
وتم تسريحهم كلهم
بس المجلس العسكري الفاضل |
مرحب بيك اخونا جعفر
نعم لا وجود للجيش و المحيرني الفريق و الفريق اول و الفريق اول اركان حرب ديل بمثلو منو .. ؟؟؟؟
و تحتهم منو علشان يحرسوهم و ينفذوا اوامرهم زي مافي كل الجيوش ... !!!
صدقني حا يكونو زي مناديل الورق بعد شوية ناس القتل السريع حا يقشو فيهم وساختهم و يرموهم في اقرب زبالة ...
الجيش اللي انا بتكلم عنو هم الشرفاء اللي اكيد حا ينظمو نفسهم و يجهزو لدحر كل الخونة و المارقين الرعاع ..
و انا متفائل من الناحية دي
تحياتي
| |
|
|
|
|
|
|
|
|
|
Re: ***** المجلس الإنقلابي و قوات القتل السريع (� (Re: ترهاقا)
|
Quote: بوحسين سلام..
عاين لكل خطاباته ولقاءاته ح تشوف واحد منهم واقف بالجمبة زي الشوال.. ولما يجي دوره يتكلم يقول في القتل السريع ما لم يقله القتل نفسه.
سفلة ياااااخ.. حليل الديش. |
و عليكم السلام أخونا إدريس
كل لقاءاته الجماهير مدفوع ليها أجر للإستماع و المشاركة حسب جهله مفتكر بالقروش ممكن يعمل أي شي
و الرعاع اللي معاه لافين يضربو و ينهبو في الناس ....
أنا ما عارف الكائن دا كيف بفكر كيف !!!!
لو فعلاً عايز يخلق ليه قاعدة جماهيرية و يكون زول مقبول عند الشعب السوداني كان أمر الرعاع بتاعينو ديل يكونو أكثر لطفاً و عطفاً مع الناس
لكن الرعاع شغالين يزلو في الناس و يضربو و ينهبو و يقلو في أدبهم مع الكبير و الصغير و تصرفاتهم هي اللي خلقت ليه كراهية عند الجميع
الجيش قادم بإذن الله ....
تحياتي
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
ABUHUSSEIN
علي عبدالوهاب عثمان
Elhadi
Mutasim Idris
ترهاقا
فيس بوك
تويتر
انستقرام
يوتيوب
بنتيريست