|
Re: اشتباكات في شارع المطار (Re: يوسف الطيب احمد إدريس)
|
الخوف ان يلجأ الناس للثورة المسلحة على طريقة الثورة الليبية ان يكون لكل منطقة ثوار وقيادة خاصة بها. شئنا ام ابينا بدأ الملل يتسرب الى الناس بالداخل وبدت الثقة تفقد في المجلس وقحت من قبل المواطنين. نتمنى ان تظهر شخصية قيادية متفق عليها لتقود الثورة السودانية لبر الأمان سواء اكانت سلمية ام مسلحة.
| |
![Edit](https://sudaneseonline.com/db/icon_edit.gif)
|
|
|
|
|
|
Re: اشتباكات في شارع المطار (Re: Asim Ali)
|
الاخ عاصم علي نعم تردد الخبر كثيرا ولكن ما ازدياد الغضب الشعبي والتململ داخل الجيش في الرتب الدنيا والوسيطة وخاصة مع الصورة المذلة التي ظهر بها رئيس هيئة الأركان واستجوابه من حميدتي وغضب الجيش من الأداء الضعيف للبرهان امام حميدتي كل شيء وارد الوضع في السودان اصبح رمال متحركة نسأل الله ان يجنب السودان الفتن
| |
![Edit](https://sudaneseonline.com/db/icon_edit.gif)
|
|
|
|
|
|
Re: اشتباكات في شارع المطار (Re: يوسف الطيب احمد إدريس)
|
#انشر_بعض_الوعي حا يمر عليك فيديو لحرق عربة بوكس للدعم السريع خليك واعي وما تنشره وتداوله وتخدم الثورة المضادة ، ماحدث مدبر وممنهج لإخراج الثورة من سلميتها . #تنبيه_مهم .. هذا ما حصل بالضبط لحادثة بوكسي الأمن... - الساعة 7:47 في شارع المطار ( تقاطع كنار ) جا بوكس دبل كبينة والشباب مترسين ، العساكر استفزوهم و طلع إنو الراكبين جنجويد ورفعوا الأسلحة تجاه الثوار.. - في شاب " ملثم " رمى ملوتوف حرق البوكسي حسب شاهدي العيان قالوا الزول الرمى الملوتوف كان ( ملثم ).. - بعد حرق البكوس حصل إطلاق نار مكثف تجاه الثوار وده العايزنو هم وبحمد الله مافي أنباء عن أي إصابات للطرفين حتى الآن.. - امبارح في موكب الستين حصل نفس الموقف دا جا بوكس دبل كبينة حاول يستفز الثوار كم شاب كدا حاولو يفلقو ويبدو يضاربو لكن الحاجه الوحيدة الحصلت الناس كلها بدت تهتف سلمية سلمية طوالي انسحب البوكس.. - وده أكيد عمل ممنهج من المجلس العسكري لإخراج الثورة من طور " السلمية " واستباحة الدماء.. - ف شنو سلميتنا هي سلاحنا الوحيد يخوانا نتمسك بيها السلمية السلمية السلمية يا شباب ماتسمحوا للثورة أن تضيع بعد وصلنا هنا عاينو بيناتكم في المواكب أي زول شايل مولوتوف أو ناوي لأي فعل خارج إطار السلمية لازم يتمسك
إنتوا شعب واعي ما محتاج توصية الشعب أقوى والردة مستحيلة #ثورتنا_سلميه_سلميه
| |
![Edit](https://sudaneseonline.com/db/icon_edit.gif)
|
|
|
|
|
|
Re: اشتباكات في شارع المطار (Re: Dr. Ahmed Amin)
|
فى الايام الاخيره قبل مجزره القياده وتوتر الجو اذكر ظهر فيديو قريب من كدا فيهو تصوير ليلى لطلمبه (المصور راكب ركشه) وحصل اشتعال فى الطلمبه زى مايكون قنبله صغيره الحجم والتاثير وبمجرد ما اشتعلت النار امر المصور صاحب الركشه بالتحرك . لم ينتشر الفيديو .
| |
![Edit](https://sudaneseonline.com/db/icon_edit.gif)
|
|
|
|
|
|
Re: اشتباكات في شارع المطار (Re: Asim Ali)
|
قبل لحظات سمعت مراسل قناة الحدث من مدينة الأبيض وهو يقول أن الطلبة الذين خرجوا في المظاهرات التي تمت فيها الجريمة البشعة أنهم قالوا لما ذهبنا للمسؤولين نشكوا لهم مشاكلنا التي دفعتنا للتظاهر قال لهم المسؤولين في مجالس البلدية أو مكاتب التعليم ليس عندنا حل ولو ما عاجبكم اطلعوا الشارع واحتجوا! هذا الكلام يؤكد أن المظاهرات التي كانت بالأبيض والأن بالخرطوم وراؤها الكيزان فالذين يقتلون هم كيزان والذين يحرضون الصبيان والشباب للخروج في مظاهرات هم الكيزان ! الناس كانت خايفة الكيزان يستغلوا الانتخابات ويفوزوا لو لم تطول الفترة الانتقالية ويفكك جسمهم وفات على الجميع أن حرية التظاهر والاحتجاج المفتوح سيستغلها الكيزان وهم خبراء في ذلك ما لم تتوقف هذه المزايدات السياسية والتصعيد والتخوين للشركاء في المصير الواحد من مدنيين وعسكريين وهم يواجهون مافيا الكيزان أخطر مافيا في العالم .
| |
![Edit](https://sudaneseonline.com/db/icon_edit.gif)
|
|
|
|
|
|
Re: اشتباكات في شارع المطار (Re: محمد البشرى الخضر)
|
ما تنسوا انو الناس الفي الشارع في الاخوهو مات والاوبوهو مات والاختو ماتت مافي اي ضمانات لسير الموضوع في اتجاه سلمي والسيطرة علي الجميع وفي ناس بتصل لي قناعة انو موضوع الجنجويد ده ما بتحل بالسلمية زي ما حصل في السوكي والضعين
مطاولات ومداورات المجلس العسكري ووقف جداول الاضراب والاعتصام والتصعيد ادي المجلس اكثر مما يستحقو
الله لطفك
| |
![ICQ](https://sudaneseonline.com/db/blank.gif) ![URL](https://sudaneseonline.com/db/blank.gif) ![Edit](https://sudaneseonline.com/db/icon_edit.gif)
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|