أطالب حكومة الدكتور حمدوك بالعمل و التنسيق مع حكومة جنوب السودان، على إتاحة الفرصة لمن أراد من أبناء قبائل الدينكا و النوير و الشلك...الخ، الذين غادروا السودان ضد رغبتهم فى عام 2011 حين إنقسم السودان. فى تلك الأيام كانت حمى كراهية الجنوبيين لأنهم أختاروا الإنفصال، و فى تلك الحمى نسوا أو تناسوا أن ليس كل الجنوبيين إختاروا الإنفصال، و من ثم فليس قانون وضعى ولا سماوى يحرمهم من وطنهم الذى ولدوا فيه.. و فى الواقع ما كان يجب ترحيل أى شخص على الإطلاق إلا من أراد الترحيل الطوعي، و حتى هؤلاء لهم كامل الحق ان يحتفظوا بجنسياتهم السودانية لأن إزدواج الجنسية قانون سودانى سارى المفعول حتى الان، بل بعض أعضاء الحكومة يحملون جنسيات دول أخرى. على الحكومة أن تعمل على إعادة هؤلاء المظلومين.. و لو كنت مسؤولا تلك الأيام لمنعت ترحيل أى جنوبى حتى يقر أمام القاضى أنه يريد أن يرحل بإرادته و إنه يتنازل عن الجنسية السودانية. لقد سلط الله علينا، و لا إعتراض على إرادته تعالى، قوما جهلة، لا يفقهون القانون، و لا الحقوق، تدفعهم فقط الأحقاد و الجهل و الغبينـة.
12-30-2019, 06:22 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
Quote: يعني مشاكل السودان كلها إتحلت باقي المشكلة دي يا أبو ريش ...؟؟؟؟
هلا أبوحسين
لو قررنا نحل مشاكل السودان واحدة واحدة، إذا حكومتنا ممكن تكون وزير واحد بس. مسؤول من الجنسية و الهجرة والصحة و الإتصالت و الأحوال الشخصية و الخارجية و الدفاع.. الخ و يقوم يعمل جدولة و أولويات للمهام دى كلها. بعد داك أنا معاك المشكلة دى ممكن تتأخر شوية.
12-30-2019, 09:01 AM
دينق عبد الله دينق عبد الله
تاريخ التسجيل: 03-03-2014
مجموع المشاركات: 1779
الاخ Abureesh لك التحية شكراً على البوست في توقيته الموفق
برأي المتواضع و على مستوى الحكومتين من الأفضل اطلاق التجارة الحرة بين الدولتين مع توحيد العملة و الدفاع المشترك بين الجيشين.
أما على مستوى الأفراد ؛ فتطبيق حرية العيش و العمل و التنقل داخل القطر لرعايا الدولة الاخرى و بين القطرين ببطاقات عادية كفيل بتحقيق حلم الخيريين للإبقاء على شعب واحد في دولتين سياديتين .
12-30-2019, 09:18 AM
Abureesh Abureesh
تاريخ التسجيل: 09-22-2003
مجموع المشاركات: 30182
الأخ الفاضل دينق سلام و شكرا على الطلة و التعليق.. وأعرف كثيرين من السودانين شمالاً و جنوباً يتوقون لتوحيد الشعبين من جديد، و لكن طرحى الان شوية مختلف، فهو يتعلق بمواطنين سودانيين شماليين، و إن كانت قبائل أجدادهم فى الجنوب، هؤلاء مواطنون بسطاء و لم يفهموا حقوقهم حين جمعهم السياسيون و ارسلوهم للجنوب.. أنا لست أكثر سودانية منهم .. و لست أكثر شمالية منهم.. و لا أى واحد أخر. هناك من دخل السودان و تجنس فى وقت وجيز.. وهناك من اشترى الجواز و الان مواطن من الدرجة الأولى.. فما بالك بهؤلاء الذين الخرطوم هى موطنهم الأصلى قبل مجيئ العرب الى السودان. هذا ظلم وقع عليهم و ما دام نحن الان تحكمنا حكومة ديمقراطية فأطالبها بتصحيح هذا الميزان المائل.
تحياتى.
12-30-2019, 11:58 AM
adil amin adil amin
تاريخ التسجيل: 08-01-2002
مجموع المشاركات: 37153
ده طبعا من بنود التحول الديمقراطي الستة بالنزلا هنا من 2010 ولا حياء لمن تنادي جنوب السودان والصين بس البمرقو السودان ده من جحر الضب الخرب الدخلنا فيه الازهري من 1957 وتمتو المخابرات المصرية والانقلابات وعودة الاخ دينق دي نبؤات د محمد ابوالقاسم حاج حمد والعودة للجنوب والسودان حدود 1يناير 1956 والتحرر من اصر مصر وعرب الخليج وامريكا والبنك الدولي عايز وعي جبار يعرف مشروع جون قرنق ومحمود محمد طه ويتحرر من مشاريع الصرف الصحي المصرية الاخوان المسلمين والسعودية السلفيين والبقية من ناصريين وبعثيين والمرة دي خليت لشيوعيين لانه لو بقو رجال وتخذو الموقف الصحيح قبل يفوتهم القطار https://up.top4top.net/
ما تشوف العمم وما تشوف الورجغة الكثيرة دي في البورد وفي السودان البلد دي بديرا المخابرات المصرية واوسخة من ايام الصاغ صلاح سالم لحدي دملاب الليلة وبي الدولة المركزية الفاسدة والفاشلة والفاشية ونحن عالقين في المحل الغلط لحدي هسة وثورة البريكست السودانية قادمة ان شاء الله وبي المشاريع الوطنية السودانية فقط
12-30-2019, 11:59 AM
adil amin adil amin
تاريخ التسجيل: 08-01-2002
مجموع المشاركات: 37153
ده طبعا من بنود التحول الديمقراطي الستة بالنزلا هنا من 2010 ولا حياء لمن تنادي جنوب السودان والصين بس البمرقو السودان ده من جحر الضب الخرب الدخلنا فيه الازهري من 1957 وتمتو المخابرات المصرية والانقلابات وعودة الاخ دينق دي نبؤات د محمد ابوالقاسم حاج حمد والعودة للجنوب والسودان حدود 1يناير 1956 والتحرر من اصر مصر وعرب الخليج وامريكا والبنك الدولي عايز وعي جبار يعرف مشروع جون قرنق ومحمود محمد طه ويتحرر من مشاريع الصرف الصحي المصرية الاخوان المسلمين والسعودية السلفيين والبقية من ناصريين وبعثيين والمرة دي خليت لشيوعيين لانه لو بقو رجال وتخذو الموقف الصحيح قبل يفوتهم القطار https://up.top4top.net/
ما تشوف العمم وما تشوف الورجغة الكثيرة دي في البورد وفي السودان البلد دي بديرا المخابرات المصرية واوسخة من ايام الصاغ صلاح سالم لحدي دملاب الليلة وبي الدولة المركزية الفاسدة والفاشلة والفاشية ونحن عالقين في المحل الغلط لحدي هسة وثورة البريكست السودانية قادمة ان شاء الله وبي المشاريع الوطنية السودانية فقط
12-30-2019, 02:26 PM
nour tawir nour tawir
تاريخ التسجيل: 08-16-2004
مجموع المشاركات: 17638
ابو الريش الافضل تطالب بعودة الجنوب إلى الشمال وأن يكون السودان بلدا واحدا مرة ثانية ....لا شمال بلا جنوب ولا جنوب بلا شمال .. وهذا الانفصال كان سببه الكيزان ،،ولم يكن الجنوبيين يريدون الانفصال أصلا....لكن في مؤامرات حصلت بين الكيزان اللصوص وبين بعض قادة الجنوبيين.....المفروض يعملوا استفتاء تاني بإشراف دولي مش تحت إشراف الكيزان ...
وبعد عودة الجنوب وتحقيق الوحدة ، يجب تعديل الدستور ، على أن تكون الفترة الرئاسية مدتها ٤ سنوات فقط ، وتكون دورية ، فترة يكون فيها الرئيس من الجنوب، والفترة التي تليها تكون من الشمال....رئاسية دورية...
12-30-2019, 06:57 PM
Abureesh Abureesh
تاريخ التسجيل: 09-22-2003
مجموع المشاركات: 30182
يجوز فهمتينى غلط. فأنا لا اتحدث عن الجنوبيين (كمجموعة).. و لكن عن حكومة الشمال التى أوقعت ظلما عليهم .. حكومة الشمال الان عليها إصدار قانون لرفع هذا الظلم ودعوة كل من يريد العودة للسودان فإن الباب مفتوح لهم. اتحدث عن دعوة الجنوبيين كأفراد و ان لهم حقوق فى العودة و إعادة جنسياتهم اليهم. نحن نضع القانون و لا نطلب من شخص بعينه ان يعود. . من أراد ان يستعمل هدا القانون و يعود فمرحبا به. (ادعوك لقراءة البوست مرة اخرى)..
12-30-2019, 07:46 PM
Asim Ali Asim Ali
تاريخ التسجيل: 01-25-2017
مجموع المشاركات: 13493
سلام عليكم العافيه درجات وربما حتى تتضح الرؤيا ويطهر الله السودان من رجس الكيزان وخبثهم وجرائمهم وتتها البيئه لحديث زى دا. الان وايام الكريسماس اخواتنا من جنوب السوودان يتحركون بحريه فى الاسواق استعدادا للعيد ثم لاحقا يتحركون افراد وجماعات وازوا فى ازياء احتفالهم فرحه بالعيد يكيفنا الان انهم هانئين بحريه ممارسه شعائرهم واحتفالاتهم وفرحتهم بين ظهرانينا اما عن عودتهم احسب انو تعبير عير دقيق فهم ليسو تابع لنا وانما شعب عزيز له الحق فى خياراته بالاتحاد مع السودان او الاستمرار كدوله مستقله لها سيادتها ويظل كل الحب والود وعمق العلاقات الانسانيه افرادا واسر قبل ان تكون على مستويات عليا
12-30-2019, 08:48 PM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: اما عن عودتهم احسب انو تعبير عير دقيق فهم ليسو تابع لنا وانما شعب عزيز له الحق فى خياراته بالاتحاد مع السودان او الاستمرار كدوله مستقله
الأخ عصم، شكرا و رجاء قراءة ردى على الاخت نور تاور.. ما فى كلام فى هذا البوست عن وحدة أو غيره. الكلام عن إجراءات خاطئة أتخذت فى حق مواطنين (شماليين) و إبعادهم للجنوب. أنت و أنا ما شماليين أكتر من الذين أبعدوا للجنوب و الذين هم سودانيون منذ بداية جرى النيل فى هذا الوادى.
مرة تانية، أقرأ البوست مرة أخرى والرد على نور بصورة خاصـة.
12-31-2019, 04:52 AM
adil amin adil amin
تاريخ التسجيل: 08-01-2002
مجموع المشاركات: 37153
يا ابوريش دينكا نقوك جنوبيين قاعدين في الشمال لحدي هسة جنوبيين شماليين هل هم في رادار ق ح ت ومثلث الحمدي بالله ؟؟ انت شوف شعار ق ح ت ده ذاتو حدو وين هل انت بتنطلق من رؤية الفكرة الجمهورية ولي بقيت ليك رؤيتك الخاصة الفكرة الجمهورية برنامجا واضح اسس دستور السودان 1955 وكتاب مشكلة جنوب السودان الازمة والحل ودي ما عندها علاقة بي ق ح ت = النخبة السودانية وادمان الفشل مشكلة السودان كلو الفدرالية المؤسسة تاسيس ديمقراطي حقيقي مش الدولة المركزية الوظيفية الرخيصة التي تدار من الخرطوم والاقليات المشوهة وازمتهم الثقافية انهم عرب ومشاريع مصر والعرب(المشكلة نفسية اجتماعية في المركز) لحدي هسة وهم مجرد اقليات المطالبة بعودة الاقليم الخمسة القديمة باسس جديدة هي اول مرحلة قبل استعادة دولة الجنوب ذى المانيا 1989 قح ت لا تتحرك في الاتجاه الصحيح ولوثت نفسها بالانقاذ وماشا في نفس الطريق واصلا ما في فرق بين ناس مايو 1969 وايتام الترابي 1989 كلهم يخدم الخارج الذى قتل جون قرن ومحمود محمد طه وكل السياسيين السودانيين المحترمين عبر العصور وبكل وصفاقة والمليس ما بتفع في معالجة السرطان السرطان بعالج بي الليزر والكيميائي اين دينكا نقوك في انقلاب قح ت 2019؟
12-31-2019, 05:12 AM
Abureesh Abureesh
تاريخ التسجيل: 09-22-2003
مجموع المشاركات: 30182
Quote: لمطالبة بعودة الاقليم الخمسة القديمة باسس جديدة هي اول مرحلة قبل استعادة دولة الجنوب
يا اخوانا نحن إلا ننزل بوست لكل واحد براه؟ ما ممكن الناس ترد فى إطار الموضوع المطروح و تبنى على ما سبها من اراء؟ و لكن مع الأسف لو ما قرأت الموضوع المطروح كيف تناقشو؟
طيب أنا كررت الموضوع لأكثر من متداخل مثلك يا عادل.. و الان أكرره لك .
فى عام 2011 خرج الاف الجنوبيين من الخرطوم متوجهين الى جنوب السودان.. من خرجوا كانو فئتان أ و ب
الفئة ألف خرجوا بقناعتهم بانهم يجب ان يرحلوا للجنوب الفئة ب لم تعرف اى شئ.. فئة بسيطة و ناس الحركة الشعية كلموهم كلام كتير و أعتقدوا ان هذا ما يجب عليهم فعله.. و ما ساعد على ذلك تسمم الجو و دعوات المهووسين لإخراجهم.
طيب. 1. نحن الان لا نعرف من خرج بإرادة و من خرج مكرها و من خرجا مغررا به.. 2. و أيضا نعرف أن التغرير بأى مواطن ليتنازل عن جنسيته يشكل جريمة 3. لذلك يجب مراجعة تلك الإجراءات 4. الحل يكمن فى المقترح أعلاه: أن يصدر قانون هنا فى الشمال يسمح للجنوبيين الذين خرجوا بدون إرادتهم أن يعودوا، إصدار قانون و ليس دعوة أى أحد ليعود او لا يعود 5. القانون سوف ينشر و سيكون للجنوبيين الذين يطلعون عليه أن يقرروا لأنفسهم.
هذا الإجراء لا علاقة له بالوحدة او ضم الجنوب .. لذلك اسف أقول ليك الكلام عن الوحدة و الفدرالية واسس دستور السودان..الخ ليس هذا البوست مكانه، مع إحترامى لرأيك.
12-31-2019, 05:20 AM
adil amin adil amin
تاريخ التسجيل: 08-01-2002
مجموع المشاركات: 37153
الحلول الكلية هي استئصال السرطان والحلول الجزئية والترقيع وشد الجلد دي بتبقي السرطان وده المفروض تعرفو ما كل مرة تبقى لي الفا الناس ديل لو حريصين علي عودة الجنوبيين الفرضت عليهم الانفصال كان ابقو علي اتفاقية نيفاشا ودستور 2005 وبنو عليها فيها الحرياات الاربعة والجنسية المزدوجة
ديل البتخاطبهم هنا في قح ت واو غيرا مشلتهم نفسية اجتماعية حيال الجنوبيين شافين الصاح وما عايزنو الحلول الجذرية لي مشاكل السودان في رؤيتن بس محمود محمدطه ود جون قرنق وانت علي كيفك
12-31-2019, 05:37 AM
Abureesh Abureesh
تاريخ التسجيل: 09-22-2003
مجموع المشاركات: 30182
لا ألفا لا بيتا.. و أنت لو تضيق بالرأى المخالف لرأيك معناه عمليا لا تؤمن برؤية و أفكار الزعماء الذين ذكرتهم.
Quote: الحلول الكلية هي استئصال السرطانوالحلول الجزئية والترقيع وشد الجلد دي بتبقي السرطانوده المفروض تعرفو ما كل مرة تبقى لي الفا
و المفروض تعرفه أنت هو إحترام الرأى المخالف و مناقشته أو تركه، بدون تعالى و محاولات فرض رأيك .. تفرض على ما يجب ان أعرفه؟ أنت بصحك يا زول؟ ياخ اقعد فى واطاة الله دى زى ما الناس قاعدة ، و قول رأيك وزح بعيد زى أى زول فى المنبر دا.. بعدين القراء يميزوا.. أنت الان لا تحترم حتى حق القراء فى أن يقيموا اراء المتحاورين بأنفسهم.... (ما أراكم إلا ما أرى).
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abureesh
ABUHUSSEIN
دينق عبد الله
adil amin
nour tawir
Asim Ali
فيس بوك
تويتر
انستقرام
يوتيوب
بنتيريست