|
Re: سياحة في بلاد .. السذج .. !!! (Re: توفيق عيسى مكي)
|
احد اعداء تلك الدولة او لنقل تلك البلدة اراد ان يدمرها ليمتلكها بعد دمارها .... اجتمع مع نفر منهم خارج ديارهم واوهمهم بامكانهم ان يحكموا تلك الدولة .. واخذ يبرهن لهم البراهين بفساد الملك واهله وحاشيته حتى تملك عقولهم ... ومهد لهم العودة او بالرسائل ان يخلقوا ثورة على الملك وبالفعل لان اهل تلك البلدة سذج انطلت عليهم المكيدة فهتفوا جميعا يسقط الملك وسقطوه .. ولانهم سذج لا يدرون الاحداث التي ستجري من بعد سقوط الملك
| |
|
|
|
|
|
|
Re: سياحة في بلاد .. السذج .. !!! (Re: توفيق عيسى مكي)
|
بسرية تامة اجتمع نفر من مخلصيه وتفاكروا وخططوا .... اتفقوا على هدف واحد تناسوا كل اسباب فرقتهم من اجل هدفهم كانت مشكلتهم مشكلة اقتصادية تحل بالانتاج تمحورت ثورتهم لثورة انتاجية في سبيلها خلعوا ملكهم بتضحيات وبعض الدماء الطاهرة من المعروف ان الثورات غذاءها الذي يجعلها تنتصر وتعيش هو الدم اول ما خلعوا الملك لم يحتاروا مثل حيرة شعب السذج واختلاف شعب السذج وعوارة وضهب السذج
| |
|
|
|
|
|
|
Re: سياحة في بلاد .. السذج .. !!! (Re: توفيق عيسى مكي)
|
من سذاجتهم لما ثاروا على الملك لم يكنوا محددين هدف سوى الاطاحة بالملك ولا بالقطع طريقة توصيلهم للهدف الموضوع مسبقا ولا يعرفون من سذاجتهم اصل مشكلتهم مع ملكهم سوى فساده اذ ان مشكلتهم الاصلية كانت في اقتصادهم وتوفير عيشهم الكريم فتعاملوا ببساطة في امر الملك . . وكانت تضحك فيهم المنالك من حولهم وتلعب بهم حتى اتاهم امين سر الملك المخلوع بعد خلعه الملك المخلوع في زمن فائت على راس وفد جارة لهم دي ما سذاجة يا ناس
| |
|
|
|
|
|
|
Re: سياحة في بلاد .. السذج .. !!! (Re: توفيق عيسى مكي)
|
شوف من سذاجتهم كل واحد داير يكون رئيس او وزير او مسؤل او .... نهائي عايشين بلا هدف واضح من ثورتهم ينجحها .. الا بما رسمه صاحبنا الدايرها تتفرقش عشان يملكها ... الكل عامل فيها هو الصنع الثورة الكل عامل فيها هو الشهيد الكل عامل فيها هو رب الفهم السياسي الكل عامل فيها دارس علم الادارة والقانون وهم جهلة في العلمين الكل عامل فيها ابو العريف الثوري الكل عامل فيها هو الشفت المنقطها . . دي سذاجة ما بعدها سذاجة
| |
|
|
|
|
|
|
Re: سياحة في بلاد .. السذج .. !!! (Re: توفيق عيسى مكي)
|
غايتو انت انسان عجيب خلاص لا بتعرف تستحي لا بتعرف الخجل ما عارف دي خيابة ولا قوة عين منك .. والله لو منك ما اظهر تاني في المنبر كنت بتتمسخر من الثورة وحتي الان جاي تتمسخر اعتقد جاداً انك متزعزع نفسياً والزعزعة النفسية هي نوع من انواع المرض النفسي الله لا يشفيك
| |
|
|
|
|
|
|
Re: سياحة في بلاد .. السذج .. !!! (Re: عبدالقادر محمد)
|
يا توفيق يا اخ الكيزان ديل كعبين درسوا معاك وعارفين تاريخ جدك هل حصل اعترفوا له بفضل هل أعطوك ( حقك ) في اي شئ جدك كان مصدق انه ده طريق ممكن يوصل لخير بالتجربة وصل لشر الترابي الماكر لقي الامكر واتنكروا له من بسيرهم السافر يوم موته لأصغر واحد في التنظيم وهو غدر بالديمقراطية ما فيهم خير والشعب عرفهم اطلع من اسرهم الباب مفتوح لك رغم انك ما مصدق
| |
|
|
|
|
|
|
Re: سياحة في بلاد .. السذج .. !!! (Re: اخلاص عبدالرحمن المشرف)
|
Quote: يا توفيق يا اخ الكيزان ديل كعبين درسوا معاك وعارفين تاريخ جدك هل حصل اعترفوا له بفضل |
اختي اخلاص هو ما جدي بل والدي هو الاسس التنظيم في داره ببيت المال حوش مكي المحسي وفي النهاية خلوه مات بالحسرة قبل يومه بتتخيلي اكون كيف ... اما لو كنت قاصدة جدي القاد اكبر ملحمة سودانية وهي معركة كرري الأمير عثمان أزرق الممسوح من التاريخ السوداني فدي مسألة بيني وبين الامة السودانية لسه ما جاء وقت رد الجحود ده لكن برده اما لو قاصدة الفنص بينهم وبرضو جدي برضو مات من الحسرة من الانصار بالعملوا فيه السيد الصديق بعد كان الذراع اليمين للسيد عبد الرحمن المهدي وانا بياني بالعمل وسيجي الوقت الامة السودانية تستوعب الوعد ده
| |
|
|
|
|
|
|
Re: سياحة في بلاد .. السذج .. !!! (Re: توفيق عيسى مكي)
|
Quote: غايتو انت انسان عجيب خلاص لا بتعرف تستحي لا بتعرف الخجل |
اخوي ... تم السنة معانا وتعال اتفاصح مع الناس الكبار والملوك والامراء ... الامراء الزيي .. نحن عندنا لغتنا في الكتابة والكلام اتدارسها في الاول وحاول تفهم ما تكون ساذج ..
| |
|
|
|
|
|
|
Re: سياحة في بلاد .. السذج .. !!! (Re: Mohd Ibrahim)
|
هل عشان قريت انه والدي اسس التنظيم حكمت علي اني كوز ..؟؟ طيب السذاجة دي كيف ؟؟ افضل لي اكون جدادة الف مرة من نعامة تفنقس وتدخل راسها جوة الرملة وتعمل فيها رايحة .. والماشي والطاشي يجي يركبها ... الحقيقة البواجه بيها الناس السذج مرة وحارة لا خير فينا لو ما قلناها ولا بنخاف من زول واتحدى البحب البلد دي اكتر مني واتحدى الاتعزب هنا في الحوش ده من الناس ديل اكتر مني ...
| |
|
|
|
|
|
|
Re: سياحة في بلاد .. السذج .. !!! (Re: توفيق عيسى مكي)
|
Quote: http://meky.arabepro.com/t3-topichttp://meky.arabepro.com/t3-topichttp://meky.arabepro.com/t3-topichttp://meky.arabepro.com/t3-topic
|
ما ده البقول عليه تاريخ ما حقيقي كل الناس الحضروا كرري من اهلنا واهل امدرمان القديمين قالوا لنا شفاهة انه معركة كرري قادوها اتنين عثمان ازرق وابراهيم الخليل .. عثمان ازرق معروف كان تحت لواءه ما بين 10 الف الى 12 الف مقاتل وابراهيم الخليل كان 8 الف مقاتل مع العلم ابراهيم الخليل لم يستخدم جيشه المعروف وهو جيش الكاره الذي كان قوامه 30 الف مقاتل وهو اخطر جيوش المهدية وابراهيم الخليل هذا يعد وزير دفاع وامن واستخبارات المهدية زو العشرون عاما ديل المستعمر لما جا مسحهم بالاستيكة عشان ما يجي بطل زيهم متأثر بيهم لما نقول مين قاد معركة الميل 40 من السذاجة نقول البشير لانه رأس الدولة زي الخليفة كان رأس الدولة تعرفي انا أمارتي جات ما من اهلي لكن من تنظيمي السري وقع ليك كلامي واستوعبتي وجهة نظري ...
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|