. قال وزير العدل السوداني، محمد أحمد سالم، يوم الأربعاء الماضي لدى مخاطبته البرلمان، إن فرض الطوارئ إجراء وقائي لضمان استقرار البلاد وحماية البنية الاقتصادية من الانهيار ، مشدداً على أنه علاج أخير للأزمة التي ضربت البلاد . وأضاف أن الدولة اضطرت للجوء لفرض الطوارئ لمواجهة المخاطر التي تحيط بالبلاد وتداعياتها الخطيرة التي تهدد الدولة في أمنها واقتصادها ومعاش مواطنيها وسلامة نظمها وهيبة قوانينها. ودفع الوزير بحزمة من الحيثيات والدوافع، التي قال إنها قادت الرئيس البشير لإعلان الطوارئ بينها الفساد المالي والاداري الممنهج والمعاملات المصرفية المريبة، التي طالت عمليات الاستيراد والتصدير، بجانب الحصول على الأموال العامة عبر تعاقدات مشبوهة، فضلاً عن استغلال الوظيفة العامة و الثراء غير المشروع.... ونفى سالم أن تكون الخطوة قصد بها الشارع السوداني، قائلاً: " ليست الغاية من الطوارئ أن تكون سيف مسلط لقهر الشعب وإذلال المواطنين ولا لمصادرة الحريات والحريات الأساسية.... انتهى 📌 خلوا بالكم من الفقرة الاخيرة من كلام وزير العدل أعلاه.... طيب يا سعادة الوزير علاقة الكلام دا شنو مع الاحكام بالسجن والجلد والغرامة التي يصدرها السادة القضاة ضد شباب وفتيات كل تهمتهم حمل علم السودان او ترديد النشيد الوطني ؟.... يا حكومة والله العظيم نحن بشر ومخلوقات عاقلة.... ياخي ورونا كيف نقنعكم بأننا شعب بي يفهم ولسع لم يفقد عقله..... كيف نقنعكم انه نحن كبرنا ولم نعد اطفال يمكن تخويفنا بود امبعلو والغول والبعاتي ياخي سيبكم من دا.... انتو ذاتكم معقوله ما تستحوا من انكم تحكموا شعب يمكنكم خداعه والكذب عليه ياخي والله عيب عليكم وفضيحة ما بعدها فضيحة ان تقولوا في التلفزيون كلام وتنفذوا على الارض كلام غيره انتو كدا زي ال بي تشركوا للناس عشان تقبضوهم وتجلدوهم وتدفعوهم غرامات والله العظيم اشرف لكم تدقوا الابواب وتقولوا للناس عليكم دفع اتاوه مقدارها كدا من هذه الاعمال التي تلبسوها ثوب القانون.... احرجتوا القانون وأهنتوا القضاء ومرمطتم العدالة ومسحتوا بيها البلاط.... فضحتونا واحرجتونا مع الدول اصبحنا نستحي عندما يسألنا الاخر عما يجري في السودان وتذوب خجلا لو سألك احدهم كم يساوي الدولار بالعملة السودانية معقول اقول له الدولار يساوي 85الف جنيه معقول حكومة جات عشان الدولار ما يوصل 20 جنيه يقوم الدولار يصل 85 الف جنيه وتسيبو وتجري وراء البنات تجلد وتسجن فيهن عشان شايلات علم السودان ياخي انتو تسقط بس دي تعتبر رأفة بكم تصل حد الهبل.... الزول الاقترح شعار تسقط بس دا زول كاتلاهو طيبه وحنيه زيادة عن اللزوم..... انتو مفروض الشعار ضدكم يكون تذوبوا زي خاشقجي ما تتخبر لكم جثة.... #تذوبوا_بس #تتلحسوا_لحس . 📌ابووضاح📌
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Abdulhaleem Osman
فيس بوك
تويتر
انستقرام
يوتيوب
بنتيريست