♧ بالنسبة لعملية الشد و الجذب الحاصلة دي الوكت بين القحاحيت و الزواحف(خضراء الدمن) ممكن نقرب ليك صورة المشهد للمتابع بي ضرب مثال سخيف جدن لدرجة مضحك؛ و لكن للأسف ياهو الأقرب لواقعنا العويص :
● فلك أن تتخيل حمدوك ظا جزار لابس فوق سدرو نظام فوطة (مريلة) و ماسك ليه كزلك ( سكين ) ، و قدامو فخدة ضان استرالي ( ملبكة) بطبقات ود ضيف الله من الشحوم القايلة. و طبعن ، مطلوب منو يكون على درجة عالية جدن من الحرفنة بحيث يقدر يشفي لينا ( دوف ) اللحمة دي يخليها صافية عادمة (دعكة) الودكاية الواحدة ، و بدون ما تحصل منو أي رجفة و لادقسة يقوم يلكز و لا يهبش ليه إن شاء الله نتشة من اللحم ( الحي ).
》تقريباً دا بالظبط ياهو الحاصل. لأنو الكيزان ديل عبارة عن حربويات خبثاء. فلامن قامو يفرفرو بي زحفهم الأخضر كانو لاعبين على وتر نصرة الشريعة اللي اصلن كانوا ضاربين بيها عرض الحائط. و لكن هسي هم منتكلين على (ركيزة) إنو وراهم (شارع) متدين بالفطرة و بالتالي فأي حركة من القحاتة ممكن يكون فيها و لو مظنة تحامل على الدين الكيزان ح يتخذوها ذريعة لتأليب مشاعر البسطاء علىأنها خروج عن الملة و كأنها هبشة في اللحم الحي. و لحدما تضيع الفترة الانتقالية و نحن ف دوامة.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
دفع الله ود الأصيل
فيس بوك
تويتر
انستقرام
يوتيوب
بنتيريست